Përjashtim nga ky bojkot bënë vetëm seancat, që kanë për objekt shqyrtimin e masave të sigurimit.

Në një prononcim për mediat, kreu i Dhomës Vendore të Avokatisë Durrës, Lorval Petani, nënvizoi gjatë fjalës së tij se rastet e përsëritura, që vënë në rrezik jetën dhe sigurinë e avokatëve gjatë ushtrimit të profesionit kërkojnë vëmendje dhe mbrojtje të posaçme institucionale.

Plagosja e avokatit dyshohet se lidhet me një konflikt gjyqësor për pronësinë. Dhoma i kërkoi Prokurorisë së Durrësit një hetim të shpejtë, të plotë dhe gjithëpërfshirës, me qëllim zbardhjen e rrethanave të ngjarjes dhe vënien e autorëve përpara përgjegjësisë ligjore.

Çështja e sigurisë së avokatëve gjatë ushtrimit të detyrës pritet të diskutohet në mbledhjen e radhës të Këshillit të Përgjithshëm të Dhomës Kombëtare të Avokatisë.

The post Plagosja e avokatit në një lokal, Dhoma e Avokatisë Durrës bojkoton për dy orë seancat gjyqësore appeared first on Albeu.com.