Sipas tij, shteti duhet të dalë garant tek çdo partner tregtar në eksport, duhet ta bëjë pa frikë e për t’i dalë zot bujkut, prodhimit të tij, eksportit që nuk është vetëm i bujkut, por edhe i bilanceve të shtetit”, thekson Braçe.

“Ne nuk prodhojmë pesticide, i blejmë në Kroaci, Slloveni, Suedi, Itali, Hollandë etj; përdorimi i tyre në këtë vend, siç edhe në Kroaci e më gjerë, është i ligjshëm; bujqit po bëjnë kujdes maksimal për të respektuar ligjin e rregullat në përdorimin e tyre dhe prodhimin, vjeljen e produktit të shëndetshëm! Në këtë moment të fortë krize, shteti duhet të dalë garant tek çdo partner tregtar në eksport; duhet ta bëjë, pa frikë e për t’i dalë zot bujkut, prodhimit të tij, eksportit që nuk është vetëm i bujkut, por edhe i bilanceve të shtetit”, shprehet Braçe.

Postimi i plotë i Erion Braçes:

Ka një krizë të specit. Të gjitha llojet nga kapia tek babura, në Divjakë e më gjerë! Speci po digjet nëpër sera, grumbulluesit po vuajnë mosbesimin e tregjeve jashtë dhe blerësit jashtë kanë parë në sistem deklarimet e KROACISË; BUJQIT PO HUMBIN EDHE NJË HERË!

Poooooo, ngjarja e vetme në Kroaci me një parti malli, ka bërë dëm kolosal; heshtja e autoriteteve zyrtare-shtetërore e ka bërë dëmin edhe më të madh.

Dua të sqaroj dhe një herë: Ne nuk prodhojmë PESTICIDE, i blejmë në Kroaci, Slloveni, Suedi, Itali, Hollandë etj; përdorimi i tyre në këtë vend, siç edhe në Kroaci e më gjerë, është i ligjshëm; BUJQIT PO BËJNË KUJDES MAKSIMAL PËR TË RESPEKTUAR LIGJIN E RREGULLAT NË PËRDORIMIN E TYRE DHE PRODHIMIN, VJELJEN E PRODUKTIT TË SHËNDETSHËM!

Në këtë moment të fortë KRIZE, SHTETI duhet të dalë garant tek çdo partner tregtar në EKSPORT; duhet ta bëj, pa frikë e për t’i dalë zot bujkut, prodhimit të tij, eksportit që nuk është vetëm i bujkut, por edhe i bilanceve të shtetit;

Kjo zgjidhja që qarkullon në DIVJAKË – bëni analiza, bëni analiza, është shumë e shtrenjtë për bujkun: 500 euro analiza për një vjelje, në një serë që mund të dojë 10 vjelje, arrijnë në 5000 euro që janë shumë për bujkun, shumë fare, kur çmimet janë poshtë e euro i bën edhe më të vogla!

GJITHË PRODHIMI YNË KA RËNË NË KRIZË NGA DIVJAKA NË SUK E DRENOVICË;
DUHET NDËRHYRË TANI; KY SPEC NUK TË HELMON!

The post Kriza e specit/ Erion Braçe: Ne s`prodhojmë pesticide, shteti duhet të dalë garant tek çdo partner tregtar në eksport appeared first on Albeu.com.

Në momentin e mbërritjes së tyre, jashtë ambjenteve të gjykatës, përveç familjarëve ka pasur edhe fermer dhe eksportues perimesh, që kishin ardhur në mbështetje të kolegut të tyre Mariglen Qorri. Prokurori e çështjes, Arjeta Plaku, pasi ka lexuar edhe akuzat ndaj tre shtetasve të arrestuar, ka kërkuar “cilësimin të ligjshëm” të arrrestimit të tyre. Prokurorja i ka kërkuar gjykatës masën e sigurimit personal: “arrest në burg” për shtetasin Mariglen Qorri (eksportuesi) dhe masat e sigurimit personal “arrest në burg” për dy punonjësit e AKU-së Griselda Doksani dhe Ronaldo Lika.

The post Domatet me pesticide, Gjykata e Beratit lë në burg eksportuesin e perimeve, ja masa për dy inspektorët e AKU-së appeared first on Albeu.com.

