Sipas një njoftimi të kësaj zyreje, Petkoviç gjatë kësaj vizite kishte planifikuar  të merrte pjesë në liturgjinë e mesnatës për Pashkët në Manastirin e Deçanit, pastaj në shërbesën në Manastirin e Graçanicës në mëngjesin e Pashkëve dhe në një takim me të rinjtë në Manastirin e Draganacit.

“Ndonëse vizita ishte ekskluzivisht e karakterit fetar dhe përfshinte ekskluzivisht vizita në manastire dhe në vendet e shenjta të Kishës Ortodokse Serbe, në frymën e festës më të madhe për serbët, pa qëllime politike, autoritetet në Prishtinë e ndaluan vizitën e tij pa asnjë shpjegim”, tha Zyra për Kosovën në Qeverinë serbe.

Kjo zyrë tha se për më shumë se një vit, Qeveria e kryeministrit të Kosovës, Albin Kurti, po e pengon Petkoviç që të vizitojë serbët në Kosovë.

“Këto ndalime [të vizitave] jo që janë të pabaza, por paraqesin edhe shkelje të drejtpërdrejtë të Marrëveshjes për lëvizjen e lirë dhe atë për vizita zyrtare, veçmas kur bëhet fjalë për kryenegociatorin në dialog nga pala serbe”.

Ministria e Punëve të Jashtme dhe Diasporës e Kosovës ende nuk është përgjigjur në pyetjen dërguar nga Radio Evropa e Lirë për të konfirmuar ose për të hedhur poshtë njoftimin e palës serbe.

Në të kaluarën, Kosova ka refuzuar kërkesat e parashtruara nga Petkoviq për të zhvilluar vizita, duke thënë se refuzimi ishte për shkak të “deklaratave provokuese”.

Ndërkaq, në janar të këtij viti, Serbia ia refuzoi kërkesën për vizitë ministrit të Punëve të Brendshme të Kosovës, Xhelal Sveçla. Ai kishte planifikuar që të vizitonte komunat Preshevë, Medvegjë dhe Bujanoc, që janë të banuara me shqiptarë.

Çështja e vizitave zyrtare mes Kosovës dhe Serbisë rregullohet përmes një marrëveshjeje të arritur në kuadër të dialogut për normalizim të raporteve, që ndërmjetësohet nga Bashkimi Evropian. Këto vizita duhet të paralajmërohen përmes zyrtarëve ndërlidhës të Kosovës dhe Serbisë. Ndërkaq, autoritetet e shteteve përkatëse duhet t’i autorizojnë ato./rel

The post Petkoviç thotë se iu ndalua vizita në Kosovë për Pashkët Ortodokse appeared first on Albeu.com.

Dje Bashkimi Europian ka dalë me një njoftim për këtë takim, duke zbuluar agjendën.

Zëdhënësi i BE-së, Peter Stano, tha se sot emisari Miroslav Lajçak, do të presë palët dhe se fokusi i bisedës do të jetë zbatimi i marrëveshjes dhe shtensionimi i situatës.

“Përfaqësuesi Special i BE-së, Miroslav Lajçak do të presë kryenegociatorët e të dyja palëve në kuadër të dialogut të lehtësuar në Bruksel. Në fokus do të jetë zbatimi i plotë i Marrëveshjes së 27 shkurtit dhe hapat drejt deeskalimit të situatës në veri të Kosovës”, ka shkruar Stano në Tëitter.

Nga Qeveria e Kosovës dje kanë konfirmuar se zëvendëskryeministri Besnik Bislimi sot do të udhëtojë drejt Brukselit për të marrë pjesë në takimin e radhës të dialogut.

“Mund të konfirmoj që nesër janë takimet e radhës të procesit të dialogut. Zëvendëskryeministri do të jetë atje, në Bruksel”, tha këshilltari për media i Bislimit Klisman Kadiu për Gazetën Express.

Takimi mes dy kryenegociatorëve ishte pjesë e një dakordimi mes Kosovës dhe BE-së, të cilat bënë një marrëveshje për shtensionimin e situatës.

