Zëdhënësja e Presidentit te Partisë se Lirisë, Jasmira Memelli, përmes një reagimi në rrjetet sociale, shkruan se Silva Caka ishte larguar nga PL për të ndjekur Shkollën e Magjistraturës, por sipas tyre, rezultoi diçka tjetër.

“Ka mbi një vit që S.C ka dhënë dorëheqjen për të ndjekur gjoja Shkollën e Magjistraturës, që në fakt rezultoi aplikim për në “Shkollën” e Korrupsionit, Krimit dhe Vesit”, shkruan ajo.

Ndër të tjera, Memelli shprehet se “nuk ndalojmë askënd të lëpijë atë që ka pështyrë, apo të pështyjë fytyrën e vet”, duke iu referuar deklaratave të hershme të Silva Cakes ndaj kryeministrit apo qeverisë.

Reagimi i Jasmira Memelli, zëdhënëse e Presidentit te Partisë se Lirisë

Kur dikush zgjedh të braktisë vlerat e Lirisë dhe Demokracisë për një karrige të pa vlerë në Qeverinë e krimit dhe të korrupsionit, nuk largohet nga Partia e Lirisë, por nga morali, integriteti dhe parimet.

Nuk ndalojmë askënd të lëpijë atë që ka pështyrë, apo të pështyjë fytyrën e vet.

As të nëpërkëmbë edhe gjakun e familjes të derdhur për vlerat e shenjta të Lirisë.

Këto janë zgjedhje personale, që flasin më shumë se çdo fjalë.

Ka mbi një vit që S.C ka dhënë dorëheqjen për të ndjekur gjoja Shkollën e Magjistraturës, që në fakt rezultoi aplikim për në “Shkollën” e Korrupsionit, Krimit dhe Vesit.

Partia e Lirisë është më e vendosur se kurrë në mbrojtjen dhe jetësimin e kauzave të saj madhore ekzistenciale kombëtare, për të vazhduar pa kompromis luftën parimore dhe patriotike, krah për krah me opozitarët e vërtetë dhe me të gjithë shqiptarët e ndershëm, për t’i shkurtuar ditët regjimit kriminal të Edi Ramës që ka shpopulluar vendin dhe po rrjep pa mëshirë popullin me korrupsionin skizofrenik.

The post PL reagon ashpër për emërimin e Silva Cakes si zv.ministre: Na tha që do ndiqte Magjistraturën, por shkoi të ndjekë shkollën e vjedhjes dhe veseve appeared first on Albeu.com.

Ai theksoi se arrestimi i tij të cilin e cilëson rrëmbim kriminal kishte si qëllim edhe rrëmbimin e PL-së dhe vulës së saj. Sa i përket rinumërimit të votave në Kavajë, Meta u shpreh se ka qenë kërkesë e tij sepse do të kuptojë se çfarë ka ndodhur në këtë bashki. Kreu i PL theksoi se analiza e detajuar e 11 Majit do na ndihmojë për rindërtimin organizativ efikas të PL-së.

Pjesë nga intervista:

Pyetje: Si e shihni të ardhmen e Partisë së Lirisë në këto kushte?

Meta: Të ardhmen e Partisë së Lirisë e shoh të shkëlqyer, sepse këtë e garantojnë kauzat e saj madhore. Rrëmbimi im kriminal synonte edhe rrëmbimin e PL-së dhe vulës të saj përmes shkarkimit të Tedi Blushit si përfaqësuesi më kurajoz i PL në betejat e saj kundër Narkoregjimit.

Pyetje: Ndërkohë ju keni kërkuar rinumërim në Kavajë. Përse kjo?

Meta: Ka qenë një kërkesë e imja vetëm për një arsye, për të kuptuar se çka ndodhur në një bashki ku kam dërguar më shumë letra se sa kam dalë me vota. Por edhe për të ditur se ku i kam marrë, pra në cilat qendra votimi.

Analiza e detajuar e 11 Majit do na ndihmojë për rindërtimin organizativ efikas (e jo fiktiv) të PL- së kudo. Sepse zgjedhjet vendore po afrojnë dhe ato janë shumë të rëndësishme për ne pasi na rezultuan shumë këshilltarë fiktivë, që nuk e ushtruan mandatin me përkushtim dhe përgjegjësi.
Në përfaqësim nuk është e rëndësishme vetëm sasia, por sidomos cilësia, se ajo bën diferencën dhe të fuqizon në të ardhmen.

Ndaj Edi Rama ka tmerr edhe nga një gjykatëse e vetme dinjitoze në Gjykatën Kushtetuese e kërkon ta heqi dhunshëm me çdo kusht. Ndaj Erion Veliaj inskenoi atentatin fizik kundër Tedi Blushit në Këshillin Bashkiak me shërbëtorët e tij. Sepse cilësia shumë shpejt të shndërron në shumicë.

The post Meta: Analiza e detajuar e 11 Majit do na ndihmojë për rindërtimin organizativ efikas të PL! Ja pse kërkova rinumërim të votave në Kavajë appeared first on Albeu.com.

