Drejtori i zjarrfikësve të bashkisë Fier, Zija Hyka ka pohuar se situata është shumë e vështirë.

“Tre grupe zjarrfikëse janë në terren ndërkohë që kërkohen përforcime nga repartet e zjarrfikësve të Patosit. Zjarri po përhapet me shpejtësi në një sipërfaqe të gjerë, shumë shpejt do të dalë në rrugën e vjetër rurale Fier-Cakran në vendin e quajtur “Qafa e Shkozës”.Fillimisht priten ndihma nga kolegët e Patosit dhe nëqoftëse situata vazhdon e njëjtë do kërkohet ndihmë nga helikopteri si një ditë më parë“, tha shefi i zjarrfikësve të bashkisë Fier, Zija Hyka.

Terreni është shumë i vështirë dhe automjetet nuk shkojnë deri afër vatrave të zjarrit. Punonjësit po luftojnë me flakët me pompa uji në shpinë dhe mjete rrethanore, kazma e lopata për të shuar flakët.

The post Riaktivizohet zjarri në pyllin e Peshtanit appeared first on Albeu.com.

Sipas burimeve, zjarri ka rënë rreth orës 14 të ditës së sotme. Në vendngjarje kanë mbërritur forcat zjarrfikëse, ndërhyrja e të cilave vështirësohet për shkak të terrenit kodrinor.

Nga zjarri është përhapur në të gjithë zonën e shkurreve, rrezikohen sipërfaqet me ullishta.

Kujtojmë se zona e Peshtan Bregasit karakterizohet nga sipërfaqe të mëdha me ullishta.

Forcat zjarrfikëse po bëjnë gjithçka të mundur lokalizimin sa më parë të vatrës së zjarrit, për mos avancimin e tij drejt ullishtave.

The post Zjarr në Peshtan Bregas të Fierit, rrezikohen ullishtat (VIDEO) appeared first on Albeu.com.