Kryenegociatorët e Kosovës dhe Serbisë, Besnik Bislimi dhe Petar Petkoviq, do të zhvillojnë raundin e dytë të takimeve në Bruksel të ndërmjetësuar nga emisari i BE-së, Miroslav Lajçak, lidhur me çështjen e dinarit.

Mbajtjen e këtij takimi e bëri të ditur vetë Lajçak më 19 mars, pas takimit që ishte zhvilluar mes kryenegociatorëve në kryeqendrën evropiane.

Ai tha se diskutimet ishin përqendruar rreth çështjeve urgjente në agjendën e dialogut, duke përfshirë zbatimin e Marrëveshjes për rrugën drejt normalizimit, rregulloren e Bankës Qendrore të Kosovës dhe zgjedhjet lokale në komunat me shumicë serbe në veri të Kosovës.

Sipas tij, si në Prishtinë, po ashtu në Beograd ka nënvizuar rëndësinë e zbatimit të Marrëveshjes pa vonesë dhe ka trajtuar çështjet urgjente që prekin dialogun.

Ky ishte takimi i dytë që u organizua nga BE-ja për çështjen e dinarit.

Një raund i negociatave ndërmjet ekspertëve financiarë të Kosovës dhe Serbisë, u zhvillua më 27 shkurt në kryeqendrën evropiane, por përfundoi pa rezultate konkrete.

Kosova refuzoi që të përfaqësohet në nivel politik, sepse konsideroi që dinari nuk duhet të jetë temë në procesin e dialogut.

Kryeministri i Kosovës, Albin Kurti, garantoi këtë javë se nuk do të pranojë propozime që dalin jashtë kornizës rregulluese të BQK-së.

“Shikoni, është një proces që po vazhdon dhe propozime ka, disa. Por, nuk ka propozime që pranohen nga ana jonë që shkojnë në kundërshtim me rregulloren e re të BQK-së”, tha Kurti.

E ambasadori amerikan, Jeff Hovenier, shtoi se është e rëndësishme që të ndryshohet mënyra e zbatimit të kësaj rregulloreje.

“Siç tha kolegu im javën e kaluar, Gabriel Escobar ne jemi të shqetësuar për atë se kjo mund të ndikojë në popullatën e cenueshme dhe mendoj që është me rëndësi që të ndryshohet mënyra e zbatimit dhe bisedimet tona për këtë çështje vazhdojnë”.

Përdorimi i dinarit për pagesa me para të gatshme në Kosovë u ndalua më 1 shkurt, kur Banka Qendrore e Kosovës e futi në fuqi një rregullore të re e cila përcaktoi euron si valutën e vetme zyrtare në vend.

Kjo çështje, pos që zemëroi Serbinë, nxiti mospajtime edhe mes Qeverisë së Kosovës dhe bashkësisë ndërkombëtare, pasi komuniteti serb në Kosovë, prej vitesh, merr pagesa në dinarë nga buxheti i Serbisë.

Diplomatë perëndimorë i kërkuan Kosovës që ta pezullojë rregulloren, për t’iu dhënë kohë qytetarëve të prekur që të përshtaten me praktikën e re.

The post Çështja e dinarit, Bislimi takohet sot me Petar Petkoviç në Bruksel appeared first on Albeu.com.

Zëvendëskryeministri i Kosovës, Besnik Bislimi dhe shefi i Zyrës për Kosovën në Qeverinë e Serbisë, Petar Petkoviç, do të shkojnë javën e ardhshme në Bruksel për të “diskutuar për hapat e ardhshëm në zbatimin e Marrëveshjes për rrugën drejt normalizimit të marrëdhënieve ndërmjet Kosovës dhe Serbisë”, kanë thënë zyrtarët evropianë.

Të hënën, më 28 mars, zëdhënësi i BE-së, Peter Stano, ka thënë se ky takim do të organizohet me ftesë të ndërmjetësuesit të dialogut, Mirosllav Lajçak.

Takimi i negociatorëve kryesorë është i pari pas takimit në Ohër, ku kryeministri i Kosovës, Albin Kurti, dhe presidenti serb, Aleksandar Vuçiç, kanë arritur pajtueshmëri për zbatimin e Marrëveshjes për normalizim të marrëdhënieve.

Kurti dhe Vuçiç janë pajtuar për tekstin e Marrëveshjes për normalizim të marrëdhënieve, më 27 shkurt.

