petkov Archives - Albeu.com

Petkov: Shkupi të pranojë propozimin francez

E S — Sun, 10 Jul 2022 20:38:57 +0000

Kryeministri bullgar në largim, Kiril Petkov tha të dielën se propozimi francez për zgjidhjen e kontestit me Maqedoninë e Veriut është jashtëzakonisht i mirë për Sofjen.

Petkov në një intervistë për televizionin bullgar, BTV tha se “për Maqedoninë e Veriut për momentin është shumë e vështirë të pranohen ato pozicione”, por sipas tij “ky vend duhet ta bëjë këtë dhe të zgjedhë rrugën evropiane”.

Ai tha se “do të ishte e tmerrshme nëse Shqipëria vazhdon procesin e anëtarësimit në BE dhe Maqedonia e Veriut mbetet jashtë saj”.

“Në Maqedoninë e Veriut duhet të kuptojnë se nëse duan të zhvillohen, rruga evropiane është e vetmja rrugë për atë vend”, ka deklaruar Petkov.

Propozimi francez për fillimin e negociatave me BE-në pritet të shqyrtohet javën e ardhshme nga deputetët në Kuvendin e Maqedonisë.

Kryetari i Kuvendit, Talat Xhaferi, tha të premten, më 8 korrik, se në koordinimin e rregullt të së hënës në Kuvend, duhet të diskutohet se kur mund të mbahet seancë plenare për informimin e qeverisë për propozimin e kornizës negociuese për negociatat e anëtarësimit me BE-në.

Më 30 qershor, qeveria publikoi propozimin francez për fillimin e negociatave ndërmjet Maqedonisë së Veriut dhe BE-së, i përbërë nga tre dokumente, pas së cilës filluan protestat në Shkup ku morën pjesë mijëra qytetarë nën moton “Stop bullgarizimit të Maqedonisë”.

Protestat janë bërë nga partitë opozitare VMRO-DPMNE dhe “E Majta”, të cilat propozimin e vlerësojnë të dëmshëm për interesat shtetërore dhe kombëtare maqedonase.

Partitë në pushtet kanë thënë se ky është propozimi më i mirë që garanton gjuhën maqedonase sikur edhe identitetin dhe të kaluarën historike andej edhe duhet të pranohet që Maqedonia e Veriut të mos lëshoj mundësinë për zhbllokimin e procesit integrues.

Ambasadorja amerikane në Shkup, Kate Marie Byrnes, të premten përmes një letre të hapur drejtuar qytetarëve të Maqedonisë së Veriut, ka bërë thirrje që të pranohet propozimin e Francës për zgjidhjen e kontestit me Bullgarinë, gjë që do t’i hapte derën integrimit evropian.

Mesazh të njëjtë ka drejtuar edhe presidenti i Francës, Emmanuel Macron. Ai tha të enjten se “propozimi francez është i përsosur”, por se e fut vendin në Bashkimin Evropian. /Rel

The post Petkov: Shkupi të pranojë propozimin francez appeared first on Albeu.com.

Petkov: Shkupi të pranojë propozimin francez

admin — Sun, 10 Jul 2022 17:07:02 +0000

Kryeministri bullgar në largim, Kiril Petkov tha të dielën se propozimi francez për zgjidhjen e kontestit me Maqedoninë e Veriut është jashtëzakonisht i mirë për Sofjen.

Ai tha se “do të ishte e tmerrshme nëse Shqipëria vazhdon procesin e anëtarësimit në BE dhe Maqedonia e Veriut mbetet jashtë saj”.

“Në Maqedoninë e Veriut duhet të kuptojnë se nëse duan të zhvillohen, rruga evropiane është e vetmja rrugë për atë vend”, ka deklaruar Petkov.

Kryeministri bullgar në largim, Kiril Petkov tha të dielën se propozimi francez për zgjidhjen e kontestit me Maqedoninë e Veriut është jashtëzakonisht i mirë për Sofjen.

Ai tha se “do të ishte e tmerrshme nëse Shqipëria vazhdon procesin e anëtarësimit në BE dhe Maqedonia e Veriut mbetet jashtë saj”.

“Në Maqedoninë e Veriut duhet të kuptojnë se nëse duan të zhvillohen, rruga evropiane është e vetmja rrugë për atë vend”, ka deklaruar Petkov.

