INSTAT ka publikuar të dhënat për peshkimin gjatë vitit 2022, i cili vjen më rënie krahasuar me vitin e mëparshëm pavarësisht se 2021 ishte një vit pandemie.

Nga 18 500 ton peshk të kapur gjatë 2021, vitin e kaluar në Shqipëri është kapur 17 800 ton, ndërsa vërehet qartë rënie e peshës së peshkut të detit në konsumohet në vendin tonë në raport me peshkun e rritur nëpër rezervate, i cili po njeh një përdorim më të gjerë.

Nga viti në vit, në Shqipëri bie konsumi i peshkut të detit dhe rritet ai i rezervatit duke shpalosur kështu problematikat me flotat e peshkimit, çmimin e karburantit për to si edhe eksportin e këtij peshku dhe furnizimin e tregut me peshk rezervati.

Ky i fundit zë më shumë se 45% të sasisë së peshkut që konsumohet në vend, ndërsa pjesa tjetër e nevojës plotësohet me peshk liqenesh dhe deti.

Blegtoria, bie ndjeshëm numri i lopëve, deleve, dhive..mbahen derrat dhe gomerët

Më herët INSTAT publikoi të dhënat në lidhje me blegtorinë ku gjatë 2022 vërehej një rënie e ndjeshme e numrit të lopëve, deleve apo dhive.

Në fund të vitit 2020 Shqipëria numëronte 363 mijë krerë gjedhë, por viti 2022 është mbyllur me 298 mijë ku më të goditurat janë lopët, numri i të cilave është ulur ndjeshëm duke zbritur në 261 mijë në fund të vitit 2022.

Për dramatike paraqitet situata sa i përket të leshtave, ku viti 2020 u mbyll me 1 558 000 të tilla, ndërsa në fund të vitit 2022 numri ka pësuar një rënie dramatike duke zbritur në 1 372 000.

Në rënie të lirë, por me ritme disi më të përmbajtura janë të dhirtat, të cilat kanë pësuar një tkurrje me -50 mijë nga 2020 në 2022.

Shqipëria ndërkohë numëron 1.1 milionë shpendë më pak në fund të 2022 krahasuar me vitin 2020, ndërsa për çudi ka filluar edhe rënia e numrit të derrave, i cili më parë ka qenë në një ritëm rritës. Megjithatë, rënia te derrat është më e vogël krahasuar me lopët, delet dhe dhitë.

Situata te njëdhundrakët paraqitet pak më e stabilizuar, ku rënia po ndodh me ritëm më të ulët krahasuar me kafshët e tjera.

Prodhimet bujqësore

Rënia e numrit të kafshëve shtëpiake ka tkurrur ndjeshëm edhe prodhimin blegtoral gjatë tre viteve të fundit. Nga rreth 1 milionë don qumësht që prodhohej në 2020, i cili po ashtu paraqitet me rënie krahasuar me vitet e mëparshme, në fund të vitit 2022 Shqipëria prodhoi 970 mijë ton qumësht; nga 150 mijë ton mish në 2020 në fund të vitit 2022 është prodhuar rreth 140 mijë ton dhe nga 861 milionë kokrra vezë në 2020, në fund të vitit 2022 janë prodhuar 766 milionë kokrra.

Goditja duket mjaft e rëndë në blegtori, e cila me gjasë do të vijojë të pësojë goditje për shkak të mungesës së politikave efektive të subvencionit si edhe largimit masiv të qytetarëve duke shitur ose therur kafshët.

Ndërkohë, tregu është mbushur me prodhime nga jashtë, dhe sidomos qumësht pluhur apo mish nga Brazili, të cilat na mbushin tavolinat çdo vakt.

Ndërkohë, vërehet një rritje e ndjeshme e numrit të qenve si nëpër rrugë ashtu edhe në shtëpitë e qytetarëve si kafshë shtëpiake. /albeu.com

The post SHIFRAT/ Peshku i detit merr arratinë, shqiptarët po hanë (ata që ende munden) peshk rezervati appeared first on Albeu.com.

Presidenti francez foli përpara samitit të G20 në Romë, i cili shtron skenën për samitin e klimës COP26.

Franca dhe Britania e Madhe janë përfshirë në një mosmarrëveshje mbi të drejtat dhe licencat e peshkimit pas Brexit për anijet franceze.

Macron tha për Financial Times se kthimi i Britanisë së Madhe ndaj angazhimeve të Brexit nuk është një shenjë e madhe e besueshmërisë.

Ai i referohej grindjes për peshkimin dhe mosmarrëveshjeve mbi Irlandën e Veriut.

Macron tha: “Mos bëni gabim, nuk është vetëm për evropianët, por për të gjithë partnerët e tyre. Sepse kur kaloni vite duke negociuar një traktat dhe më pas, disa muaj më vonë, bëni të kundërtën e asaj që u vendos. Kjo nuk është një shenjë e madhe e besueshmërisë suaj”.

Mosmarrëveshja, që filloi kur Mbretëria e Bashkuar dhe Jersey refuzuan licencat e peshkimit për dhjetëra varka franceze muajin e kaluar, është në thelb mbi atë se sa anije peshkimi franceze lejohen të peshkojnë në ujërat e Mbretërisë së Bashkuar.

Franca ka thënë se mund të ndalojë anijet e Mbretërisë së Bashkuar që zbarkojnë në portet e saj nëse mosmarrëveshja për licencat nuk zgjidhet.

Kryeministri britanik Boris Johnson tha se ka frikë se marrëveshja tregtare BE-Mbretëria e Bashkuar mund të jetë shkelur.

Ai shtoi se qeveria e Mbretërisë së Bashkuar do të bëjë çfarëdo që është e nevojshme për të siguruar interesat e saj.

Ndërkohë, redaktorja politike e BBC-së, Laura Kuenssberg thotë se ajo ka parë një letër e cila duket se tregon kryeministrin francez Jean Castex duke i bërë thirrje BE-së për të demonstruar se ka më shumë dëm për BE-në sesa për Britaninë./albeu.com

The post Mosmarrëveshja për peshkimin rrit tensionet mes Britanisë dhe Francës appeared first on Albeu.com.