Numri dy i Partisë së Lirisë kërkon nga Komisioni Qendror i Zgjedhjeve që të hapen të gjitha kutitë e njësive administrative që përbëjnë zonën zgjedhore Kavajë dhe të rinumërohen të gjitha fletët e votimit.

“Të rinumërohen të gjithë fletët e votimit në Bashkinë Kavajë. Dyshime të arsyeshme për parregullsi gjatë procesit të numërimit të votave Kërkesa jonë në funksion të transparencës dhe legjitimitetit të rezultatit përfundimtar”, thuhet në kërkesën e PL drejtuar KQZ-së.

The post Krisje brenda koalicionit?! PD fitoi Kavajën, Partia e Lirisë ankohet në KQZ: Të hapen të gjitha kutitë e votimit appeared first on Albeu.com.

Ai falenderoi dhe anëtarët, simpatizantët dhe të gjithë strukturat e PL-së që u angazhuan në këtë proces zgjedhor, në Tiranë dhe në të gjithë Shqipërinë si edhe të gjithë komisionerët, numëruesit dhe vëzhguesit. Blushi tha se kauzat madhore, për të cilat Ilir Metaj ka luftuar dhe do të luftojë gjithmonë, do të mbrohen me zë të fortë, si kurrë më parë, nga Partia e Lirisë dhe përfaqësuesit e saj në Parlament, Këshillat Bashkiakë dhe kudo.

Deklarate per mediat e Sekretarit te Pergjithshem, Tedi Blushi:

Në emër të Partisë së Lirisë dua të falënderoj me mirënjohjen më të thellë mbi 8 mijë qytetarë të ndershëm dhe patriotë, të cilët votuan më 11 Maj për Ilir Metaj, duke i qëndruar besnikë vlerave të lirisë dhe demokracisë, si dhe duke injoruar me guxim e kurajë të lartë partriotike gjithfarë presionesh të Narkoshtetit.

Për Partinë e Lirisë, ata nuk janë thjesht votues, por heronj, simbole të lirisë dhe karakterit të pathyer, që nuk e shitën dinjitetin e tyre por luftuan me mish dhe me shpirt përballë një makinerie kriminale shtetërore, që shkatërroi standardet zgjedhore, demokracinë dhe shtetin e së drejtës.

Një falënderim të veçantë për të gjithë anëtarët, simpatizantët dhe të gjithë strukturat e PL që u angazhuan në këtë proces zgjedhor, në Tiranë dhe në të gjithë Shqipërinë, të cilët punuan me përkushtim dhe sakrifica të jashtëzakonshme në çdo njësi dhe qendër votimi, duke i garantuar se puna, përkushtimi, sakrificat dhe kontributet e tyre të paharrueshme do të jenë përherë të vlerësuara, veçanërisht si kontribute për demokracinë, për shtetin dhe për vendin.

Një falenderim të veçantë për të gjithë komisionerët, numëruesit dhe vëzhguesit e Partise se Lirise, të cilët po vazhdojnë me këmbëngulje dhe përgjegjësi të lartë të numërojnë dhe të mbrojnë çdo votë deri në votën e fundit. Ne do të bëjmë një analizë të thelluar dhe transparente për çdo njësi dhe çdo qendër votimi, jo vetem për të faktuar masakrën zgjedhore që ka ndodhur, por edhe rolin dhe misionin e gjithsecilit. Beteja opozitare e Partisë së Lirisë do të vazhdojë me vendosmëri kundër kësaj keqqeverisje, që e ka renditur sot Shqipërinë vendin më të korruptuar dhe më të varfër në Europë.

Kauzat madhore, për të cilat Ilir Metaj ka luftuar dhe do të luftojë gjithmonë, do të mbrohen me zë të forte, si kurrë më parë, nga Partia e Lirisë dhe përfaqësuesit e saj në Parlament, Këshillat Bashkiakë dhe kudo. Ilir Metën dhe Partinë e Lirisë nuk i ndalë dot askush në misionin e tyre patriotik për mbrojtjen e interesit kombëtar, për forcimin e demokracisë dhe shtetit të së drejtë, në mbrojtje të votës së lirë dhe të kauzave madhore për të cilat ne kemi luftuar dhe do të luftojmë gjithmonë, pavaresisht sakrificave qe do te kerkohen.

The post Zgjedhjet parlamentare/ Blushi: Kauzat për të cilat Meta ka luftuar do të mbrohen me zë të fortë nga PL në Parlament appeared first on Albeu.com.

Meta u shpreh shqiptarët duhet të zgjedhin të votojnë në 11 maj numrin 1, koalicionin ASHM në mënyrë që të jetë të parën në prioritetet e shtetit.

“Jemi vendi i fundit në rajon për eksportet. Me taksat më të larta e më të shtuara në rajon. Por edhe me nivelin më të ulët të mbledhjes të të ardhurave në rajon.

Qytetarët duhet të votojnë numrin 1 që të jenë të parët në prioritetet e qeverisë së re. 5 pikat e PL janë pjesë e programit të ASHM.

Nëse votoni ASHM, votoni për uljen drastike të taksave dhe shporrjen e sistemin gjobëvënës e patronazhist”, tha ai.