Mesazh të njëjtë ka drejtuar edhe presidenti i Francës, Emmanuel Macron. Ai tha të enjten se “propozimi francez është i përsosur”, por se e fut vendin në Bashkimin Evropian./rel

The post Petkov: Shkupi të pranojë propozimin francez appeared first on Albeu.com.

Datë në qershor, por për veto? Petkov: S’ka negociata pa futjen e bullgarëve në Kushtetutë

admin — Sat, 18 Jun 2022 19:53:25 +0000

Maqedonia duhet të obligohet ta ndryshojë Kushtetutën e saj sa më shpejt që është e mundur me qëllim që t’i fusë bullgarët në Preambulë, e pastaj të miratojë edhe një plan veprimi për mbrojtjen e të drejtave të tyre, për t’i nisur bisedimet aderuese me BE, thuhet në propozimin francez që mbërriti në Sofje. Kryeministri bullgar, Kiril Petkov, nuk e ka lexuar propozimin, por menjëherë e dërgoi në Kuvendin Popullor.

“Ata duan vazhdimisht të përsërisin teza të caktuara për tradhti kombëtare, teza për lojëra prapa skenave gjatë zgjidhjes së çështjes. Jo. Atë që do ta shihni në ditët në vijim do të jetë përgjigja përfundimtare për këtë çështje. Unë si kryeministër nuk do të marr asnjë zgjidhje, përveç nëse ajo nuk sillet në Parlamentin bullgar dhe unë do ta plotësoj vullnetin e Parlamentit të Bullgarisë. Nëse nuk ka kohë për zgjidhje, atëherë unë do të pres që ajo të sillet”, pohoi Kiril Petkov, kryeministër i Bullgarisë.

Ai dje për televizionin kombëtar bullgar tha se javën e ardhshme do të udhëtojë në Bruksel dhe në qoftë se nuk arrihet zgjidhje, këtë do t’ua përcjellë liderëve të BE-së, pa e ndryshuar pozicionin bullgar. Sot Petkovi tha se propozimi i Francës është i mirë, duke pasur parasysh se të dyja palët kanë garanci.

“Hapi i parë për çelje negociatash të Maqedonisë së Veriut me BE, quhet – Konferenca e parë Ndërqeveritare, e cila duhet të fillojë pasi ta ndryshojnë Kushtetutën dhe pasi të ndryshojnë Kushtetutën, Bullgaria të mos mund ta pengojë rrugën e tyre. Kurse atyre u garantohet se ne nuk do të dalim me kusht të ri çdo gjashtë muaj”, theksoi pohoi Kiril Petkov, kryeministër i Bullgarisë.

Profesori dhe ish-ambasadori Nano Ruzhin, supozon se në propozimin francez Bullgaria ka luftuar për çështjet të cilat tashmë dihet shumë mirë dhe të cilat i ka kërkuar që në fillim.

“Këtu përballemi me një dilemë. Nëse ai propozim pranohet, Maqedonia e Veriut do të marrë datë për nisje të negociatave, por nëse ai propozim shkon si propozim i BE-së, në kuptimin e përmbushjes së obligimeve, parashtrohet pyetja a do të shantazhohemi dhe pengohemi në çdo cep nga ana e Bullgarisë? Ndoshta, si propozim i BE-së, vetë format dhe përmbajtja do të relativizohen me eurokratët, pasi e dimë se atë që e propozon Sofja është diçka irracionale”, tha Nano ruzhin, ish-ambasador.

Ndryshe, propozimi i Francës parasheh që Maqedonia vetë të pranojë ta ndryshojë Kushtetutën, me çka bullgarët do të futen në Preambulë, derisa të ndodhë fillimi efektiv i negociatave me BE për ta hequr veton për konferencën e parë ndërqeveritare. Kjo do të thotë se edhe po të hiqet vetoja, do të ketë vetëm hapje simbolike të negociatave, por nuk do të ketë hapje kapitujsh.

Në propozimin e Presidencës franceze për kornizën negociuese, praktikisht pranohen në gjitha kërkesat e Bullgarisë, përveç kërkesës për mosekzistimin e gjuhës maqedonase. Çështjet që kanë të bëjnë me arsimin dhe historinë barazohen me çështjet që kanë rëndësi thelbësore për BE-në, gjegjësisht kapitujt 23 dhe 24 që kanë të bëjnë me të drejtat e njeriut dhe sundimin e së drejtës./TV 21/

The post Datë në qershor, por për veto? Petkov: S’ka negociata pa futjen e bullgarëve në Kushtetutë appeared first on Albeu.com.

