Egzon Bytyqi, i cili dyshohet se vrau bashkëshorten në fshatin Kërvasëri të Malishevës dhe më pas plagosi veten, vijon të jetë nën trajtim në Qendrën Klinike Universitare të Kosovës.

Zëdhënësja e QKUK-së, Mirlinda Qyqalla, deklaroi se gjendja shëndetësore e 26-vjeçarit nuk ka ndryshuar.

Çfarë dihet për tragjedinë në Malishevë? Deklaratat e Policisë dhe Prokurorisë

“Në lidhje me rastin e raportuar më 24 gusht 2026 në Qendrën Emergjente të Qendrës Klinike Universitare të Kosovës (QKUK), ju bëjmë me dije se gjendja shëndetësore e pacientit 26-vjeçar vazhdon të jetë e njëjtë. Ai po merr trajtim mjekësor dhe vijon të qëndrojë nën kujdesin e stafit shëndetësor në Qendrën Emergjente të QKUK-së”, ka deklaruar Qyqalla.

Ngjarja e rëndë u shënua të dielën, më 23 gusht, në orët e vona të mbrëmjes, në fshatin Kërvasari të Malishevës. Një grua shtatzënë mbeti e vrarë me armë zjarri.

Autoritetet dyshojnë se i dyshuari për krimin është bashkëshorti i saj, i cili gjithashtu u plagos rëndë me armë zjarri dhe ndodhet në gjendje të rëndë e kritike për jetën.

The post QKUK informon për gjendjen e 26-vjeçarit të dyshuar për vrasjen e gruas së tij në Malishevë appeared first on Albeu.com.

Sipas të dhënave paraprake të hetimit, konflikti mes dy fqinjëve dyshohet se ka nisur për shkak të kamerave të sigurisë të vendosura në zonën e parkimit të Bruçit.

Bitani, i cili kishte një lokal pranë parkimit, kishte shprehur shqetësimin se kamerat ishin të orientuara nga ambienti i tij dhe jo vetëm nga hapësira që duhej të monitoronin.

Sipas dëshmisë së dhënë nga Bitani në polici, përplasja mes dy fqinjëve ka vijuar në një pjesë të rrugës pranë lokalit, ku situata është përshkallëzuar pas një debati verbal.

Burime nga hetimi bëjnë me dije se 70-vjeçari ka pretenduar se Bruçi e ka ofenduar në prani të familjarëve që ndodheshin në lokal. Pikërisht në këtë moment, sipas versionit të tij, Bitani ka nxjerrë armën dhe ka qëlluar në drejtim të Bruçit.

Nga të shtënat, Vladimir Bruçi mbeti i plagosur dhe u transportua në Spitalin Rajonal të Shkodrës, ndërsa sipas autoriteteve ndodhet jashtë rrezikut për jetën.

Raportimet e para flasin për dy të shtëna të drejtuara ndaj tij, ndërsa një prej plumbave ka dëmtuar edhe një automjet që ndodhej i parkuar pranë vendit të ngjarjes.

Pas ngjarjes, Pjerin Bitani u largua nga vendi i konfliktit dhe u fsheh për disa orë në zonën e lagjes “Rus”. Policia zhvilloi kontrolle të shumta për lokalizimin e tij, ndërsa paralelisht nisën negociatat me familjarët e 70-vjeçarit. Pas këtyre negociatave, Bitani u vetëdorëzua në polici dhe më pas u arrestua për “Vrasje me dashje”, mbetur në tentativë, si dhe për “Mbajtje pa leje dhe prodhim të armëve, armëve shpërthyese dhe municionit”.

Një tjetër element që po hetohet është arma e përdorur në ngjarje. Sipas të dhënave të bëra me dije nga burimet e hetimit, Bitani ka pretenduar se armën e ka hedhur gjatë largimit, por nuk ka përcaktuar vendndodhjen e saktë. Pavarësisht kontrolleve të kryera nga policia, arma ende nuk është gjetur.

Ndërkohë, në kuadër të hetimit pritet të verifikohen edhe kamerat e sigurisë që dyshohet se janë bërë shkak i debatit mes dy fqinjëve. Policia po punon për sekuestrimin dhe administrimin e pamjeve të tyre, të cilat mund të ndihmojnë në përcaktimin e dinamikës së konfliktit dhe momentit kur janë kryer të shtënat.

Vladimir Bruçi nuk është një emër i panjohur për kronikën e Shkodrës. Në qershor të vitit 2024, ai u dhunua në të njëjtën zonë pas një konflikti për një vendparkimi, ndërsa për atë ngjarje Gjykata e Shkodrës dënoi tre persona.

