Piero Ausilio mund të largohet nga Interi në përfundim të sezonit, duke mbyllur kështu një histori 29-vjeçare me klubin zikaltër.

Raportimet e La Gazzetta dello Sport, Corriere della Sera dhe Sky Sport Italia bëjnë të ditur se drejtori sportiv dhe drejtuesit e Interit nuk kanë gjetur ende marrëveshje për rinovimin e kontratës.

Marrëveshja aktuale mes Ausilios dhe Interit është e vlefshme deri në qershor të vitit 2027, por negociatat për vazhdimin e bashkëpunimit nuk kanë prodhuar një rezultat pozitiv.

Ausilio u bashkua me Interin në vitin 1997, kur nisi punën si sekretar i sektorit të të rinjve, në kohën kur klubi drejtohej nga Massimo Moratti. Në dhjetor të vitit 2010, ai u emërua drejtor sportiv dhe e ka mbajtur këtë rol për më shumë se 15 vjet.

Sipas Corriere della Sera, propozimi i klubit për zgjatjen e kontratës nuk e ka kënaqur drejtuesin italian. Interi i kishte ofruar një marrëveshje të re njëvjeçare, deri në qershor të vitit 2028, së bashku me një rritje të vogël të pagës, nga 1.3 në 1.4 milionë euro në vit, pa përfshirë bonuset.

Ausilio dyshohet se e ka interpretuar ofertën si një shenjë mungese respekti. Nga ana tjetër, drejtuesit e Interit thuhet se janë befasuar nga reagimi i tij.

Deri në këtë fazë, drejtori sportiv nuk ka marrë një ofertë konkrete nga ndonjë klub tjetër.

Sky Sport Italia raporton se mbetet e hapur edhe mundësia e largimit të Ausilios përpara skadimit të kontratës. Një zgjidhje e tillë do të ishte e mundur vetëm nëse arrihet një marrëveshje e përbashkët mes të dyja palëve.

Në rast se largimi konfirmohet në fund të sezonit, Ausilio do ta përfundojë angazhimin e tij te Interi pas plot 29 vitesh.

The post Piero Ausilio drejt largimit nga Interi pas 29 vitesh në klub? appeared first on Albeu.com.

Mirëpo, këta dy të fundit shpeshherë ndjejnë edhe lodhje nga mbingarkesa e ndeshjeve e për këtë arsye dy “mjeshtrat” e merkatos “Zikaltër”, Guiseppe Marotta e Pierro Ausilio dëshirojnë të sjellin një sulmues të ri në “Giuseppe Meazza”, kjo për aryse se Arnautovic e Alexis Sanchez nuk bindin dhe në rastet kur këta të dy kanë qenë titullar është dashur ndërhyrja nga stoli e dy “yjeve” për të përmbysur rezultat.

Kështu, Marotta e Ausilio kanë përgatitur një listë të gjatë me plot 4 emra, të cilët mund t’i afrojnë në merkaton e verës. I pari në listë është “bomberi” iranian, Mehdi Taremi, me 31-vjeçarin që është një “nuhatës” i vërtetë goli, paçka se këtë sezon nuk po e tregon një fakt të tillë, për shkak edhe të lojtarëve të shumtë sulmues, që janë kthyer në protagonist në sulmin e Porto.

Pas Taremi, në listën vjen kolumbiani i “Bergamaskëve” të Atalanta, Luis Muriel. Në krahasim me iranian edhe Muriel nuk ka arritur të shënojë shumë gola në kampionat, pasi në 14 ndeshje numëron vetëm 2 rrjeta, ama në UEFA Europa League është kthyer në një “përbindësh” të vërtetë, duke arritur të shënojë plot 4 gola, në 5 sfida, për t’u kthyer në një tjetër opsion të vlefshëm për “Zikaltërit” e Milanos.

Në fund të listës vjen edhe dyshja e Premier League, me një lojtar që vjen nga “Djajtë” e Kuq” të Manchester United e tjetri, nga “Blutë” e Chelsea. Nga “Old Trafford” vjen Anthony Martial, i cili konsiderohet si lojtar i cili mund të bëjë diferencën nga stoli, ndërsa emri tjetër, që vjen nga “Stamford Bridge” është ai i Armando Brojës, me 22-vjeçarin, nga Malësia e Madhe, që përveç se ka treguar se zotëron një potencial të madh, mund të kthehet edhe në sulmues “pykë” në të ardhmen për klubin “Zikaltër”, aty ku e pret dhe shoku i tij i Kombëtares, Kristjan Asllani. /abcnews.al

The post “Zikaltërit” në merkato për një sulmues, Marotta e Ausilio gati listën me 4 “përbërës” appeared first on Albeu.com.