Propozimi për heqjen e vetos bullgare, Pendarovski: Nuk e kemi marrë propozimin francez

E B — Thu, 16 Jun 2022 16:20:56 +0000

Propozimi i Francës për heqjen e vetos ndaj Maqedonisë për fillim të negociatave me BE-në, do t’u dorëzohet të gjitha vendeve anëtare. Kryeministri bullgar, Kiril Petkov paralajmëroi se këtë propozim do t’ia dorëzojë Kuvendit. Presidenti i Maqedonisë së Veriut, Stevo Pendarovski në konferencën e përbashkët për mediat me kryetarin e Këshillit evropian, Sharl Mishel, tha se bëhet fjalë për negociata mes vendeve anëtare të BE-së që i zhvillojnë mes tyre para Samitit.

“A ka propozim nga Franca, ose nuk ka, kjo është punë e brendshme e BE-së për shkak se nga aspekti i BE-së bëhet fjalë për negociata që i zhvillojnë mes tyre, në funksion të përgatitjes së konkluzioneve për Samitin e 23-të, të cilat Franca, si kryesues gjatë këtyre 6 muajve, ka për obligim t’i dorëzojë për harmonizim te të gjitha vendet anëtare. Do të thotë se, ne në Shkup nuk e kemi parë propozimin e Francës”, tha Stevo Pendarovski, president i RMV-së.

Ministri i jashtëm Bujar Osmani nuk deshi ta komentojë propozimin e Francës derisa i njëjti t’u dorëzohet vendeve anëtare. Kryetari i Këshillit evropian Sharll Mishel nuk foli konkretisht për këtë propozim, por tha se Maqedonia dhe Shqipëria duhet sa më shpejt që është e mundur t’i fillojnë negociatat me BE-në.

“Duam ta zhbllokojmë procesin për Maqedoninë e Veriut dhe Shqipërinë. Jam i informuar mirë për vështirësitë me të cilat po ballafaqohet Maqedonia e Veriut muajin e fundit. Nuk jam i sigurt 100% se çfarë do të ndodhë në takimin e Këshillit, por jam 100% i sigurt se do të bëjmë që në këtë takim të ndërmerren hapa vendimtarë në drejtimin e duhur”, theksoi Sharll Mishel, kryetar i Këshillit Evropian.

Jozyrtarisht, mediat bullgare përcjellin se Petkov ka thënë se e njeh në mënyrë të detajuar skemën se si do të zhvillohet e gjithë kjo. Pretendohet të ketë deklaruar se sot propozimi francez zyrtarisht do t’u dërgohet të gjitha vendeve anëtare të BE-së, kurse ai personalisht do ta dërgojë në Parlament. Personalisht pas meje qëndrojnë Emanuel Makron dhe Olaf Sholc. Do ta pranojmë, pastaj biem dhe vazhdojmë më tej, i citojnë jozyrtarisht fjalët e Petkovit mediat bullgare. Ai dje në fillimin e takimit të këshillit ministror e lexoi kërkesën e tij, e cila u pranua menjëherë, dhe e cila parasheh që propozimi i kryesisë franceze menjëherë të dërgohet në Komisionin kuvendor për politikë të jashtme./tv21

The post Propozimi për heqjen e vetos bullgare, Pendarovski: Nuk e kemi marrë propozimin francez appeared first on Albeu.com.

Petkov: Nëse s’ka stabilitet në Ballkan, s’kemi arritur asgjë

admin — Sat, 16 Apr 2022 21:30:43 +0000

Kryeministri i Bullgarisë, Kiril Petkov, të shtunën, më 16 shkurt, ka qëndruar në qytetin e Manastirit në Maqedoninë e Veriut, nga ku ka theksuar nevojën për raportet të mira ndër fqinjësore, jo vetëm mes këtyre dy shteteve, por edhe më gjerë në rajonin e Ballkanit Perëndimor.