The post PL prezanton kandidatët, Meta audio-mesazh, thirrje qytetarëve: Votoni NR. 1 që të jeni prioritet i qeverisë së re appeared first on Albeu.com.

Emërimi është bërë me propozim të Sekretarit Politik të Qarkut Durrës, Petrit Sinaj, dhe me miratimin e Presidentit të Partisë së Lirisë, Ilir Meta.

Hoxhaj gjithashtu kandidon në zgjedhjet e 11 Majit për deputet në Qarkun Durrës nën siglën e PL-së.

Lajmi është bërë publik në rrjetet sociale të Partisë së Lirisë dega Durrës, ku ndër të tjera shkruhet:

“Urime Adriatik Hoxha për emërimin si Kryetar i komanduar i Partisë së Lirisë Durrës!

Ky është një hap i rëndësishëm drejt forcimit të strukturave tona në qytetin e Durrësit dhe një dëshmi e besimit që i jepet brezit të ri të drejtuesve.

Me përkushtim, vizion dhe energji të reja, jemi të bindur se Partia e Lirisë në Durrës do të njohë vetëm rritje.

Suksese në këtë rrugëtim të ri, e ardhmja është plot mundësi, dhe puna jonë sapo ka filluar!”

The post Kandidati për deputet Adriatik Hoxha, emërohet kryetar i komanduar i PL-së dega Durrës appeared first on Albeu.com.

Reagimin e tij ai e ka bërë në rrjete sociale, ndërsa shpreh falenderimet për kryesinë e PL-së dhe u bën thirrje emigrantëve të diasporës që të regjistrohen pasi afati është duke mbaruar.

Ndër të tjera, Meta shkruan se bashkimi i koalicionit Partia Demokratike – Aleanca për Shqipërinë Madhështore do sjellë ndryshime.

Postimi i tij:

Falenderoj Kryesinë e Partisë së Lirisë, që miratoi sonte me unanimitet marrëveshjen për hyrjen në koalicionin opozitar gjithëpërfshirës “Partia Demokrarike – Aleanca për Shqipërinë Madhështore”.

Në funksion të Fitores dhe Ndryshimit të shumëpritur më 11 Maj, çdo anëtar dhe simpatizant i Partisë së Lirisë, brenda por edhe jashtë vendit, do të japë kontributin e tij maksimal për shkuljen nga themelet të Narkoshtetit të kalbur, të korruptuar dhe të inkriminuar në çdo qelizë.

U bëj thirrje të gjithë bashkëatdhetarëve tanë në diasporë, që në këto orë të mbetura të regjistrohen për të votuar më 11 Maj për të ndëshkuar sektin që dëboi mbi 1 milion shqiptarë në emigrim dhe që nga paniku po tenton çdo manovër për të penguar votën e tyre.

Vota masive e shqiptarëve për koalicionin gjithëpërfshirës opozitar “Partia Demokratike – Aleanca për Shqipërinë Madhështore” do të sjellë Ndryshimin. FITORE!

The post Ilir Meta reagon nga burgu për koalicionin e PD-së me Partinë e Lirisë: Ky bashkim do të sjellë ndryshim appeared first on Albeu.com.

Gjithashtu, ai dha detaje edhe nga plani i Partisë së Lirisë, për strehimin me banesa sociale të çifteve të reja.

“Do i shpallim luftë informalitetit. Sot kemi 45 përqind të punonjësve që punojnë në treg informal. Do i shpallim luftë korrupsionit. Shqipëria së paku duhet të ketë zhvillimin ekonomik të vendeve të rajonit.

Ne kemi menduar që të ndërtojmë banesa sociale. Çiftet e reja duhet të kenë mundësi që të blejnë një apartament. Ne insistojmë të rriten pagat, që çiftet e reja të kenë mundësi që të blejnë një shtëpi. Ne duam t’i vijmë në ndihmë të rinjve dhe qytetarëve shqiptarë, që ata të qëndrojnë në Shqipëri e të ndalim shpopullimin”, tha ai.

The post Petraq Milo: Partia e Lirisë do t’i shpallë luftë informalitetit, ja plani ynë për strehimin për çiftet e reja appeared first on Albeu.com.

Sipas tij, Skrapari eshte Simbol frymëzues i fisnikërisë, bujarisë dhe mikpritjes, qëndreses dhe trimërisë, patriotizmit dhe atdhedashurisë

Fjala e Blushit:

Është përherë kënaqësi e veçantë të jesh në Skrapar, në këtë trevë patriotike ku çdo mal, çdo rrugë, çdo shtëpi, çdo lagje dhe çdo fshat mbart historinë shekullore të një populli krenar, trim, i besës, me karakter të pathyeshëm dhe me dinjitet të lartë, që aq shumë ka dhënë për kombin shqiptar.

Simbol frymëzues i fisnikërisë, bujarisë dhe mikpritjes, qëndreses dhe trimërisë, patriotizmit dhe atdhedashurisë, Skrapari ka qenë jetë e mot çerdhja e luftrave çlirimtare, por edhe kështjella e pamposhtur, prita dhe vdekja e sigurt për çdo armik dhe pushtues që ka shkelur këtë tokë.

