Çifti, Kim Joon-yeong dhe Sagong Hye-ran nga provinca Gyeonggi, sollën në jetë pesënjakët më 20 shtator, tre djem dhe dy vajza. Ky është rasti i parë i lindjes natyrale të pesënjakëve në Korenë e Jugut, sipas rrjetit Straits Times.

Më parë, lindje të pesënjakëve në vend janë regjistruar vetëm dy herë, në vitet 1987 dhe 2021, dhe ato u realizuan me metoda të fertilizimit mjekësor.

Kim, babai 31-vjeçar, deklaroi se ata po prisnin ardhjen e pesë “Power Rangers” dhe morën shumë urime nga zyrtarët e lartë të vendit. Familja e re ka marrë gjithashtu dhurata të shumta, përfshirë komplete veshjesh në pesë ngjyra të ndryshme, si dhe ushqime tradicionale dhe të shëndetshme për periudhën pas lindjes.

Kjo ngjarje ndodh në një kohë kur Koreja e Jugut po përballet me një krizë demografike dhe qeveria po nxit popullsinë të ketë më shumë fëmijë. Megjithatë, rënia e normës së lindshmërisë në vend është e lidhur me koston e lartë të jetesës dhe sfidat që ndikojnë në cilësinë e jetës dhe shëndetin e qytetarëve.

The post Ndodh edhe kjo, qeveria i jep 100 mijë dollarë çiftit që bëri pesënjakë appeared first on Albeu.com.

Jordan Driskell, 31 vjeç, nga Kentaki, kohët e fundit postoi videon në Instagram, i cili e tregonte atë duke ecur me pesë fëmijët e tij të vegjël Zoey, Dakota, Hollyn, Asher dhe Gavin.

Megjithatë, klipi nxiti shpejt reagime të mëdha nga shikuesit shumë prej të cilëve për faktin se të vegjëlit mbanin të gjithë lidhëse, duke u siguruar që ata të mos mund të largoheshin, të iknin ose të humbisnin.

“Kur njerëzit më gjykojnë për përdorimin e zinxhirëve të fëmijëve”, ka shkruar ai në video, teksa në sfond luhej kënga Vegas nga Doja Cat.

Videoja u bë shpejt virale duke fituar më shumë se tre milionë shikime dhe nisi një debat midis përdoruesve të Instagramit.

Disa prej tyre e “respektuan” vendimin e babait për të përdorur lidhëse për fëmijët e tij dhe të tjerë që e sulmuan atë për të, duke theksuar se ata janë “njerëz jo qen”.

The post Babai shëtit pesnjakët duke i lidhur me lidhëse, shpërthejnë komentuesit: Janë fëmijë, jo qen appeared first on Albeu.com.