Në momentin e takimit me të, ky 52 vjeçar nga Napoli, ka reaguar në mënyrë tepër të dhunshme ndaj gazetarit Luigi Pelazza dhe kameramanëve, gjë që shihet edhe në këto sekonda të shkëputura nga xhirimet. Historinë shokuese do të keni mundësi ta ndiqni pas një jave, tek “Piranjat”, dhe dy ditë më vonë në “Le Iene”.

The post Bashkëpunimi i “Piranjave” me “Le Lene”, dhunohet gazetari Luigi Pelazza dhe kameramanët appeared first on Albeu.com.

“Piranjat” e moderuar nga Arilena Ara dhe Florian Binaj kanë prekur Memën në pikën e saj delikate përmes një kamere të fshehtë.

Bëhet fjalë për qenin e saj.
Dorina Mema refuzoi 5000 euro për një film që protagonist ka “Boo-në”.

Qenushes “Boo” iu ofrua mundësia për të qenë pjesë e një filmi pornografik për kafshë, një mundësi e artë që të bëhej e famshme, por le të shohim nëse “mami” Dorina do ta pranojë ofertën.

Producenti italian dhe asistenti i tij e thërrasin në Takim Dorinën për t’i treguar kushtet e filmit.

Producenti i tregon se duan të bëjnë një fil më Shqipëri i cili titullohet “Barni kërkon nuse.”

Barni është “Doberman” dhe po kërkon një nuse në Ballkan.

Deri këtu diskutimi shkoi sipas planit, por kur Dorina mësoi se filmi do të jetë +18 gjërat ndryshuan paksa…

Mema është e vendosur mos ta pranojë ofertën prej 5000 eurosh.

Ndiqni videon për të parë a e pranoi Dorina ofertën tunduese të producentit apo jo.

The post Dorina Mema “bie” në gracë, a do t’i pranojë 5 mijë euro që qenushja “Boo” të luajë në film pornografik? appeared first on Albeu.com.

Madje disa raste janë bërë publike dhe në emisionin “Piranjat’ në Abc, ku së fundmi janë shfaqur qendra e kafshëve në Pogradec dhe Elbasan, ku kafshët trajtoheshin në mënyrë barbare.

The post I riu shpëton macen nga një puset në Tiranë, reagimi do ju lërë pa fjalë (VIDEO) appeared first on Albeu.com.

“Piranjat” i kërkuan nënës së vajzës t’u jepte akses në profilin e të miturës, duke u hequr sikur të ishin ajo dhe duke ia bërë të qartë se kishte të bënte me një vajzë nën moshën 18-vjeçare.

Megjithatë, burri i quajtur Avni nuk tërhiqet pas. Ai kërkon menjëherë të ketë kontakt me vajzën 16-vjeçare e madje jep edhe numrin e celularit.
Nga Instagrami, biseda zhvendoset në Whatsapp. 50-vjeçari nuk e merr parasysh moshën dhe e bën të qartë se ajo çfarë kërkon nga e mitura, është marrëdhënia seksuale, duke kërkuar me ngulm që të takohet me të.

Edhe pse merr një përgjigje të qartë refuzuese disa herë, Avniu nuk bën pas, madje perversiteti i tij bëhet edhe më i dukshëm, kur fillon të dërgojë foto dhe video të tij me përmbajtje të papërshtatshme dhe të flasë me një gjuhë të turpshme.
Dhe teksa biseda vazhdon për ditë me radhë, gradualisht vihet re një “pasion” i fshehtë i tij: këmbët.
Në gjuhën shkencore kjo njihet si pedofili, ose dëshira për të lëpirë këmbët, që është një tërheqje seksuale e cila demonstrohet me lëpirje të gishtave, shputës apo thembrës.

Për t’u njohur me pedofilin e fëmijëve, “Piranjat” ushëtojnë drejt qytetit të Prizrenit.

Aty “Piranjat” prenotojnë hotelin, duke i shkruajtur 50-vjeçarit që të shkojë atje, por ajo që ai nuk di është se drejt vendit të takimit do të shoqërohet nga “kushërira” e 16-vjeçares, e cila është “piranja” më e re, Daniela. Në hotel, do të jetë duke pritur gazetarja e “Piranjave”, Aida Topalli, e cila për t’u hequr si 16-vjeçarja duhet të qëndrojë në shtrat.