Historia e Skraparit është një gjerdan betejash dhe përpjekjesh heroike me pushkë dhe me penë, nga ato në luftë kundër osmanëve, andartëve grekë, pushtuesve italianë dhe nazi-fashistë.

Sa herë ka dalë në emergjencë çështja kombëtare, atje janë gjetur të parët skraparlinjtë, gjithmonë në ballë të betejave për mbrojtjen e Lirisë, Pavarësisë dhe Sovranitetit të Atdheut.

Firmat në shpalljen e Pavarësisë në Vlorë, si delegatë për Tomorricën dhe Skraparin e hodhi vetë Ismail Qemali dhe Xhelal Koprencka.

I paharruar në Luftën heroike të Vlorës në 1920 është kontributi i çetave nga Skrapari të udhëhequra nga patriotët Riza Cerova, Muço Kapinova, Ali Koprencka, Riza Kuci, Maliq Skrapari, Zylyftar Veleshnja, Xhevair Arapi, Asllan Osoja, Pasho Hysi e shumë të tjerë.

Gjatë pushtimit nazi-fashist, Skrapari ishte e para krahinë e çliruar më 5 shtator të vitit ’42.

Në kuadër edhe të 80-vjetorit të Çlirimit që festuam pak javë më parë, nderim të veçantë ndaj Komandantit të “Çetës Plakë” të Skraparit, pionerit të rezistencës dhe kryengritësit të përhershëm, Mestan Ujanikut.

Pa harruar sakrificat sublime të skraparlinjve në Vlushë, Krushovë, Turbohovë dhe Kapinovë gjatë Luftës së Dytë Botërore, nuk mund të mos krenohemi edhe me betejën e lavdishme të Tendës së Qypit, ku shkëlqeu trimëria e popullit të Skraparit me në krye Heroin Zylyftar Veleshnja, në krah të forcave të Brigadës së Parë Sulmuese.

Nderim përjetë edhe Brigadës së 7-të Sulmuese, njërës nga formacionet më të lavdishme të Luftës Antifashiste, ku nën komandën e Gjin Markut, u bashkuan qindra djem dhe vajza partizane të kësaj krahine, që e ndoqën pushtuesin deri në Vishegrad.

Ngjarje të tjera të rëndësishme si Kongresi i Parë i Rinisë Antifashiste në Helmës dhe krijimi i Brigadave e formacioneve të tjera partizane në këtë krahinë, ishin një kontribut i jashtëzakonshëm për fuqizimin e Luftës Antifashiste deri në Çlirimin e Shqipërisë.

Nderim përjetë qindra dëshmorëve që dha populli i Skraparit për Çlirimin e vendit dhe të gjithë personaliteteve të cilët drejtuan luftën, si Mestan Ujaniku, Zylyftar Veleshnja, Kahreman Ylli, Neshat Hysi, Njazi Çepani, Iliaz Sevrani, Ramiz Aranitasi emrin e të cilit mban me krenari gjimnazi i qytetit, Heroin e Popullit Estref Caka, i cili dha jetën për çlirimin e kryeqytetit dhe 417 dëshmorët që i dha Skrapari, Çlirimit të Atdheut.

Mirënjohje familjes Hysi në Vërzhëzhe, familjes së Hysen dhe Servet Zaloshnjës dhe familjes së Sinan Leshnjës.

Nderime përjetë për të gjithë ata heronj të cilët vaditën me gjakun e tyre tokën e Skraparit dhe mbetën të përjetshëm në krenarinë e betejave të fituara si Xheladin Beqiri, Gani Nivica, Mefail Rozani dhe shumë të tjerë, emrat e të cilëve nuk janë të gdhendur vetëm në lapidarët e Tendës së Qypit, Qafës së Gjarprit dhe Qafës së Shkozës, por mbi të gjitha në zemrën e popullit të Skraparit, që kurrë nuk e harron çmimin e lirisë.

Është dashuria për Atdheun, betejat me çdo sakrificë për Lirinë dhe respekti për njëri-tjetrin që e kanë bashkuar fort Partinë e Lirisë me Skraparin.

Jo më kot, këtu u hodhën 20 vite më parë themelet e para të Lëvizjes Socialiste për Integrim, mbi të cilat qëndron sot më e fortë se kurrë Partia e Lirisë.

Më lejoni me shumë përulje të falenderoj me respekt dhe mirënjohje të thellë të gjithë themeluesit, anëtarët dhe simpatizantët tanë në Skrapar, si edhe të gjithë skraparlinjtë kudo ndodhen, për sakrificat e panumërta, për kontributet e pamohueshme, për qëndresën dhe për mbështetjen e vendosur në dy dekada për fuqizimin e LSI-së dhe për zgjerimin e pandalshëm të sot Partisë së Lirisë.

Një mirënjohje për Nesim Spahiun, për punët e mira që ka bërë si Kryetar Bashkie dhe për komunitetin e mrekullueshëm patriot e punëdashës të Skraparit.