Hetimet për ngjarjen e re vijojnë nën drejtimin e Prokurorisë së Shkodrës, ndërsa deklarimet e Pjerin Bitanit dhe provat materiale, përfshirë kamerat dhe gjetjen e armës, pritet të ndihmojnë në zbardhjen e plotë të rrethanave që çuan në plagosjen me armë të Vladimir Bruçit.

The post Plagosja e Vladimir Bruçit, zbardhet dëshmia e autorit: Më ofendoi, shkak dyshohet të jetë bërë një konflikt për kamerat e sigurisë appeared first on Albeu.com.

I plagosuri është transportuar për në spital, ku po merr ndihmën mjekësore, ndërsa policia është vënë në ndjekje të autorit.

Njoftimi i Policisë:

“Rreth orës 14:30, në lagjen “Partizani”, dyshohet se shtetasi P. B. ka plagosur me armë zjarri shtetasin V. B., për motive të dobëta. Shtetasi V. B. u dërgua në spital dhe po merr mjekim.

Shërbimet e Policisë kanë shkuar menjëherë në vendngjarje dhe po punojnë për kapjen e autorit të dyshuar.

Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes”, njofton policia.

The post Plagosja me armë zjarri në Shkodër/ Zbardhet emri i autorit të dyshuar, debati mes komshinjve nisi për… appeared first on Albeu.com.

Sipas dëshmisë së njërit nga të dëmtuarit, aksidenti ndodhi gjatë kohës që po riparonin motorin. Ai tregon se po i ndërronin kandelet pasi ishin dëmtuar dhe në atë moment mori flakë benzina që ishte derdhur në tokë mori flakë.

Po i bënim shërbim ishin nxehur kandelet dhe po i ndërronim se ishin dëmtuar, më pas mori flakë nga benzina që ishte derdhur.

Deri tani bëhet me dije se gjatë kohës së shpërthimit në skaf kanë qenë katër persona, dy nga të cilët ndodhen në gjendje të rëndë dhe janë transportuar në QSUT në repartin e djegieve.

Kujtojmë se njëri prej të dëmtuarve ka pësuar djegie në rreth 50% të trupit, ndërsa një tjetër raportohet se ka marrë djegie edhe më të rënda. Për këtë arsye, mjekët kanë vendosur transportimin e tyre në struktura shëndetësore me mundësi më të specializuara trajtimi.

Policia bëri me dije se rreth orës 19:20, në Qendrën Shëndetësore Himarë u paraqitën katër shtetas me djegie në pjesë të ndryshme të trupit. Nga verifikimet e para rezultoi se ata kishin pësuar dëmtime gjatë riparimit të motorit të një skafi në Porto Palermo, pasi kishin rënë në kontakt me lëndën djegëse, benzinë.

The post “Po i ndërronim kandelet”, njëri prej të plagosurve tregon momentin e shpërthimit të skafit në Vlorë: Mori flakë benzina që ishte derdhur appeared first on Albeu.com.

Sipas burimeve spitalore, dëmtimet nuk u rrezikojnë jetën, gjendja e tyre shëndetësore është e mirë dhe të tre janë kthyer në banesat përkatëse.

Të dhënat paraprake tregojnë se njëri prej tyre ka pësuar një plagë të lehtë në shpatull, i dyti është qëlluar në këmbë, kurse i treti ka marrë vetëm një gërvishtje nga plumbi.

Ekspertët e Policisë Shkencore kanë sekuestruar në vendngjarje 6 gëzhoja, të cilat do të analizohen përmes ekspertizës balistike, me synim përcaktimin e armës së përdorur.

Në çastin kur u qëllua me armë, brenda lokalit ndodhej edhe një oficer policie jashtë shërbimit. Pasi dëgjoi të shtënat, ai doli menjëherë nga ambienti dhe nisi të ndiqte autorin.

Teksa largohej, autori hodhi armën e zjarrit, e cila u gjet dhe u mor nga policia si provë materiale. Megjithatë, ai arriti të futej më në thellësi të lagjes dhe t’u humbte gjurmët forcave që po e ndiqnin.

Për zbardhjen e motivit dhe përcaktimin e plotë të dinamikës, hetuesit po verifikojnë disa pista. Grupi hetimor ka sekuestruar regjistrimet e kamerave të sigurisë në lokal dhe në bizneset pranë tij.

Gjithashtu, tre të plagosurit janë marrë në pyetje për të rindërtuar me hollësi momentet e sulmit dhe për të bërë të mundur identifikimin e autorit.

Pas të shtënave, në zonë mbërritën forca të shumta policore, të cilat vendosën perimetrin e sigurisë dhe kryen kontrolle intensive në një hapësirë të gjerë.

Operacioni për gjetjen dhe arrestimin e autorit vazhdon. Nën drejtimin e Prokurorisë, po zhvillohen veprimet procedurale dhe ekspertizat e domosdoshme për dokumentimin e rastit, sqarimin e të gjitha rrethanave të sulmit dhe vënien e autorit përpara përgjegjësisë penale.

