Mes të tjerash, Petro Beleri, shtoi se Rama pati një gol të dyfishtë me grumbullimin që bëri në Athinë, ka treguar për SKAI-n.

“Zgjedhja e datës konkrete besoj qartë se ishte një sfidë, ai donte të provokonte dhe të përgjigjej për kandidaturën e Belerit”, theksoi ai. “Nuk mund të konsiderohet rastësi që pikërisht në të njëjtën ditë të vitit të kaluar, ky program u bë ndaj një kryetari të atëhershëm kandidat, pastaj kryetarit të zgjedhur dhe që nga ajo kohë një komuniteti të tërë himariotësh që as sot nuk e ka parë demokracinë në efekt në vendin e tij. Nga ana tjetër ai donte të terrorizonte minoritetin etnik grek që jetonte në Shqipëri. Besoj se ai dëshiron të mbledhë rrethin e tij të ngushtë dhe të dërgojë një mesazh terrori për pjesën tjetër të grekëve që kanë mbetur pas”, tha Beleri.

Gjithashtu, ai thekson se; “Nëse kemi sukses dhe babai zgjidhet (Fredi Beleri), ai do të ketë një eurodeputet të zgjedhur që i përket Partisë Popullore Evropiane, që i përket ND, në Greqi, ai është anëtar i pakicës etnike greke dhe do të nxjerrë në pah këto probleme që ekzistojnë në Shqipëri, sado që dikush të përpiqet t’i fshehë”, theksoi ai. “Atë (kryeministrin shqiptar) e shqetëson që Greqia sillet në kushtet e shtetit ligjor, e shqetëson që shteti grek po sillet institucionalisht, në mënyrë demokratike, e shqetëson që humbi zgjedhjet në Himarë”.

Mjerisht, ne kemi arritur në atë pikë që pyesim veten nëse një person do të dalë nga burgu kur nga ana tjetër kemi një aktakuzë të brishtë, gjoja për korrupsion 320 euro, që askush nuk deportohet në Shqipëri për këtë krim. Askush nuk ka vuajtur një ditë burg për këtë krim, edhe nëse supozojmë se është kryer ky krim, kjo gjë nuk justifikohet… Sidomos tani që ishte një aktakuzë në kornizë me një dëshmitar që pranoi në gjykatë se ishte financuar me 7.5 mijë lekë euro nga policia. Këto janë gjëra të paprecedentë”, u shpreh Petro Beleri.

The post Flet djali i Belerit: Nuk ishte rastësi, Rama donte të provokonte me datën që zgjodhi për takimin në Athinë appeared first on Albeu.com.

Ai shpreh pakënaqësinë e tij ndaj këtij vendimi, por nga ana tjetër shtoi do të vijojë çështja nëpër gjykata. Ai deklaroi për median greke se si babai i tij i burgosur, familja dhe të gjithë himarjotët janë të vendosur të çojnë çështjen deri në fund që të dalë e vërteta.

Sipas tij, seanca në Gjykatën e Apelit mund të mbahet jo më vonë se një vit nga sot, por nuk përjashtohet që procesi gjyqësor të përfundojë në majin e ardhshëm. Petro Beleri shprehet se kemi të bëjmë me një proces të pastër politik, i cili sipas tij bazohet në prova të rreme, vetëm që babai i tij të mos kryejë detyrën.

“Vendimi i shërben 100% synimeve të qeverisë shqiptare, në një kohë kur çdo argument i tyre është mposhtur. Ata duan të na çojnë sërish në zgjedhje, por çfarë kuptimi do të kenë ato, pasi po përpiqen në çdo mënyrë të pengojnë daljen e kryetarit të zgjedhur ligjërisht? Tani qeveria greke duhet të marrë një qëndrim të qartë. Të gjithë himarjotët janë të vendosur. Sot jashtë gjykatës ishin 100 persona, përveç atyre në sallën e gjyqit. Kjo është historike, e cila u zhvillua në mënyrën më të keqe për palën greke. Ne do të vijojmë të sillemi me nder dhe do të luftojmë deri në fund”, tha Petro Beleri.

The post Djali i Belerit flet për median greke: Do të luftojmë deri në fund appeared first on Albeu.com.