Por ajo që ka shqetësuar shumë është mungesa totale e antidotit të nevojshëm, për të trajtuar helmimin nga gjarpri.

Mjekët në Spitalin e Përmetit nuk mundën të ofronin një zgjidhje për vajzën, duke e detyruar atë të transferohej urgjentisht në Spitalin Rajonal të Gjirokastrës.

Edhe atje, nuk u gjet antidoti i kërkuar për të shpëtuar këmbën e të resë.

Një mundësi e tretë iu dha pas një udhëtimi të shpejtë në Tiranë, në Spitalin e Traumës, ku për fat të mirë, 26-vjeçares iu injektua antidoti që shpëtoi jo vetëm jetën, por edhe këmbën e saj.

Sipas familjarëve, mjekët në Tiranë, i kanë shpjeguar se helmi kishte depërtuar deri në rrezen e kofshës dhe çdo minutë vonese mund të kishte çuar në amputimin e këmbës.

“Nëse do të kishte vonuar edhe pak, këmba do të ishte prerë”, kanë pohuar ata.

Ky incident, ka nxjerrë në pah një problem serioz në sistemin shëndetësor të qarkut të Gjirokastrës, ku mungojnë antidotet jetike për trajtimin e helmimeve të tilla.

Qarku me një popullsi prej 134 mijë banorësh, po përballet me një krizë shëndetësore të pashembullt, sidomos gjatë sezonit turistik, kur rreziku i pickimeve të gjarpërinjve është më i madh për shkak të temperaturave të larta.

Mungesa e kundërhelmit në spitalet e rajonit është një skandal që rrezikon jetët e qytetarëve, ku ka shkaktuar shqetësim të madh mes banorëve dhe specialistëve të shëndetësisë.

The post Gjarpri pickon 26-vjeçaren në Përmet, spitalet e të gjithë qarkut nuk kanë kundërhelm appeared first on Albeu.com.

Laboratori i virologjisë ka vërtetuar shkakun e etheve hemorragjike Krime-Kongo tek pacientja, e cila ishte e shtruar në Klinikën për Sëmundje Infektive dhe Gjendje Febrile.

Një ekip nga departamenti i epidemiologjisë në Institutin e Shëndetit Publik në bashkëpunim me një epidemiolog nga Sektori për Shëndet Publik në Shtip ka bërë një inspektim të menjëhershëm të fshatit, spitalit klinik të Shtipit dhe Kujdesit Mjekesorë Emergjent në Shtip.

Për pacienten është bërë edhe anketa epidemiologjike, pas së cilës është konstatuar se ajo është pickuar nga rriqra e cila është nxjerrë në shtëpi, pas shfaqjes së simptomave. Disa ditë pas pickimit pacientja fillimisht është shtruar në spitalin e Shtipit dhe më pas është transferuar në Shkup ku ka ndërruar jetë.

Meqenëse sëmundja transmetohet edhe përmes gjakut të personit të infektuar, janë kontrolluar të gjitha kontaktet në familje dhe janë klasifikuar sipas rrezikut.

The post 27-vjeçarja humb jetën pasi u pickua nga rriqra appeared first on Albeu.com.

Një pickim blete ose një pickim grerëz zakonisht njihet nga një dhimbje akute dhe një plagë në lëkurë. Helmi që gjendet në pickimin e bletës ose grenzës shkakton një reaksion toksik lokal në vendin e pickimit.

Çfarë duhet bërë nëse ju pickojnë?

Hiqeni thumbin menjëherë nëse ka mbetur në lëkurë.

Lani vendin e pickimit me sapun dhe ujë të thjeshtë.

Aplikoni një kompresë të ftohtë për të reduktuar ënjtjen.

Çfarë nuk duhet bërë:

Mos e shtrydhni thumbin dhe mos përdorni piskatore për ta hequr atë, pasi kjo mund të shkaktojë injektimin e më shumë helmit.

Mos e gërvishtni pickimin, pasi kjo mund të çojë në infeksion

Mos përdorni uthull ose sodë buke, pasi ato nuk do të neutralizojnë helmin që është thellë në indet e lëkurës.