Dyshohet se Lika dhe Doksani, kanë kryer kontrolle në subjektin në pronësi të Mariglen Qorrit, i cili eksportoi 8 ton domate duke plotësuar në mënyrë fiktive praktikat e mbajtura.

Po ashtu, besohet se ata nuk kanë bërë marrjen e mostrave të domateve që ndodheshin në magazinë dhe bllokimin e tyre, si dhe kanë marrë si të rregullta faturat fiktive të blerjeve nga shtetasi Mariglen Qorri, duke tjetërsuar në këtë mënyrë faktet në lidhje me produktet e konstatuara me nivele të larta preparati.

The post Kroacia bllokoi 8 ton domate nga Shqipëria me pesticide tej normave, identifikohen dy inspektorët e arrestuar të AKU-së që lejuan eksportimin (FOTO+EMRAT) appeared first on Albeu.com.

Sipas raportit të fundit të organizatës amerikane Environmental Working Group (EWG), i njohur si lista “Dirty Dozen”, ushqimet e mëposhtme janë më të kontaminuara me pesticide:

Luleshtrydhe
Spinaq
Lakër jeshile dhe filiza
Pjeshkë
Dardha
Nektarinat
Mollë
Rrush
Spec i zi
Qershi
Boronica
Marule

Hulumtimi u krye duke analizuar mijëra mostra nga supermarketet. Më shumë se 90% e mostrave të luleshtrydheve, mollëve, qershive, spinaqit dhe rrushit u gjetën të përmbajnë mbetje të të paktën dy ose më shumë pesticideve. Në disa raste, në një mostër u gjetën deri në 23 kimikate të ndryshme!

The post Rreziqet në pjatë! Hulumtimi zbulon se cilat fruta dhe perime përmbajnë më shumë pesticide appeared first on Albeu.com.

Konsumatorët e kanë hequr nga lsita e blerjeve, nga frika se janë të pakontrolluara.

Për të shuar këtë ndjenjësi pasigurie, Ministria e Bujqësisë doli në një reagim publik, por duket se nuk ka pasur sukses.

Deklaratat e ministrisë së bujqësisë se në treg nuk ka mandarina me pesticide, nuk ka dhënë efekt në tregje.

Në këto ditë të fundit të vitit, shitjet duket se janë në ulje.

Në ish-uzinën Dinamo, konstatohet se ka hezitim për të blerë këtë frut.

Megjithatë, blereje ka më shumë për mollë dhe portokaj.

Sa i takon arrës një ndër përbërësit kryesor të ëmbëlsirave që përgatiten gjatë fundvitit, këtë vit vjen nga importi.

Megjithatë nuk ka shumë ndryshme në cmime.

Qytetarët bëjnë pazare në bazë të buxhetit.

Ndonëse fundviti zakonisht sjell rritje të kërkesës për produkte në treg, tregtarët këtë vit e përshkruajnë situatën si të vakët, duke e krahasuar atë si me një ditë të zakonshme vere.

The post Mandarina nuk po blihet/ Konsumatorët frikë nga pesticidet, apeli i Ministrisë nuk ndikoi appeared first on Albeu.com.

Në njoftim bëhet me dije se do të merren masa administrative gjobë dhe bllokim aktiviteti për shkelësit.

Njoftimi:

Ministria e Bujqësisë dhe Zhvillimit Rural nxit konsumin e produkteve shqiptare për festat e fundvitit dhe në vazhdim. Për vitin 2024 mbi 85% e prodhimit të mandarinave shqiptare është vjelë dhe është shitur në tregun e brendshëm dhe atë ndërkombëtar dhe në asnjë rast nga të gjitha kontrollet dhe analizat e kryera nuk kanë rezultuar me mbetje të pesticideve. Sot, kultivimi i mandarinave shtrihet në mbi 1,000 ha nga fermerë tregu dhe prodhues më të vegjël.

Në lidhje me debatin mediatik për situatën e cilesisë dhe sigurisë së mandarinave shqiptare në vijim të komunikimeve të mëparshme në deklaratat zyrtare të Minsitrisë së Bujqësisë dhe Zhvillimit Rural, sqarojmë publikun se:

Për vitin 2024 janë eksportuar nga kultivimi dhe të vjelat e mandarinës shqiptare 924 kamionë në tregun europian e mbarë botëror, nga të cilët vetëm 3 ngarkesa prej totalit janë konstatuar me parregullsi për mbetje dhe janë asgjësuar. Ky raport nuk duhet të dëmtojë mundin dhe djersën e një viti prodhimi të fermerëve shqiptarë dhe në të njëjtën kohë të krijojë shqetësim dhe panik tek konsumatori.

