Kthjellimet do të jenë prezente deri pasdite kur priten grumbullim i vranësirave në zonat përgjatë shtrirjes Lindore, duke rrezikuar rrebeshe shiu si edhe breshër në zona të izoluara.

Parashikohet që orët e vona të mbrëmjes, të përmirësojnë dukshëm kushtet atmosferike në të gjithë territorin e vendit.

Temperaturat e ajrit do të pësojnë rritje të lehtë në mëngjes, por ulen në mesditë duke luhatur vlerat ditore nga 19°C vlera më e ulët deri në 42°C vlera më e lartë, e cila pritet në qarqet Elbasan dhe Berat.

Era do të fryjë mesatare në tokë dhe deri e fortë në det, me shpejtësi mbi 50 km/h nga drejtimi Verior dhe Veriperëndimor, duke krijuar në brigjet detare dallgëzim 3 ballë.

The post Parashikimi i motit 19 Korrik 2024, vijon i nxehti përvëlues, sa pritet të shkojnë temperaturat appeared first on Albeu.com.

“Pjesa më e madhe, mbi 80% e territorit shqiptar i afrohen vlerës 40 gradë. Temperatura mjaft të larta, mot i kthjellët, rriten edhe vlerat minimale. Nesër do të kemi rritje edhe në mëngjes, do të kemi një ajër mbytës dhe zagushi, pasi gjatë këtyre ditëve mëngjeset kanë qenë pak freskët.

Parashikohet që kjo situatë të na shoqërojë të paktën deri të mërkurën tjetër. Ditët më të nxehta do të jenë dita e mërkurë dhe dita e enjte”, u shpreh Porja.

The post Shqipëria përcëllohet nga i nxehti përvëlues/ Sinoptikania Lajda Porja bën paralajmërimin e fortë: Temperatura rekord nga dita e nesërme appeared first on Albeu.com.

Temperaturat e ajrit do të pësojnë sërish rritje në të dy vlerat ekstremale ditore duke u luhatur nga 18°C vlera minimale deri në 41°C maksimalja në rang territori.

Era do të fryjë e lehtë dhe mesatare; përgjatë gjithë ditës duke arritur shpejtësinë maksimale deri në 35 km/h nga drejtimi veriperëndimor; kjo do të bëj që në brigjet detare të krijohet dallgëzim 2 ballë.

The post Parashikimi i motit/ Temperatura “përvëluese”, maksimalja deri në 41 gradë appeared first on Albeu.com.

Pjesa e dytë e ditës, do të sjellë vranësira të herëpashershme përgjatë gjithë territorin, por më të theksuara vranësirat do të paraqiten në zonat malore verilindore dhe juglindore, megjithatë nuk do të ketë reshje.

Temperaturat e ajrit do të pësojnë rritje në të dy vlerat ekstremale ditore, duke u luhatur nga 13°C vlera minimale deri në 41°C vlera maksimale në rang territori.

Era do të fryjë e lehtë dhe mesatare, me shpejtësi mbi 30 km/h nga drejtimi kryesisht Verior, duke krijuar në brigjet detare dallgëzim të papërfillshëm.

The post Parashikimi i motit 21 Qershor 2024/ Vendi përvëlohet nga i nxehti, sa do të shkojnë temperaturat sot appeared first on Albeu.com.

Qytetarët janë këshilluar të qëndrojnë në shtëpi dhe atraksionet turistike të tilla si Akropoli, do të qëndrojnë të mbyllura përgjatë orëve të pikut. Ekspertët thonë se kjo mund të kthehet në fundjavën më të nxehtë në 50 vite, ndërsa Athina do të përvëlohet me temperatura mbi 40 gradë për 6 deri në 7 ditë, nga fundi i korrikut.

“Aktualisht jetoj në Danimarkë, dhe erdhëm në një vend të ngrohtë, për të vizituar plazhet. Por i nxehti qenka i padurueshëm. Është e tmerrshme”, tha Michele Albano.