Mos i irritoni flluska që mund të shfaqen, pasi kjo mund të çojë në infeksion.

Kur të kërkoni ndihmë mjekësore

Kerkoni menjëherë kujdes mjekësor nëse vëreni shenja të frymëmarrjes, ënjtje ose simptoma të tjera të anafilaksisë ose nëse e dini se një reaksion alergjik është i mundur.

Shihni gjithashtu një mjek nëse pickimi i insekteve shkakton flluska, nëse jeni të shqetësuar për ënjtjen, nëse shfaqen shenja infeksioni, si qelbi, ose nëse simptomat nuk largohen brenda pak ditësh.

The post Çfarë duhet të bëni nëse ju pickon bleta? appeared first on Albeu.com.

Disa njerëz prodhojnë një tip të veçantë lënde kimike në lëkurën e tyre. Disa nga ato lëndë, si acidi laktik, tërheqin mushkonjat. Gjithashtu ka prova se njerëzit me tip gjaku 0 tërheqin më shumë mushkonja, se njerëzit me tip gjaku A ose B.

Janë gjenet ato që diktojnë tipin e gjakut dhe përbërjen kimike të lëkurës. Gjenetika vendos gjithashtu edhe për disa faktorë të tjerë që ju bëjnë ju “më të afërt” për mushkonjat. Ndoshta më i rëndësishmi faktor: metabolizmi juaj ose sasia e dioksidit të karbonit që trupi juaj çliron.

Gratë shtatzëna dhe njerëzit mbipeshë tërheqin më shumë mushkonjat, pasi kanë nivele metabolizmi më të ngadalta. Gjithashtu pirja e alkoolit ju bën të preferuar nga insektet bezdisëse.

Në përzgjdhjen e mushkonjave ndokojnë edhe faktorë të tjerë të jashtëm, të cilët ju mund t’ i kontrolloni. Përshembull, veshjet e errëta janë më tërheqëse për mushkonjat. Pse? Mushkonjat nuk mund të fluturojnë edhe nëse fryn shumë pak erë, prandaj qëndrojnë shumë afër tokës. Aty poshtë ato ju krahasojnë me horizontin. Gjithashtu, nëse lëvizni shumë ato do tërhiqen edhe më tepër ndaj jush.

Prandaj, e mira është që gjatë verës vishni copa të lehta, të cilat janë të ngushta e ju mbrojnë nga pickimet.

The post Po, ka një arsye pse mushkonjat të pickojnë vetëm ty! appeared first on Albeu.com.

Vetem gjate javës se fundit ne spitalin Rajonal ne Fier janë paraqitur 10 raste nga pickimi i merimangës dhe 5 raste nga kafshimi i gjarprit dhe neperkes nga zonat e Cakranit, Mallakastër dhe Roskovecit.

Fermerët ne ketë periudhe janë te ekspozuar per shkak te punëve ne bujqësi. Megjithë rastet serioze, te gjithë personat e pickuar nga merimanga dhe zvarraniket i kane shpëtuar rrezikut nga vdekja.

Sipas mjekut toksikolog ne ketë periudhe helmi i zvarranikeve dhe insekteve është shume i përqendrua ndaj këshillon ata që punojnë në fushë të marrin masa mbrojtëse./TCH

The post Rritja e temperaturave, shtohen rastet e të helmuarve nga pickimi i gjarpërinjve në Fier (VIDEO) appeared first on Albeu.com.

Mësohet se i riu i identifikuar si Enea Dervishaj ishte duke bërë plazh në gjirin e Shën Vasilit së bashku me familjen.

23 vjeçari është pickuar në krah nga akrepi dhe ka filluar dridhjet e trupit gati duke
humbur ndjenjat.

Menjëherë është njoftuar policia kufitare e cila ka mbërritur me një mjet te saj gomone dhe më pas ka shoqëruar të riun në ambientet e spitalit të Vlorës. Fatmirësisht i riu është jashtë rrezikut për jetën.

The post U pickua nga akrepi teksa lahej në Karaburun, niset me urgjencë në spital 23 vjeçari appeared first on Albeu.com.