Në pikën katër të kësaj marrëveshje thuhej se “BE do ftojё dy kryenegociatorёt nё Bruksel me synim finalizimin e planit tё sekuencimit pёr Marrёveshjen drejt Normalizimit, pas tё cilit do tё fillojё zbatimi i tё gjitha neneve tё marrёveshjes”./express

The post Dialogu Kosovë – Serbi, Bislimi dhe Petkoviç sot në Bruksel appeared first on Albeu.com.

Ai ka përmendur edhe takimin në Bratislavë me Besnik Bislimin, zëvendëskryeministër i Kosovës – që përfundoi me marrëveshje Kosovë-BE, ku Kosova u pajtua për masa të de-përshkallëzimit të situatës në Veriun e Kosovës.

Në vazhdimësi të këtij procesi, emisari i BE-së paralajmëroi një takim në mes Kosovës dhe Serbisë në nivel negociatorësh, Bislimi e Petar Petkoviç.

”Të dy i informova për situatën rajonale, hapat e nevojshëm për de-përshkallëzimin dhe kthimin në dialogun e lehtësuar nga BE. Të dy vendet janë partnerë të rëndësishëm në Ballkanin Perëndimor. Unë jam mirënjohës për mbështetjen e tyre në punën time dhe pres me padurim bashkëpunimin tonë të vazhdueshëm”, shkroi Lajçak në Facebook.

The post Kosovë-Serbi, Lajçak paralajmëron takim mes Bislimit dhe Petkoviç appeared first on Albeu.com.

 

View this post on Instagram

 

A post shared by Zubin Potok INFO (@zubinpotokinfo)

Disa nga qytetarët e mbledhur pyesnin me ngulm: “A po ju ruajnë edhe juve shqiptarët?”. “Është e lehtë për juve atje lart në Beograd”. /abcnews.al

The post VIDEO/ “Turp të keni, shqiptarët na ruajnë!” Serbët në Kosovë thirrje kundër Petkoviç dhe Listës Serbe appeared first on Albeu.com.

The post “Nuk do ta njohim pavarësinë”, Petkoviç: Kurti po përpiqet t’i bëjë presion Vuçiçit appeared first on Albeu.com.

Lajmin e ka bërë të ditur vetë institucioni të cilin ai drejton.

Është thënë se Petkoviçit i është mohuar të marrë pjesë në një manifestim në Manastirin e Deçanit të mërkurën.

Ai kishte planifikuar një vizitë dyditore të mërkurën dhe të enjten.

“Kjo është hera e katërt që autoritetet në Prishtinë pengojnë vizitën e drejtorit të Zyrës për Kosovë e Metohi. Për këtë shtrohet pyetja nëse faktorët ndërkombëtar janë të gatshëm të frenojnë Albin Kurtin në fushatën e tij destruktive kundër të gjitha arritjeve të Marrëveshjes së Brukselit dhe marrëveshjeve të arritura në Bruksel gjatë procesit të dialogut. Me çdo lëvizje që po bën, Albin Kurti na distancon nga dialogu”, thuhet në komunikatë./albeu.com/

The post Petkoviçit i ndalohet sërish hyrja në Kosovë appeared first on Albeu.com.

Zvicra arriti ta eliminojë Francën pas penaltive në një ndeshje dramatike ku arriti të befasojë të gjithë me paraqitjen e tyre.

Petkovic ka deklaruar se ajo është ndeshja më e mirë e tyre që kanë zhvilluar deri më tani dhe ata duhet ta përsërisin këtë gjë prapë ndaj Spanjës.

“Ndeshja ndaj Francës ishte shumë emocionale për ne”, tha ai.

“Lojtarët dhanë 120% nga vetja, ishte ndoshta ndeshja më e mirë e skuadrës time ndonjëherë”, tha Petkovic.

“Neve do të na duhet një paraqitje e njëjtë ndaj Spanjës në çerekfinale”, përfundoi Vladimir Petkovic./

The post Zvicra në çerekfinale, Petkovic: Lojtarët dhanë 120% ndaj Francës, ndaj Spanjës duhet ta bëjmë të njëjtën gjë appeared first on Albeu.com.