Ky peticion është një thirrje e hapur qytetare në mbështetje të Ushtrisë Çlirimtare të Kosovës dhe të ish-krerëve të saj që po përballen me procesin në Hagë, në mbrojtje të vlerave të luftës çlirimtare dhe të dinjitetit të saj.

Vuçiç i shqetësuar për Ligjin për të Huajt/ Paralajmëron afrimin trilateral të Kosovës, Shqipërisë dhe Kroacisë si cënim serb

Ky peticion do të realizohet në bashkëpunim me shtatë universitete, përfshirë një nga Tirana, një nga Shkupi dhe një nga Tetova.

Kryetari i OVL-UÇK-së, Hysni Gucati ka bërë të ditur se ky peticon hyn në fuqi që sot në sistemin online dhe në formë të shkruar.

“Ne nuk do ndalemi kurrë kundër Gjykatës Speciale jo kundër drejtësisë por padrejtësisë që po ndodhë. Ne kemi gjetur mbështetje nga shtatë universitete të Kosovës, në Tiranë një, Shkup dhe Tetovë. Ne kemi përgatitur një peticion kombëtar që do hy nga sot fuqi, Kemi dhe online dhe me letra”, tha Gucati.

Sipas peticionit, vendimi duhet të bazohet në prova dhe fakte te administruara në giykim.

Kërkohet respektim i plotë dhe të pakushtëzuar të të drejtave themelore të të akuzuarve, respektim të Ligjit për Dhomat e Specializuara të miratuar nga Kuvendi i Kosovës, si dhe respektim të plotë të Kushtetutës së Republikës së Kosovës.

Përfshirë edhe heqjen e menjëhershme të masës së paraburgimit dhe përjashtim të menjëhershëm dhe të plotë të çdo prove të siguruar apo të pranuar nga autoritetet e Serbisë. /KosovaPress

The post Nis peticioni kombëtar në mbështetje të ish-krerëve të UÇK-së appeared first on Albeu.com.

“Përshëndetje, nga rruga ‘Qemal Stafa’ në njësinë bashkiake numër 2 në Tiranë.

Jam këtu me kërkesë të banorëve, për të denoncuar papërgjegjshmërinë e bashkisë së Tiranës, e cila ka bllokuar sic mund ta shihni rrugën ‘Qemal Stafa’ me rrugën ‘Bardhyl’, dhe ‘Odise Paskali’, duke vendosur këto kangjella.

Jo vetëm që pengojnë lëvizjen e qytetarëve, por sigurisht pengojnë edhe aktivitetin, e dhjetëra bizneseve në këtë zonë.

Kjo është kërkesa dhe peticioni, që prej muajit prill është depozituar në bashkinë e Tiranës, në zyrën e urbanistikës, dhe nuk ka marrë përgjigje nga bashkia.

Jam këtu në emër të qytetarëve, për ti kërkuar bashkisë, heqjen e menjëhershme të këtyre kangjellave, që jo vetëm pengojnë lëvizjen e lirë të qytetarëve, jo vetëm po penalizojnë dhjetëra biznese, por po detyrojnë dhe qytetarët, për të bërë 1, apo 2 kilometër në këmbtë, për të mbërritur tek stacioni I urbanit këtu.

Gjithë ato familje, që ndodhen në rrugën Qemal Stafa, që detyrohen të cojnë fëmijët në cerdhe dhe në kopshte, duhet të kapërcejnë këtë pengesë, që arbitrarisht, dhe pa u konsultuar me komunitetin, ju ka vendosur bashkia e Tiranës.

Këto kangjella nuk janë këtu për sigurinë e qytetarëve, nuk janë këtu për të ndihmuar biznesin, përkundrazi rrezikojnë cdo ditë jetën e qindra, mijëra qytetarëve që kalojnë në këtë rrugë.

Që përpiqen, të kalojnë këto kangjella për të dërguar fëmijët në shkollë, në cerdhe, penalizojnë këto dhjetëra biznese, që do ti dëgjoni dhe vetë për të denoncuar bashkinë e Tiranës.

Se sa vuajtje kalojnë cdo ditë, se sa penalizohen cdo ditë. Një tjetër vështje shumë e rëndësishme, që këta banorë ngrenë me të drejtë, janë këto kazane mbeturinash, që rrezikojnë jo vetëm jetën, por dhe ndotin të gjithë këtë ambient dhe këtë lagje këtu, duke penalizuar bizneset.

Për fat të keq janë mijëra qytetarë, që janë të braktisur nga bashkia e Tiranës.

Ndaj I bëj menjëherë thirrje bashkisë, të tërheqë urgjentisht këtë vendim skandaloz, të heqë menjëherë këto kangjella që pengojnë lëvizjen e qytetarëve.

Të respektojë të gjitha të drejtat legjitime të këtyre banorëve, të dëgjojë zërin e bizneseve, të dëgjojë zërin e prindërve, të dëgjojë zërin e fëmijëve, që rrezikojnë co ditë jetën e tyre, për të shkuar në shkollë.

Shumë shpejt edhe si anëtar i Këshillit Bashkiak, do ta depozitoj zyrtarisht kërkesën e këtyre banorëve, dhe do të bëj gjithck që kjo rrugë të hapet, sic ka qenë vite më parë, në mënyrë që ky komunitet, të lëvizë lirisht.

