plagosje prishtine Archives - Albeu.com

Kërcet arma në Prishtinë, plagosen 2 persona

admin — Thu, 07 Oct 2021 06:20:35 +0000

Dy persona kanë mbetur të plagosur me armë zjarri. Ngjarja e rëndë është regjistruar në Prishtinë, në orën 22:30 të një nate më parë. Sipas Policisë, fillimisht është raportuar për të shtëna me armë zjarri nga banorët e rrugës “Ahmet Krasniqi” në kryeqytetin e Kosovës. Në momentin që në vendin e ngjarjes kanë mbërritur shërbimet e policisë kanë konstatuar dhe dy personat e plagosur, si pasojë e të shtënave me armë zjarri.

Të plagosurit janë dërguar në spital ku po marrin ndihmën e nevojshme mjekësore. Nga ana tjetër policia bën me dije se ka identifikuar autorin e plagosjes së dyfishë dhe është vënë në kërkim të tij. Identitetet e personave të përfshirë në ngjarje dhe shkaqet, nuk dihen ende.

Njoftimi i policisë: Rreth orës 22:30, kemi marrë informatën për të shtëna me armë në rrugën “Ahmet Krasniqi “në Prishtinë. Bazuar në të dhënat fillestare, raportohet për dy persona të plagosur, të cilët janë dërguar për tretman mjekësor. Lidhur me këtë rast policia ka identifikuar një person të dyshuar. Aktualisht hetuesit policor, janë në kërkim të tij dhe kanë nisur një hetim lidhur me rrethanat e këtij rasti.

The post Kërcet arma në Prishtinë, plagosen 2 persona appeared first on Albeu.com.

Të shtëna me armë zjarri në Prishtinë, plagosen rëndë tre persona

admin — Sat, 28 Aug 2021 06:20:30 +0000

Tre persona kanë mbetur të plagosur nga të shtënat me armë zjarri në rrugën “Muharrem Fejza” në Prishtinë, në mbrëmjen e djeshme. Lajmin e ka konfirmuar shefi i ndërrimit në Qendrën Emergjente në QKUK, Naser Syla për gazetën ‘Express’.

“Dy persona kanë mbetur të plagosur nga arma e zjarrit dhe janë duke marrë tretman mjekësor në Qendrën Emergjente. Ata janë pranuar para 15 minutash”, ka njoftuar ai.

Policia po vijon hetimet për të zbardhur të plotë ngjarjen dhe për të identifikuar personat e plagosur.

The post Të shtëna me armë zjarri në Prishtinë, plagosen rëndë tre persona appeared first on Albeu.com.

Plagosje me armë zjarri në Prishtinë, policia në kërkim të autorit

admin — Sun, 20 Jun 2021 08:52:16 +0000

Një person është plagosur me armë zjarri gjatë ditës së djeshme në Prishtinë. Policia vendase bën me dije se i plagosuri ndodhet në spital, ndërsa autori i dyshuar ndodhet në arrati.

Deri më tani nuk dihen rrethanat se si ka ndodhur ngjarja, ndërsa policia po vijon hetimet për zbardhjen e plotë të ngjarjes në fjalë si dhe arrestimin e autorit të plagosjes.

Në vendin e ngjarjes janë gjetur dy gëzhoja plumbash dhe një fishek.

Njoftimi i policisë:

VRAJSE NË TENTATIVË & ARMËMBAJTJE PA LEJE/

Prishtinë 19.06.2021 – 12:15. Është raportuar se i dyshuari mashkull kosovar ka qëlluar me armë zjarri viktimën mashkull kosovar të cilit i ka shkaktuar lëndime trupore.

Viktima ka pranuar trajtim mjekësor ndërsa në vendin e ngjarjes janë gjetur dhe sekuestruar, dy gëzhoja dhe një fishek. I dyshuari gjendet në arrati ndërsa në lidhje me rastin është njoftuar prokurori. Rasti vazhdon të hetohet.

The post Plagosje me armë zjarri në Prishtinë, policia në kërkim të autorit appeared first on Albeu.com.