Mësohet se gjykata e Durrësit, ka liruar Arbër Paplekajn me kusht.

Kujtojmë se ngjarja ndodhi më 21 prill të 2021 në lagjen “5 Maji”, në Elbasan.

Në kërkesën e tij, ish-efektivi i RENEA-s kishte argumentuar se ka kryer pjesën më të madhe të dënimit.

Arbër Paplekaj, u dënua nga Gjykata e Elbasanit me 22 vite burg për akuzën e vrasjes në rrethana cilësuese, por kishte pretenduar se krimin e kreu për vetëmbrojtje.

Ndërkohë Gjykata e Apelit me një vendim të datës 1 korrik 2024, e ka dënuar me 7 vite burg ish-efektivin e RENEA-s.

Togat e zeza ndryshuan akuzën ndaj tij nga “Vrasje në rrethana cilësuese” në “Vrasje në kushtet e tronditjes psikike”.

Po kështu, Apeli në atë kohë dha pafajësi për 6 efektivët e “Shqiponjave” Dedion Duraku, Pëllumb Biçaku, Erion Balla, Erion Meçja, Donald Dedja dhe Besmir Kadiu.

Për ta, Gjykata e Elbasanit kishte dhënë dënimin me 16 muaj shërbim prove. Të pafajshëm u shpallën edhe dy ish-zëvendësdrejtorët e Policisë së Elbasanit, Albert Nushi dhe Nikollaq Palla për të cilët Gjykata e Elbasanit kishte dhënë nga 1 vit shërbim prove për secilin.

NGJARJA

Vrasja e Pjerin Xhuvanit, përkrahës i PS, ndodhi më 21 prill 2021, 4 ditë para zgjedhjeve parlamentare të 25 prillit 2021.

Ngjarja ndodhi pas përplasjes mes shtabeve elektorale, ku struktura informale e ngritur PD-ja për të mbrojtur votat ndaluan makinën e Mehmet Greçës, pasi ai kishte në mjet jo vetëm para për të shpërndarë për blerje votash, por madje edhe listat e zgjedhësve.

Ky i fundi u tha se thirri në ndihmë Pjerin Xhuvanin, i cili mbërriti aty dhe fatkeqësisht humbi jetën në atë shkëmbim zjarri. Policia dhe prokuroria e Elbasan thanë se gjithçka ndodhi pas një sherri verbal mes palëve ku u vra Xhuvani dhe u plagosën 4 persona të tjerë, Paulo Vuksani, Emiljano Prenga, Eltjon Bodinaku dhe Xhensila Sota.

The post Vrasja e Pjerin Xhuvanit, lirohet nga burgu Arbër Paplekaj appeared first on Albeu.com.

Përmes avokatit të tij, Paplekaj pretendon se plotëson të gjitha kushtet ligjore për këtë kërkesë: ka vuajtur tre të katërtat e dënimit, nuk ka shkelje disiplinore gjatë qëndrimit në burg dhe përmend gjithashtu gjendjen familjare si rrethanë lehtësuese.

Megjithatë, seanca gjyqësore e planifikuar për këtë të martë u shty, pasi Paplekaj nuk u shoqërua në sallën e gjyqit nga policia e burgjeve. Gjyqtari Rexhepi Bekteshi vendosi që shqyrtimi i kërkesës të mbahet më 16 korrik.

Fillimisht, Paplekaj ishte dënuar me 22 vite burg nga Gjykata e Elbasanit për “vrasje në rrethana cilësuese”, por Apeli e rikualifikoi akuzën në “vrasje të kryer në gjendje të tronditjes së fortë psikike”, duke e ulur dënimin përfundimtar në 7 vite.

Ngjarja ndodhi më 21 prill 2021, kur mbështetës të Partisë Demokratike, pjesë e një strukture të vetëshpallur për mbrojtjen e votës, ndaluan në Elbasan një automjet pa targa të drejtuar nga Mehmet Greca (i njohur si Met Dafllaku), të cilin e akuzuan për përfshirje në blerje votash në favor të PS.

Në ndihmë të Grecës mbërritën Pjerin Xhuvani, dhëndri i tij dhe disa persona të tjerë, disa prej të cilëve me të shkuar kriminale. Gjatë përplasjes, shpërtheu një shkëmbim zjarri ku mbeti i vrarë Xhuvani dhe u plagos një oficere policie.

Sipas hetimeve, ishte Arbër Paplekaj ai që qëlloi për vdekje Xhuvanin. Në vendngjarje u përdorën edhe dy armë të tjera zjarri, por prokuroria nuk ka arritur të identifikojë autorët që i përdorën ato. Në kohën e ngjarjes, aty ishin të pranishëm edhe dy zëvendësdrejtorë të Policisë së Elbasanit si dhe zyrtarë të tjerë.

The post Vrau Pjerin Xhuvanin, Arbër Paplekaj kërkon lirimin me kusht appeared first on Albeu.com.

Në dëshminë e tij avokati i Paplekajt, Mirash Martini tha se Paplekaj nuk ka reaguar në asnjë moment me dhunë.

Sipas tij, bazuar në pamjet filmike, Paplekaj ka reaguar instiktivisht në mbrojtje të vetes dhe personave që ndodheshin aty kur pa dy persona të armatosur.

