Briken Calja ishte i pari që ka përfaqësuar flamurin kuqezi në këtë kompeticion , shtangisti me pritshmëritë më të larta në Kombëtare. 33-vjeçari, ish-kampion Europe dhe Bote, nuk arriti që të futej në zonën e medaljeve, duke e përfunduar dygarëshin në vend të pestë, edhe pse sërisht rezultati mbetet i lartë për peshëngritjen shqiptare, nuk mund të themi të njëjtën gjë për ambiciet e një sportisti të kalibrit të Caljes.

Briken Calja nuk e filloi në mënyrën më të mirë stilin e shkëputjes. Kampioni kuqezi dështoi në provën e parë me 148 kg, megjithatë u korrigjua në provën e dytë, duke e kaluar me sukses të njëjtën peshë. Më tej shtangisti shtërmenas shtoi plot 5 kg, duke provuar me 153 kg, por pa mundur që ta realizonte me sukses provën. Kështu me 148 kg, Calja e mbylli stilin e shkëputjes në vendin e shtatë. Ndërkohë kampion Europe në këtë stil u shpall bullgari Bozhidar Andreev, i cili nuk fali në garën e shtëpisë, duke regjistruar rezultatin më të lartë 155 kg.

Më pas ishte radha për stilin e shtytjes, aty ku shtangisti shqiptar e filloi mjaft mirë, duke realizuar me sukses 180 kg, por më pas nuk kaloi dy provat e tjera me 185 dhe 186 kg, për tu klasifikuar në vend të pestë në shtytje. Edhe në këtë stil kampion u shpall sërish Andreev, madje duke vendosur rekord të ri europian me 193 kg, gjithashtu rekord europian vendosi edhe në dygarësh me 348 kg. Ndërsa Calja e mbylli dygarëshin me 328 kg, duke u klasifikuar në vend të pestë.

Me këtë rezultat peshëngritësi kuqezi vijon të mbetet jashtë Lojërave Olimpike, ashtu sikurse peshëngritje shqiptare që vazhdon të mos ketë asnjë sportist brenda normës për në “Paris 2024”. Pas Europianit ka mbetur edhe një garë kualifikuese, Kampionati Botëror që do të mbahet në Tajlandë.

The post Briken Calja fiton vendin e pestë në Kampionatin Europian në Bullgari appeared first on Albeu.com.

Peshëngritësi i talentuar Ertjan Kofsha nuk do të ketë suportin e trajnerit Leonard Toska në Botërorin e Peshëngritjes për U20, që po zhvillohet në Guadalajara në Meksikë (15-23 nëntor).

Trajneri e priste me padurim këtë turne, por paaftësia e Federatës Shqiptare të Peshëngritjes me në krye presidentin Elez Gjoza për t’i nxjerrë vizën, ka bërë që Ertjan Kofsha, të shkojë në kompeticion pa mentorin e tij.

Në një sport ku roli i trajnerit është determinant, sepse sportistët janë të rinj dhe kanë ethet e garës, tekniku luan rol të madh me ndryshimin e peshave dhe këshillat.

Imagjinoni sikur kombëtarja e futbollit të luaj një ndeshje pa trajnerin Sylvinho.

Nëse ky skandal do të ndodhet te FSHF, atëherë do të ishte një bombë e vërtet, por te peshëngritja po mundohen t’i fshehin këto çudira që bëhen vetëm në Shqipëri.

Skandalet në FSHP, po dalin si kërpudhat pas shiut dhe askujt nuk i bën më përshtypje. Ndërkohë që FSHP dhe z.Gjoza janë në gjyq me legjendën Pirro Dhima, ndodh edhe kjo.

Edhe në Botërorin U17 zhvilluar në qershor të 2022-it po në Meksikë, trajneri Leonard Toska nuk mori vizën.

Ashtu si ai, në atë rast as shtangisti Kofsha nuk u pajis dot me vizë nga Federata e presidentit Gjoza për të përfaqësuar Shqipërinë në Botëror.

Vjet ishte mundësia e fundit që ai të merrte pjesë në Botërorin për 17-vjeçarë dhe Elez Gjoza me federatën e tij i hoqi mundësinë për të konkuruar. Me rezultatet në stërvitje ai mund të kthehej me medalje.

Të dy nuk u pajisën dot me vizë, pasi proceduart u bënë me vonesë dhe pa dokumentacionin e duhur. E njëjta situatë edhe këtë vit.