The post Tre të plagosurit në lokalin e Elbasanit lënë spitalin, vijojnë kërkimet për autorin dhe sekuestrohen pamjet filmike appeared first on Albeu.com.

Një person mbeti i plagosur mbrëmjen e së mërkurës në fshatin Dobrevë të Fushë-Kosovës, pasi dyshohet se u qëllua me armë zjarri nga nipi i tij.

Ngjarja, sipas Policisë, ka ndodhur rreth orës 20:38. Dyshohet se të shtënat erdhën pas një mosmarrëveshjeje mes palëve.

Në vendin ku ndodhi rasti, policia ka gjetur dhe sekuestruar një gëzhojë pistolete. I plagosuri është dërguar për trajtim mjekësor në QKUK në Prishtinë, ndërsa personi i dyshuar është ende në arrati.

Burime të medias kanë bërë të ditur se i dyshuari është Fidan Gjyrevci.

Të dhëna të reja lidhur me rastin hedhin dritë edhe mbi motivin e përplasjes. Sipas burimeve, konflikti dyshohet se lidhet me çështje pronësore.

Po sipas këtyre burimeve, disa ditë para plagosjes, nipi dyshohet se kishte sulmuar edhe axhën tjetër të tij.

Gjyrevci dyshohet se kishte hyrë me forcë në lokalin e axhës dhe e kishte kërcënuar atë duke mbajtur një sëpatë në dorë.

Disa ditë më pas, axha i të dyshuarit kishte ardhur nga Belgjika për pushime në Kosovë. Në çastin kur u qëllua nga nipi, ai ndodhej në oborrin e shtëpisë.

Burimet pohojnë gjithashtu se i dyshuari, i cili vazhdon të jetë në arrati, kishte shkaktuar telashe në disa raste edhe me banorët e fshatit.

The post Plagosja në Dobrevë të Fushë-Kosovës, nipi dyshohet se qëlloi axhën për çështje prone dhe mbetet në arrati appeared first on Albeu.com.

Policia arrestoi autorin e dyshuar menjëherë pas ngjarjes. Në pranga përfundoi edhe i plagosuri, pasi nuk pranoi të tregonte rrethanat e incidentit dhe dyshohet se tentoi ta fshihte atë.

Sipas njoftimit të Policisë, shërbimet e Elbasanit u vunë në lëvizje sapo u informuan se në spitalin rajonal ishte paraqitur për ndihmë mjekësore një 59-vjeçar, i dyshuar se ishte dëmtuar me mjet prerës.

Veprimet e menjëhershme hetimore dhe operacionale çuan në identifikimin, kapjen dhe arrestimin e autorit të dyshuar, shtetasit M. A., 43 vjeç, banues në Elbasan.

Hetimet paraprake tregojnë se ngjarja ndodhi në një lokal në lagjen “Luigj Gurakuqi”. Gjatë një konflikti për motive të dobëta, M. A. dyshohet se plagosi me mjet prerës shtetasin R. B., 59 vjeç.

Policia arrestoi në flagrancë edhe R. B. për veprën penale “Moskallëzimi i krimit”, pasi ai refuzoi të jepte shpjegime në lidhje me ngjarjen.

Si provë materiale u sekuestrua mjeti prerës, një thikë, që dyshohet se është përdorur gjatë incidentit.

Dosja procedurale i kaloi Prokurorisë pranë Gjykatës së Shkallës së Parë të Juridiksionit të Përgjithshëm Elbasan, e cila do të vijojë me veprimet e mëtejshme.

The post Konflikti në lokal përfundon me plagosjen e 59-vjeçarit, arrestohen autori i dyshuar appeared first on Albeu.com.

Përplasja është regjistruar rreth orës 11:30 dhe, sipas hetimeve, ka nisur për motive të dobëta, të lidhura me radhën në poliklinikë.

Pas ngjarjes, policia arrestoi Arvin Fregjajn, ndërsa në pranga përfundoi edhe babai i tij, Agron Mehmetaj, i dyshuar se ka bashkëpunuar në plagosje. Ndaj 18-vjeçarit rëndojnë akuzat për “vrasje me dashje”, mbetur në tentativë, kryer në bashkëpunim, “mbajtje pa leje të armës së ftohtë” dhe “prishje të qetësisë publike”. Agron Mehmetaj akuzohet për “vrasje me dashje”, mbetur në tentativë, kryer në bashkëpunim.

Ndërkohë, vëllai i të plagosurit, Arben Kepëca, 41 vjeç, pas plagosjes së Vildan Këpecës mori një pistoletë me fishek në fole dhe u nis në këmbë për të gjetur autorin e dyshuar. I njoftuar në kohë, policia ndërhyri menjëherë dhe e ndaloi atë përpara se përplasja të merrte përmasa edhe më të rënda.