“Arbër Paplekaj nuk ka reaguar me dhunë në asnjë moment. Ai shquhet nga pamjet që madje përpiqet të largohet. Nuk ka asnjë person në vendngjarje që të dëshmojë që Paplekaj ka fyer dikënd. Por në momentin kur ballë tij kishte dy persona që mbanin duart në borseta krahë qafe dhe kur ka parë armë në duart e tyre, ka reaguar instiktivisht në mbrojtje të vetes dhe personave që ndodheshin aty. Edhe nga pamjet filmike, edhe akti i ekspertimit, tregon se kur Paplekaj ndodhet përballë Pjerin Xhuvanit, sheh dy personat të armatosur në krahët e tij, sheh dhe Pavlo Duksanit që është plagosur në atë çast, ky është edhe momenti i reagimit të tij”.

Avokati Martini, tha se gjykata pranoi rihapjen e pjesshme të hetimit gjyqësor, duke u kryer dy akt eskpertime të reja.

Deklarata e avokatit të Paplekajt, Mirash Martini:

Me kërkesën tonë gjykata pranoi rihapjen e pjesshme të hetimit gjyqësor, duke u kryer dy akt eskpertime të reja.

Bazuar në aktet e marra nga hetimi gjyqësor në shkallë e parë, e plotësuar edhe me aktet e reja të përpiluara gjatë apelit ka rezultuar se fakti ka ndodhur në këto rrethana:

I mbrojturi prej meje ka qenë pjesë vullnetare e një grupi për mbrojtjen e votës në Elbasan, të kryesuar nga Arjan Hoxha. Ditën e ngjarjes, në orët e drekës ky grup vullnetarësh kanë marrë nga shtabi elektoral tre furgonë, që ishin të marrë me qira të përkohshme. Në furgonin e parë, që drejtohej nga Nuri Kasmi ka qenë edhe Arjan Hoxha dhe Arbër Paplekaj.

Në një moment Arjan Hoxha është telefonuar nga Ergys Muzhaqi, që ishte sinjalizuar nga Gazment Bardhi, për një krim elektoral në lagjen “5 maji”. Pas këtij komunikimi Muzhaqi është takuar me Hoxhën dhe kanq shkuar në rrugën “Lef Nosi”.

Kur kanë mbërritur në vendngjarke nuk kanë kontaktuar një makinë “ML”. Kanë parë nëse ka kamera lokali përballë dhe kanë dëshur të largohen.

Në këtë moment vjen një “ML” pa targa i drejtuar nga Mehmet Ndreca.

Hoxha e Paplekaj kanë shquar në makinë fotokojpje ID dhe një shkop gome.
Kanë njoftuar policinë, Alket Shatron, i cili nuk ishte në Elbasan, por janë sinjalizuar për situatën vartësit e tij.

Kamë mbërritur në vendngjarje dy zv.drejtorët Albert Nushi dhe Nikollaq Palla. Komunikimi i tyre me Arjan Hoxhën është regjistruar.

Dy zv.drejtorët kanë nisur të intervistojnë Mehmet Ndrecës.

Hoxha ka kërkuar të ndiqen procedurat nga policia dhe të kqyreshin sendet që ndidheshin në mjet.

Një minutë pas zv.drejtorit të Policisë ka ardhur një furgon policie me efektivë.

Nga pamjet filmike të administruara nga telefoni i Arjan Hoxhës, rezulton se gjendja ka qenë e qetë. Grupi i vullnetarëve ka konsideruar se detyra e tyre mbaroi.

Dy minuta më vonë aty janë afruar disa mjete, që kanë ndaluar në rrugë. Ata kanë zbritur dhe kanë sulmuar dhunshëm personin që po filmonte me telefonin e Arjan Hoxhës e më pas edhe Arjan Hoxhës.

Nga telefoni i babait të Klement Xhaferrit, është filmuat momenti kur personat që mbërrijnë kërkojnë uljen e telefonit, por edhe ndërhyrjen e Paplekajt për të qetësuar situatën.

Po aty shquhet Pjerin Xhuvani me vrull dhe disa persona që shtyjnë Paplekajn në një kend të rrugës, ku ishte një rrugicë në ndërtim.
Nga aktet dhe dëshmitë, rezulton se kjo turmë ka ardhur në vendngjarje për të shpëtuar Mehmet Ndrecën, teksa ai po intervistohej nga zv.drejtorët e policisë. Turma jo vetëm që shpëtoi intervistimin e Ndrecës, por edhe pastrimin e automjetit nga objekte të dyshimta, letra me ngjyra, por edhe një çantë.

Në vendin e ngjarjes ka ardhur edhe një automjet “Discovery” me 4 zyrtarë të lartë të Policisë së Elbasanit. Ata nuk depërtojnë dot, për shkak të makinave që kanë zënë rrugën.

Arbër Paplekaj nuk ka reaguër me dhunë në asnjë moment. Ai shquhet nga pamjet që madje përpiqet të largohet. Nuk ka asnjë person në vendngjarje që të dëshmojë që Paplekaj ka fyer dikënd.

Por në momentin kur ballë tij kishte dy persona që mbanin duart në borseta krahë qafe dhe kur ka parë armë në duart e tyre, ka reaguar instiktivisht në mbrojtje të vetes dhe personave që ndodheshin aty.

Edhe nga pamjet filmike, edhe akti i ekspertimit, tregon se kur Paplekaj ndodhet përballë Pjerin Xhuvanit, sheh dy personat të armatosur në krahët e tij, sheh dhe Pavlo Duksanit që është plagosur në atë çast, ky është edhe momenti i reagimit të tij.

The post Vrasja e Pjerin Xhuvanit/ Nis seanca për Paplekajn, avokati: Arbri reagoi instinktivisht kur pa dy persona të armatosur appeared first on Albeu.com.