Sakaq zjarrfikësit vijojnë betejën me dhjetëra zjarre. Zyrtarë të mbrojtjes civile dhe shërbimeve të emergjencës po paralajmërojnë për një rrezik tejet të lartë të vatrave të reja përreth vendit. Atika perëndimore, në perëndim të Athinës, është mes zonave më të goditura, bashkë me Lakonian në Peloponezin jugor dhe ishullin e Rodosit. Shumë qytetarë kanë humbur banesat e tyre, e të tjerë refuzojnë thirrjet e autoriteteve për evakuim, në përpjekjen për t’i shpëtuar ato.

“Jo jo nuk largohem që këtu. Kështu u thashë atyre. Do të qëndroj në shtëpinë time derisa të digjet”, u shpreh një banor.

Partnerët në BE të Greqisë kanë ofruar ndihmë, përfshirë avionë zjarrfikës, nga Franca dhe Italia dhe më shumë se 200 zjarrëfikës nga Sllovakia, Rumania dhe Bullgaria. Edhe Turqia fqinje po i vjen në ndihmë me avionë. Greqia, bashkë me Italinë dhe Spanjën, janë mes vendeve europiane qe po përjetojnë një valë të zgjatur të të nxehtit ekstrem.

The post Greqia mbyll atraksionet turistike në fundjavë për shkak të temperaturave përvëluese appeared first on Albeu.com.

“Valët planetare që po zhvillojnë këto valë të të nxehtit janë shumë të vështira për t’u larguar. Ato janë gati-gati, të palëvizshme. Ndaj duhet të presim, ose të paktën llogaritë t’i bëjmë që kjo vapë ekstreme, të vazhdojnë edhe përgjatë Gushtit”.

Mbi këtë arsyetim, Xhon Nern parashikon që gjatë viteve në vijim, valët e të nxehtit të mos kufizohen vetëm gjatë 3 muajve të verës, por kohëzgjatja e të dyfishohet, duke u shtrirë përgjatë gjysmës së vitit.

Fajin kryesor për ngrohjen globale, shkencëtarët ia venë djegies së karburanteve dhe çlirimit të lartë të dioksidit të karbonit, që sipas tyre ngrohin ujin e oqeaneve duke shkaktuar fenomenin El Ninjo.

Ajri i ngrohtë që gjenerojnë oqeanet po bllokon rrymat e ftohta nga Poli i Veriut, që të balancojë temperaturat kryesisht në Europë dhe gjithë hemisferën veriore.

The post “Ferri” nuk ka ndërmend të largohet nga Toka, OBM paralajmëron temperatura përvëluese edhe në Gusht appeared first on Albeu.com.

Eksperët paralajmërojnë rritje temperaturash të cilat në disa shtete pritet të arrijnë në 50 gradë celcius.

Lajmin e kanë bërë të ditur mediat e huaja, sipas të cilave Evropa Jugore dhe Afrika Veriore do të “pushtohen” nga moti i nxehtë.

Temperaturat në këto vende do të arrijnë kulmin rreth 45 gradë celsius (113F), por pjesë të Afrikës veriore mund të arrijnë edhe 50 gradë Celsius (112F).

Pjesët jugore të SHBA-së dhe Meksika veriore do të vuajnë gjithashtu temperatura shumë mbi mesataren për pjesën më të madhe të javës së ardhshme.

Temperaturat atje do të jenë rreth 40 gradë Celsius (100F) dhe nuk do të zbresin nën 30C (86F).

Në Kanada parashikohen stuhi të forta, të cilat sjellin tornado, breshër dhe shi të dendur.

India, nën-kontinenti dhe pjesët perëndimore të Mianmarit do të përfshihen nga reshje të dendura shiu, deri në 50 cm në pesë ditë.

Kina jugore do të ndjejë efektet e stuhisë tropikale Talim, e cila ka të ngjarë të zbresë në tokë pranë provincës Hainan të hënën vonë ose herët të martën.