Avniu nuk vonon të mbërrijë dhe fillimisht takohet me “kushërirën” e të miturës, e cila e çon në hotel. Pa e ditur se në dhomë e priste një “piranjë” Avniu futet dhe pa humbur fillon të ushtrojë fetishin e tij, duke lëpirë këmbën e asaj që ai mendon se është 16-vjeçarja.
Sapo zbulon që kishte rënë në kurth, Avniu tenton të largohet, por tashmë çdo gjë është e filmuar dhe e provuar.

The post “T’i lyej gishtat me mjaltë dhe t’i lëpij një nga një”, pedofili “i fiksuar” pas këmbëve bie në kurth appeared first on Albeu.com.

“Miku ta bën të keqen sot”, është një shprehje e “urtë” e kohëve moderne, e cila mesa duket zë vend në lojën që “Piranji” i “Piranjave” Florjan Binaj ka përgatitur për mikun dhe bashkëpunëtorin e tij në emision “Rikoshet” që bëhet në “Club Fm”, Eglein Laknori.

The post “Miku ta bën të keqen”, Eglein Laknori bie “pre” e kurthit appeared first on Albeu.com.

Këtë herë në rrjetën e “Piranjave” ka rënë “Doktor” Adriatik Sadiku, io cili ndryshe nga pjesa më e madhe e shoqërisë shqiptare që është edhe ajo më e shëndetshmja, mendon se përdhunimi nuk është një fenomen që duhet zhdukur, por duhet promovuar, pasi sipas tij të bën mirë për shëndetin.

“Nuk ka vdekur njeri nga përdhunimi…. Përdhunimi është si serumi, të pastron enët e gjakut”, shkruante Adritik Sadiku në Facebook, në rastin kur një vajzë e vogël 11-,vjeçare nga Kosova u dhunua seksualisht për 7 orë nga 5 persona maxhorenë.

Mirëpo “Doktor” Tiku duket se mendon ndryshe kur përballë tij vihet “Piranja” Lediona Xheladinaj, e cila e bën të pendohet për gjithçka ka thënë.

Madje “Doktor” Tiku premton publikisht se pas kësaj ngjarjeje do të sillet mirë, madje do të promovojë mirësi.

Ju kujtojmë që “Piranjat” në Abc e kanë gjithmonë derën hapur për çdo denoncim, ndaj dhunës, ngacmimeve seksuale, kundër pedofilëve e në çdo rast që ndiheni të grabitur.

Mos hezitoni aty ku nuk hyjnë institucionet, depërtojnë “Piranjat”./abcnews.al

The post “Nuk ka vdekur njeri, përdhunimi është si serumi”, “Piranjat” demaskojnë “Doktor” Tikun (VIDEO) appeared first on Albeu.com.

Ngjarja zhvillohet në fshatin Ponçar të Devollit, ku dy të rinj të cilët janë të verbër ranë në dashuri me njëri-tjetrin në klasën ku ata merrnin mësim.

Dionisi dhe Geralda të dy vuajnë nga sëmundja e verbërisë, u njohën dhe u dashuruan me njëri-tjetrin pikërisht në klasën ku ata të dy merrnin mësime për personat me aftësi të kufizuara.

Hapin e parë drejtë kësaj dashurie të madhe e merr Geralda e cila i kërkon dashurisë së jetës Dionisit që të shkojë e ta “rrëmbejë” në banesën e saj, pasi ishte e bindur që prindërit nuk do ta kuptonin e aq më tepër ta lejonin që ajo të kurorëzonte dashurinë e madhe që ndiente për ish-shokun e klasës.

Dhe ishte pikërisht bashkimi i Dionisit me Geraldën, e cila do të sillte trazira, tërmete dhe drama në jetën e tyre.