Duke folur për kontestin mes dy vendeve që ka të bëjë me të kaluarën historike si dhe me respektimin e të drejtave të pakicës bullgare në Maqedoninë e Veriut, Petkov tha se dy qeveritë po punojnë në mënyrë intensive për gjetjen e një zgjidhjeje të pranueshme.

Arritja e një zgjidhjeje do të mundësohet heqjen e vetos bullgare për nisjen e bisedimeve të anëtarësimit evropian të Maqedonisë së Veriut, veto që është vendosur në nëntor të vitit 2020.

“Nëse nuk kemi paqe dhe stabilitet në Ballkan dhe nëse nuk mund të heqim kufijtë, nëse bizneset nuk mund të punojnë në të dyja anët, nëse njerëzit nuk mund të kenë një vizion të përgjithshëm se së bashku mund të bëjnë më shumë, ne nuk do të arrijmë asgjë”, deklaroi Petkov, pas hapjes së Qendrës kulturore bullgare në qytetin e Manastirit.Por, Petkov ka mohuar që për momentin të ketë ndonjë draft-marrëveshje, siç kishte deklaruar shefi i diplomacisë maqedonase, Bujar Osmani, i cili të mërkurën më 13 prill tha se Maqedonia e Veriut pajtohet me një dokument për zgjidhjen e kontestit dhe se pret përgjigje nga pala bullgare, por pa dhënë detaje se për çfarë propozimi bëhet fjalë.

Prononcimet e tilla kishin bërë që kryeministri bullgar Petkov të kërcënohet nga partitë e koalicionit me largim nga Qeveria bullgare nëse ai arrin ndonjë marrëveshje pa pëlqimin e gjitha partive.

Në këtë kuadër, ministrja e Jashtme e Bullgarisë, Teodora Gençovska, që e partitë së Slavi Trifunovit, “Ka një popull të tillë”, ka deklaruar nuk është optimiste për hapjen e negociatave me Maqedoninë e Veriut gjatë kryesimit të Presidencës së Bashkimit Evropian nga Franca.Të enjten, më 14 prill, në një seancë të mbyllur në Kuvendin bullgar, Gençovska ka theksuar se nuk ka kurrfarë përparimi për çështjet e hapura politike. Shefja e diplomacisë bullgare ka thënë tashmë nuk ka kohë që deri në fund të qershorit të hapet Kushtetuta e Maqedonisë së Veriut për përfshirjen e bullgarëve në të, si popull shtetformues të Maqedonisë së Veriut.

“Nëse e shohim realisht deri në fund të kryesimit francez me Këshillin e Evropës, dyshoj se kolegët e mi nga Maqedonia e Veriut do të mund ta hapin Kushtetutën dhe ta mbyllin këtë proces”, ka deklaruar Gençovska.

Qeveria e Maqedonisë së Veriut dhe ajo e Bullgarisë në janar kishin formuar grupe punë me synimin që deri në qershor të vendosin bashkëpunim në të gjitha sferat, përskaj atyre historike, me çka edhe do të kapërcenin dallimet për zhbllokimin e procesit të integrimit evropian të Maqedonisë së Veriut./REL

The post Petkov: Nëse s’ka stabilitet në Ballkan, s’kemi arritur asgjë appeared first on Albeu.com.

Petkov: Bullgarët në Maqedoni nuk kanë të drejtë legale për mbrojtje

admin — Fri, 11 Feb 2022 21:51:22 +0000

Kryeministri bullgari në intervistë për CNN u shpreh se përveç problemeve historike, me Maqedoninë e Veriut problem është që bullgarët nuk kanë të drejtë legale për mbrojtje në Maqedoni.

“Ndryshuam agjendën drejt gjerave të përbashkëta në vend të problemeve. Kemi probleme… të harrojmë problemet historike për të cilat bisedojnë. Ka probleme të tjera që duhet t’i zgjidhim p.sh. bullgarët në Maqedoninë e Veriut ende nuk kanë mbrojtje legale”, tha Petkov.

Ai shtoi se lajme të mira janë kur në bisedime me kryeministrin e Maqedonisë së Veriut janë dakorduar se bullgarët duhet të kenë të drejta legale që i kanë maqedonasit dhe popujt tjerë siç janë shqiptarët.
“Çështja është si të arrihet deri atje dhe cila është rruga”, tha Petkov.

