Piero Hincapie, mbrojtësi ekuadorian, u ndëshkua me karton të kuq në çastet e fundit të humbjes 2-0 ndaj Meksikës, pas një përplasjeje me Santi Gimenez, në zbatim të një rregulli të ri të FIFA-s.

Incidenti ndodhi në minutën e 95-të të sfidës së fazës së 1/16-tës, kur Hincapie u përfshi në një debat verbal me sulmuesin meksikan Santi Gimenez. Me atë disfatë, Ekuadori i dha fund rrugëtimit të tij në turne.

Sipas rregullores së re të vendosur nga FIFA, çdo futbollist që mbulon gojën gjatë një konfrontimi me një kundërshtar duhet të përjashtohet. Kjo masë synon të pengojë fshehjen e mesazheve apo komenteve fyese që mund t’i drejtohen rivalit.

Lojtari i parë që u penalizua mbi të njëjtën bazë ishte përfaqësuesi i kombëtares së Paraguait, Miguel Almiron, i cili u përjashtua në ndeshjen e fazës së grupeve kundër Turqisë javën e kaluar, dhe duket se Hincapie nuk nxori asnjë mësim nga ai rast.

Ndonëse Ekuadori është eliminuar nga Kupa e Botës, pezullimi i Hincapiet do të vlejë edhe për ndeshjen e ardhshme ndërkombëtare të përfaqësueses së tij.

The post Hincapie bëhet lojtari i dytë që ndëshkohet me të kuq për mbulimin e gojës, pas rastit të Almiron appeared first on Albeu.com.

Qendërmbrojtësi ekuadorian është duke shkëlqyer në Bundesliga me fanellën e Bayer Leverkusen dhe ka zgjuar interesimin e gjigantit anglez.

Sipas asaj që ka raportuar The Sun, gjiganti anglez është gati të testojë Leverkusenin me një ofertë prej 50 milionë euro në janar për qendërmbrojtësin.

Megjithatë duket shumë e vështirë që lideri aktual i Bundesligas të lejoj largimin e yllit të mbrojtjes, për faktin se duan ta fitojnë titullin e parë në histori të klubit dhe Hincapie është një nga futbollistët më të rëndësishëm.

22-vjeçari është i gatshëm për ta bërë një hap para në karrierë dhe Liverpooli duket një klub ideal për të, por nëse Leverkusen nuk do të pranojë ofertën atëherë anglezët do të rikthehen sërish në verë për të tentuar transferimin e tij.

Reprezentuesi ekuadorian këtë edicion ka zhvilluar 20 ndeshje me fanellën e ‘Aspirinave’ duke shënuar një gol dhe duke asistuar në një tjetër.

Përveç Liverpoolit, interesim për shërbimet e tij kanë shprehur edhe skuadrat tjera të mëdha si Milan, Roma, Newcastle United dhe Manchester United. /Telegrafi/

The post Liverpooli përgatitë 50 milionë euro për transferimin e një mbrojtësi appeared first on Albeu.com.

Qendërmbrojtësi austriak ka humbur sezonin njësoj si partneri i tij në qendër të mbrojtjes Eder Militao dhe kjo ka bërë që Carlo Ancelotti të mos jetë i qetë.

Aktualisht te Reali në pozitën e mbrojtësit qendror janë vetëm Antonio Rudiger dhe Nacho Fernandez dhe kjo ka bërë që Los Blancos të vihen në kërkim të një mbrojtësi të ri.

Defensa Central ka raportuar se Los Blancos kanë gjetur zëvendësuesin e Alabas në Bundesliga dhe ai është ekuadoriani Piero Hincapie që po shkëlqen me Bayer Leverkusenin.

21-vjeçari ka qenë fantastik këtë edicion me fanellën e Bayer Leverkusen dhe prej disa javësh ai është ndjekur nga drejtuesit e kryeqytetasve spanjoll.

Reprezentuesi i Ekuadorit është duke u kërkuar edhe nga Roma, Milan, Newcastle United e Liverpool, por duket se ai preferon transferimin në Real Madrid.

Bayer Leverkusen po lufton për titullin e kampionit në Bundesliga dhe dëshiron ta mbajë yllin e tyre, por një ofertë prej 60 milionë euro nga Reali do të bënte që të ndryshonin mendje. /Telegrafi/

The post Real Madridi gjen zëvendësuesin e David Alabas appeared first on Albeu.com.