Sipas njoftimit të Sistemt të Njoftimit të Shpejtë për Ushqim dhe Ushqim për Kafshë – RASFF për mbetje të pesticideve në mandarina të eksportuara nga Republika e Shqipërisë, AKU ka marrë masa të menjëhershme për gjurmueshmërinë dhe veprimet proceduriale mbi subjektet eksportues duke marrë masa dhe veprime konkrete për të asgjësuar 20.482 kg Mandarine clementine, në datën 19.12.2024, në Qarkun e Fierit, ngarkesë e cila është kthyer mbrapsht nga shteti i Kroacisë. Procedura e asgjësimit është kryer sëbashku me praninë e Autoritetit Kombëtar të Mjedisit, Drejtorinë e Tatimeve, si dhe me praninë e disa mediave të ndryshme.

Në bashkëpunim me Autoritetin Kombëtar të Veterinarisë dhe Mbrojtjes së Bimëve, në datën 19.12.2024, u kryen inspektime dhe evidentime të përbashkëta në Fshatin Mursi të Bashkisë së Konispolit, ku ushtron aktivitet kultivues një nga fermerët, i cili kishte asgjësuar produktin mandarinë. Për subjektet grumbulluese të rezultuara në shkelje të dispozitave ligjore, përveç se është kryer kallëzim penal, sipas shkeljeve, janë marrë edhe masa administrative gjobë, si dhe bllokim aktiviteti. Për ndjekjen e situatës në vijim, çdo ditë janë kryer inspektime të përbashkëta në qarkun Berat, Bashkia Dimal.

Informojmë konsumatorin lidhur me dy ngarkesat e tjera, të raportuara nga shteti i Kroacisë për mbetje të pesticideve sipas njoftimit të sistemit RASFF, se njëra është asgjësuar në shtetin Kroat, ndërsa tjetra nuk është kthyer ende në vendin e origjinës. Janë njoftuar të gjitha PIK që në rast kthimi të produktit, të bëhet bllokimi i menjëhershëm i tij me destinacion asgjësimin.

Autoriteti Kombëtar i Ushqimit vijon kontrollet në subjektet që tregtojnë Produkte të Mbrojtjes së Bimëve dhe Produkte Plehëruese, ku vetëm për këtë javë janë kontrolluar dhe verifikuar 46 subjekte tregtuese të PMB-ve, në të cilat nuk u konstatuan shkelje të dispozitave ligjore. Vazhdojnë pa ndërpreje kontrollet në pikat e tregtimit, pikat e grumbullimit dhe magazinimit të fruta perimeve, ku përveç 18 mostrave të përcaktuara në planin e monitorimit të pesticideve për muajin Dhjetor, për produktin mandarinë, me qellim mbajtjen e situatës në kontroll, janë marrë edhe 7 mostra të tjera jashtë planit, për analizim në Laboratorin e Referencës – ISUV.

Inspektimi vjetor në territor nga AKU deri ditën e sotme kap shifrat 806 inspektime për tregtimin e pesticideve dhe 862 inspektime për produktet plehëruese. Për vitin 2024 janë analizuar 188 mostra gjithsej, nga këto për pesticide 28, nga të cilat 27 kanë rezultuar konform, kurse 1 është në proces analizimi. Për produkte plehëruese janë analizuar 160 mostra, nga të cilat 24 janë në proces analizimi, 134 kanë rezultuar konform dhe 2 mostra jo konform, për të cilat është ndjekur gjurmueshmëria dhe janë marrë të gjitha masat sipas legjislacionit në fuqi.

