Luigi Polla, dermatolog nga Gjeneva, thotë se lëkura e duarve është jashtëzakonisht e ndjeshme dhe ndikohet nga një sërë faktorësh.

Ai shton se larja e shpeshtë, temperaturat e ftohta, rrezet e diellit dhe era mund të ndikojnë që lëkura të shfaqë shenja të plakjes shumë më herët – ajo humb volumin dhe bëhet e hollë.

Larja e duarve vazhdimisht, veçanërisht nëse përfshin ujë të nxehtë, sapunë të fortë ose dezinfektues, mund të shkaktojë acarim. Për ta parandaluar këtë, përdorni sapunë të butë kur lani duart dhe më pas aplikoni një krem ​​ushqyes për të ndihmuar lëkurën të rikuperohet dhe të krijojë një barrierë në sipërfaqe.

Përdorimi i një kremi cilësor të duarve është mënyra më e mirë për të parandaluar plakjen e lëkurës së duarve, por gjithashtu do të rivendosë lagështinë e saj.

Përbërësit që duhen kërkuar në kremin e duarve janë glicerina, ureja, acidet dhe vajrat bimore. Duhet të shmangni çdo përbërës që e thajnë lëkurën, duke përfshirë edhe acidet AHA. Gjithashtu duhet të shmangni kremrat me pH më të lartë se shtatë./albeu.com

The post Kjo pjesë e trupit ju zbulon moshën tuaj të vërtetë appeared first on Albeu.com.

1. Duart

Duart janë të ekspozuara ndaj elementeve të natyrës, prandaj e tregojnë kalimin e kohës më tepër se çdo pjesë tjetër e trupit. Sipas ekspertëve, dëmi më i madh vjen nga dielli. Këshillohet që, përveç përdorimit të një kremi të mirë duarsh, të  aplikoni krem kundra diellit në kurrizin e duarve, një herë në ditë. Sipas ekspertëve, është gjithashtu e rëndësishme ti mbani duart e hidratuara, veçanërisht gjatë natës.

2. Fytyra

Qukat mund të duken të lezetshme tek fëmijët, por njollat e errëta në lëkurë nuk janë aspak tërheqëse më vonë. Sipas ekspertëve ekziston një zgjidhje për këtë problem. Më e mira që mund të bëni, është përdorimi i një serumi për lëkurë me hiper-pigmentim. Gjithashtu, shoqërojeni me dietën e duhur ushqimore.

3. Kapakët e syve

Ndërsa plakeni, kapakët e syve do të tërhiqen dhe muskujt që i mbështesin, do të dobësohen. Kjo çon në krijimin e tepricave të dhjamit mbi dhe nën kapakët e syve, duke krijuar qeska nën sy. Përveç operacionit plastik, ju mund të konsumoni shumë ujë, të flini mjaftueshëm, dhe të konsumoni më pak kripëra. Në treg ka disa lloje kremërash, të cilët përdoren për reduktimin e fryrjeve.

4. Qafa

Lëkura e qafës është më e hollë se lëkura e fytyrës. Përdorni të njejtat preparate që përdoni për lëkurën e fytyrës, përpara se të jetë shumë vonë. Disa estetistë ofrojnë këshilla të tilla si përdorimin e një shalli të lezetshëm ose i pudrës rozë tek faqet, për të larguar vëmendjen nga qafa.

5. Bërrylat

Fatkeqësisht, lëkurën e varur në pjesën e bërrylave nuk mund ta kurojmë. Provoni kremëra hidratues ose vishni bluza me mëngë të gjata. Kini parasysh faktin që nuk jeni vetëm: shumica e njerëzve vuajnë nga thatësia e lëkurës në bërryl, ndërsa plaken. Fajësoni diellin, stresin, pirjen e duhanit, moshidratimin dhe humbjen e djersës dhe gjëndrave yndyrore.

6. Flokët

Me kalimin e kohës, flokët jo vetëm që hollohen dhe zbardhen, por bëhen edhe më të thatë dhe më të brishtë. Disa vajëra të caktuar mund ti mbajnë flokët tuaj të hidratuar. Gjithashtu në vend të preparateve të zakonshme për flokët, përdorni preparate të pasura me proteina./Huffington Post

The post Pjesët e trupit që tregojnë të parat moshën tonë appeared first on Albeu.com.