Ndodh në Maqedoni! Adoleshenti grabit disa pika bastesh në Shkup duke kërcënuar me armë lodër

E B — Sat, 28 May 2022 10:44:03 +0000

Ministria e Punëve të Brendshme njofton se gjatë ditës së sotme ka ndaluar një të mitur nga Shkupi pasi i njëjti dyshohet për grabitje. I mituri 17-vjeç nga fshati Zelenikovë i Shkupit në disa raste me pistoletë të plastikës ka grabitur bastore sportive në rajonin e Shkupit. Ai është ndaluar në stacion të policisë dhe gjatë një bisede zyrtare në prani të prindit, avokatit dhe inspektorit të të miturve ka pranuar se kishte kryer edhe dhjetë vepra penale.

“Më datë 27.05.2022 rreth orës 09.00 në një lokal bastesh sportive, 17-vjeçari me kërcënim me armë të plastikës i ka marrë para punonjëses dhe po atë ditë ka kryer një grabitje në mënyrë identike në një lokal tjetër bastesh sportive. Të njëjtën vepër 17-vjeçari e ka kryer më datë 26.05.2022 në një bastore sportive në zonën e Karposhit, më datë 23.05.2022 në një lokal bastesh në zonën e Aerodromit, më datë 17.05.2022 në zonën e Kisella Vodës, më 06.05.2022 dhe më 30.04.2022 në pikat e basteve në zonën e Aerodromit. I mituri ka pranuar se ka kryer edhe tre grabitje të tjera në baste sportive në zonën e Aerodromit, dhe atë me 27.03.2022, më 23.03.2022 në orën 21:00 dhe më 3 dhjetor 2021 rreth orës 18:00, kur me kërcënim u ka marrë para punonjësve. Personit i janë gjetur dhe konfiskuar objekte të lidhura me krimet”, thonë nga MPB./tv21

The post Ndodh në Maqedoni! Adoleshenti grabit disa pika bastesh në Shkup duke kërcënuar me armë lodër appeared first on Albeu.com.

I riu futet në spital, kërcënon punonjësen me pistoletë lodër, si e zuri “mat” policia (VIDEO)

E B — Sat, 07 May 2022 16:45:17 +0000

Policia ka arrestuar një 34-vjeçar në Gjirokastër, pasi ka hyrë në ambientet e spitalit për të vjedhur dhe ka kërcënuar punonjësen me pistoletë lodër.

Menjëherë shërbimet e Komisariatit të Policisë Gjirokastër, në bashkëpunim me Forcën “Shqiponja”, kanë organizuar punën dhe falë ndërhyrjes kanë bërë të mundur kapjen e tij.

Njoftimi i policisë:

Gjirokastër

Tentoi të vidhte një shumë parash në recepsionin e spitalit, falë ndërhyrjes së shpejtë të Policisë, vihet në pranga 34-vjeçari.

Pas marrjes së njoftimit se në ambientet e spitalit rajonal në Gjirokastër, një shtetas po tentonte ti vidhte një shumë parash recepsionistes, nën kërcënimin e një sendi të fortë, menjëherë shërbimet e Komisariatit të Policisë Gjirokastër, në bashkëpunim me Forcën “Shqiponja”, kanë organizuar punën dhe falë ndërhyrjes profesionale dhe të menjëhershme kanë bërë të mundur kapjen në flagrancë të shtetasit A. R., 34 vjeç, banues në Gjirokastër.

Gjatë kontrollit fizik, këtij shtetasi iu gjet dhe iu sekuestrua në cilësinë e provës materiale një send plastik (pistoletë lodër).

Veprimet e mëtejshme u kryen nga specialistët e Seksionit për Hetimin e Krimeve në Komisariatin e Policisë Gjirokastër, të cilët bënë arrestimin në flagrancë të shtetasit A. R., për veprën penale “Vjedhja me dhunë”, mbetur në tentativë”.

Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.

The post I riu futet në spital, kërcënon punonjësen me pistoletë lodër, si e zuri “mat” policia (VIDEO) appeared first on Albeu.com.

pistolete loder Archives - Albeu.com

Ndodh në Maqedoni! Adoleshenti grabit disa pika bastesh në Shkup duke kërcënuar me armë lodër

I riu futet në spital, kërcënon punonjësen me pistoletë lodër, si e zuri “mat” policia (VIDEO)