Por çudirat nuk përfundojnë këtu, presidenti Gjoza, i cili do të bëjë trajnerin dhe peshëngritësi Ertjan Kofsha u nisën në datë 17 nëntor drejt Meksikës, ndërkohë që gara është në 20.

Sportisti nuk ka kohë të rikuperohet nga udhëtimi i gjatë (më shumë se 24 orë), dhe për më tepër nuk do të ketë as trajnerin e tij.

Minimalisht sportisti duhet të jetë 4 ditë para për t’u ambientuar me klimën, ndryshimin e orarit, por Elez Gjoza, kërkon të kursejë para për evente kaq prestigjoze dhe t’i shpenzojë për familjarët e tij kur i merr me vete si pjesë të delegacionit të kombëtares, (si në Çmimin e Madh të Kubës, kur mori nipin me të fejuarën).

Me rezultatet që Kofsha ka arritur në palestër është pretendent për medalje ari në Botërorin U20.

Por pa trajnerin Toska dhe me mangësitë nga federata, e cila tani duket se është dashakeqësi sepse rastësia nuk ndodh dy herë, shpresojmë të ketë performancë pozitive; gjithçka është kundër tij.

Një medalje e humbur do të thotë shkatërrim psikologjik për sportistin, por edhe pa shpërblim financiar që do ta ndihmojë të ndjeki ëndrrën e tij.

Ai është një ndër peshëngritësit e rinj më të mirë shqiptar dhe shpresojmë të kthehet me rezultat pozitiv, por Federata ka menduar t’ia bëjë jetën malore këtij talenti.

The post Tjetër skandal te peshëngritja, shtangisti shkon në Botëror pa trajnerin appeared first on Albeu.com.

Shtangisti Kreshnik Leka u shpall kampion bote në stilin e shkëputjes në Botërorin e zhvilluar në Wieliczka të Polonisë.

Drejtori i klubit shumësportësh Teuta ngriti me sukses 113 kg në provën e parë, 117 në të dytën dhe 119 kg në provën e tretë.

Në stilin e shtytjes Kreshnik Leka ngriti 137 kg në provën e parë dhe u rendit i katërti në dygarësh.

Në Botërorin Masters, Leka, i cili njëkohësisht është edhe president i Shoqatës “Mjeshtrat e Peshëngritjes Shqiptare”, garoi në Masters 45V në peshën 102 kg.

Kjo është medalja e dytë e artë në pakë kohë për Kreshnik Lekën, pas asaj në European Masters Games, zhvilluar në qershor.

The post Kreshnik Leka shpallet kampion bote në peshëngritje në stilin e shkëputjes appeared first on Albeu.com.

Për Abc, Qerimaj tregoi se është në një formë të mirë dhe se shpreson të renditet mes më të mirëve.

“Momentalisht jam duke rritur formën, pasi është kampionati botëror. Kam patur një vit të suksesshëm. Në botëror shpresoj të futem mes të mirëve. Gëzoj një formë të mirë.”

Erkand Qerimaj tregon se nuk përgatitet në kushte të barabarta me rivalët dhe se diferencat janë të mëdha.

“Rivalët kanë stafe që i përgatisin. Kanë disa persona që kujdesen për ta. Ata kanë fizioterapistë, psikologë dhe disa persona të tjerë që e mbështesin. Këto janë diferenca të mëdha mes meje dhe atyre”.

Qerimaj premton medalje në kampionati botëror.

Trajneri i Erkand Qerimajt, Sokol Bishanaku konfirmoi formën e mirë të peshëngritësit

“Qerimaj gëzon një formë të mirë. Ne po stërvitemi në mënyrë intensive për të arritur maksimumin. Besoj dhe shpresoj që në këtë botëror do të arrijmë sukses të madh.”

The post Qerimaj: Jam në formë, premtoj medalje në botëror appeared first on Albeu.com.

Lajmi është bërë i ditur nga Veli me një foto të postuar në Instagramin e saj personal duke shkruar se nuk do të marrë pjesë në “Oran 2022”.

Veli u shpall së fundmi kampionë Europe dhe ishte gjithashtu kandidate për medalje në Lojërat Mesdhetare./ h.ll/albeu.com

The post Lajmi i keq për Evangjelia Veli, nuk do të marrë pjesë në lojërat Mesdhetare appeared first on Albeu.com.

I ftuari i parë në News 24, sportisti rrugëtoi nëpër kujtime me anë të fotografive dhe theksoi se shtysa e tij e parë drejt sportit të peshëngritjes ka qenë xhaxhai i tij. E teksa tregonte për arritjet e tij të shumta, ai tha se peshëngritja është një fushë e cila të nxit për të arritur rezultate të larta. “E bukura e shtangës është shtysa që të jep, do të arrish sa më shumë”.

