plagoset polici Archives - Albeu.com

EMRI/ Kush është polici që u plagos në Tiranë, po ndiqte një person të dyshimtë

E B — Wed, 20 Sep 2023 17:38:07 +0000

Mbrëmjen e sotme, në Tiranë, u plagos me armë zjarri një punonjës i repartit Shqiponja.

Raportohet se autori i plagosjes është larguar nga vendi i ngjarjes, ndërsa policia ka nisur punën për identifikimin dhe kapjen e tij.

Ministria e Brendshme ka zbuluar se efektivi Edlir Alleshi është plagosur pasi një patrullë e repartit “Shqiponja”, e cila ishte në ndjekje të një personi të dyshimtë është qëlluar me armë nga ky i fundit.

“Ndërsa Policia e Shtetit vijon kontrollin për personat në kërkim, një patrullë e repartit “Shqiponja” në ndjekje të një personi të dyshimtë është qëlluar nga ky person dhe për pasojë ka mbetur i plagosur punonjesi i policisë E.A. Punonjësi i Policisë është në sallën e operacionit, ndërsa Policia është vënë në ndjekje të autorit.”

Njoftimi i policisë:

Tiranë/Informacion paraprak

Në lagjen “Kinostudio”, në rrugën “Hysen Xhura”, shërbimet e Forcës së Posaçme “Shqiponja” pasi kanë marrë informacion për një person që qarkullonte me armë zjarri, janë vënë në ndjekje të personit të dyshuar.

Gjatë ndjekjes, personi i armatosur ka hapur zjarr në drejtim të Forcave “Shqiponja”, dhe si pasojë është plagosur një prej efektivëve, inspektor E. A., i cili është dërguar menjëherë në spital për ndihmë mjekësore.

Në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve, dhe vijon kontrolli për kapjen e personit të armatosur.

The post EMRI/ Kush është polici që u plagos në Tiranë, po ndiqte një person të dyshimtë appeared first on Albeu.com.

Ndërhyri të ndalonte konfliktin, plagoset me thikë polici në Himarë, 25-vjeçari në gjendje kritike

Xh — Wed, 16 Aug 2023 05:19:58 +0000

Një ngjarje e rëndë ka ndodhur mbrëmjen e djeshme në Himarë.

Mësohet se Redin Caushaj, punonjës policie është goditur me thikë pasi ka ndërhyrë për të ndaluar një konflikt mes disa personave.

25 vjeçari, me detyrë inspektor i policisë së zonës Lukovë, ishte duke kaluar në rrugë jashtë shërbimit të orarit kur ka parë personat që po ziheshin dhe ka ndërhyrë menjëherë.

Por në momentin që ka ndërhyrë, 60-vjeçari Thodhori Mërkuri e ka goditur me thikë dhe për pasojë polici është në gjendje kritike për jetën. Autori është larguar menjëherë duke përfituar nga errësira.

Ngjarja ka ndodhur rreth orës 23:00 pranë kthesës së fshatit Pilur.

Në ndjekje të autorit janë vënë policia e Himarës, grupe të FNSH dhe të forcave operacionale të DVP Vlorë. Ndërkohë vijon puna për dokumentimin ligjor të kësaj ngjarjeje./Albeu.com/

The post Ndërhyri të ndalonte konfliktin, plagoset me thikë polici në Himarë, 25-vjeçari në gjendje kritike appeared first on Albeu.com.

Persona të armatosur rrëmbejnë të burgosurin në Maqedoni dhe plagosin një polic

Xh — Fri, 13 Jan 2023 09:16:44 +0000

Një pjesëtar i policisë së burgjeve është plagosur, ndërsa një i burgosur në “Idrizovë” është në arrati. Ky është rezultati i një rrëmbimi të ndodhur gjatë natës së mbrëmshme, gjatë shoqërimit të një të burgosuri të sigurisë së lartë nga burgu në spital.

Policia e burgut hasi në disa persona të armatosur, furgoni që transportonte të burgosurin u ndalua, pati të shtëna, një polic u plagos në fshikëz. Ndërsa i burgosuri u nxor dhe iku bashkë me personat e armatosur.