Në pyetjen e CNN nëse Petkov dëshiron ta shohë Maqedoninë e Veriut në BE ai u përgjigtj “apsolutisht, pa dyshim”.

The post Petkov: Bullgarët në Maqedoni nuk kanë të drejtë legale për mbrojtje appeared first on Albeu.com.

Takohen Kovaçevski dhe Petkov, çfarë diskutuan dy kryeministrat

admin — Tue, 25 Jan 2022 10:27:12 +0000

Kryeministri i Maqedonisë së Veriut, Dimitar Kovaçevski dhe kryeministri i Bullgarisë, Kirill Pektov kanë zhvilluar një takim në kuadër të vizitës zyrtare të delegacionit qeveritar të Maqedonisë së Veriut në Bullgari. Dy kryeministrat kanë diskutuar për vendosjen e “themeleve” të marrëdhënies bilaterale mes dy vendeve në disa fusha bashkëpunimi. Kryetarët e Qeverive të Maqedonisë dhe [...]

Petkov-Kovaçevski: Bullgaria pranon emrin e shkurtuar Maqedonia e Veriut (VIDEO)

admin — Tue, 18 Jan 2022 17:19:56 +0000

Republika e Maqedonisë së Veriut dhe Republika e Bullgarisë kanë arritur avancim në bisedimet për zgjidhjen e kontestit bilateral.

Kryeministri Dimitar Kovaçevski, pas takimit me homologun e tij bullgar Kiril Petkov, njoftoi se është arritur dakordim që Bullgaria të mos e pengojë përdorimin e emrit të shkurtër, respektivisht emrin Maqedonia e Veriut në institucionet ndërkombëtare.

Dimitar Kovaçevski, kryeministër i Maqedonisë së Veriut

“Kjo do të thotë se Bullgaria nuk do të pengoj më përdorimin e emrit të shkurtër në asnjë proces ndërkombëtarë dhe bilateral, dhe për këtë ka njoftuar edhe OKB-në. Në të njëjtën kohë Maqedonia e Veriut përmes MPJ ka dërguar notë verbale në OKB për përdorimin e emrit të gjatë dhe të shkurtër ku vërtetohet se të dy emrat janë të vlefshme në mënyrë të barabartë dhe ku vërtetohet mungesa e çdolloj implikimi në integritetin territorial të Bullgarisë”

Kryeministri bullgar, Kiril Petkov, nga ana e tij tha se në takimin e sotshëm kanë pasur një bisedë të mirë dhe miqësore me Kovaçevskin dhe se kanë rënë dakord që fqinjësia e dy vendeve të ngrihet në një nivel edhe më të lartë.

Kiril Petkov, kryeministër i Bullgarisë

“Bashkëpunimi Shkup-Sofje do të jetë real. Do të vazhdojmë edhe më tutje të punojmë dhe të sjellim rezultate të sakta që të u mundësojmë qytetarëve të lëvizin lirshëm. Çdo takim tani e tutje, do të caktohet me qëllime të carta, rezultate të qarta dhe marrëdhënia miqësore nuk do të jetë vetëm në nivel politik por edhe biznesor. Atë që sot e arritëm është gjë reale. Kjo është një punë e përbashkët, dhe do të kemi një dialog të ri konstruktiv”

Petkov shtoi se në Marrëveshjen për Fqinjësi të Mirë ka një përkufizim të qartë të gjuhës dhe identitetit, dhe se ata e mbështesin përcaktimin e qytetarëve të Maqedonisë së Veriut.

Sinkron: Kiril Petkov, kryeministër i Bullgarisë

“Marrëveshja për fqinjësi të mirë ka një definicion shumë të qartë të gjuhës dhe në atë drejtim ne absolutisht mbështesim përcaktimin e të gjithë qytetarëve në Republikën e Maqedonisë si dhe përdorimin e të gjitha gjuhëve siç përshkruhet në Kushtetutë. Ne e kuptojmë plotësisht këtë dhe do të vazhdojmë t’i trajtojmë të gjitha çështjet në atë frymë konstruktive”

Kryeministrat e të dyja shteteve gjithashtu kanë rënë dakord që të formohen grupe punuese të cilat do të përfshijnë fusha të ndryshme, si të infrastrukturës, ekonomisë tregtisë, arsimit, kulturës, ku gjithashtu do të përfshihet edhe Komisioni për çështje historike dhe arsimore. Siç potencuan krerët e dy qeverive, këto trupa punues janë krijuar si grup pune ndërsektoriale në të cilat do të marrin pjesë jo vetëm politikanët, por edhe përfaqësues të sektorëve të cilëve u referohen.