Në mënyrë që gjithë këto biznese që paguajnë rregullisht taksat në bashkinë e Tiranës, të marrin frymë lirisht. Arbiraritetit dhe papërgjegjshmërisë së bashkisë së Tiranës, I ka ardhur fundi.

Nuk do të tolerohet më, asnjë vendim arbitrar që merret në mungesë të konsulencës me komunitetin, që merret vetëm në interest ë klientëve të Erion Velisë”,-shprehet Blushi.

The post Tiranë/ Blushi publikon peticionin e qytetarëve të njësisë numër 2: Të hiqen kangjellat që ndajnë rrugët! Na dëmton bizneset dhe jo vetëm appeared first on Albeu.com.

Dhjetëra qytetarë serbë janë mbledhur që në orët e para të mëngjesit për shkarkimin e kryetarit të Mitrovicës së Veriut, Erden Atiq dhe atij të Leposaviqit, Lulzim Hetemi.

Përpos EULEX-it që po monitoron situatën nga afër, të angazhuar në mbarëvajtjen e këtij procesi janë edhe zyrtarët e Policisë së Kosovës. Zëvendësdrejtori i Policisë për rajonin e Mitrovicës së Veriut, Veton Elshani në një prononcim për Telegrafin ka thënë se situata e sigurisë është e qetë.

“Gjithçka është në rregull dhe situata është e qetë”, ka deklaruar shkurtimisht ai.

Siç raportojnë mediat lokale në gjuhën serbe, qytetarët që duan të nënshkruajnë peticionin duhet të shënojnë emrin dhe mbiemrin, numrin e letërnjoftimit, adresën, numrin e telefonit dhe
nënshkrimin.

Në grumbullin e qytetarëve janë parë edhe ish-krerët e Listës Serbe dhe ish-kryetari i Mitrovicës së Veriut nga kjo parti.

The post Nënshkrimi i peticioneve në dy komunat veriore, policia: Situata e sigurisë është e qetë appeared first on Albeu.com.

Qëllimi i gjithë kësaj është që Harry t’i kërkojë vetë Mbretëreshës të lërë pezull titujt e tij mbretërorë dhe gradat.

“Si një qytetar thjesht i zakonshëm, pa grada mbretërore, ose tituj ai (Harry) do të jetë në gjendje të kënaqë besimet e tij personale, siç është e drejta e të gjithë qytetarëve të thjeshtë, pa mundësinë pasuese të dëmtimit të institucionit të Monarkisë”, shkruhet ndër të tjera në peticion.

“Unë e nisa atë peticion sepse mendoj se është gjëja e duhur që duhet bërë. Kam folur dhe me shumë njerëz të tjerë që mendojnë se kjo është gjëja e duhur”, tha Campbell për “The Daily Star”, e cila shkroi librin Meghan dhe Harry ‘The Real Story’.

Ajo ka shtuar se Harry dhe Meghan mund të sheshin emrin e tyre, markën e tyre, por jo duke qenë me tituj mbretërorë.

Kujtojmë se intervista e Princit Harry dhe Meghan Markle për Oprah Winfrey kundër familjes mbretërore tronditi gjithë botën. Por kur kjo intervistë vazhdon ende të diskutohet, Harry ka bërë të tjera deklarata të forta për familjen e tij.

The post 25 mijë njerëz duan që Harry të heqë dorë nga titujt appeared first on Albeu.com.

Kult Plus shkruan se transmetuesi publik i Kosovës, RTK, për vite me radhë e zhvilloi betejën e vetme me shtetin e Serbisë dhe Rusisë. Pas shumë viteve përpjekje të vazhdueshme së paku ata kanë arritur ta fusin në agjendë ndryshimin e statutit ku do t’i mundësohej RTK-së të ishte pjesë e kësaj organizate dhe kështu edhe Kosova mund të përfaqësohej në “Eurovision”. Mirëpo deri më tani gjithçka ka mbetur pezull, pasi në luftën kundër kësaj kërkese nga Kosova u angazhua direkt Qeveria e Serbisë dhe ajo e Rusisë.

Për këtë arsye, në Kosovë është hapur një peticion për të kërkuar përfshirjen e Kosovës në festivalin europian. Këtë hap e ka marrë Albert Limani, i cili duke parë ndikimin pozitiv të peticioneve, shpreson që përmes tij të arrihet diçka në lidhje me këtë çështje.

“Kosova meriton të jetë pjesë e Eurovision Song Contest. Kosova është pjesë e Europës dhe duhet të jetë pjesë e vlerave europiane. Kosova është aktualisht pjesë e organizatave të tilla si UEFA, FIFA dhe Lojërvae Olimpike dhe tani është radha e EBU që të hapë dyert për Kosovëm.

Kosova ka provuar se ka potencialin për t’u përfaqësuar në Eurovision. Kujtojmë përfaqësimin e suksesshëm të këngëtarëve kosovarë për shtete të tjera në Eurovision si: Rona Nishliu, Lindita Halimi, Gjon Muharremaj etj”, thuhet në deklaratën e peticionit.

Deri më tani kanë nënshkruar mbi 1 mijë njerëz dhe nëse doni dhe ju të bëheni pjesë e peticionit klikoni këtu.

The post “Kosova në Eurovision”, hapet peticioni: Ku mund të votoni appeared first on Albeu.com.