Sipas të dhënave paraprake të Policisë, J. A., banues në Krumë, u plagos gjatë një konflikti të dyshuar për motive të dobëta.

Pas incidentit, personi i dyshuar si autor është larguar nga vendi i ngjarjes. Shërbimet e Policisë kanë nisur kërkimin e shtetasit F. D., rreth 30 vjeç.

Ndërkohë, grupi hetimor, i drejtuar nga Prokuroria, po vijon veprimet për të sqaruar rrethanat e plota të ngjarjes dhe për të dokumentuar ligjërisht rastin.

The post Konflikt për motive të dobëta, plagoset me armë zjarri 29-vjeçari në Krumë appeared first on Albeu.com.

Për ngjarjen është arrestuar një 22-vjeçar shqiptar, i cili ndodhet në burg dhe akuzohet për tentativë vrasjeje.

Ngjarja u shënua të enjten në mbrëmje, rreth orës 22:00, pasi të dy personat zbritën nga i njëjti tren në stacionin e Treviglios. 35-vjeçari shoqërohej edhe nga dy miq që e prisnin aty.

Sipas hetimeve, mes tyre fillimisht pati një debat verbal, i cili më pas degjeneroi në dhunë fizike.

Një dëshmitar, pronar i një lokali pranë stacionit, u tha hetuesve se i kishte parë dy personat duke u përplasur që në çastin kur dolën nga treni. Ai deklaroi se shqiptari bërtiste dhe u drejtonte kërcënime personave të tjerë, duke përsëritur: “Do ju vras”.

Një pjesë e skenave është regjistruar nga kamerat e sigurisë të zonës. Nga rindërtimi paraprak i kryer nga karabinierët dyshohet se 35-vjeçari e kishte kërcënuar 22-vjeçarin në nënkalim, me një thikë të madhe kuzhine.

Përplasja vazhdoi edhe më tej. Pak kohë më pas, në një parkim në bulevardin Vittorio Veneto, pranë xhamisë, shqiptari 22-vjeçar dyshohet se ndoqi 35-vjeçarin, ndërsa mbante me vete dy thika. Më pas e goditi në krah dhe në pjesën e mesit të shpinës.

Sulmi u pa nga disa persona që ndodheshin në atë zonë, përfshirë edhe njerëz që po shkonin në xhami për t’u falur. Një grua, e cila dëshmoi ngjarjen, njoftoi ambulancën.

I plagosuri u dërgua me urgjencë në spitalin e Treviglios, në gjendje të rëndë. Gjatë ditës së djeshme gjendja e tij u stabilizua, megjithatë 35-vjeçari vijon të jetë i shtruar dhe nën vëzhgimin e mjekëve, me prognozë të rezervuar.

Pas ngjarjes, në vendin e sulmit u konstatua një sasi e madhe gjaku. Autoritetet sekuestruan gjithashtu një thikë me teh të palosshëm, që dyshohet se është përdorur gjatë plagosjes.

Karabinierët e Treviglios e vunë në pranga 22-vjeçarin shqiptar që të enjten në mbrëmje. Për të zbardhur dinamikën e plotë të ngjarjes, hetuesit po analizojnë pamjet e kamerave të sigurisë dhe po marrin dëshmitë e personave që ndodheshin pranë stacionit dhe parkimit.

I riu është marrë në pyetje në burg nga prokurorja Giulia Angeleri. Ai ka pranuar se e ka goditur me thikë 35-vjeçarin, por është përpjekur të zvogëlojë përgjegjësinë e tij duke deklaruar se ka vepruar për t’u mbrojtur nga sulmi.

Hetuesit dyshojnë se në origjinë të konfliktit qëndron lidhja sentimentale e 35-vjeçarit. Të hënën, shqiptari do të paraqitet para gjyqtarit për hetimet paraprake, ku do të zhvillohet seanca për vleftësimin e arrestit.

The post Konflikt për një lidhje sentimentale, 22-vjeçari shqiptar plagos rëndë 35-vjeçarin maroken appeared first on Albeu.com.

Ngjarja u shënua sot rreth orës 14:30, ndërsa Bruçi mbeti i plagosur. Sipas burimeve, dy personat njiheshin prej vitesh dhe kishin marrëdhënie miqësore.

Përpara incidentit, mes tyre ka pasur një debat që dyshohet se lidhej me kamerat e sigurisë.

