Një dollar është këmbyer gjatë ditës së sotme me 87 lekë më e ulëta e regjistruar në një dekadë. Ndërkohë leku shqiptar vijon të ketë epërsi ndaj euros dhe dollarit.

Dollari amerikan është fundosur përballë lekut. Një dollar po këmbehet aktualisht në kursin e këmbimit me 87 lekë niveli më i ulët i regjistruar në një dekadë.

Kjo ka ardhur si pasojë e Luftës tregtare të nisur nga Presidenti amerikan Donald Trump që ka dobësuar ndjeshëm dollarin amerikan në tregjet ndërkombëtare.

Luhatje të forta janë përcjellë edhe në vlerën e dollarit në tregjet ndërkombëtare, ku monedha amerikane zbriti të premten në nivelin më ët ulët të regjistruar që prej vitit 2017.

Lëvizjet e fundit të presidentit amerikan kanë krijuar pasiguri të mëdha në treg.

Ndërsa Dobësimi I dollarit është një shenjë negative për investitorët ndërkombëtarë të cilët po e shohin këtë monedhë si të pasigurt për të ardhurat e tyre. efektet e tarifave Trump të cilat kanë ngjallur pasiguri në ekonominë amerikane dhe frikë për recension

Ndërkohë që Monedha kombëtare vijon të mbiçmohet kundrejt valutave të huaja. Një euro po këmbehet aktualisht me 99 lekë duke regjistruar nivelin më të ulët në një muaj…

Sipas Bankës së Shqipërisë luhatjet e kursit të këmbimit pasqyrojnë rritjen e eksportit të shërbimeve të turizmit, rritje e cila ka sjellë dhe reduktimin e ndjeshëm të deficitit të llogarisë korrente në dy vitet e fundit.

Paralelisht me to, investimet e huaja direkte, të cilat përbëjnë burimin e kryesor të financimit të deficitit korrent, kanë vazhduar të rriten, e madje në dy vitet e fundit e kanë tejkaluar ndjeshëm këtë të fundit .

Po ashtu, Raporti i hyrjeve valutore nga investimet e huaja direkte ka gjeneruar një tepricë të vazhdueshme valute në tregun e brendshëm.

The post Dollari në pikiatë përballë lekut/ Rënia më e madhe e monedhës amerikane, në një dekadë appeared first on Albeu.com.

Të dhënat mbi rritjen ekonomike të vitit 2023, treguan se industria përpunuese shënoi rënie vjetore me 6.1%, më e forta e dekadës që nga viti 2012.

Industria përpunuese është kryesisht e përqendruar në prodhimin për eksport dhe përfaqësohet nga industria automotive, ajo e veshjeve dhe këpucëve dhe industria ushqimore.

Sektori i industrisë, që po lulëzonte deri në mes të vitit 2022, përmbysi arritjet e një dekade nga zhvlerësimi i euros dhe rënia e kërkesës nga jashtë pas luftës në Ukrainë.

Fabrikat e mëdha janë në mbijetesë, teksa njësitë e vogla të përpunimit deri në 130 punonjës po mbyllen në seri në këtë fillim viti.

Fabrikat pohojnë se faktori kryesor lidhet me rënien e fitimeve, e krijuar nga kursi i këmbimit. Euro u këmbye mesatarisht me 108.7 lekë në 2023, duke zbritur në verë afër 100 lekëve, nga 118 lekë që ishte mesatarja e 2022.

Eksportuesit pohuan se kostot e rënies së euros kanë gërryer fitimet e biznesit, pasi ato nuk mund të transferohen në çmime.

Në të njëjtën periudhë, paga minimale arriti në 40 mijë lekë në tremujorin e parë 2023, nga 34 mijë lekë që ishte në vitin 2022.

Në anën tjetër, porositë nga jashtë për veshje dhe këpucë ranë me shpejtësi në vitin 2023, pas një kërkese të fortë pas pandemisë në vitin 2021.

Lufta në Ukrainë dhe inflacioni i lartë që krijoi, ndikuan në rënien e konsumit në artikuj të tjerë jo të domosdoshëm.

Fabrikat pohojnë se kjo krizë, më e forta e 15 viteve, i ka vënë bizneset para zgjidhjeve të vështira.

Njësitë e vogla po mbyllen dhe po shkojnë drejt sektorëve të tjerë si turizmi, aktivitetet e pasurive të paluajtshme dhe industria ushqimore, ndërsa fabrikat e mëdha po përshtaten, duke kaluar në segmente më të lartë të prodhimit dhe duke shkurtuar kostot e brendshme, nëpërmjet rritjes së produktivitetit.

Më të cenuarit duket se janë punonjësit, të cilët kanë kaluar në mbi 20 vite duke qepur këpucë dhe e kanë të vështirë të përshtaten në sektorë të tjerë.

Të dhënat të INSTAT, tregojnë se në fabrikat e prodhimit të këpucës ishin të punësuar rreth 20 mijë persona në vitin 2022, por të dhënat nga industria tregojnë se një pjesë e madhe, më shumë se 40% e tyre kanë humbur punën muajt e fundit./Monitor

The post Rritja e kostove dhe rënia e euros, çon industrinë përpunuese në pikiatë appeared first on Albeu.com.

Kështu në bursën e Teksasit një fuçi nafte u shit këtë të martë me 74.6 Dollarë për kontratat e Janarit, duke pësuar një rënie me afro 2.9 përqind.

