pirro dhima Archives - Albeu.com

Kongresi Zgjedhor i Federatës Botërore të Peshëngritjes, Ramës i dhurojnë dekoratë: Pirro Dhima nuk mendoi që unë isha talent

admin — Sun, 26 Jun 2022 18:50:06 +0000

Këtë të diel është zhvilluar mbrëmja falënderuese për delegacionet e 150 vendeve të botës, të cilat e zhvilluan Kongresin Zgjedhor të Federatës Botërore të Peshëngritjes në Shqipëri.

Kryeministri Edi Rama ka qenë i pranishëm atje, ku edhe ka mbajtur një fjalim.

Rama u shpreh se kjo tregon respektin për federatën tonë dhe se flet për imazhin e ri të Shqipërisë në botë.

Shefi i qeverisë shtoi se kreu i Federatës i ka dhuruar kryeministrit një dekoratë mirënjohjeje për kontributin e tij në Peshëngritje.

Rama duke i falënderuar, nuk ka kursyer as batutat, duke thënë se në moshën kur ai mund të ngrinte pesha, Pirro Dhima nuk mendoi se ishte një talent.

“Unë e di që nuk e meritoj këtë por e vlerësoj së tepërmi, dhe ka dy mënyra për tu nderuar nga federata juaj, njëra për tu nderuar me medalje dhe tjetra për të qenë kryeministër. Kështu që unë nuk fitoj dot medalje, tepër vonë për këtë gjë, sepse Pirro Dhima nuk mendoi se unë isha talent në atë moshë kur unë mund të kisha ngritur pesha, kështu që faleminderit për këtë dhuratë, do ta mbaj me shumë mirënjohje për Presidentin por dhe për të gjithë ju”, u shpreh Rama.

The post Kongresi Zgjedhor i Federatës Botërore të Peshëngritjes, Ramës i dhurojnë dekoratë: Pirro Dhima nuk mendoi që unë isha talent appeared first on Albeu.com.

Pirro Dhima merr pjesë në varrimin e së ëmës, nuk i mban dot lotët (VIDEO)

E B — Sat, 02 Oct 2021 11:55:46 +0000

Lefterie Dhimo u gjet e vdekur ditën e djeshme në shtëpinë e saj në Himarë, pranë kazanit të rakisë, ku dyshohet se kishte vdekur prej disa ditësh.

Nëna e Pirro Dhimës ka qenë në gjendje të mirë shëndetësore. Para 1 muaji ka qenë në Himarë djali i vogël. I ka kërkuar ta marr me vete, por Nëna i ka thënë që do digjte një herë rakinë. Kishte bërë dhe vaksinat të dyja së fundmi.

Ditën e sotme është bërë dhe ceremonia mortore e 75 vjeçares, nëna e Pirro Dhimos, peshngritësit shqiptar. Ky i fundit ka ardhur nga jashte dhe ka marrë pjesë në varrimin e të ëmës. Ne videon e siguruar nga Fax News, ai shihet duke i dhënë dorën njerëzve të pranishëm në ceremoni, si edhe duke qarë në fund kur i jepet lamtumira e fundit të ndjerës.

The post Pirro Dhima merr pjesë në varrimin e së ëmës, nuk i mban dot lotët (VIDEO) appeared first on Albeu.com.

Fqinja e nënës së Pirro Dhimës: Jetonte vetëm, kishte tre ditë e vdekur

E B — Fri, 01 Oct 2021 11:45:05 +0000

Ditën e sotme është gjetur e pajetë në Himarë, nëna e kampionit shqiptar të boksit Pirro Dhima për Greqinë.

Ajo u gjet pa shenja jete pranë kazanëve të rakisë, dhe trupi kishte filluar të dekompozohej.

Fqinja e Lefterie Dhimës, në një proncocim për mediat tha se, e moshuara jetonte vetëm dhe kishte tre ditë që kishte vdekur.

“Kishte tre ditë. E kanë gjetur gjitonët, Sot e mësova, Kishte tre ditë. Ajo jetonte vetëm vetëm”, shprehet e moshuara./albeu.com

The post Fqinja e nënës së Pirro Dhimës: Jetonte vetëm, kishte tre ditë e vdekur appeared first on Albeu.com.