Prindërit e Geraldës të xhindosur nga ikja e vajzës së tyre nga shtëpia, pasi sipas tyre ajo nuk mund ta lidhte jetën me një tjetër person të prekur nga verbëria bënë të pamundur t’i ndanin, por dashuria mes tyre ishte aq e madhe, sa misioni i tyre fillimisht dështoi.

Geralda dhe Dionisi u bekuan në jetën e tyre me një djalë, i cili fatkeqësisht ishte i prekur nga i njëjti fenomen që vuanin prindërit e tij.

Por edhe pse tashmë të tre kishin një problem, shikimin, dashuria e Geraldës, Dionisit dhe djalit të tyre ishte aq e madhe sa për të shikimin ishte gjëja e fundit që mund të shkatërronte lumturinë e tyre.

Por problemet e vërteta nisin pas 3 vitesh kur Geralda ngel shtatzënë për herë të dytë, por kjo shtazani nuk shkon mirë dhe ajo e dështon fëmijën.

Duke përfituar nga kjo situatë prindërit e Geraldës arrijnë të marrin vajzën dhe nipin e tyre sërish në banesë.

Ndërkohë që vetë Geralda nga ana tjetër i shkruante vazhdimisht Dionisit për tu bashkuar sërish, prindërit e saj tashmë kishin ndërtuar “burgun” brenda banesës, duke mos lejuar askënd që tu afrohej.

Edhe pse Dionisi kishte lajmëruar policinë, dhe pavarësisht përpjekjeve të këtyre të fundit dhe punonjësve socialë, Geralda dhe djali i saj nuk arritën të bashkoheshin me Dionisin.

Por gjithmonë ka një shpresë, dhe këtë herë shpresa më e madhe e Dionistit për të ribashkuar familjen ishin “Piranjat”.

Pas agjentët e “Piranjave” dëgjuan historinë e madhe të dashurisë, ku hera herës drama triumfon mbi lumturinë, vendosën që të bëjnë gjithçka që kjo familje të ribashkohej për të vijuar e qetë drejt lumturisë.

Pavarësisht të gjitha skenarëve të menduar, situata ishte krejt tjetër kur “Piranjat” sëbashku me Dionisin dhe nënë e tij shkuan në shtëpinë e babait të Geraldës.

Ai i priti me “këmbët e para” ku veç kërcënimeve ndaj Dionisit dhe nënës së tij, iu hakërrye edhe gazetares së “Piranjave”, madje kërcënoi dhe dhunoi edhe vajzën e tij Geralda.

Me gjithë këmbënguljen e Dionisit, gazetares së “Piranjave” nga njëra anë dhe vetë Geraldës nga ana tjetër, ishte e pamundur të bindje babain e saj.

Në momentin kur u duk sikur situata po qetësohej dha babai i Geraldës po fliste për gazetaren e “Piranjave”, Dionisi arrin të “bashkojë” momentalisht familjen, pasi Geralda merr djalin dhe del në rrugë.

Pikërisht në këtë moment situata agravon dhe del jashtë kontrollit, babai i Geraldës vrapon në rrugë dhe atij i bashkohet edhe bashkëshortja dhe djali, të cilët tërheqin me dhunë vajzën dhe nipin e tyre duke i mbyllur sërish në banesë.

Duke parë situatën gazetarja e “Piranjave” telefonon policinë duke kërkuar ndihmë. Pas mbërritjes së uniformave blu situata merr një tjetër rrjedhë, pasi e gjithë familja shoqërohet në komisariat.

Por ajo që është më e rëndësishme është fundi, i lumtur nga njëra anë dhe dramatik në krahun tjetër.

Pasi pas daljes nga komisariati Dionisi, Geralda dhe djali i tyre më në fund bashkohen, por me një plagë në zemër për Geraldën, pasi edhe këtë herë prindërit e saj nuk e pranuar këtë lidhje dashurie./abcnews.al

The post Histori e pazakontë dashurie në Devoll, babai nuk lejon vajzën të bashkohet me djalin dhe burrin appeared first on Albeu.com.

Britania e Madhe është kthyer prej shumë vitesh në destinacionin më të preferuar të rinjve shqiptarë që kërkojnë të lënë vendin për një jetë më të mirë, me mijëra kamionë që hyjnë çdo ditë në Britani nëpërmjet tunelit të La Mansh prej dy dekadash. Por sistemimi në brendësi të kamionëve krahas tarifave të larta ka sjellë edhe tragjedi.