Kryediplomati i Bashkimit Evropian, Josep Borell, ka raportuar për rezultatin e takimit në Ohër, para ministrave të Jashtëm të vendeve anëtare të BE-së, si dhe para udhëheqësve të shteteve të bllokut evropian.

Në samitin e mbajtur më 23 dhe 24 mars në Bruksel, liderët e BE-së kanë përshëndetur marrëveshjen e arritur nga liderët e Kosovës dhe Serbisë, dhe u kanë bërë thirrje të dyja palëve të “përmbushin obligimet e tyre në mënyrë të shpejtë dhe në mirëbesim”.

Me ndërmjetësimin e BE-së dhe mbështetjen e SHBA-së, dy vendet janë në negociata për normalizimin e marrëdhënieve qysh nga viti 2011.

Ato kanë arritur dhjetëra marrëveshje, por shumica e tyre nuk janë zbatuar dhe palët kanë fajësuar njëra-tjetrën për ngecje./rel

The post Bislimi dhe Petkoviç takohen më 4 prill në Bruksel appeared first on Albeu.com.

“Po e shfrytëzoj mundësinë për të dhënë lajmin e mirë se kemi marrë garancitë më të forta ndonjëherë nga SHBA-ja dhe BE-ja kur bëhet fjalë për kërkesat e serbëve, kushtet e tyre që të tërhiqen nga barrikadat”, tha Petkoviç.

Petkoviq e cilësoi si lajm të mirë ndryshimin e masës së sigurisë të Dejan Pantçit, nga paraburgimi në arrest shtëpiak.

“Është një fitore e madhe, mbi të gjitha për popullin serb në Kosovë”, tha ai.

Ish-policit serb, Dejan Pantiç, autoritetet në Kosovë ia ndryshuan masën e sigurisë, nga paraburgimi në arrest shtëpiak.

Ai ishte arrestuar më 10 dhjetor në Jarinjë, nën dyshimet për “sulmin terrorist” të 6 dhjetorit ndaj zyrtarëve të Komisionit Qendror të Zgjedhjeve në veri.

Arrestimi i tij nxiti disa serbë lokalë të bllokonin rrugët në veri. Për shkak të barrikadave të vendosura, që nga 10 dhjetori, dy pikat kufitare që lidhin Kosovën dhe Serbinë – Jarinjë dhe Bërnjak – janë të mbyllura.

Më 27 dhjetor, për shkak të barrikadave të vendosura në territorin e Serbisë, u mbyll edhe pika tjetër kufitare, ajo e Merdares./REL

The post Petkoviç: Kemi garanci të forta nga SHBA-ja dhe BE-ja për tërheqjen e serbëve nga barrikadat appeared first on Albeu.com.

Lidhur me deklaratën e Kurtit se barrikadat në veri të Kosovës “nuk mund të qëndrojnë më gjatë”, Petkoviç vuri në dukje se ato barrikada fillimisht ishin ngritur si përgjigje ndaj dhunës dhe çdo veprim i ri i dhunshëm nga ana e Kurtit do të kërcënonte të shkaktonte një përshkallëzim që mund të te mos kontrollohet.

“Është koha që spiralja e dhunës së Kurtit të ndalet dhe serbëve në Kosovë dhe Metohi, grupi kombëtar më i rrezikuar në tokën e Evropës moderne, t’u mundësohet të jetojnë në kushte normale dhe pa frikë të vazhdueshme nga dhuna dhe terrori.” ka thënë Petkoviç.

Ai theksoi se barrikadat në veri të Kosovës dhe Metohisë nënkuptojnë liri për serbët dhe përfaqësojnë rezistencën e tyre paqësore ndaj paligjshmërisë së Kurtit dhe ekstremistëve të tij shqiptarë të mëdhenj, qëllimi i vetëm i të cilëve është Kosova të jetë etnikisht e pastër.

“Do të ishte mirë që Kurti të ishte në koordinim me veten e tij dhe të lirojë menjëherë Dejan Pantiqin, të tërheqë forcat speciale policore me tuba të gjatë nga veriu i Kosovës dhe Metohisë që nuk mund të jenë të pranishëm atje, si dhe të anulojë listat për persekutimi dhe arrestimi i serbëve. Sigurisht që ta kryejmë obligimin e Prishtinës dhe të formojmë Bashkimin e Komunave Serbe”, thotë Petkoviç.

Petkoviç thotë se detyra e KFOR-it nuk është, siç mendon Kurti, të koordinojë veprimet kundër serbëve me të apo të heq barrikadat, por të garantojë sigurinë e serbëve në Kosovë dhe Metohi në përputhje me mandatin e besuar.

