Në total prokuroria, ka marë 7 të pandehur për ngjarjen e ndodhur në muajin Prill 2022, ku u sulmua me armë dhe thikë, Muçllari. Por çuditërisht, edhe pse një vit më parë ndodhi ngjarja e rëndë, asnjëri prej tyre nuk ndodhet në burg.

6 të pandehur janë hetuar dhe do gjykohen në gjëndje të lirë. Kurse personi kryesor, Firdeus Berberi, rezulton në kërkim dhe ende nuk është kapur nga Policia e Shtetit.

Çështja kundër 6 personave pritet të gjykohet në seancë paraprake nga gjyqtarja, Luljeta Kolonja.

Ndërsa për një person tjetër të quajtur Rudi Shaho, prokuroria ka vendosur të pushojë ndjekjen penale për akuzën e “Moskallëzimit të Krimit” dhe “Përkrahjes së autorëve të krimit”.

23-vjeçari Berberi është djali i Ilir Berberit, që në Pogradec njihet ndryshe me nofkën “Lili i Rrushkës” dhe ka precedentë të mëparshëm penalë.

“Ora News”, ka mundur të sigurojë dosjen hetimore ku tregohet se hetimet e ndjekura nga prokurori, Neritan Hoxha, kanë çuar në ngritjen e akuzës për “Vrasje me dashje” mbetur në tentativë ndaj, Firdeus Berberit.

Por përveç kësaj vepre penale, ndaj Berberit është ngritur dhe akuza e “Mbajtjes pa lejë të armëve të zjarrit” si dhe “Prishjes së qetësisë publike”.

Në dosje evidentohet se Berberi, ka qëlluar 4 herë me armë në drejtim të Johan Muçllari, duke i shkaktuar dëmtime në pjesën e këmbës.

Në pamundësi për ta vrarë me pistoletë, teksa Johan Muçllari, ndodhej i shtrirë në rrugë, Firdeus Berberi, e ka sulmuar sërisht, por këtë herë me thikë.

Ndërsa shoku i Firdeusit, Griseld Maxhari, rezulton të jetë marë i pandehur për akuzën e “Veprimeve që pengojnë zbulimin e të vërtetës”, pasi teksa ndodhej në vendin e ngjarjes ka kryer fshehjen e provave materiale dhe ka “Përkrahur autorin e krimit”.

Prokuroria ka provuar se Maxhari ka mbledhur në vendgjarje gëzhojat e armës dhe është larguar.

Për përkrahjen e autorit të krimit, Firdeus Berberi, prokuroria e Pogradecit ka marë të pandehur dhe shokët e tij si Fatjon Bono, Ledian Shkulaku, Kristian Kreste, Hekuran Gjona dhe Bledar Berberi.

Konflikti mes të rinjve e ka zanafillën qysh në vitin 2017, kur në Pogradec është sulmuar dhe kanosur me armë zjarri Johan Muçllari, nga Meardi Berberi (Korua), Andra Piliçin dhe Mariglen Topuzi.

Ndërsa ka vijuar më tej në djegien e makinës së Muçllarit, ngjarje kjo për të cilën është arrestuar dhe dënuar Mariglen Topuzi.

Ngjarjet kriminale u intesifikuan në muajin Gusht 2020, ku në datat 1 dhe 8 gusht është sulmuar me 85 plumba hoteli “Voloreka” në Drilon, që është në pronësi të Jetmir Muçllarit, babait të Johanit.

Për këtë ngjarje policia arrestoi disa persona, mes të cilëve të “Lilin e Rrushkës”, por çështja ndaj tyre aktualisht është në proces gjykimi në gjykatën e Pogradecit.

The post Sulmoi me armë e thikë për të vrarë Muçllarin, merret i pandehur djali i “Lilit të Rrushkës” dhe 6 shokët e tij në Pogradec appeared first on Albeu.com.

I arrestuari është Griseld Maxhari.

Maxhari ishte shpallur në kërkim nga policia, ndërsa ndaj tij rëndojnë akuzat për veprat penale “Vrasja me dashje” kryer në bashkëpunim, mbetur në tentativë; “Mbajtja pa leje dhe prodhimi i armëve, armëve shpërthyese dhe i municionit”; “Prishja e qetësisë publike”.

Njoftimi i policisë:

Specialistët për Hetimin e Krimeve në Komisariatin e Policisë Pogradec bënë ekzekutimin e vendimit të Prokurorisë së Rrethit Gjyqësor Pogradec, për ndalimin e shtetasit në kërkim G. M., 22 vjeç, banues në Pogradec.

Gjykata e Rrethit Gjyqësor Pogradec, me vendimin e datës 29.04.2022, ka caktuar për këtë shtetas masën e sigurisë “Arrest në burg”, për veprat penale “Vrasja me dashje” kryer në bashkëpunim, mbetur në tentativë; “Mbajtja pa leje dhe prodhimi i armëve, armëve shpërthyese dhe i municionit”; “Prishja e qetësisë publike”. Ndalimi i shtetasit G. M., lidhet me ngjarjen e ndodhur më datë 25.04.2022, në qytetin e Pogradecit, ku 22-vjeçari në bashkëpunim me shtetasin F. B., (i shpallur në kërkim) tentuan të vrisnin me armë zjarri tip pistoletë shtetasin J. M., 22 vjeç, banues në Pogradec. /albeu.com

The post Plagosja e Johan Muçllarit në Pogradec, vihet në pranga një prej autorëve appeared first on Albeu.com.

Seanca u zhvillua me dyer të mbyllura, ndërsa për 5 te arrestuarit Fatjon Bono, Kristian Kresto, Hekuran Gjona, Ledion Shkullaku dhe Rudi Shaho është caktuar masë e sigurisë arrest me burg.

Për të pestë këta shtetas, prokuroria e Pogradecit ka ngritur akuzat për moskallëzimi të krimit, veprime që pengojnë zbulimin e së vërtetës dhe përkrahja e autorit të krimit ndërkohë që vijojnë në kërkim 2 autorët e ngjarjes Firdeus Berberi dhe Griseld Maxhari.

Ngjarja e ndodhur disa ditë më parë në Pogradec mendohet të ketë lidhje me ngjarjen e vitit 2020 një atentat me 100 plumba ndaj hotelit që ka në pronësi familja Muçllari si dhe konflikte te tjera te hershme mes dy familjeve Mucllari dhe Berberi.

The post Plagosja e Johan Muçllarit, gjykata jep vendimin për 5 të arrestuarit appeared first on Albeu.com.