Të shumta kanë qenë rastet të asfiksisë nga gazi, ngrirjes nga kamionët frigoriferike.

Që nga muaji maj të këtij viti në ditë kur deti është i qetë me dhjetëra gomone nisen nga brigjet e Francës veriore me destinacion Doverin një qytet anglez. Trafikantët reklamojnë kalimin nëpërmjet kanalit të La Manshit në Tik Tok.

Në këtë platformë trafikantët reklamonin masivisht ofertat për kalimin ilegal drejt Britanisë së Madhe, kundrejt shumave që varionin nga 6 deri në 7 mijë paund.

Ndërsa në fund të gushtit mund të siguroje vend në një gomone edhe për 3 mijë euro. Me një kapacitet prej 8 personash, gomonet nisen nga Franca me një kapacitet 3-fish më të madh, duke rrezikuar jetën e emigrantëve klandestinë.

Për të kuptuar më mirë këtë situatë ekipi i “Piranajve” udhëtuan drejt Dunkirk në Francë, një qytet bregdetar me 15 mijë banorë, i kthyer në pikë të rëndësishme për nisjen e gomoneve drejt ishullit. “Piranja”t zbuluan se një hotel ngjitur me stacionin e trenit është kthyer në pikë grumbullimi të shqiptarëve. Kafja e godinës është plot me shqiptarë dhe bisedat për çmimet e rrugës apo qendrimi në kampe është temë e ditës.

Grupi i xhirimit të “Piranjave” u vendos në stacionin nga ku nisen të gjithë shqiptarët që i drejtohen Mbretërisë së Bashkuar në rrugë ilegale. Piranjat kanë folur madje me trafikantët, duke u shtirur si persona që duan të shkojnë në Angli me gomone.

Gjithashtu Piranjat u takuan me grupet e shqiptarëve që u dëbuan nga kampi bazë pas një operacioni të policisë franceze. Ata rrëfejnë se kanë kaluar ditë dhe net rrugëve, teksa thonë se kanë blerë batanije 180 dhe 250 euro për të kaluar natën.

Qendrimi me ditë të tëra në pritje të një gomoneje ka sjellë nevojën e ndërtimit të një kampi me tenda në pyll në afërsi të bregdetit në qytetin francez Dunkirk. Piranjat kontaktuan me një të ri nga Vlora i cili bashkëpunonte me trafikantët duke i gjetur atyre persona të gatshëm për të hipur në gomone. Trafikanti nga Vlora u shpjegoi Piranjave detajet e udhëtimit dhe pagesave.

Koha e keqe dhe dallgët e detit kanë paralizuar nisjen me gomone për në Angli, megjithatë ekipi e Piranjave vëren se askush nuk bën mbrapa, të gjithë presin aty me shpresën se do të ketë përmirësim të motit.

Njëri prej trafikantëve u tregoi Piranjave rrugën për kampin me rreth 700 klandestinë që ishin në pritje të nisjes së gomoneve për në Britani.

Nga investigimi i Piranjave në qytetin francez, duket se bëhet fjalë për një mënyrë tepër të organizuar të trafikimit, secili nga djemtë ka grupin e vetë të klientëve dhe duke zbatuar rregulla të pashkruara ata përpiqen të jenë korrekt me njëri-tjetrin. Ndërkohë trafikanti vlonjat u arrestua nga Policia franceze, por më pas u lirua, pasi ishte i pajisur me dokumentacionin përkatës për qëndrimin në BE./abcnews.al

The post 250 euro batanija, “Piranjat” vizitojnë kampin e shqiptarëve në Francë, biseda me trafikantin nga Vlora që u “premton” klandestinëve ëndrrën angleze appeared first on Albeu.com.

Përveçse në Britaninë e Madhe, ndarja nga jeta e Mbretëreshës Elizabeth II, nuk kishte si të mos merrte vëmendjen e “Piranjave”, të cilët pikërisht ditën që Mbretëresha e Britanisë përcillej për në banesën e fundit nga miliona qytetarë britanikë, vendosën tu bënin dhuratë banorëve të Kukësit dhuratë bustin e saj.