Gjatë ndërhyrjes së efektivëve, 41-vjeçari u përpoq të largohej dhe hodhi armën e zjarrit, por u neutralizua dhe u arrestua në flagrancë. Pistoleta së bashku me municionin luftarak u sekuestruan në cilësinë e provës materiale.

The post Konflikti për radhën në poliklinikën e Shkodrës, 18-vjeçari plagos me thikë 32-vjeçarin para pacientëve appeared first on Albeu.com.

Si rezultat i hetimeve, janë arrestuar në flagrancë Luçiano Nurçja, 46 vjeç, Albert Lika, 44 vjeç dhe Enea Kurti, 23 vjeç, të dyshuar për veprën penale “Plagosja e rëndë me dashje”.

Ndërkohë, A. I., 33 vjeç, i cili ndodhet i shtruar në spital, është proceduar penalisht në gjendje të lirë.

Policia ka shpallur në kërkim edhe E. L., 17 vjeç, i dyshuar për plagosje të rëndë me dashje në bashkëpunim, si dhe për mbajtje pa leje të armës së ftohtë. Vijojnë kërkimet për kapjen e tij.

Njoftimi i policisë:

Tiranë/Dokumentohet ngjarja e ndodhur mbrëmjen e djeshme, në rrugën “Frosina Plaku”.

U konfliktuan me sende të forta dhe mjet prerës, për motive të dobëta, vihen në pranga 3 shtetas, procedohet penalisht 1 shtetas dhe shpallet në kërkim 1 tjetër.

Seksioni për Hetimin e Krimeve të Rënda, në bashkëpunim me Komisariatin e Policisë Nr. 2, pas njoftimit të marrë se në hyrjen e një parkimi të një pallati, në rrugën “Frosina Plaku”, disa shtetas ishin konfliktuar me sende të forta dhe njëri prej tyre kishte përdorur mjet prerës, organizoi menjëherë punën për zbardhjen e rrethanave të ngjarjes dhe identifikimin e autorëve.

Si rezultat i veprimeve të shpejta hetimore, u dokumentua ngjarja dhe, në përfundim të veprimeve procedurale, u arrestuan në flagrancë shtetasit L. N., 46 vjeç, A. L., 44 vjeç dhe E. K., 23 vjeç, të dyshuar për veprën penale “Plagosja e rëndë me dashje”.

Gjithashtu, u procedua në gjendje të lirë shtetasi A. I., 33 vjeç, i cili ndodhet në spital, nën kujdesin e mjekëve.

Po ashtu, u shpall në kërkim shtetasi E. L., 17 vjeç, i dyshuar për veprat penale “Plagosja e rëndë me dashje”, kryer në bashkëpunim, dhe “Prodhimi, mbajtja, blerja apo shitja pa leje e armëve të ftohta”. Vijon puna për kapjen e tij.

Materialet procedurale iu referuan Prokurorisë, për veprime të metejshme.

The post EMRAT/ Zbardhet plagosja në Tiranë, tre të arrestuar dhe një 17-vjeçar në kërkim appeared first on Albeu.com.

Në Podujevë, sonte do të organizohet një protestë e thirrur nga Shoqata “Roja e Kohës”, e cila u ka bërë ftesë qytetarëve të bashkohen në kërkesën për rritje të sigurisë.

Sipas Nexhat Llumnicës, anëtar i Kryesisë së kësaj shoqate, i cili foli për Klankosova.tv, tubimi vjen pas ngjarjes së fundit me të shtëna armësh në qytet, ku u plagosën katër persona, ndër ta edhe një kalimtar rasti.

Ai njoftoi se protesta është caktuar të nisë në orën 19:00, nga sheshi i Podujevës, për të vazhduar më pas me marshim deri te objekti i vjetër i Komunës së Podujevës.

Kërkesat e organizatorëve përfshijnë rishikimin dhe ashpërsimin e Ligjit për Armët, krijimin e një reparti të specializuar për parandalimin e dhunës në komunitet, më shumë investime në shërbimet e shëndetit mendor, kontrolle më të rrepta për lejet e armëve, fushata sensibilizuese për edukimin e qytetarëve, si dhe përgjegjësi institucionale për dështimet në parandalimin e dhunës.

Përmes thirrjes së tyre, organizatorët u kanë bërë apel qytetarëve që t’i bashkohen protestës në mënyrë paqësore, nën moton “Jo dhunës – Po sigurisë!”

The post “Jo dhunës – Po sigurisë!”, sonte mbahet protestë në Podujevë për më shumë siguri appeared first on Albeu.com.