Ministria e Bujqësisë dhe Zhvillimit Rural ka të miratuar dhe në zbatim Planin e Veprimit për Përdorimin e Qëndrueshëm të Pesticideve, i cili përfshin të gjithë zinxhirin e veprimit me stukturat qëndrore dhe institucionet e vartësisë, pa përjashtuar mbështetjen e Universitetit Bujqësor të Tiranës, si dhe prodhuesve shqiptarë. Qëllimi i këtij Planit i Veprimit, është përdorimi i duhur dhe i sigurtë i PMB-ve, për mbrojtjen e shëndetit të bimëve për të garantuar prodhim me cilësi dhe të sigurtë për konsumatorin, si dhe mbrojtjen e mjedisit ku përdoren.

Falë punës së strukturave të Ministrisë së Bujqësisë dhe Zhvillimit Rural këtë vit territori i Republikës së Shqipërisë u mbrojt e u mbajt i pastër nga Sëmundja e Murtajës së Ruminantëve të Vegjël, edhe pse vendet kufitare patën shpërthime dhe dëme kolosale. Janë menaxhuar menjëherë në mënyrë efikase dhe pa e dëmtuar situatën epizootike në vend, rastet e shfaqjes së Influencës Aviare dhe Murtajës Afrikane të Derrave.

Ndërkohë që ka vijuar puna e vazhdueshme për ndërgjegjësim për prodhimin e produkteve biologjikisht të pastra me anë të luftës biologjike, e cila vjen edhe me një nxitje fiskale lehtësuese. Përdorimi strikt i protokolleve dhe ndalimi i përdorimit të pesticiteve të ndaluara edhe në vendet e Bashkimit Europian është fakt. Kërkohet që edhe ata pak fermerë që tentojnë në mënyrë të paligjshme përdorimin e tyre të kuptojnë se kjo mënyrë ka vetëm një mundësi: zbulimin dhe vënien përpara ligjit pasi kontrollet dhe gjurmueshmeria është shumë e lartë. Fermerët shqiptarë, prodhuesit, grumbulluesit dhe eksportuesit duhet të bashkëpunojnë për të zbatuar praktikat më të mira bujqësore në të gjithë zinxhirin e prodhimit, deri tek konsumatori.

Ministria e Bujqësisë dhe Zhvillimit Rural është transparente dhe ka të publikuar në faqen e saj zyrtare, listën e PMB-ve dhe etiketave të përdorimit, si dhe listën e produkteve plehëruese, të cilat përditësohen vazhdimisht duke i bërë të qartë fermerëve të mos përdorin produkte kontrabandë që janë të ndaluara në vendet e BE-së dhe në vendin tonë. Fermerët, çdo përdorues apo konsumator ka aksesin e mundëshëm për të marrë informacionin e plotë jo vetëm për përdorimin, por dhe pasojat nga keqpërorimi i tyre.

Iu bëjmë thirrje që për çdo rast paligjshmërie, parregullsie apo abuzimi që konstatojnë të njoftojnë në numrat e publikuar në faqet zyrtare të MBZHR apo institucioneve të varësisë, për tu bërë pjesë e përgjegjësisë së përbashkët në garantimin dhe ruajtje e sigurisë ushqimore në vend.

The post Mandarinat me pesticide/ Reagon Ministria e Bujqësisë: Kallëzim për grumbulluesit, gjoba dhe bllokim aktiviteti për shkelësit appeared first on Albeu.com.

Vuksani: Duhet të themi që është një lajm i keq kthimi i produkteve ‘’made in Albania’’ jo nga një vend i BE por nga katër vende të BE nga data 29 nëntor deri në mesin e dhjetorit.

Arsyeja është e thjeshtë se mbi bazën e analizave që ato kryejnë në mënyrë të randomizuar pra jo me qëllim vetëm për produktet shqiptare janë gjetur pesticide të ndaluara për tu përdorur në BE.

Janë gjetur ca element që përdoren ca substanca që përdoren për trajtimin e sëmundjeve dhe dëmtuesve në bimët bujqësore të cilat prej viti 2000 janë hequr nga qarkullimi në BE.

Pavarësisht se ato janë substanca të rrezikshme, të dëmshme e të ndaluara nga BE ne vazhdojmë ti përdorim.

Fermerët shqiptarë vazhojnë ti përdorin.

Arsyeja mund të jetë panjohuria e tyre, pra ato nuk e dinë se këto substanca janë nxjerrë jashtë qarkullimit në BE si pasojë e rrezikshmërisë së tyre.

Arsyeja e dytë mund të jetë veprimatria abuzuese e tregtarëve që merren me produktet e tilla.

