Opill është një “pilula e kontrollit të lindjes vetëm me progestinë”, e cila trash mukozën e qafës së mitrës dhe hollon mukozën e mitrës. Këto parandalojnë që sperma të arrijë vezën dhe një vezë e fekonduar të implantohet në mitër.

Pilulat e kombinuara që përmbajnë progestinë dhe estrogjen funksionojnë duke penguar dikë që të ovulojë, shpjegon Klinika Mayo. Megjithatë, me mini-pilulën, rreth gjysma e njerëzve që e marrin atë ende ovulojnë.

Opill është një kontraceptiv i përditshëm dhe jo një kontraceptiv urgjent, siç është Plan B. Plan B është një pilulë orale që mund të merret brenda 72 orëve pas seksit të pambrojtur për të parandaluar shtatzëninë.

Opill duhet të merret çdo ditë në të njëjtën kohë për të parandaluar shtatzëninë. Sipas informacionit të produktit, duhen dy ditë që ilaçi të bëjë efekt. Sara Young, shefe tregtare në Perrigo tha:

“Për herë të parë në histori, nuk kërkohet raport mjekësor për të marrë pilulat e kontrollit të lindjes. Është me të vërtetë një produkt novator i shëndetit riprodhues që do të adresojë nevojën e paplotësuar për qasje në kontraceptivë.”

The post Del në treg pilula e parë e kontrollit të lindjes pa recetë në SHBA appeared first on Albeu.com.

Pilulat e jodit të kaliumit mund të ndihmojnë në bllokimin e përthithjes së rrezatimit të dëmshëm nga gjëndra tiroide nëse merren pak para ose menjëherë pas ekspozimit ndaj rrezatimit bërthamor.

Ilaçet do t’u shpërndahen banorëve në zonat e kontaminuara nga rrezatimi bërthamor nëse ka nevojë për evakuim, tha këshilli i qytetit në një deklaratë.

Putin ka thënë se do të ‘përdorë të gjitha mjetet në dispozicion’ për të fituar luftën, ndërkohë që forcat e tij tokësore tërhiqen në mënyrë poshtëruese nga një kundërsulm ukrainas.

Lajmet për përgatitjet e Kievit erdhën pasi The Times raportoi të hënën se NATO kishte paralajmëruar anëtarët e Putinit do të demonstronte gatishmërinë e tij për të përdorur armë bërthamore duke kryer një provë bërthamore në kufirin e Ukrainës.

The post Rrezik për sulm bërthamor, Kievi shpërdan pilulat që luftojnë përthithjen e rrezatimit nuklear appeared first on Albeu.com.

Është një ide e mirë në teori, por nuk është aq e thjeshtë. Për shkak se uthulla është acid, disa njerëz nuk e tolerojnë aq mire. Uthilla e mollës mund të jetë veçanërisht irrituese për ata që janë të prirur ndaj dhimbjeve të stomakut ose problemeve të tretjes si sëmundjet inflamatore të zorrëve.

Por e vërteta është se ka shumë pak prova shkencore që thonë se pilulat ndihmojnë vërtet të humbni në peshë. Gjithashtu, konsumimi i uthullës së mollës mund të shkaktojë efekte anësore të padëshiruara, duke përfshirë refluksin e acidit, fryrjen dhe nivelet e ulëta të kaliumit.

Cilat janë përfitimet e mundshme të uthullës së mollës?

Uthulla ka shumë përfitime të supozuara shëndetësore, kjo është arsyeja pse u krijuan pilulat ose suplementet e kësaj uthulle. Vlen të përmendet se përfitimet e mëposhtme janë të lidhura vetëm me uthullën dhe nuk dihet nëse pilulat kanë të njëjtën efekt.

Uthulla e mollës mund të ketë disa efekte pozitive në nivelet e glukozës dhe kolesterolit në gjak dhe për këtë arsye mund të zvogëlojë rrezikun e sëmundjeve kardiovaskulare. Acidi ndihmon në shpërbërjen e ushqimit, kështu që uthulla e mollës mund të ndihmojë njerëzit me nivele më të ulëta të acidit në stomak për tretjen. Ka njerëz që pretendojnë se uthulla i ka ndihmuar për të luftuar dhimbjen e fytit. Uthulla e mollës “ka baktere të mira që mendohet se përmirësojnë sistemin imunitar dhe ndihmojnë me alergjitë.