The post Petkoviç: Kurti as mos ta mendojë ti heqë me dhunë barrikadat në veri appeared first on Albeu.com.

“Ashtu si në Prishtinë, as nuk e dinë se çfarë është OKB-ja, sepse nuk kanë shkuar dhe nuk do të lëvizin përtej korridoreve të këtij institucioni, nëpër të cilin bredhin në mënyrë komike çdo vit. Prandaj është për të qeshur fakti që Kurti edhe përpiqet të interpretojë Rezolutën 1244 dhe kërkesën për kthimin e serbëve të forcave të sigurisë në Kosovë dhe Metohi”, tha Petkoviç.

Ai ka shtuar se kjo çështje nuk ka të bëjë fare me Kurtin.

“Është e pabesueshme se si është që vetëm ato pjesë të marrëveshjeve dhe vendimeve ndërkombëtare që janë në favor të Serbisë, si dhe ato marrëveshje që duhet të zbatohen nga Prishtina, janë gjithmonë “qesharake”? E drejta ndërkombëtare mund të respektohet vetëm në tërësi. jo siç është mësuar Kurti, pranon vetëm atë që i përshtatet, Kurti duhet të mësojë një gjë – forca e së drejtës ndërkombëtare nuk është në fuqi, por në normat e saj, kështu që Kurti filloi të qeshë dhe të gënjejë shumë shpejt”, shtoi Petkoviç.

The post Petkoviç: Kurti po tallet me kërkesën e Beogradit për kthimin e trupave në Kosovë appeared first on Albeu.com.

Sipas Danas, Petkoviç, në një deklaratë me shkrim ku i drejtohet personalisht Miroslav Aleksiçit dhe Vuk Jeremiçit, nënkryetar dhe kryetar i Partisë Popullore i akuzon ata për qëndrime antiserbe.

“Le të përgjigjet Aleksiç se sa metra dru mund të blihen për një vilë të Vuk Jeremiçit? Sot shteti i Serbisë e ndihmon popullin tonë në krahinë më shumë se në 40 vitet e fundit”.- tha Petkoviç.

Në deklaratë, ndër të tjera, thuhet gjithashtu se nuk ka dyshim se Jeremiç dhe Aleksiç do të dëshironin që serbëve në Kosovë “t’u pritej koka dhe të përçaheshin, sepse kjo do t’i shkonte Kurtit”.

“Fatkeqësisht për Aleksiçin, dhe për fat të mirë për popullin serb në Kosovë, serbët në Kosovë kanë vendin e tyre, Serbinë, Presidentin Aleksandar Vuçiç dhe Listën Serbe, të cilët luftojnë për ta ditë e natë”, pohoi Petkoviç.

Deklaratë që i përgjigjet vlerësimit të Partisë Popullore se historia aktuale mediatike për rritjen e gatishmërisë luftarake, një shfaqje për të larguar vëmendjen nga fakti se qeveria e Vuçiqit po i dorëzon përgjegjësitë qeverisë në Prishtinë.

The post Opozita akuzoi qeverinë se po dorëzon Kosovën, Petkoviç: Po kërkoni përçarje të serbëve appeared first on Albeu.com.

The post “Nuk do ta njohim pavarësinë”, Petkoviç: Kurti po përpiqet t’i bëjë presion Vuçiçit appeared first on Albeu.com.

Drejtori i të ashtuquajturës zyrë për Kosovën në qeverinë serbe, Petar Petkoviç ka deklaruar se mbrëmë rajoni ishte “në prag të një konflikti serioz”.

Petkoviç e drejtoi gishtin nga kryeministri i Kosovës, Albin Kurti duke e quajtur atë si “kërcënim për serbët”. Këto fjalë Petkoviq i tha në një konferencë për media bashkë me kryetarin e Listës Serbe dhe ministrin për Kthim dhe Komunitete, Goran Rakiq.

“A e kuptoni se ne ishim fjalë për fjalë në prag të një konflikti serioz mbrëmë?”, tha ai. Petkoviç shtoi se plani i njësive speciale të Policisë së Kosovës ka qenë ‘pushtimi’ i veriut të Kosovës gjatë natës.

The post “Mbrëmë ishim në prag të konflikteve të rënda”, Serbia reagon sërish: Forcat Speciale të Kurtit kishin plan të pushtonin Veriun e Kosovës appeared first on Albeu.com.