Bitani ka një lokal, ndërsa Vladimir Bruçi i kishte kërkuar që t’i hiqte kamerat, pasi banon aty pranë dhe kalon çdo ditë në atë zonë. Kërkesa nuk është pranuar nga Bitani dhe konflikti, pavarësisht marrëdhënies së mëparshme miqësore, ka përfunduar me plagosjen e Bruçit.

Situata është përshkallëzuar më tej, duke sjellë përdorimin e armës së zjarrit.

Vladimir Bruçi u dërgua në Spitalin Rajonal të Shkodrës, ku po merr trajtimin mjekësor. Ai ndodhet jashtë rrezikut për jetën.

Pas vetëdorëzimit të të dyshuarit, policia ka vijuar procedurat dhe hetimet për të zbardhur plotësisht rrethanat e ngjarjes dhe për të përcaktuar motivin e saktë të konfliktit.

The post Shkodër, Pjerin Bitani vetëdorëzohet në polici pas plagosjes së Vladimir Bruçit appeared first on Albeu.com.

Gjendja e tij shëndetësore është përkeqësuar dhe si shkak i kësaj ai i është nënshtruar një operacioni. Autori i ngjarjes është kapur nga policia, nga verifikimi i kamerave të sigurisë. Policia ndodhen pranë ambienteve të spitalit, ndërsa ka nisur hetimin rreth këtij rasti. Ende nuk dihen shkaqet dhe rrethanat e kësaj ngjarje.

The post E rëndë në Durrës/ 30-vjeçari plagoset me kaçavidë, i nënshtrohet operacionit appeared first on Albeu.com.

Fatmir Olluri, 52 vjeç, nga Dobraja e Madhe e Lipjanit dhe ish-luftëtar i Ushtrisë Çlirimtare të Kosovës, ka vdekur pasi ishte plagosur me armë zjarri.

Ngjarja u regjistrua mbrëmjen e 4 gushtit në Lipjan. Sipas Policisë së Kosovës, Olluri u gjet i plagosur dhe u transportua për trajtim në QKUK. Në vendin e ngjarjes, policia sekuestroi një pistoletë bashkë me dy fishekë.

Policia bëri të ditur se më 5 gusht, rreth orës 18:45, 52-vjeçari humbi jetën si pasojë e plagëve. Me vendim të prokurorisë, trupi i tij u dërgua në Institutin e Mjekësisë Ligjore për obduksion. Rasti po trajtohet si “Hetim mbi vdekjen”.

Vdekja e Fatmir Ollurit ka shkaktuar reagime të shumta. Përmes kryetarit Shukri Buja, Dega e PDK-së në Lipjan i shprehu ngushëllime familjes Olluri, duke theksuar se ai ishte kthyer vullnetarisht nga Gjermania për t’iu bashkuar UÇK-së gjatë luftës çlirimtare dhe se më pas kishte vijuar angazhimin në jetën publike.

The post Ndërron jetë ish-pjesëtari i UÇK-së, u plagos me armë zjarri në Lipjan appeared first on Albeu.com.

Sipas Policisë, në pranga është vënë Izet Ymeri 60 vjeç, i dyshuar për veprën penale “Plagosja e rëndë me dashje”.

Ngjarja ka ndodhur një ditë më parë në lagjen “Loni Dhamo”, ku pas një konflikti për motive të dobëta, 60-vjeçari dyshohet se ka goditur me thikë kushëririn e tij, F. Y., 71 vjeç.

Si pasojë e plagëve të marra, 71-vjeçari u transportua në Spitalin e Traumës në Tiranë, ku ndodhet nën kujdesin e mjekëve, jashtë rrezikut për jetën.

Falë reagimit të menjëhershëm të shërbimeve të Policisë, autori i dyshuar u kap dhe u arrestua në flagrancë, ndërsa u sekuestrua edhe thika e përdorur gjatë ngjarjes.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, e cila po vijon hetimet për zbardhjen e plotë të rrethanave të ngjarjes.

The post Plagosi kushëririn pas një sherri, arrestohet 60-vjeçari në Lushnjë/ Emri appeared first on Albeu.com.

Gjykimi ndaj Elijon Hoxhajt, Erion Susurit, Arbër Hoxhajt dhe Orhan Ademajt për rastin që lidhet me tentim-vrasjen e rëndë vazhdoi të enjten, më 23.07.2026, në Gjykatën e Prizrenit.