Pirja e uthullës direktmund të jetë e dëmshme për smaltin e dhëmbëve, të shkaktojë acarim të fytit dhe dispepsi te disa njerëz. Marrja e uthullës së mollës në formë pilule mund të jetë një alternativë më e mirë pasi acidi nuk është më në kontakt të drejtpërdrejtë me fytin ose smaltin e dhëmbëve.

Nëse keni dëgjuar thashethemet se uthulla e mollës mund të ndihmojë me infeksionet është pjesërisht e vërtetë. Disa kërkime kanë treguar se uthulla e mollës mund të pengojë rritjen e Candida në një mjedis laboratorik.Duhet të shmangni veçanërisht çdo përdorim lokal të uthullës së mollës në zonën vaginale, pasi kjo mund të shkaktojë djegie dhe acarim.Vetitë e saj antibakteriale e bëjnë uthullën e mollës të dobishme në luftimin e akneve – edhe pse patjetër duhet ta holloni atë përpara se ta aplikoni në lëkurën tuaj. Uthulla mund të përdoret gjithashtu si shpëlarës flokësh për të rritur shkëlqimin. Madje mund të ndihmojë me ekuilibrin e pH të lëkurës së kokës tuaj dhe të luftojë zbokthin.

Cilat janë përfitimet e supozuara të pilulave të uthullës së mollës?

Uthulla e mollës përmban acid acetik, për të cilin hulumtimet thonë se është përgjegjës për rregillimin e oreksit dhe humbjen e peshës.

Megjithatë, ka pasur shumë pak, për të mos thënë aspak, hulumtime të kryera mbi efektet e pilulave të uthullës së mollës. Përfitimet e supozuara të uthullës së mollës si ato të listuara më sipër bazohen në uthullën e lëngshme të mollës dhe jo në pilulat e uthullës.

Pra, është e vështirë të thuhet nëse këto suplemente do të kenë të njëjtat efekte apo do të funksionojnë në të njëjtën mënyrë si forma e lëngshme.

The post Pilulat e uthullës së mollës po bën të famshme, a mund t’ju ndihmojnë të humbni peshë? appeared first on Albeu.com.

Këto janë tableta që zvogëlojnë efektet negative në shëndetin e njeriut të ekspouzuar ndaj rrezatimit dhe që duhen të pihen menjëherë (nga disa orë në një ditë para ekspozimit ose maksimumi brenda 6-8 orëve të para nga fillimi i ekspozimit).

Jodi i kaliumit “duhet të merret vetëm me këshillën e menaxherëve të shëndetit publik ose atyre që menaxhojnë urgjencën pasi marrja e jodurit të kaliumit mund të çojë në rreziqe shëndetësore”, theksojnë Qendra Amerikane për Shëndetin.

Është shumë e rëndësishme që të merret në “doza të përshtatshme dhe jo si një parandalues ​” shprehet Sebastiano Venturi, një ekspert i shëndetit publik në Rimini, Itali.

“Duhet të merren parasysh edhe faktorë të rëndësishëm, si mosha, sëmundjet, shtatzënia apo ushqyerja me gji” shton eksperti italian.

E përdorur pas aksidentit në termocentralin bërthamor të Çernobilit në 1986, ajo është një kripë jodi e qëndrueshme, pra jo radioaktive, e aftë të bllokojë thithjen e jodit radioaktiv nga tiroidja.

“Në realitet , jodi mbron vetëm nga jodi radioaktiv , veçanërisht nga jodi 131, por jo nga radionuklidet e tjera të emetuara në aksidentet bërthamore, si ceziumi dhe stronciumi,” shton Venturi.

Hulumtimet e fundit, përfundon ai, tregojnë se ky përbërës “nuk është i dobishëm vetëm për parandalimin e dëmtimit të tiroides, por është i rëndësishëm për të gjithë trupin, veçanërisht për stomakun, gjoksin, trurin, sistemin imunitar, palcën e eshtrave, retinën”.