Aksioni i arratisjes ishte planifikuar. Këtë e tregon edhe fakti se personat e armatosur e dinin saktësisht se kur do të dërgohej i burgosuri në spital, e njihnin mjetin dhe megjithëse nuk konfirmohet, ndoshta kishin të dhëna shtesë se sa ishte numri i policëve që do ta merrnin të burgosurin, trajtimi dhe rruga e lëvizjes. I burgosuri jozyrtarisht ka vetëshkaktuar një plagë, për të cilën ka kërkuar mjekim.

Nuk dihet nëse është thirrur ambulancë apo është transportuar direkt.

“A1on” kërkoi informacion nga Administrata e Zbatimit të Sanksioneve se kush ishte komandanti në detyrë gjatë turnit kur ndodhi rrëmbimi, nëse është e vërtetë që i burgosuri i arratisur vuan dënimin për vrasje, si dhe sa efektivë policie e kanë transportuar të burgosurin. Deri në publikimin e lajmit nga aty nuk pati asnjë përgjigje.

Nga MPB kanë paralajmëruar informacione në kohë sa më të shkurtë.

Në një intervistë për “A1on”, Marjan Spasovski, drejtor i Administratës për zbatimin e sanksioneve, ka pranuar se në burgje mbretëron korrupsioni endemik. Aksioni i arratisjes së të burgosurit ka lënë edhe te organet kompetente dyshimin se ka qenë i koordinuar me persona të burgut, duke pasur parasysh informacionet që posedonin personat e armatosur. Ky është vetëm një nga disa incidentet që kanë ndodhur muajt e fundit, lidhur me sistemin e burgjeve./Alsat/

The post Persona të armatosur rrëmbejnë të burgosurin në Maqedoni dhe plagosin një polic appeared first on Albeu.com.

Plagoset me armë zjarri polici në Shkup

E B — Sun, 04 Sep 2022 08:27:45 +0000

Një polic është lënduar mbrëmë nga të shtënat me armë në Çair të Shkupit. Sipas informacioneve paraprake, pjestari i policisë ka qenë në detyrë zyrtare në momentin e ngjarjes.

Po ashtu mësohet se polici i plagosuri ka njohur personin që e ka qëlluar.

MPB vetëm shkurtimisht bën me dije se ka pasur të shtëna me armë zjarri në të cilën ka mbetur i plagosur një person me iniciale R.M, pjestar i policisë.

” Më datë 03.09.2022 në ora 21:16 nga QK – Nënë Tereza është raportuar se R. M. (24) është plagosur me armë zjarri në rrugën Metodija Mitevski në Shkup. Sipas R.M., një person nga fshati Haraçinë e ka qëlluar me armë zjarri. Po ndërmerren masa për zbardhjen e rastit”, thonë nga MPB./ina

The post Plagoset me armë zjarri polici në Shkup appeared first on Albeu.com.

Plagoset polici në Krujë

admin — Sun, 28 Nov 2021 07:10:50 +0000

Një aksident ka ndodhur në Dreven të Krujës rreth orës 06:10 të mëngjesit.

Burimet nga policia bëjnë me dije se nga ky aksident ka mbetur i plagosur një punonjës policie.

Mësohet se një mjet në të cilin ndodhej shofer shtetasi me inicialet N. H., 57 vjeç, punonjës policie në Komisariatin e Policisë Krujë, është përplasur me një mjet tjetër me drejtues shtetasin M. B, 30 vjeç.

Shtetasi N. H, ndodhet nën kujdesin e mjekëve në Spitalin e Traumës Tiranë. Burimet thanë se ai e ka kaluar rrezikun për jetën, ndërsa nuk ka të dhëna për gjendjen shëndetësore të shoferit 30-vjeçar që u përfshi në aksident.

Grupi hetimor po punon për sqarimin e rrethanave të ngjarjes. /albeu.com/

The post Plagoset polici në Krujë appeared first on Albeu.com.