Efektivi Sokrat Muho është goditur me bishtin e kazmës në kokë dhe jo me levë siç u raportuar fillimisht.

Mësohet se ditën e djeshme Muho ka patur debate me tre bashkëfshatarët e tij nga Progonati dhe sot ata e kanë rrahur në Gjirokastër.

Të tre personat kanë qenë nën efektin e alkoolit kur nisi sherri për motive banale.

Njoftimi i policisë:

Gjirokastër/Informacion paraprak

Rreth orës 12:45, në vendin e quajtur “Ura e Lumit”, Gjirokastër, persona të paidentifikuar kanë goditur me sende të forta shtetasin S. M., punonjës policie i DVKM Gjirokastër, jashtë orarit të punës, i cili është transportuar në Spitalin Rajonal Gjirokastër, për të marrë ndihmën mjekësore.

Është identifikuar dhe shpallur në kërkim njëri nga autorët e dyshuar, shtetasi G. Zh.

Në vendngjarje kanë shkuar shërbimet e Policisë dhe janë ngritur pika kontrolli në hyrje dhe dalje të qytetit, me qëllim kapjen e shtetasit G. Zh., identifikimin dhe kapjen e autorëve të tjerë. /albeu.com

The post Plagosja e policit në Gjirokastër: Dje bëri sherr me bashkëfshatarët, sot e goditën me bishtin e kazmës appeared first on Albeu.com.