Bullgaria dhe Maqedonia e Veriut javën e ardhshme më 25 janar do të mbajnë mbledhje të përbashkët qeveritare, me qëllim intensifikimin e bisedimeve për zgjidhjen e çështjeve të hapura mes të dyja vendeve.

The post Petkov-Kovaçevski: Bullgaria pranon emrin e shkurtuar Maqedonia e Veriut (VIDEO) appeared first on Albeu.com.

Petkov: Do të shkoj në Maqedoni kur të zgjidhet kryeministri i ri

admin — Sun, 19 Dec 2021 20:08:12 +0000

Kryeministri i Bullgarisë, Kiril Petkov, në një intervistë për “BTV” për çështjen e kontestit me Maqedoninë, tha se gjëja e parë që duhet bërë është ndryshimi i retorikës, përcjell Telegrafi Maqedoni.

“Duhet të fillojmë të flasim për të gjitha përfitimet e fqinjësisë së mirë, sa më shumë biznes mund të bëjnë kompanitë tona, si të ndërtohet shpejt linja hekurudhore Sofje-Shkup, pse nuk ka kalendar të përbashkët kulturor”, tha Petkov dhe shprehu besimin do të zgjidhet një kryeministër i ri në Maqedoninë e Veriut.

“Kam në plan të shkoj në Maqedoni e Veriut kur ta zgjedhin dhe do të biem dakord për punën e këtyre grupeve. Dua 5 grupe – ekonomi, infrastrukturë, kulturë, integrim evropian dhe histori. Unë dua që ata të takohen një herë në muaj, të mos takohen në të njëjtën kohë, të kenë rezultate nga puna e tyre”, tha Petkov.

Sigurisht që ka vija të kuqe, shton ai.

“Më e rëndësishmja është që maqedonasit me rrënjë bullgare të mbrohen nga diskriminimi dhe gjuha e urrejtjes. Ky duhet të jetë një synim themelor për çdo qytetar evropian. Nuk mund t’i fshehim faktet. Është më e lehtë, kur shohim se sa mund të marrim nga të dyja palët, të mendojmë për mundësitë për gjëra që janë të pranueshme për të dyja palët. Nuk do të heqim dorë nga pozitat serioze, së bashku mund të fitojmë shumë”, ka shtuar Petkov.

The post Petkov: Do të shkoj në Maqedoni kur të zgjidhet kryeministri i ri appeared first on Albeu.com.

Kryeministri bullgar: Synojmë zgjidhjen e mosmarrëveshjeve me Shkupin

E B — Tue, 14 Dec 2021 16:24:01 +0000

Në një intervistë për Financial Times , kryeministri i ri i Bullgarisë, Kiril Petkov, ka paralajmëruar ndryshimin e qëndrimit të vendit të tij për anëtarësimin e Maqedonisë së Veriut në BE.

Petkov tha se Sofja do të ndërpresë përpjekjet për parandalimin e Maqedonisë për t’u bashkuar me BE duke iu referuar për të zgjidhur mosmarrëveshjen mes dy vendeve për një periudhë prej gjashtë muajsh.

“Ne do të propozojmë një proces të ri ( për Maqedoninë e Veriut ) , shumë i shpejtë, me një afat kohor të kufizuar prej vetëm gjashtë muajsh,” tha ai , duke theksuar se ajo që ka rëndësi është kompromisi dhe bashkëpunimi midis dy vendeve.

Petkov tha se qeveria e tij do t’i vendosë bisedimet me Maqedoninë e Veriut në një bazë të re. “Ne do të përdorim grupet e punës për të gjetur zgjidhje për çështje të tilla si aktiviteti i përbashkët ekonomik, infrastruktura, kultura dhe historia,” tha ai , duke shtuar se një klimë pozitive do të hapte rrugën për perspektivën evropiane të Shkupit./albeu.com

The post Kryeministri bullgar: Synojmë zgjidhjen e mosmarrëveshjeve me Shkupin appeared first on Albeu.com.