U gjet e pajetë në Himarë, marrëdhënia e vështirë e Pirro Dhimës me nënën për shkak të martesës me gazetaren greke

E B — Fri, 01 Oct 2021 08:38:35 +0000

Nëna 75-vjeçare e medalistit botëror në peshëngritje, Pirro Dhima u gjet e vdekur mëngjesin e sotëm në Himarë. Policia bëri me dije se e moshuara dyshohet se kishte ndërruar jetë disa ditë më parë pasi në trup janë vërejtur shenja dekompozimi.

Krahas Pirros, ajo ka edhe një djalë tjetër, tre vjet më të madh se kampioni i botës, Odhiesean.

E ndjera ka punuar gjatë gjithë jetës në Tiranë duke i rritur të dy djemtë në kryeqytetin shqiptar, ndërsa shembja e komunizmit bëri që të ndryshojnë gjërat edhe për familjen Dhima. Pirro shkoi në Greqi ku 13 vite më vonë u shpall kampion bote në peshëngritje. Ky ishte suksesi i madh i parë i tij, i cili do ta bënte një hero në Greqi. Disa vite më vonë, Dhima u zgjodh deputet i partisë së majtë greke PASOK,.

Ai nuk i ka fshehur asnjëherë qasjet jo shumë dashamirëse ndaj Shqipërisë, duke dalë publikisht me personazhe të njohur që punojnë për aneksimin e jugut siç është Babis Karathano dhe grupet ekstremiste greke.

Marrëdhënia me nënën

Pirro Dhima nuk ka patur asnjëherë një marrëdhënie të ngushte me nënën e tij. Ndoshta kjo shpjegon edhe faktin se përse e moshuara u gjet e vdekur pas 3-4 ditësh sipas policisë, në gjendje të dekompozuar. Kur mediat greke kanë shkruar për këtë fakt, e kanë përshhkruar raportin e tij me nënën të vështirë për shkak të martesës me gazetaren e njohur Anastasia Sdougou.

Kjo e fundit ishte shumë vitë me e madhe se Piro dhe kjo gjë nuk i pëlqeu nënës, ç’ka çau marrëdhëniet mes tyre. Edhe në intervistat për mediat greke dhe shqiptare, Piro nuk e përmend nënën e tij, por thotë se është rritur nga gjyshja në Himarë.

”Nuk jam me origjinë shqiptare! Unë jam grek brez pas brezi. Unë nuk kam asnjë lidhje me shqiptarët. Gjyshja ime u kujdes për mua, ajo më mori të më rriste sepse familja ime ishte e zënë me punë, dhe kështu kam që foshnje në Himarë. Grua e mrekullueshme dhe e mençur”, thoshte Dhima disa muaj më parë në një intervistë në mediat greke.

Emri i nënës së tij mungon edhe në “CV-në” e medalistëve botërorë, ndryshe nga të tjerët, në pjesën e emrit të nënës shënohet “I padisponueshëm”.

Bashkëshortja e tij Anastasia Sdougou ndërroi jetë nga kanceri disa vite më parë, por duket se marrëdhëniet mes nënës dhe atij nuk ishin rikuperuar.

Vëmëndja ndaj jetës së një një medalisti botëror ka qenë tepër e madhe nga mediat lokale greke apo ndërkombëtare, por ndryshe nga bvashkëshortja, fëmijet dhe shokët, Piro nuk e nxorri kurrë nënën e tij në media./abcnews.al

The post U gjet e pajetë në Himarë, marrëdhënia e vështirë e Pirro Dhimës me nënën për shkak të martesës me gazetaren greke appeared first on Albeu.com.

Gjendet e pajetë në Himarë nëna e peshëngritësit të njohur

E B — Fri, 01 Oct 2021 08:04:18 +0000

Në morgun e Sarandës ka mbërritur një shtetase pa jetë, raporton albeu.com.

Kufoma është sjellë nga Himara dhe mësohet se trupi i përket një gruaje të moshuar , 75 vjeç.

“Më datë 30.09.2021, në Himarë, është gjetur e vdekur pa shenja dhune, shtetasja L. Dh., 75 vjeçe, dyshohet vdekje natyrale, si pasojë e arrestit kardiak”, thuhet në njoftimin e policisë.

Viktima dyshohet të jetë nëna e peshëngritësit Pirro Dhima, kampion bote me Greqinë.

E moshuara është gjetur pranë kazanëve të rakisë në afërsi të banesës.

Dyshohet se ka 3-4 ditë që ka ndërruar jetë./albeu.com

The post Gjendet e pajetë në Himarë nëna e peshëngritësit të njohur appeared first on Albeu.com.