Më lejoni t’i përcjellim sot nga qendra e Skraparit, përshëndetjet më të përzemërta, djalit tuaj, Presidentit të Partisë së Lirisë, Z. Ilir Meta, i cili dy muaj më parë u rrëmbye në mënyrë kriminale dhe sot është i izoluar padrejtësisht nga ky Narkoregjim.

Ju skraparlinjtë keni një thënie shumë të mençur: Nuk rrëzohet Mali i Tomorrit nga një breshër! Nuk ka forcë që e thyen Ilir Metën.

Ndaj lë të japim sot së bashku mesazhin e qartë nga Skrapari se nuk ka fuqi në botë që e ndal misionin e Partisë së Lirisë për të rikthyer Lirinë, Demokracinë, Dinjitetin dhe Shtetin e së Drejtës në Shqipëri, se nuk ka forcë që na pengon të sjellim ndryshimin në zgjedhjet e 11 majit dhe se Fitorja e Partisë së Lirisë në të gjithë Shqipërinë do të nisë pikërisht këtu, nga Skrapari, që nuk e kanë thyer dot pushtuesit më të egër e jo më tartabiqët e pabesë të “Rilindjes”.

Të dashur miq,

Rrëmbimi terrorist dhe izolimi kriminal i Ilir Metës është paniku i regjimit të Edi Ramës nga krimet e shëmtuara që ka bërë në 11 vite.

Zero fakte, zero prova, pa asnjë akuzë penale dhe me dëshmitarë skandalozë me probleme me drejtësinë, Ilir Meta është sot në izolim ekstrem sepse në të gjitha funksionet e larta shtetërore dhe politike ai ka qenë dhe do të vazhdojë të jetë mbrojtës i vendosur dhe i pakompromis i çështjes kombëtare përballë “rilindasve” dhe McGonigalëve që shpopulluan dhe po zhvatin si bisha të pangopura Skraparin dhe të gjithë Shqipërinë.

Ka 32 vjet që hetohet Ilir Meta, me dosje kryekëput politike dhe për çdo thashethem ordiner, por asnjë provë dhe asnjë fakt të vetëm nuk ka që ai të ketë cënuar ndonjëherë ligjin. Zero me bisht.

Ndaj u izolua në ekstrem para zgjedhjeve të 11 majit 2025, sepse Ilir Meta është rrezik elektoral për regjimin e rrënuar të Edi Ramës, që sot mbahet në këmbë falë një strukture kriminale si SPAK, që heton një fshat të tërë për një autokombajnë pa leje, por që nuk guxon t’i përmendë as emrin Edi Ramës dhe Erion Velisë, në aferat e përbindshme korruptive të vjedhjes së taksave tuaja që përfundojnë në xhepat e tyre.
Ilir Meta u izolua sepse në gjendje lirie jo vetëm që do të kishte mundësinë të çmontonte shpifjet ordinere dhe shpikjet e fëlliqura, por do të ushtronte plotësisht të gjitha aftësitë e tij politikëbërëse dhe organizative, si burrë i vërtetë shteti për fuqizimin e veprimit politik të opozitës, për t’i shkurtuar ditët Narkoregjimit.

Tre Rezolutat e fundit të CDI, PPE, IDU janë radiografia më besnike e regjimit kriminal të Edi Ramës, por edhe e qëndresës së Partisë së Lirisë kundër këtij narkoshteti, që ka kapur për fyti drejtësinë dhe godet Ilir Metën, Sali Berishën dhe të gjithë opozitarët që denoncojnë krimet dhe korrupsionin e atyre që po vjedhin taksat tuaja, duke ju detyruar të braktisni Skraparin, këtë trevë historike, patriotike dhe me resurse e potenciale të jashtëzakonshme për zhvillim dhe mirëqënie.

Skrapari në 11 vitet e fundit ka kaluar në agoni.

Thuajse i shpopulluar, me fshatra të tërë të braktisur nga banorët për shkak të mungesës totale të shërbimeve, pa rrugë, pa shkolla, pa qendra shëndetësore, pa asnjë shërbim bazë si njësi ushqimore, madje as pa një mulli për bluarje drithi.

Si shpjegohet që kjo krahinë e bekuar nga Zoti, ku ndodhet Mali i Shenjtë i Tomorrit, kanionet e famshme dhe të mrekullueshme të Osumit, kanionet e Gradecit dhe Osojës, tunelet e madhërishme dhe shpella e Pirogoshit, Syri i Kaltër dhe shumë atraksione të tjera turistike, braktiset nga banorët e saj?

Arsyeja është vetëm një: Edi Rama ua ka bërë jetën ferr skraparlinjve duke mos u dhënë mbështetje dhe duke mos u garantuar as shërbimet më bazike.

Edi Rama e ka nxitur qëllimisht shpopullimin e kësaj krahine duke mos investuar në rrugë dhe infrastrukturë, duke i lënë fermerët në pikë të hallit me zero mbështetje, duke i lënë fëmijët pa shkolla, qytetarët pa spitale, turizmin dhe agroturizmin pa asnjë mbështetje konkrete.

