Është Festivali i Peshkatarëve, që i bëri bashkë ata. Mbrëmjen e së premtes e ishte nata e parë e festivalit, ku përveç se pjesëmarrësit blenë peshk cilësor të të gjitha llojeve e kryesisht koran, krap e belushkë, edhe konsuamuan në çast gatime nga më të ndryshme.

“Është e hera e parë që marrim pjesë në këtë eveniment të rëndësishmë të peshkimit. Peshku tradicional është krapi. Vjet arritëm 800 kuintal krap. Sivjet mendojmë se do arrijmë deri në 1 mijë kuintal krap. Tregëtohet në Korçë. E shesin vetë peshkatarët peshkun. Kemi dhe lloje të tjera peshku. Kemi 42 subjekte ose 84 peshkatarë në Prespë. Gatuhet tavë, i skuqur, gatuhet dhe krap i thatë”, u shpreh Kosta Traqi, kryetar i shqoqatës së menaxhimit të peshkimit të Prespës.

“Kam rreth 22 vjet peshkatar. Peshqit kryesor janë korani, belushka, krapi, ka pllashiqa. Më shumë gjuajmë koranin, krapin, ngjalën. Klientët më shumë duan koranin, belushkën, Por edhe krapi, ngjala janë shumë të mira. Jemi shumë të lumtur për këtë festival. Një gjë e mirë për të gjithë. Duhet të ketë më shumë aktivitete për peshkimin”, tregoi një peshkatar.

Nata e parë të festivalit të zhvilluar në sheshin “Odeon”, e quajtur si nata e nostalgjisë, e cila mblodhi me qindra qytetarë dhe turistë, pati edhe muzikë popullore e pjesë humoristike nga artistët më të mirë dhe me zë në Shqipëri. Mes tyre ishin dhe dy parodistët e Vlorës të cilët sollën mjaft argëtim.

“Kemi mbi 32 vjet që nuk kemi ardhur në Pogradec. Kur na bëri Bled Mane ftesën u lumturuam. Dhe publiku është I mrekullueshëm”, u shpreh parodisti i Vlorës, Agron Hamo.

“Ky event, pse mos të bëhet edhe në Vlorë dhe në Durrës. Unë kam takuar dhe të ardhur dhe I kam pytur. Thonë që janë jashtëzakonisht mirë”, tha parodisti i Vlorës, Afrim Agalliu.

Për organizatorët, Gjergj Luca dhe Bledi Mane festivale të tilla duhet të organizohen më shumë pasi janë një mënyrë mjaft e mirë promovuese për qytetet.

“Pogradeci ka dy gjëra të veçanta për ne. Është një nga vendbanimet më të vjetra në botë. Thonë që është liqeni më i vjetër në Evropë dhe këto na ngacmuan ne që të vijmë në këtë vend”, tha organizatori, Gjergj Luca.

“Për tre net rresht, Pogradeci do të jetë shtëpia e peshkatarëve që janë mbledhur nga të gjithë trevat e Shqipërisë. Pogradeci është shtëpia e mikpritjes, shtëpia e çmimeve fantastike. Festivali në tre ditë, sot është nata e parë ajo e nostalgjisë. Mos të ftojnë vetëm repera. Do të ketë aktor të humorit dhe është menduar që ccdo natë të ketë dhe dhurata”, tha moderator dhe gazetari Bledi Mane.

Gjatë festivalit, të pranishmit u njohën edhe me historikun e peshkimit në Pogradec, ndërsa nuk munguan edhe dhuratat për ta.

The post Pogradec/ Organizohet për herë të parë festivali i peshkatarëve! Ekspozim produkteve dhe argëtim appeared first on Albeu.com.

“Jo më shumë se 2 kallama për peshkatar dhe jo më shumë se 3 grepa për kallam”, ky ishte urdhri i bërë publik nga ministria e Bujqësisë.

“Piranjat” në Abc të moderuar nga Arilena Ara dhe Florian Binaj, kanë testuar se çfarë ndodh urdhëresën e ministrisë për kallamat.

Pra “lufta” për kallamat sapo filloi.

Me sa duket ekosistemi nga sot do t’i kthehet normalitetit. Por jo të gjithë janë kaq të përgjegjshëm për të zbatuar urdhrin e ministres.

Një peshkatar në Durrës ka dalë për peshkim dhe ka me vete 3 kallama e gjysmë. Një qytetar i përgjegjshëm telefonon policinë për të denoncuar shtetin, por me sa duket policia nuk është në dijeni të urdhrave të qeverisë. Madje ai telefonon dhe zëvendës ministrin Roland Kristo.

Me sa duket as ai nuk e merr aq seriozisht urdhrin e ministres. Telefonata e fundit është me ministren Frida Krifca, e cila dha urdhrin. Numri i saj ishte i paarritshëm.

Për të parë se çfarë ka ndodhur më pas, ju ftojmë të ndiqni videon:

The post “Lufta për kallamat”, peshkatarët shpërfillin urdhrin e ri të ministrisë së Bujqësisë appeared first on Albeu.com.