Si ndikon pesha në gjunjë?

Më shumë peshë ngarkon më shumë nyjet dhe kërcin që mbron skajet e kockave tuaja. Yndyra e tepërt trupore gjithashtu ndonjëherë rrit kimikatet në gjak duke inflamuar nyjet.

Të dyja këto mund të çojnë në osteoartrit (OA). Në këtë gjendje kërci i lëmuar dhe i rrëshqitshëm që mbulon skajet e kockave në një nyje zhduket ngadalë. Në vend që të rrëshqasin mbi njëra-tjetrën, kockat tuaja fërkohen me njëra-tjetrën.

Simptomat si dhimbja, ënjtja, ngurtësimi dhe humbja e lëvizjes shpesh përkeqësohen me kalimin e kohës.

Çfarë ndihmon?

– Mbajtja e një peshe të shëndetshme

Humbja e peshës mund të ndihmojë vërtet gjunjët tuaj. Hiqni 10 kg peshë nga trupi juaj dhe do të hiqni deri në 40 kg forcë të ushtruar mbi ta.

Nuk është vetëm pesha. Më pak qeliza yndyrore mund të nënkuptojnë më pak hormone për të inflamuar gjunjët dhe nyjet e tjera. Bisedoni me mjekun tuaj për indeksin tuaj ideal të masës trupore, një masë e yndyrës trupore bazuar në gjatësinë dhe peshën.

– Dieta

Ushqimi i shëndetshëm zvogëlon inflamacionin që ndonjëherë shkakton dhimbje të kyçeve. Në veçanti rekomandohen ushqimet e pasura me acide yndyrore omega-3 (peshqit yndyrorë si salmoni, toni, skumbri, dhe harenga) së bashku me arrat, domatet, vajin e ullirit, perimet me gjethe jeshile, mishi i pulës pa lëkurë pa harruar frutat e freskëta dhe drithërat si bollgur, oriz kaf ose bukë me drithëra të plota.

– Aktiviteti i rregullt fizik

Është një ide e mirë të përpiqeni të përzieni llojet e ushtrimeve tuaja:

– Ushtrimet aerobike, ecja, noti, mund të zvogëlojnë inflamacionin dhe të rrisin qëndrueshmërinë tuaj.

– Ushtrimet rezistente forcojnë dhe stabilizojnë muskujt rreth nyjës së gjurit.

– Shtrirja e muskujve dhe indit lidhës rreth gjurit ndihmon në rritjen e diapazonit tuaj të lëvizjes, ose distancën që mund të lëvizni një nyje.

The post Çfarë e lidh dhimbjen e gjumit me peshën trupore? appeared first on Albeu.com.

Kripa mund të prishë përpjekjen tuaj për të pasur një dietë të shëndetshme pasi konsumimi i sasive të mëdha krijon mbajtje lëngu, i cili shfaqet në peshore sa më shumë gram.

Dietat me shumë natrium shoqërohen gjithashtu me nivele më të larta yndyre në trup, specifikisht lloji i yndyrës që grumbullohet rreth belit tonë.

Ka disa shpjegime për këtë. Së pari, mendoni se cilat ushqime kanë më shumë kripë: snaket, patate të skuqura, ushqime të gatshme, të skuqura, të përpunuara dhe ushqimi nw restorante.

Të gjitha këto ushqime me natrium të lartë janë relativisht të larta në kalori. Jo vetëm kaq, por është e lehtë ta teprosh dhe të përfundosh me konsum të tepërt. Në këtë mënyrë, ne përfundojmë duke konsumuar jo vetëm shumë kripë, por ndoshta edhe shumë kalori. Këto arsye shpjegojnë më së miri lidhjen midis natriumit dhe peshës.

Prandaj, përpiquni të kontrolloni sasinë e natriumit, konsumoni rreth 6 gram kripë në ditë dhe kontrolloni etiketat e ushqimeve që blini për “natrium të ulët” ose “pa kripë të shtuar”./albeu.com

The post A ndikon kripa në peshën tonë trupore? appeared first on Albeu.com.