Rruga Berat-Skrapar e vitit 1946 është e amortizuar dhe është vënë dorë realisht 20 vite më parë kur ishte Ilir Meta kryeministër, që bëri zgjerim rruge.

Skrapari ka mbetur xhep pa u lidhur me Përmetin dhe Korçën.

Krahina e Tomorricës pa rrugë dhe për 20 km asfalt duhen orë të tëra për t’u lidhur me Gramshin.

Partia e Lirisë do ta ketë Skraparin në qendër të vëmendjes.

Do të realizojmë këto tre rrugë për të rritur frymëmarrjen, duke e kthyer Skraparin në qendër të rëndësishme turizmi dhe agroturizmi.

Do të stimulojmë me programe të posaçme turizmin, duke rritur numrin e bujtinave dhe përmirësimin e shërbimeve në kulinari.

Duhet që rakia dhe rehania e famshme e Skraparit të kthehen në markë ndërkombëtare.

Duhet që qershia, arra dhe prodhimet bio shumë të pëlqyera të shiten me çmim konkurrues, jo për 2 lekë që e marrin sot tregtarët e shumicës.

Do t’i kushtojmë shumë vëmendje industrisë së përpunimit.

Do të ngremë magazina frigoriferike, ku gjithë frutat të depozitohen dhe të shiten me çmim maksimal dhe shpenzimet për mirëmbajtje dhe magazinim t’i përballojë shteti.

Programi i Partisë së Lirisë, 5 Prioritetet tona për 4 milion shqiptarë plus do t’i japin zgjidhje të drejtpërdrejtë problemeve të mëdha që ju keni ju, sepse i jep fund shpopullimit dhe e shndërron vendin në fuqi eksportuese përmes mbështetjes së fuqishme për bujqësinë dhe blegtorinë me pagesa të drejtpërdrejta.

Ne do të japim pagesë grant të menjëhershëm 10 mijë euro për çdo biznes të ri bujqësor familjar dhe përjashtim nga taksat e tatimet për 5 vite.

Do të japim pagesë direkte për pemishtet 500 Euro/hektar ose 50 Euro/dynym në mënyrë që qershitë e famshme të Skraparit të kultivohen sa më shumë e të gjejnë shitje jo vetëm në tregun vendas, por edhe në atë ndërkombëtar.

Do të japim pagesë direkte për sasinë e dorëzuar të frutave 0,2 Euro/kg.

Pagesë direkte për vreshtat me 1000 Euro/hektar ose 100 Euro/dynym, si një mbështetje jo vetëm për kultivimin e rrushit por edhe për prodhimin e rakisë së jashtëzakonshme të Skraparit dhe rehanisë.

Pagesë direkte për sipërfaqet e mbjella me perime në fushë të hapur me 1000 Euro/hektar ose 100 Euro/dynym dhe pa kufizim të sezonit të mbjelljeve.

Pagesë direkte për sipërfaqet e mbjella me perime në sera me 3500 euro/hektar ose 350 Euro/dynym dhe pa kufizim të sezonit të mbjelljeve.

Pagesë direkte për bimët mjekësore dhe aromatike 1000 Euro/hektar ose 100 Euro/dynym pa kufizim të sezonit të mbjelljeve.

Pagesë direkte për çdo kokë lopë nga 80 euro, në 200 euro. Pagesë direkte për çdo krerë dele e dhi nga 12 euro, në 60 euro.

Financimi i fermave blegtorale do të jetë me 200 Euro për krerë lope dhe pragu i përfitimit do të ulet në 3 krerë nga 10 që është aktualisht, si dhe në 20 krerë nga 100 që është aktualisht për tufat e të imtave (dele e dhi).

Një vëmendje të vecantë në programin tonë kanë edhe pensionistet, qe eshte kategoria me e përvuajtur, me e varfër por edhe me e mashtruar, me e përulur nga Edi Rama ne 11 vite.
Sot nje pensionist ne Skrapar duhet ta dije se është me i varfër se ne vitin 2013 kur ” Rilindja ” erdhi ne pushtet.
Sepse ne qofte se Kosova me buxhet 3.6 miliarde apo 2.3 here me te vogel se sa Shqiperia, rrit pensionet me 20%, Edi Rama ka menduar per pensionistet e Skraparit dhe te gjithe Shqiperise vetem 170 leke mbeshtetje ne muaj.

A mund te me thoni se cmund te beje sot nje pensionist ne Skrapar me vetem 170 leke mbeshtetje ne muaj?

Apo nisma tjetër tallëse me indeksimin 4.1% per pensionet.

Është tallje dhe përbuzje, sikundër jam i bindur se pensionistet e Skraparit dhe te gjithe Shqipërisë nuk do mashtrohen as me gjelin e detit qe Edi Rama do ju jape kete vit.

Se me nje gjel deti nuk shtyn dot 1 apo 2 dite, jo me te shtysh 4 dite, jo me te shtysh 2 apo 3 muaj.
Cfare do te bejme ne per pensionistet?

Ne do te dyfishojmë pensionet per te rritur nivelin e mesatares se Rajonit.
Do te rimbursojme te gjitha ilaçet per pensionistet.

