Mes fituesve të medaljeve të arta është Briken Calja, i cili triumfoi në peshëngritje për meshkuj, në kategorinë deri në 75 kilogramë. Në shkallën më të lartë të podiumit u ngjit edhe Islam Dudaev, falë suksesit të arritur në mundjen e lirë.

Në të njëjtën disiplinë, Zelimkhan Abakarov u shpall fitues i medaljes së argjendtë. Enkileda Carja mori medaljen e bronztë në peshëngritjen për femra, në kategorinë deri në 69 kilogramë, kurse Ardit Zeneli siguroi të bronztën në mundjen klasike.

Këto rezultate përbëjnë një tjetër bilanc të shkëlqyer për përfaqësuesit shqiptarë, të cilët e kanë ngritur sërish me krenari flamurin kuqezi në arenën prestigjioze të këtyre garave.

The post Gjashtë medalje në tre ditë, Shqipëria shkëlqen në Lojërat Mesdhetare “Taranto 2026 appeared first on Albeu.com.

Erkand Qerimaj u paraqit sot në Lojërat Mesdhetare “Taranto 2026”, ku garoi për Shqipërinë në kategorinë e peshave 84 kilogramë.

Në stilin e shkëputjes, peshëngritësi shqiptar ngriti 151 kilogramë dhe e mbylli këtë disiplinë në vendin e pestë. Më pas, në stilin e shtytjes, ai realizoi me sukses 187 kilogramë në tentativën e dytë.

Qerimaj provoi të ngrinte 192 kilogramë në përpjekjen e tretë, një rezultat që do t’i siguronte të paktën medaljen e bronztë, por nuk arriti ta përfundonte me sukses këtë provë.

Në këto gara, medaljen e artë e ka fituar Briken Calja. Peshëngritësi tjetër shqiptar i kaloi me sukses të tria provat, duke ngritur flamurin shqiptar, ndërsa të njëjtin sukses e kanë regjistruar edhe Islam Dudaev, Zelimkhan Abakarov dhe Ardit Zeneli.

The post Erkand Qerimaj mbetet pranë podiumit në “Taranto 2026”, shqiptari renditet i pesti appeared first on Albeu.com.