Edhe Alireza Beiranvand i Iranit pati rol vendimtar me disa ndërhyrje të rëndësishme në barazimin pa gola kundër Belgjikës.

Por, krahas këtyre paraqitjeve të mëdha, turneu ka sjellë edhe disa gabime të çuditshme nga emra të njohur mes shtyllave. Jordan Pickford, Edouard Mendy dhe Luca Zidane kanë pësuar gola në raste kur e prekën topin, por nuk mundën ta ndalnin.

Një situatë e ngjashme ndodhi edhe me portierin e Irakut, Ahmed Basil, i cili nuk arriti të ndalte një goditje nga larg e Kylian Mbappe, megjithëse pati kontakt me topin, shkruan BBC.

Këto episode e kanë shtyrë ish-portierin e Anglisë, Joe Hart, të shprehë dyshime mbi topin zyrtar të këtij kompeticioni.

“Po e shoh këtë lloj goli shumë shpesh për të mos pasur diçka të pazakontë me topin”, tha Hart.

Ish-portieri danez Kasper Schmeichel mendon se topi i ri “Trionda” po luan rol në vështirësitë që po hasin portierët.

Sipas Schmeichel, fakti që topi përbëhet vetëm nga katër panele dhe është prodhuar pa qepjet tradicionale, bën që ai të sillet ndryshe gjatë fluturimit në ajër.

“Ka më pak rezistencë në ajër, lëviz më shpejt dhe portierët po e ndjejnë këtë. Kemi parë disa gola ku portierët ishin shumë afër pritjes, por nuk arritën ta largonin topin”, shpjegoi Schmeichel.

Ai theksoi gjithashtu se topat modernë po projektohen gjithnjë e më shumë për të ndihmuar realizimin e golave.

Edhe shifrat duket se i japin mbështetje kësaj teorie. Deri në këtë pikë të Botërorit janë realizuar 20 gola nga jashtë zone, dyfish më shumë se sa në të gjithë fazën e grupeve të Botërorit 2022.

Të dhënat e Opta-s tregojnë po ashtu se janë regjistruar 11 gabime që kanë çuar drejtpërdrejt në gola, një numër më i lartë se ai i fazës së grupeve në secilin nga shtatë Botërorët e fundit.

Për Joe Hart, kjo nuk mund të konsiderohet thjesht rastësi.

“Shumë rrallë sheh portierë të nivelit të lartë ta prekin topin dhe ai të përfundojë në rrjetë. Në këtë turne po ndodh më shpesh dhe duket se diçka është ndryshe”, tha ai.

Nga ana tjetër, Adidas shpjegon se për zhvillimin e topit “Trionda” janë shpenzuar rreth tre vjet e gjysmë pune dhe janë kryer afro 300 teste laboratorike para prezantimit të tij.

Topi është provuar gjithashtu në disa prej qyteteve pritëse të Botërorit, me synimin që të verifikohej sjellja e tij në kushte të ndryshme klimatike.

Sipas Adidasit, struktura me katër panele, brazdat e thella dhe dizajni specifik i sipërfaqes janë menduar për të siguruar stabilitet optimal në fluturim dhe një shpërndarje sa më efikase të rezistencës në ajër.

Megjithatë, pavarësisht argumenteve teknike të prodhuesit, pyetja vazhdon të mbetet: a po ua bën vërtet “Trionda” më të vështirë punën portierëve në Kupën e Botës 2026?

The post A po ndikon topi “Trionda” në vështirësimin e punës së portierëve në Botërorin 2026? appeared first on Albeu.com.

Schmeichel shpjegoi se “Los Blancos” nuk krijoi shumë në ndeshjen e dytë kundër Manchester Cityt, por ata ishin mjaftueshëm klinikë për t’i kthyer të tre rastet e tyre në gola.

“Real Madridi nuk ka të drejtë të jetë në atë finale”, tha Schmeichel për “CBS Sports”.

“Ata ishin skuadra më e dobët gjatë dy ndeshjeve. Shansi i parë ishte goli i parë në minutën e 90-të, goli i dytë ishte rasti i dytë dhe goli i tretë ishte hera e tretë që goditën portën. Man City ishte në kontroll të plotë, por është ai momenti që ne folëm për këtë. Ne folëm se si ai stadium atje mund të ishte lojtari i 12-të.”

Ish-mbrojtësi i Manchester United dhe eksperti aktual i TV, Rio Ferdinand ka treguar arsyet e suksesit të Real Madridit në Champions League.

“Asnjëherë nuk duhet të dyshoni te lojtarët në këtë ekip”, tha Ferdinand për “BT Sport”.

“Gjithmonë kemi thënë, përvoja ka shumë rëndësi në këtë kompeticion, por ata treguan zemër, dëshirë. Këta lojtarë, kanë qenë atje, e kanë parë këtë. Fakti që ata kanë kaq shumë lojtarë në këtë skuadër që kanë fituar shumë Champions, në asnjë moment të këtij turneu nuk i keni parë ata në panik.

Pavarësisht se ku janë, çfarë lojtarësh kanë, këta djem i besojnë njëri-tjetrit, i besojnë menaxherit dhe kësaj turme, ata kanë qenë të çmendur”./ h.ll/albeu.com

The post Schmeichel: Real Madrid nuk duhet të jetë në finalen e Champions League appeared first on Albeu.com.