Gjatë një vizite zyrtare në Izrael, Drejtori i Përgjithshëm i Shërbimit Korrektues të Kosovës, Ismail Dibrani, zhvilloi takime me përfaqësuese të larta të këtij shteti.

Në Ambasadën e Kosovës në Izrael, Dibrani dhe Zëvendësshefi i Misionit të Ambasadës së Kosovës në Izrael, Mehmet Morina, u takuan me ambasadoren jorezidente të Izraelit për Kosovën, Tamar Ziv, si dhe me drejtoreshën për Ballkanin në Ministrinë e Punëve të Jashtme të Izraelit, Irit Amitaj.

Dibrani paraqiti rezultatet e arritura nga SHKK-ja, duke vënë në pah përmirësimin e sigurisë, forcimin e kapaciteteve profesionale dhe zbatimin e programeve për rehabilitim e risocializim.

Palët diskutuan gjithashtu për praktikat e reja të sistemit korrektues të Kosovës dhe përpjekjet që po bëhen për avancimin e standardeve.

Gjatë bisedës u nënvizua nevoja për bashkëpunim dhe shkëmbim përvojash ndërmjet Kosovës dhe Izraelit, me fokus të veçantë te siguria dhe sistemi korrektues.

The post Dibrani në Izrael, bisedime për sigurinë dhe rehabilitimin në sistemet korrektuese appeared first on Albeu.com.