Elijon Hoxhaj, sipas aktakuzës, ngarkohet me veprën penale të vrasjes së rëndë në tentativë. Erion Susuri, Arbër Hoxhaj dhe Orhan Ademaj akuzohen për ndihmë në kryerjen e veprës penale të vrasjes së rëndë në tentativë.

Para trupit gjykues u dëgjuan tre dëshmitarë, të cilët paraqitën versionet e tyre për rrethanat e ngjarjes.

Duke iu përgjigjur pyetjeve të prokurores Ervehe Gashi, dëshmitarja Y.Z. deklaroi se po kthehej në shtëpi së bashku me F.P., kur ishin takuar me të akuzuarin Elijon Hoxhaj. Meqë njiheshin dhe kishin miqësi, ai ishte afruar për t’i shoqëruar deri në shtëpi.

Ajo tregoi se, pranë “ABI Çarshisë”, atyre u ishte afruar një veturë e zezë me pesë persona. Njëri prej tyre kishte pyetur: “A na jep këto çika për një natë?”. Hoxhaj kishte reaguar ndaj kësaj deklarate, ndërsa personat ishin kthyer, kishin dalë nga automjeti dhe njëri prej tyre e kishte goditur atë me grusht në fytyrë. Gjatë kësaj kohe, dy vajzat ishin përpjekur ta qetësonin situatën.

“Elijoni i ka thanë: ‘A jeni normal çka jeni tu thanë?’”, deklaroi Y.Z.

Sipas dëshmitares, pesë personat më pas i kishin ndjekur me automjet deri afër Komunës së Prizrenit. Gjatë ndjekjes, ata i kishin sharë dhe ofenduar, ndërsa vazhdimisht u kishin bërë shenja që ta ndalonin veturën.

Në pyetjet e avokatit Blerim Mazreku, përfaqësues i të dëmtuarve, Y.Z. konfirmoi se Hoxhaj kishte telefonuar dikë për të kërkuar ndihmë, derisa po ndiqeshin me veturë. Sipas saj, ai kishte thënë: “A mundeni me ardhë se janë duke na ndjekur disa djem?”.

“Po e ka thirrë dikë, por nuk ka përmendur emra”, tha dëshmitarja Y.Z.

E pyetur nga Valdrin Gashi, avokati mbrojtës i të akuzuarit Orhan Ademaj, dëshmitarja deklaroi se nuk do të arrinte t’i identifikonte personat e parë atë natë edhe nëse do të përballej sot me ta. Ajo shpjegoi se kishte qenë e emocionuar dhe ishte përqendruar në përpjekjen për ta ndalur të akuzuarin Hoxhaj.

Një rrëfim të përafërt për ngjarjen dha edhe dëshmitarja F.P. Ajo tha se sulmuesit ishin përpjekur ta godisnin Hoxhajn, por grushti kishte kaluar pranë fytyrës së saj dhe më pas e kishte goditur atë. F.P. shtoi se të njëjtët persona i kishin ndjekur me veturë, i kishin kërcënuar me shprehje fyese dhe u kishin kërkuar të ndalonin.

“Zhdrypni ju tregojna se kush jena na, nale kerrin, ku të njëjtit na kanë sharë e na kanë ofenduar”, deklaroi dëshmitarja F.P.

Dëshmitari Y.Z., ndërkaq, tregoi se ishte përfshirë rastësisht në situatë, pasi kishte parë disa persona që po tentonin ta sulmonin një djalë të shoqëruar nga dy vajza. Për ta qetësuar gjendjen, ai u kishte kërkuar të largoheshin dhe i kishte paralajmëruar se Policia po vinte. Pas ndërhyrjes së tij, sipas dëshmisë, Hoxhaj dhe dy vajzat ishin larguar me automjetin e tyre.

“Largohuni se po vjen Policia, dhe kam reagu tu u mundu që fizikisht t’i ndali këta pesë persona, të cilët ishin në drejtim të personit i cili ishte me dy femra, e i janë drejtu me fjalë fyese”, tha dëshmitari Y.Z.

As prokurorja Ervehe Gashi, as avokatja e palës së dëmtuar, Raima Elezi, dhe as të akuzuarit me mbrojtësit e tyre nuk paraqitën vërejtje lidhur me dëshminë e dhënë.

Seanca e ardhshme është caktuar të vazhdojë më 24 korrik 2026.