Gjatë bisedës Brikeni tregoi se në fillim ka qenë i apasionuar pas futbollit, dhe më pas është përfshirë dhe i është përkushtuar peshëngritjes, për të cilën tanimë stërvitet rreth 6-7 orë në ditë. Ai tha se karriera e tij ndryshoi në vitin 2004 kur ai u shpall kampion kombëtar.

Brikeni e cilësoi vendlindjen e tij Shtërmenin, si fshatin e kampionëve, teksa shtoi se janë të shumtë sportistët që kanë dalë nga ekipi i peshëngritjes atje dhe kanë arritur shumë. Brikeni tregoi se ka qenë pjesë e ekipit të vendlindjes së tij deri në moshën 18-vjeçare dhe më pas është bërë pjesë e ekipit të Tiranës, por tha se asnjëherë nuk është shkëputur plotësisht nga ekipi i Shtërmenit.

Në vitin 2021, Briken Calja falë punës dhe përkushtimit të tij u shpall kampion bote në peshëngritje dhe në “Dola te Ola” rrëfeu emocionet e jashtëzakonshme që përjetoi. Ai zbuloi se rruga e tij drejt Kampionatit Botëror nuk kishte qenë aq e lehtë pasi një muaj para se të merrte pjesë, analiza e muskujve i kishte dalë shumë e lartë, 962 kur vlera normale duhej 170.

Kjo rrezikonte jo vetëm karrierën, por edhe jetën e tij. Ai tregoi se pasi mori qetësues, ilaçe dhe çajra, vlerat e analizës shkuan diku te 300, dhe sportisti nuk hoqi dorë nga pjesëmarrja në Kampionatin Botëror edhe pse do rrezikonte me jetë. “Rrezikova gjithçka, por ia vlejti sakrifica pasi u shpalla kampion bote”, tha ai.

Në program sportisti mori një videomesazh surprizë nga Fidel Ylli, i cili përveç vlerësimit nga ana profesionale, e cilësoi Brikenin një djalë të jashtëzakonshëm, një baba, një bashkëshort, një mik dhe një shok shumë të mirë./BW

The post Briken Calja rrëfen historinë: Rrezikova jetën, mora ilaçe e çajra dhe u shpalla kampion bote! appeared first on Albeu.com.

Berberi ishte trajneri i peshëngritësit Aleksandër Kondo. Gjiithashtu Berberi ka drejtuar federatën e peshëngritjes nga viti 1992 deri në vitin 2000.

Lajmin e ka bërë publik gazetari i njohur Defrim Methasani./h.ll/albeu.com

Postimi i plotë:

The post Shuhet nga jeta ikona e sportit dhe e peshëngritjes shqiptare, Ferit Berberi (FOTO LAJM) appeared first on Albeu.com.

Calja garoi në peshën deri në 73 kilogram bashkë me Erkand Qerimajn dhe ia doli të ngrejë 156 kilogram në stilin e shkëputjes, më shumë se çdo garues tjetër.

Edhe në shtytje Çalja bëri një paraqitje mjaft të mirë, duke ngritur 182 kilogramë në provën e parë, 186 kilogram në të dytën dhe dështoi 190 kilogramë në të tretën, duke humbur titullin kampion në dygarësh për vetëm një kilogram./h.ll/albeu.com

The post Briken Çalja shpallet nën-kampion bote në stilin me shtytje appeared first on Albeu.com.

Shtangisti shqiptar arriti të ngrejë 156 kg me stilin e shkëputjes duke kaluar kështu rivalin e tij tajlandez.

Calja e nisi me 152 kg, duke e ngritur pa probleme, po ashtu edhe peshën 154 kg. Për të shkuar në provën finale, teksa ngriti 156 kg, si akush tjetër dhe shpallet kampion bote.

Gjithashtu, Qerimaj ka zënë vendin e katërt në stilin me shkëputje.

Erkand Qerimaj e nis konkurrimin me 150 kg, duke e realizuar me sukses këtë provë hapëse. Më pas, ai tenton 153 kg, por nuk e ngre dot këtë peshë në përpjekjen e dytë. Gjithsesi, shkodrani ia del mbanë të ngrejë 153 kg në provën e tretë./h.ll/albeu.com

The post Briken Calja kampion bote në peshëngritje appeared first on Albeu.com.

The post 78-vjeçarja ngre 185 kg në peshëngritje (VIDEO) appeared first on Albeu.com.