Më shumë përmbytje të lumenjve ka të ngjarë të ketë në Korenë e Jugut. Shira të dendur priten gjithashtu në Japoninë e afërt.

The post Planeti “pushtohet” nga vapa përvëluese, ekspertët japin alarmin: Temperaurt do të shkojn në 50 gradë celcius appeared first on Albeu.com.

A shkaktohet kjo nga ndryshimet klimatike?

Vala e fundit e të nxehtit vjen pasi bota përjetoi javën e saj më të nxehtë të regjistruar në fillim të korrikut. Më herët u regjistrua qershori më i nxehtë në histori sipas Organizatës Botërore Meteorologjike. Studimet e mëparshme e kanë lidhur nxehtësinë në Evropë me ndryshimet klimatike. Në fillim të kësaj jave, një studim i ri zbuloi se më shumë se 61 mijë njerëz vdiqën në Evropë verën e kaluar si rezultat i nxehtësisë ekstreme.

Nicola Maxey nga Met Office tha se nuk ka pasur ndonjë studim që lidh këtë periudhë të fundit të motit të nxehtë me ndryshimin e klimës. “Ajo që ne dimë është se niveli bazë i nxehtësisë është më i lartë, kështu që ne po shohim nivele të rritura të nxehtësisë për shkak të ndryshimeve klimatike. Kështu që ku vjen një valë të nxehti, temperaturat që arrin nxehtësia janë edhe më të larta” – tha ajo.

The post Çfarë është kjo vapë që po përvëlon Europën dhe kur do ikë appeared first on Albeu.com.

Pjesë të mëdha të Evropës po përvëlohen nga temperatura mbi 40ºC për shkak të një vale të nxehti që është quajtur “Cerberus”, sipas qenit me tri koka në mitologjinë e lashtë greke që ruante portat e botës së përtejme.

Temperaturat parashikohen të arrijnë deri në 48°C në Itali këtë javë, ndërsa Greqia, Spanja, Franca, Gjermania dhe Polonia po ndjejnë që tani efektet e valës së të nxehtit. Në Arktik, një temperaturë e lartë rekord prej 28.8ºC u mat në Slettnes Fyr në majën veriore të Norvegjisë, thanë të enjten meteorologët norvegjezë.

Cerberus po gjurmohet nga Agjencia Evropiane e Hapësirës, e cila tha se kjo valë të nxehti mund të çojë në “temperaturat më të nxehta të regjistruara ndonjëherë në Evropë”.

Sa vapë është në Greqi?

Sipas Shërbimit Meteorologjik Kombëtar Helen vala e të nxehtit do të vazhdojë në të gjithë Greqinë të paktën deri të hënën më 17 korrik. Temperaturat në rajonin e Thesalisë arritën deri në 44 gradë Celsius ditën e premte, njofton shërbimi, me maksimale 43 gradë në Sterea dhe 42 gradë në Epir. Temperaturat do të bien pak gjatë fundjavës, por pjesa më e madhe e Greqisë do të vazhdojë të qëndrojë mbi 40ºC.

Akropoli i lashtë në Athinë, një nga vendet më të famshme arkeologjike në botë, u mbyll për disa orë të premten për të mbrojtur vizitorët nga nxehtësia e madhe.

Shërbimi meteorologjik parashikoi temperaturat maksimale në 41ºC në Athinë deri në mesditë, por temperatura në kodrën e Akropolit që ka pamje nga kryeqyteti grek, është zakonisht më e lartë për shkak të lartësisë dhe mungesës së hijes.

Punonjësit e Kryqit të Kuq Helen shpërndanë shishe me ujë për turistët që formonin radhë të gjata dhe freskoheshin nën hijen e ullinjve, përpara se monumenti të mbyllej përkohësisht.