Do te indeksojme plotesisht masen e pensionit, duke e llogaritur indeksimin mbi bazën e inflacionit te artikujve ushqimore, sepse ne qofte se cmimet e ushqimeve sot kane shkuar ne stratosferë, pensionet kane ngelur po njësoj.nqs me kete pension ju para 1 apo 2 viteve blinit 2kg sheqer me shume, 2 pako makarona me shume,sot jeni te detyruar te merrni borxh, sepse mezi shtyni muajin.

Sot nje pensionist ne Skrapar mezi paguan faturën e ujit, mezi paguan faturën e energjisë elektrike, mezi paguan ilaçet, por per Edi Ramen pensionisti vlen vetem 170 leke ne muaj, kur nderkohë per koncensionet korruptive ka planifikuar 777 miliarde leke.

Gjithcka do vidhet, sepse ne qofte se fokusi do ishte te ju, do ishte te pensionistet, do ishte te shtresat ne nevoje, do shtonte pensionet, do shtonte ndihmen ekonomike, do shtonte fondet per te papunët, por jo, ai ka akorduar mbi 500 milione leke te reja per shpenzime operative, 15 mije euro ne ore per te udhëtuar me çarter privat, 15 mije euro sot nuk i ka pare kush bashke, por nuk i ka marre as si mbeshtetje asnje shtrese ne nevoje.

Gjithashtu ne angazhohemi per mbulimin e plote financiar te te gjithe barnave qe përdoren nga pensionistet te pershkruara me recete mjekësore, mbulimin e te gjitha shërbimeve mjekësore dhe infermierike ne banese per te gjithe ata pensioniste me probleme shendetesore, si dhe sigurimin e sherbimeve shendetesor pa pagese per rehabilitimin dhe fizioterapinë per te gjithe ata te moshuar, per gjyshet dhe gjyshërit tane qe vuajnë nga sëmundjet imvalidizuese.

Arsimi do te jete nje prioritet madhor, sepse duke mbeshtetur arsimin ne mbeshtetim rininë dhe duke mbeshtetur rininë ne gjallerojme Skraparin qe sot ka me shume nevoje se kurre per te rinjte per tju dhene drejtim puneve te mira qe kane ngelur per ngjysem qe kur zoti Spahia e la kete bashki.
Ndaj ne me programin tone angazhohemi per te mbeshtetur arsimin me 5% te PBB ku nderkohe fondet shtese per vitin e ardhshem jane 0, sepse 0 fonde shtesë jane per te rinjte.

Gjithashtu ne kemi nje program konkret per te ndaluar shpopullimin e kesaj krahine dhe gjithe Shqipërisë duke mbeshtetur familjet e reja te cilat sot e kane te pamundur ne keto kushte per te krijuar nje te ardhme ne Skrapar, ne Corovodë, ne Poliçan, ne Berat dhe kudo tjeter.

Ne angazhohemi qe per cdo familje te re te japim nje kredi ne masen 20 mije euro, ku interesat I paguan shteti, nderkohe qe shpenzimet per ushqimet baze do te rimbursohen ne masen 5%.
20 mije euro grant per cdo te ri deri ne 25 vjec ne menyre qe te investojë dhe te krijoje nje te ardhme te sigurt, por duke patur paratë dhe doren e shtetit
$

Gjithashtu per te gjitha nenat shtatzana ne jo vetem do te mbulojmë 70 deri ne 100% te pagës per 2 vite mbas lindjes, por edhe per grate shtatzana te familjeve ne nevoje ne do te japim ndihma dhe mbeshtetje.

Por sigurisht njebpike tjeter kryesore eshte edhe Shqiperia fuqi eksportuese qe eshte po aq e rendesishme sa ndalimi i shpopullimit, sepse ne qofte se sot Shqipëria eksporton vetem 8%, Maqedonia e Veriut qe nuk ka as det as keto mrekulli natyrore, eksporton 57% te PBB.

Shqipëria sot eshte shnderuar ne nje kosh mbeturinash per produktet e importit dhe i vetmi vend ne kontinent qe mbajmë rekord per importin e bananeve jemi ne, qe ne fakt nuk eshte gje tjeter vecse imort droge.

Por sigurisht duke mbeshtetur prodhimin vendas, duke mbeshtetur ata fermere qe meren sot me sektorin e bletarise ne Skrapari me 50 euro per koshere, duke mbeshtetur edhe uljen e TVSH per prodhimet baze bujqësore nga 20% ne 5%, duke ulur ne 0% TVSH per ushqimin e bagëtive, e shpendëve te mishit, duke dhene pagese direkte edhe per fermat e vicave per majmeri, per zogj pule per majmeri 0.2 euro per zog.

Duke mbeshtetur me pagese direkte per cdo liter qumesht me 0.1 euro per liter.
Duke mbeshtetur me pagese direkte per cdo liter vere dhe raki te prodhuar me 0.08 euro per liter, ne mendojmë se prodhimet bio te kesaj krahine do te gjejne treg dhe kjo do te rise mirëqenien e popullit te Skraparit.