Të njëjtin trend ka ndjekur edhe bursa e Lodrës ku një fuçi nafte e papërpunuar u shit me 97.5 Dollarë amerikan, duke shënuar një rënie me afro 3 përqind.

Rënie ka pësuar ditët e fundit edhe çmimi i gazit natyror i cili arriti nivelin më të ulët që nga 21 Shkurti 2022, përpara pushtimit rus të Ukrainës.

Ekspertët thonë se për rënien e çmimeve të naftës dhe gazit ka ndikuar më së shumti moti i ngrohtë i cili ka ulur kërkesën, si dhe vendimi i Kinës për të rritur me 46 përqind eksportin e saj të karburanteve gjatë 2023.

Në Shqipëri është në fuqi ende vendimi i bordit të datës 20 Dhjetor i cili ka përcaktuar që një litër naftë të shitet me 199 Lekë dhe një litër benzinë me 177 Lekë.

The post Nafta në “pikiatë”, çmimi i arit të zi zbret në 74 Dollarë për fuçi appeared first on Albeu.com.

Sipas kursit zyrtar të këmbimit të Bankës së Shqipërisë, Euro ra në nivelin e 112.83 lekëve, duke humbur më shumë se një pikë krahasuar me ditën e martë. Që nga fillimi i muajit dhjetor, kursi i këmbimi Euro-Lek ka rënë me 3.45%, ndërsa që nga fillimi i vitit 2022 rënia ka arritur në 6.44%.

Sipas agjentëve të tregut, këtë javë vërehet një rritje e mëtejshme e ofertës valutore në treg, për shkak të sezonit te festive. Kjo është një tendencë pak a shumë e zakonshme sezonale, e lidhur me rritjen e turizmit hyrës dhe kthimin e emigrantëve për festat e fundvitit.

Por, këtë vit efekti sezonal po pason një periudhë kur pozitat e Euros ishin qysh më parë mjaft të dobëta, për shkak të ofertës së lartë në vijimësi, por edhe për shkak të frenimit të fortë kërkesës nga Korporata Elektroenergjetike Shqiptare, duke filluar nga pjesa e fundit e muajit nëntor.

Rënia e Euros është ndikuar edhe nga elementë të tjerë sporadikë, si vendimi i njërës prej bankave tregtare për të konvertuar një pjesë të kapitalit aksioner nga Euro në Lekë. Të gjithë këta faktorë po sjellin një zhvlerësim të paprecedent të Euros ndaj Lekut.

Shumica e agjentëve të tregut shprehen se gjatë gjithë vitit 2022 është vërejtur një ofertë e lartë valutore në treg. Kjo ofertë e lartë ka përcaktuar tendencën rënëse të Euros ndaj Lekut, pavarësisht shtrenjtimit të importeve në përgjithësi dhe blerjeve të mëdha të KESH në veçanti, si edhe blerjeve të planifikuara nga Banka e Shqipërisë, për nevojat e rezervës valutore.

Oferta e lartë është ndikuar nga rritja e turizmit, eksporteve të shërbimeve dhe remitancave, por megjithatë në tërësi deficiti i llogarisë korrente të vendit deri në fund të 9-mujorit ishte në vlera të përafërta me të njëjtën periudhë të vitit të kaluar.

Nga ana tjetër investimet e huaja direkte kanë shënuar një rritje të ndjeshme, me 35%, megjithëse ato janë dominuar nga fitimet e riinvestuara. Në veçanti, një ndikim në rritje e prurjeve valutore kanë dhënë edhe investimet në rritje të huaja në tregun e pasurive të paluajtshme.

Përtej faktorëve të matshëm nga statistikat zyrtare, agjentët e tregu besojnë se prurjet e mëdha informale kanë një kontribut të rëndësishëm në ofertën e lartë valutore dhe në zhvlerëismin e Euros ndaj Lekut.

Forcimi i monedhës vendase ndaj Euros, që është njëkohësisht valuta kryesore në këmbimet tregtare të Shqipërisë, luan një rol pozitiv në drejtim të zbutjes së inflacionit. Analizat e Bankës së Shqipërisë kanë evidentuar se forcimi i Lekut është një nga faktorët që kanë zbutur presionet e forta inflacioniste nga jashtë dhe kanë bërë që Shqipëria të ketë një ndër normat më të ulëta të inflacionit në Europë. Forcimi i Lekut po favorizon edhe familjet shqiptare që kanë kredi në valutë të huaj të paguajnë më pak për të blerë valutën e nevojshme për shlyerjen e kësteve.

Por, rënia e Euros dhe mbiçmimi Lekut kanë edhe palë të humbura. Eksportuesit dhe sidomos sektorët e fasonerisë kanë pësuar një goditje të ndjeshme nga zhvlerësimi i Euros këtë vit.

Gjithashtu, familjet shqiptare që kanë një varësi të lartë nga remitancat gjithashtu po ndikohen negativisht nga rënia e kursit të Euros. Duke qenë se Euroja është valuta dominuese në strukturën e depozitave bankare, në teori edhe indvidët që kanë depozita në Euro po preken nga rënia e monedhës europiane./ Monitor

The post Për herë të parë në histori, euro prek fundin, bie pikiatë në tregun valutor appeared first on Albeu.com.