“Mision Imposible” duhet theksuar, pasi koha për krijimin e bustit dhe vendosja pikërisht në ditën që Mbretëresha përcillej për në banesën e fundit, ishte e kufizuar.

Por megjithatë “Piranjat” ia dolën më së miri dhe mëngjesin e ditës së hënë në 19 shtator 4 misteriozë” marrin udhëtimin nga Tirana drejt Kukësit për të vendosur bustin e Mbretëreshës në qendër të qytetit fillimisht, dhe më pas pranë Qendrës së Kulturës.

Prania e Bustit të Mbretëreshës në qytetin verior të vendit u prit mirë nga qytetarët, të cilët ashtu si “bashkatdhetarët” e tyre britanikë në pamundësi për të qenë në “Bakingam Palace”, po kryenin homazhet në qendër të qytetit.

Por nuk ishte në një mendje me qytetarët, kryebashkiaku Safet Gjici, i cili pasi mori vesh lajmin, urdhëroi sekuestrimin e bustit të madhërisë së saj Elizabeth II.

Për Safet Gjicin pas kësaj vepre qëndronin ata “çunat e Londrës” ose siç ai i thërret me përkëdheli “Londinezët”.

Sipas tij kjo ishte një vepër e rëndë dhe shkelje e ligjit, pasi “londinezët’ më parë duhet të merrnin leje nga institucioni i Bashkisë për vendosjen e bustit.

Ndërkohë që busti u sekuestrua nga punonjësit e Bashkisë, nis një “luftë” e madhe mes gazetarëve të “Piranjave” dhe kolegëve të tyre të RTSH Kukësit, të cilët nga xhelozia e madhe që këtë vepër nuk ishin ata që arritën ta bënin realitet për kuksianët, kërkonin me doemos ta largonin menjëherë nga qyteti i tyre.

Edhe pse gazetarët e “Piranjave” këmbëngulën që dhurata tu mbetej kuksianëve, kryebashkiaku Gjici nga njëra anë, dhe gazetarët e RTSH Kukësit nga ana tjetër  nuk ishin dakord.

Prandaj zgjedhja përfundimtare ishte që busti i Madhërisë së saj Mbretëreshës Elizabeth II tu dhurohej atyre që vërtetë e duan dhe njohin kontributin e saj, pikërisht qytetarëve të Hasit.

Vetë kryebashkiaku i Hasit, Liman Morina tha se së shpejti do të mblidhte këshillin bashkiak dhe të miratonin sa më parë tenderimin për vendosjen e bustit të Mbretëreshës Elizabeth II në qendër të qytetit.

Kujtojmë që lidhja e kuksianëve dhe hasianëve me Britaninë është shumë e madhe, pasi janë të shumtë banorët e këtyre dy qytetarëve që sot jetojnë dhe punojnë në Britani./abcnews.al

The post Busti i mbretëreshës Elizabeth II “trazon” Kukësin, kryebashkiaku Gjici refuzon dhuratën e “çunave të Londrës” dhe “Piranjave” (VIDEO) appeared first on Albeu.com.

Sërish “Pirnjat” premtojnë tema delikate të cilave do u shkohet deri në fund, shpesh të trajtuara me doza ironie e komiciteti.

Emisioni i konceptuar si një show investigativ, që është eksploruar për herë të parë në ekranin e ABC-së, do të moderohet nga Florjan Binaj dhe Arilena Ara.

Në 2 orë e 30 minuta Emisioni “Piranjat” do të trajtojë tema delikate, investigime dhe denoncime.

Por gjithashtu do të ketë kamera të fshehta, reportazhe me histori njerëzore nga e gjithë Shqipëria.

Nuk do të mungojnë as këtë sezon kronikat humoristike, të përgatitura me shumë kujdes nga piranjat e emisionit./abcnews.al

The post Rikthehen “Piranjat”, nis sezoni i ri investigativ që zbulon mistere (VIDEO) appeared first on Albeu.com.