Jam i sigurt se me kontributin dhe angazhimin tuaj do të bëjmë gjithçka që Skrapari të lulëzojë dhe të lulëzojë e ardhmja e familjeve dhe në mënyrë të veçantë e fëmijëve tuaj sepse kjo është më e rëndësishmja për çdo prind.

Malet tona më të larta!

The post Tedi Blushi në Çorovodë: Skrapari kryeqyteti i fitores së Partisë së Lirisë në të gjithë Shqipërinë appeared first on Albeu.com.

SPAK thotë se është provuar se si ish ministër i Tregtisë dhe Energjetikës Ilir Meta ka përdorur autoritetin dhe influencën e tij për të ndërhyrë në procesin e lidhjes së kontratës ndërmjet shoqërisë “Debt International Advisory” dhe kompanisë CEZ Shpërndarje.

Kjo kontratë kishte për objekt asistimin në identifikimin dhe arkëtimin e borxheve të prapambetura. Këto marrëdhënie ngushtësisht të ndërlidhura kanë ndikuar drejtpërdrejtë në procesin e përzgjedhjes së DIA-s për të kryer shërbimet e mbledhjes së borxheve të CEZ-it, pavarësisht se shoqëria nuk përmbushte të gjitha kriteret ligjore dhe profesionale për të menaxhuar detyrime të kësaj natyre.

Shoqëria “Debt International Advisory”, përmes kësaj marrëveshjeje ka përfituar në mënyrë të parregullt shumën prej 649,803,520 lekësh, e cila është konfirmuar nga një vendim gjyqësor i formës së prerë.

Hetimet e deritanishme sipas njoftimit zyrtar kanë zbuluar se Ilir Meta ka kërkuar dhe pranuar shuma të konsiderueshme parash nga Kastriot Ismailaj, gjatë periudhës kur ai mbante funksionin e Ministrit, detyrë e cila përfshinte mbikëqyrjen e procesit të privatizimit të CEZ-it dhe lidhjen e kontratave për mbledhjen e borxheve, duke konsumuar kështu elementët e veprës penale të “Korrupsionit pasiv të funksionarëve të lartë shtetërorë ose të zgjedhurve vendorë”.

E dyta SPAK numëron se Meta si Kryetar i Kuvendit dhe bashkëshortja e tij, Monika kryemadhi si deputete e Kuvendit, në vitin 2014 kanë përdorur influencën e tyre duke ndikuar tek drejtuesit e institucioneve të ndryshme shtetërore si dhe tek drejtuesit e kompanive të telefonive celulare, me qëllim futjen në tregun e fibrave optike si dhe lidhjen e marrëveshjes së interkonjeksionit midis kompanisë midis dy kompanive.

Si rezultat i kësaj influence të paligjshme çifti Meta dyshohet se ka përfituar pjesën e tyre në përqindje nga fitimi i kompanisë, dhe janë pajisur me karta krediti nga administratori i shoqërisë.

Shpenzimet e kryera nëpërmjet këtyre kartave, nuk janë deklaruar në deklaratat periodike të pasurive nga të hetuarit.

Nga ana tjetër Pirro Xhixha si Kryetari i AKEP, i zgjedhur nga Kuvendi i Shqipërisë me propozimin e subjektit politik “Lëvizja Socialiste Për Integrim” (LSI), në zbatimi të porosive të marra nga subjektet Meta dhe kryemadhi jo vetëm ka ndikuar tek drejtuesit e kompanisë telefonike celulare për finalizmin e marrëveshjes por nga ana tjetër, ka lejuar kompaninë private të ushtrojë aktivitetin e saj në shkelje të ligjit të AKEP.

Korruptive e quan SPAK marrëdhënien me biznesmenin SM për përfitimin e një vile si shpërblim për influencën e paligjshme që ata ushtronin ndaj funksionarëve publikë të emëruar nga LSI, në interes të aktiviteteve ekonomike të biznesmenit në fjalë që dyshohet se u finalizua me ndryshimin e një ligji.

SPAK numëron si abuzim edhe kontratën e lobimit në SHBA prej nga ku rezulton se një pjesë e financimit të kontratave është bërë me transferta bankare nga llogaritë e subjektit politik, Lëvizja Socialiste për Integrim, ndërkohë që shuma prej 463.546,26 USD nuk është transferuar nga llogaritë bankare të këtij subjekti politik.

Po kështu rezulton se kjo shumë monetare, e cila nuk është transferuar nga llogaritë bankare të forcës politike nuk është pasqyruar në bilancet e subjektit politik Lëvizja Socialiste për Integrim, të depozituara pranë Komisionit Qëndror të Zgjedhjeve.

SPAK deklaron se çifti ka blerë një apartament i deklaruar si i financuar me kredi bankare por që nga hetimet rezulton se shuma prej 310 mijë euro janë derdhur cash nga nëna e zonjës kryemadhi. Çifti Meta thotë SPAK nuk deklaroi shpenzimet mjekësore me një shumë prej mijëra eurosh.

The post Arrestimi i Ilir Metës, Partia e Lirisë njofton protestë para SPAK appeared first on Albeu.com.