The post Mandarinat shqiptare me pesticide, Vuksani: Janë gjetur substanca të ndaluara nga BE, shkaktojnë dëm tek njerëzit appeared first on Albeu.com.

Kjo e fundit, dyshohet se për shkak të dhunës psikologjike të ushtruar nga bashkëshorti S.K., ka konsumuar pesticide duke tentuar vetëvrasjen. Ajo tashmë ndodhet në spital në kujdesin e mjekëve.

‘Komisariati i Policisë Librazhd arrestoi në flagrancë shtetasin S. K., 43 vjeç, për veprën penale “Shkaktimi i vetëvrasjes”, mbetur në tentativë, pasi dyshohet se për shkak të dhunës psikologjike që ky shtetas ka ushtruar ndaj bashkëshortes së tij, ajo ka konsumuar pesticide. Kjo shtetase është në kujdesin e mjekëve.’, njofton policia.

The post Librazhd/ Gruaja tenton vetëvrasjen duke konsumuar pesticide, arrestohet bashkëshorti, dyshohet se ushtroi dhunë psikologjike appeared first on Albeu.com.

Shkencëtarët suedezë kanë vërtetuar se insektet, fungicidet dhe rregullatorët e rritjes së bimëve mund të grumbullohen në trupin e fëmijëve dhe të rriturve.

Megjithatë, nëse nuk konsumojmë ushqim të kontaminuar me pesticide për vetëm dy javë, niveli i këtyre toksinave në trupin tonë bie në zero.

Ja pse është e rëndësishme të shmangni ushqimet e trajtuara me pesticide:

Shëndeti i trurit: Dokumentet e vitit 2008 thonë se një numër pesticidesh konsiderohen neurotoksikë që mund të ndikojnë në trurin e gjitarëve dhe njerëzve. Hulumtimet kanë treguar se ekziston një lidhje e fortë midis ekspozimit ndaj pesticideve dhe sëmundjes së Parkinsonit, një çrregullim kronik dhe progresiv i lëvizjes.

Rreziku i kancerit: Në vitin 2015, Agjencia Ndërkombëtare për Kërkimin e Kancerit informoi publikun se glyphosate, pesticidi më i përdorur në botë.

Një raport i vitit 2011 zbuloi se glyphosate është midis 60% dhe 100% e shkaktarit të ndotjes së ajrit. Në Evropë, mbi 40% e ujërave nëntokësore janë pozitive për glyphosate, dhe gjermanët e gjetën këtë pesticid në urinën e njeriut. Glyphosate është gjetur në gjakun e njeriut dhe madje edhe në qumështin e gjirit.

The post Kjo është arsyeja pse duhet t’i shmangni ushqimet me pesticide appeared first on Albeu.com.

Zakonisht larja nën ujë të rrjedhshëm shpesh nuk mjafton sepse nuk mund të largojë të gjitha substancat e këqija në fruta.

Doktoresha Jacquel Peterson zbuloi mënyrën se si ajo lan frutat, e cila është efektive për heqjen e pesticideve.

Ajo ka shpërndarë një video në profilin e saj në Instagram, në të cilën shpjegoi se përdor një përzierje me lëng limoni, ujë acid dhe kripë në të cilën vendos direkt frutat, shkruan albeu.com.

Me shembullin e rrushit, ajo tregoi se si ia del, por edhe si duket uji në të cilin fruti qëndroi për pesë minuta. Pas vetëm pesë minutash, përzierja në të cilën qëndronte frutat u bë e turbullt dhe me grimca të vogla të zeza, pra papastërti.

Shumë u emocionuan me trukun e saj, ndaj falënderuan për këshillat në komente dhe thanë se deri më tani frutat i kanë larë vetëm me ujë të thjeshtë, por që tani do ta ndryshojë këtë.

Gjithashtu, disa në komente zbuluan se përdorin vetëm uthull dhe ujë për larjen e frutave . /albeu.com/

 

View this post on Instagram

 

A post shared by Dr. Jaquel Patterson ? (@naturopathic.physician)

The post Largon të gjitha pesticidet: Mjeku zbulon se si t’i lani frutat me ndihmën e përzierjes së 3 përbërësve (VIDEO) appeared first on Albeu.com.