VIP-at që u tërhoqën

Por në ditët e fundit, duket se lëvizje ka pasur edhe me disa nga personazhet, që janë tërhequr nga gara.

Si një ndër emrat më të spikatur që përflitej si konkurrente ishte Soni Malaj. Këngëtarja e dashur për publikun, është parë shpesh në muajt e fundit në media, duke bërë që emri i saj të listohej tek ata të personazheve.

Por mesa duket diçka ka ndodhur dhe Soni Malaj nuk do të marrë pjesë në këtë reality show. Në rrjetet e saj sociale, këngëtarja ka publikuar datat e koncerteve, ku bie në sy koncerti mbrëmjen e ndërrimit të viteve, duke konfirmuar kështu se nuk do të jetë pjesë e garës. Vetë Soni Malaj, ka zgjedhur mos të reagojë për asnjë nga lajmet, duke vijuar me karrierën e saj.

Ndërkaq, një tjetër emër që nuk do të jetë në garë është edhe ai i Albërie Hadërgjonajt. Për shumë kohë ajo ishte lakuar në media si konkurrente. Që pa nisur gara ajo projektohej si një konkurrente e fortë.

Madje të shumtë ishin ata që e kanë lidhur pjesëmarrjen e saj edhe me atë të Beatrix Ramosajt në “Big Brother VIP 1”, por duket se Albëria ka thënë jo. Nuk e dimë ende nëse shkak për këtë refuzim është bërë ndonjë pjesë e kontratës, apo Albëria është tërhequr në moment të fundit.

Edhe vitin e shkuar, Cubi Metkaj, ishte komentuar si një nga banoret potenciale në këtë format. Por duket se aktorja e “Portokalli”, ka zgjedhur që as këtë vit mos të jetë në këtë format si konkurrente. Me pikëpyetje është parë edhe emri i Sara Hoxhës.

Ish-partnerja e reperit Ledri Vulaj, ka marrë një ftesë për të qenë pjesë e formatit, të cilët u duk se vetë ajo e kishte pranuar. Megjithatë, ditët e fundit, pranë stafit flitet se ajo ka ndryshuar mendim dhe me gjasa nuk do të jetë pjesë e “Big Brother VIP”. Megjithatë, për Sarën Hoxhën, ende nuk ka një konfirmim të saktë. Sakaq, janë zyrtarizuar thuajse të gjithë banorët që do të bëhen pjesë e garës.

Personazhet që do marrin pjesë
Rozana Radi, Laert Vasili, Eros Grezda, Livia Bungo, Egli Tako, Amber Candy, Tiri Gjoci, Anila Mimami, Valbona Mhilli, Rei Bezhani, Besnik Qaka, Olta Daku, Klajdi Musabelliu, Akil Varfi janë emrat e konfirmuar deri më tani, por disa prej këtyre nuk do të hyjnë në natën e parë të spektaklit, duke bërë pjesë tek hyrjet e më vonshme që formati.

The post Kush janë 14 personazhet e njohura që do të bëhen pjesë e “Big Brother Vip” appeared first on Albeu.com.

Sezoni “La Casa de Papel” (Money Heist) u prezantua përmes pesë episodeve të para në Netflix. Banda u përfshi një luftë të gjithanshme ku një anëtar humbi jetën tragjikisht.

Finalja e serialit përfshin një përplasje midis forcave të armatosura të Spanjës dhe grabitësve të Bankës së Spanjës. Finalja e pjesës së parë do të mbahet mend nga fansat për një arsye kryesore: vdekjen tronditëse të Tokios (Úrsula Corberó), e cila ka qenë pa dyshim një nga personazhet kryesorë të kastit të serialit.

Çfarë ndodhi? Tokio, Denver dhe Manila gjenden të bllokuar nga ushtaraku Sagasta dhe skuadra e tij. Tokio dëgjon zhurmën që vjen nga qilar dhe shkon me Denverin për të hetuar. Ajo alarmohet kur sheh skuadrën e Sagastës të depërtojë përmes murit.

Stokholmi informon Denverin se e vetmja rrugëdalje nga kuzhina është përmes një boshti. Tokio i thotë Denverit dhe Manilës të vazhdojnë pa të. Rio krijon një vrimë në anën e vendit ku po mbrohet Tokio. Të dy përloten dhe kapin duart përmes hendekut mes kateve, por vrima është shumë e vogël që Tokio të shpëtojë.

Skuadra ushtarake shpërthen eksplozivin në murin e qilarit dhe sulmon në kuzhinë. Ajo i jep lamtumirën Rios dhe i thotë Profesorit përmes radios se është koha që ajo të jetë engjëlli i tij mbrojtës.

Tokio merr shuma plumba nga skuadra e Sagasta-s. Por kur ata shkojnë ta shohin, vënë re se u ka hequr fijet granatave që mban në kraharor. Ato shpërthejnë duke vrarë Tokion dhe potencialisht të gjithë skuadrën ushtarake.

Kush mund të ketë vdekur tjetër?

Gandia: Do të ishte jashtëzakonisht e pakumtintë nëse Gandia do t’i mbijetonte shpërtimit të granatave. Karakteri i tij nuk ka nevojë të zhvillohet më – ai arriti kulmin kur vrau Nairobin.

Po Arturo? Arturo qëllohet nga Stokholmi. Në fillim mendohet se ka vdekur, por ai ka ende puls. Fati i tij nuk u konfirmua, por fansat janë të sigurt se nuk ka vdekur.

Për momentin, është e paqartë se kush do ta zëvendësojë Tokion në rolin e narratorit të serialit. Pjesa e dytë e sezonit final do të publikohet më 3 dhjetor.

The post Sezoni i 5-të i “La Casa de Papel 5”: Cilët personazhe vdesin? (FOTO LAJM) appeared first on Albeu.com.