Në aktakuzën e Prokurorisë së Prizrenit thuhet se ngjarja ka ndodhur më 29 dhjetor 2024, rreth orës 01:45. Pas një mosmarrëveshjeje të mëhershme në parkingun e Qendrës Tregtare “ABI Çarshia”, Elijon Hoxhaj dyshohet se kishte telefonuar Erion Susurin, Arbër Hoxhajn dhe Orhan Ademajn, me të cilët më pas ishte takuar pranë pompës së derivateve “Shell” në Prizren.

Prokuroria pretendon se katër të akuzuarit, duke përdorur dy automjete, kishin ndjekur Muharrem Elshanin, Lutfi Bislimajn dhe Albin Elshanin.

Sipas aktakuzës, të dëmtuarve u ishte bllokuar rruga afër objektit të IPKO-s. Eljon Hoxhaj dyshohet se kishte dalë nga vetura me një thikë dhe kishte goditur Muharrem Elshanin në shpatullën e djathtë, Lutfi Bislimajn në pjesën lumbale të majtë, ndërsa Albin Elshanin në këmbë dhe në parakrah, duke u shkaktuar lëndime trupore.

Për këto veprime, Eljon Hoxhaj përballet me akuzat për vrasje të rëndë në tentativë dhe për mbajtje në pronësi, kontroll ose posedim të paautorizuar të armëve.

Erion Susuri, Arbër Hoxhaj dhe Orhan Ademaj, sipas Prokurorisë, kishin ndihmuar në realizimin e veprës penale përmes pjesëmarrjes në ndjekjen e të dëmtuarve, bllokimit të automjetit të tyre dhe sulmit fizik. Në këtë mënyrë, pretendohet se ata kishin krijuar kushtet që Hoxhaj t’i sulmonte me thikë tre të dëmtuarit. Për këtë arsye, të tre ngarkohen me veprën penale të ndihmës në kryerjen e vrasjes së rëndë në tentativë./Kallxo

The post “A na jep këto çika për një natë?” – Dëshmitaret tregojnë si filloi përplasja që la tre persona të plagosur appeared first on Albeu.com.

Të plagosur kanë mbetur Armand Tomorrica, 32 vjeç, Renaldo Mance, 31 vjeç dhe Bjorgi Hoxha, 19 vjeç, të cilët, sipas Policisë, ndodhen jashtë rrezikut për jetën.

Sipas hetimeve paraprake, një person ende i paidentifikuar ka qëlluar me pistoletë në drejtim të tyre, ndërsa ata ndodheshin në verandën e një lokali.

Autori është larguar nga vendi i ngjarjes, pasi gjatë arratisjes hodhi armën e zjarrit. Policia ka rrethuar zonën dhe vijon kontrollet për kapjen e tij, ndërsa grupi hetimor po punon për zbardhjen e plotë të atentatit.

The post Zbulohen identitetet e tre të plagosurve në atentatin në Elbasan, autori ende në arrati appeared first on Albeu.com.

Ngjarja është regjistruar rreth orës 23:00 në një zonë bujqësore të fshatit. Sipas të dhënave paraprake, personi që kishte dalë me armë gjahu tip “çifte” ka menduar se në tokën e mbjellë ndodheshin kafshë të egra që po dëmtonin prodhimet bujqësore.

Gjatë të shtënave, ai ka kuptuar se nuk kishte pasur përballë një kafshë, por një person, i cili kishte mbetur i plagosur si pasojë e goditjes.

I dëmtuari është dërguar menjëherë në Spitalin e Bulqizës, ku ka marrë ndihmën e parë mjekësore. Burime nga bluzat e bardha bëjnë me dije se gjendja e tij është e qëndrueshme dhe jashtë rrezikut për jetën.

The post Bulqizë/ E ngatërroi me kafshë të egër, të shtënat me çifte lënë të plagosur një banor appeared first on Albeu.com.

Nga informacionet paraprake mësohet se i riu ka mbërritur në urgjencën e spitalit me dëmtime në kokë. Ai ndodhet në reanimacion, ku po trajtohet nga personeli mjekësor.

Plagosja dyshohet se erdhi pas një konflikti mes të riut dhe njerkut të tij, i cili dyshohet se më pas e goditi me thikë.

Policia ka kapur dhe arrestuar Niko Bakën, 37 vjeç, si autor të dyshuar të sulmit.

Ndërkohë, grupi hetimor po punon për të sqaruar plotësisht rrethanat e ngjarjes dhe për të dokumentuar përgjegjësitë ligjore.

The post Konflikt në Korçë, plagoset me thikë një 18-vjeçar dhe ndalohet i dyshuari appeared first on Albeu.com.