The post “Pilulat e jodit” në rast sulmi bërthamor, ekspertët tregojnë se kur dhe si duhet të përdoren appeared first on Albeu.com.

Rregullatorët amerikanë kanë autorizuar deri më tani pilulën e kompanisë Pfizer, Paxlovid dhe atë të Merckut, molnupiravir. Te pacientët me rrezik të sëmurjes së rëndë, të dyja pilulat kanë treguar se zvogëlojnë mundësitë e shtrimit në spital dhe vdekjes. Pilula e Pfizerit ka qenë më efektive.

Kush duhet t’i marrë këto pilula?

Pilulat nuk janë për të gjithë personat që infektohen me koronavirus. Ato janë krijuar për personat që kanë më shumë mundësi të sëmurën rëndë. Aty përfshihen personat në moshë dhe ata me sëmundje shëndetësore sikurse ato të zemrës, kanceri apo diabeti. Të dyja pilulat janë miratuar për të rriturit, ndërsa Paxlovid edhe për fëmijët mbi 12 vjeç.

Kush nuk duhet t’i marrë këto pilula?

Pilula e kompanisë Merck, molnupiravir, nuk është e autorizuar për fëmijët sepse mund të ndikojë në rritjen e eshtrave të tyre. Ajo nuk rekomandohet as për gratë shtatzëna, për shkak të defekteve potenciale te foshnjat.

Vaksina e kompanisë Pfizer nuk rekomandohet për pacientët me probleme të rënda të veshkave apo mëlçisë dhe as për pacientë me probleme të rënda shëndetësore. Pilula nuk është adekuate as për disa pacientë që në atë periudhë janë duke marrë edhe ilaçe tjera. Pilulat antivirale nuk janë të autorizuara për personat e shtrirë në spital me koronavirus.

Cilat janë fazat e trajtimit?

Pilulat duhet të merren sa më shpejt që është e mundur, brenda pesë ditëve të nisjes së simptomave të para.Kolla, dhimbja e kokës, temperatura dhe humbja e shijes apo dhimbjet në muskuj janë  disa prej shenjave.

Mjeku Cameron Wolfe, specialist i sëmundjeve infektive në Spitalin Universitar Duke, sugjeron bërjen e testit në kohën kur manifestohen simptomat e para me koronavirus. “Nëse prisni derisa të mbesni pa frymë, ju tashmë e keni kaluar kohën kur ilaçet mund të kryejnë punë”, ka thënë Wolfe.

Kur mund të blihen pilulat?

Në vendet ku ato janë të miratuara, pacientëve u duhet një recetë e mjekut apo e një punëtori të autorizuar shëndetësor. Qeveria amerikane ka blerë ilaçe nga Merck dhe Pfizer dhe është duke i ofruar ato falas, mirëpo furnizimet mund të harxhohen. Ato do të dërgohen nëpër rajone të ndryshme, në mënyrë që të jenë nëpër barnatore, qendra shëndetësore të komunitetit dhe vende tjera.

Trajtimi zgjat pesë ditë. Disa farmaci mund të kryejnë një test të shpejtë për koronavirus dhe të përgatisin recetën brenda një vizite.

A kanë efekt pilulat ndaj variantit Omicron?

Pilulat besohet se kanë efekt për luftim të variantit Omicron, sepse nuk shënjestrojnë proteinën prej kur krijohen variantet e koronavirusit. Të dyja ilaçet janë krijuar në mënyra të ndryshme për të parandaluar riprodhimin e virusit.

A ka mundësi tjera për pacientët e infektuar me koronavirus?

Po, mirëpo nuk janë të qasshme aq lehtë sa pilulat. Ato duhet të merren përmes injeksionit nëpër spitale apo klinika.

Ato trajtime kanë për bazë antitrupa për luftim të virusit, ndonëse testimet laboratorike sugjerojnë se këto trajnime nuk janë shumë efektive ndaj Omicronit./REL

The post Si duhet të përdoren pilulat kundër koronavirusit? appeared first on Albeu.com.