Në Athinë dhe qytete të tjera, orët e punës kanë ndryshuar që njerëzit të shmangin vapën e mesditës, ndërsa zonat me ajër të kondicionuar janë hapur për publikun.

Pse ka valë të nxehti në Europë?

Rebekah Sherwin, eksperte meteorologe nga ekipi i parashikimit global të Met Office, tha se temperaturat e larta janë nxitur nga një sistem i vendosur i presionit të lartë që ndodhet në rajonet e prekura.

“Kushtet e valëve të të nxehtit që ndodhin tashmë në pjesën më të madhe të Europës Jugore, Afrikës veriperëndimore dhe Lindjes së Mesme pritet të vazhdojnë gjatë javës së ardhshme.

Temperaturat kulmore – të cilat janë rreth 10 deri në 15 °C më të larta se mesatarja – mund të arrijnë në mes të 40 gradë Celsius në pjesë të Europës Jugore dhe deri në 50 °C në pjesë të Afrikës Veriore. Temperaturat më të larta se mesatarja janë gjithashtu të mundshme në disa raste më në veri në të gjithë Evropën, por këto do të jenë më jetëshkurtër dhe më pak me ndikim”, tha Sherwin.

“Temperaturat e larta po nxiten nga një sistem i krijuar me presion të lartë që është i vendosur në të gjithë rajonin, duke lejuar që temperaturat të rriten dita ditës. Temperatura jashtëzakonisht të larta të sipërfaqes së detit po ndodhin gjithashtu në të gjithë rajonin, me shumë pjesë të Mesdheut që po përjetojnë temperatura sipërfaqësore deri në 25 deri në 28°C. Kjo do të përkeqësojë efektet e nxehtësisë në zonat tokësore përreth, pasi edhe në rajonet bregdetare temperaturat gjatë natës nuk kanë gjasa të bien shumë më poshtë se 20 Celsius”, tha Sherwin.

The post Europa po “digjet’, Greqia lëshon alarmin e kuq, temperaturat i kalojnë 44 gradë celcius appeared first on Albeu.com.

Më poshtë janë disa këshilla për të ulur temperaturën e trupit:

Hidhni ujë të ftohtë në kyçet tuaja

Zgjidhja ideale në një ditë të nxehtë do të ishte të hidheshit në një pishinë me ujë të freskët apo edhe të bëni një dush të ftohtë, por kur kjo nuk është e mundur, thjesht lagni kyçet me ujë të ftohtë dhe do të ndiheni shumë më mirë.

Pikat e pulsit arterial janë zonat ku enët e gjakut afrohen më shumë me sipërfaqen e lëkurës. Gjaku arterial rrjedh nga zemra, kështu që ftohja e tij me ujë të ftohtë do të ulë temperaturën e trupit. Ekspertët shpjegojnë dhe theksojnë se nëse para se të shkojmë në shtrat hedhim ujë të ftohtë në kyçet e dorës ose kyçin e këmbës, do të flemë më rehat”.

-Nenexhiku

Nenexhiku i jep lëkurës një ndjesi ftohjeje, për këtë arsye përdoret për djegiet e lehta dhe acarimet e lëkurës. Vaji esencial i mentes mund të ndihmojë në luftimin e vapës. Mente përmban mentol, një substancë që aktivizon receptorët nervorë që janë të ndjeshëm ndaj të ftohtit.

-Frutat me përmbajtje të lartë uji

Ndonjëherë kur është shumë vapë, ne nuk kemi dëshirë të hamë. Por të hamë edhe diçka të vogël çdo disa orë është një mënyrë e rëndësishme për të mbajtur energjinë tonë dhe për të shmangur dehidratimin.

Një zgjedhje e zgjuar janë frutat dhe perimet si shalqiri, pjepëri dhe kastravecat të cilat janë të pasura me lëndë ushqyese dhe përmbajnë shumë ujë.

The post Disa mënyra se si t’i bëni ballë të nxehtit përvëlues appeared first on Albeu.com.