Aktualizimi i pagave para ‘94 do të bëhet me koeficientin 13.5 për qind, ndryshe nga një vit më parë, duke u reflektuar në këtë mënyrë në nivelin e pagave për 83 profesione.

Për dy vitet e fundit, pra për 2023 dhe 2024, nuk aplikohet formula e indeksimit, por pagat referohen aq sa janë, pra të paindeksuara.

Vendimi merret nga Këshilli Administrativ pranë Institutit të Sigurimeve Shoqërore çdo vit në muajin korrik.

Çdo vit, afro 20 mijë qytetarë që dalin në pension përfitojnë nga aktualizimi i pagave me qëllim rritjen e masës së përfitimit.

Koeficienti parashikohet të ndikojë në rritjen e bazës së vlerësuar për mbi 20 mijë persona, duke bërë të mundur që pensionet e tyre të jenë të harmonizuara me kontributet e derdhura.

KUSH PËRFITON?

Ashtu si çdo vit, krahas indeksimit të pensioneve, qeveria harton edhe koeficientët e rinj, mbi bazën e të cilëve llogaritet masa e pensionit për ata që sapo dalin në pension dhe jo për të gjithë pensionistët. Kjo sjell automatikisht ndryshim të formulës për llogaritjen e vlerës që përfitojnë të moshuarit.

Kështu, bazuar në tabelën me koeficientët e rinj (sipas tabelës përbri shkrimit) një person që në vitin 1994 është trajtuar me një pagë prej 7 mijë lekësh, kjo shumë do të shumëzohet me koeficientin 10.799 dhe për llogaritjen e pensionit do të merret parasysh paga prej 75 mijë e 593 lekësh.

Zakonisht, për caktimin e masës së pensionit merret në konsideratë paga me të cilën janë paguar kontributet ndër vite, por për shkak se pagat gjatë kohës së ish-kooperativave bujqësore, por edhe në vitet në vijim kanë qenë të ulëta, qeveria cakton çdo vit koeficiente të rinj për të marrë një pension sa më real për periudhën që pensionistët jetojnë.

FORMULA

Për llogaritjen e pensionit përdoret formula: PP (Pensioni i Pleqërisë) = PS (Pension Social)* (shumëzuar) vjetërsi kontributive të realizuara/ vjetërsi kontributive që kërkohet + 1/100* (shumëzuar) vite sigurimi* BV (baza e vlerësuar).

Baza e vlerësuar për llogaritjen e pensioneve llogaritet si raport i shumës së pagave, për të cilat janë paguar kontributet, me periudhën që njihet si periudhë sigurimi. Për periudhën e sigurimit nga data 1.1.1994 e në vazhdim, për llogaritjen e bazës së vlerësuar, merret shuma e pagave, për të cilat janë paguar kontributet nga data 1.1.1994 deri në fund të periudhës së sigurimit.

Për periudhën e sigurimit në institucione dhe ndërmarrje shtetërore para datës 1.1.1994, për llogaritjen e bazës së vlerësuar, merren pagat referuese, të përcaktuara me vendim të Këshillit të Ministrave. Për periudhën e sigurimit në ish-kooperativat bujqësore, për llogaritjen e bazës së vlerësuar, merren pagat referuese të caktuara me Vendim të Këshillit të Ministrave.

Në rastet kur personi i siguruar ka periudhë sigurimi para dhe pas datës 1.1.1994, baza e vlerësuar llogaritet si mesatare aritmetike e ponderuar e bazës së vlerësuar të periudhave të sigurimit, si ish-punonjës i institucioneve apo ndërmarrjeve shtetërore dhe ish-anëtar i kooperativave bujqësore përpara vitit 1994 si dhe e periudhave të sigurimit si person i punësuar, i vetëpunësuar apo ekonomikisht aktiv pas datës 01.01.1994.

The post Koeficientet, si bëhen llogaritë për personat që dalin rishtazi në pension appeared first on Albeu.com.

Berisha denoncoi situatën aktuale të trajtimit të personave me aftësi të kufizuar, duke e cilësuar si një formë dënimi me varfëri: “Ju merrni një pension prej 140 mijë lekësh, ndërsa shumë prej jush janë edhe kryefamiljarë. Kjo është t’iu dënohesh me mjerim”, tha ai.

Kreu i PD-së premtoi një rritje të ndjeshme të mbështetjes ekonomike: “Nuk do të ketë më pension nën 200 euro. Për ju, ky minimum jetik do të kalohet në bazë të shkallës së aftësisë së kufizuar. Çdo person me aftësi ndryshe që është kryefamiljar, do të ketë mbështetje edhe për familjarët e tij”, u shpreh Berisha.

Ai theksoi gjithashtu, rëndësinë e rehabilitimit, duke paralajmëruar investime të mëdha në këtë sektor:

“Do të bëjmë gjithçka për rehabilitimin. Do të realizojmë investimet më serioze në këtë fushë, për t’u siguruar të gjithë qytetarëve me aftësi ndryshe mundësinë për të zhvilluar dhe përmirësuar aftësitë e tyre”.

The post Zgjedhjet e 11 majit/ Berisha prezanton programin për personat me aftësi të veçanta: Pension minimal 200 euro dhe investime në rehabilitim appeared first on Albeu.com.

“Duke konsideruar që dje ishte data 3 dhjetor, Dita Ndërkombëtare e Personave me Aftësi të Kufizuar, një ditë që na kujton që të gjithë duhet të jemi të barabartë. Në vazhdën e mbështetjes jo vetëm e këtyre personave, por dhe me të gjithë ato shtresa në nevojë, qeveria ka vendosur të rrisë sot masën e sigurimit financiar.

Një kërkesë e vazhdueshme është dhe me figura të reja personale që merren me këto target grupe. Figura e ndihmësit personal, është një figurë që së bashku me projektet e BE jemi duke punuar që përveç trajnimit, do të marrë dhe një mbështetje përmes një page. Të gjitha këto punë dhe përpjekje vijnë dhe në vazhdën e buxhetit që u miratua dje”, tha ajo pas përfundimit të mbledhjes së qeverisë.

Më tej, e pyetur për mungesën e barnave tumorale, Koçiu u shpreh: “Ndërsa, barnat tumorale janë një element i rëndësishëm që të sëmurët që vuajnë nga këto sëmundje. Qendra Shëndetësore Nënë Tereza ka marrë përsipër furnizimin dhe ne jemi të angazhuar për të vazhduar furnizimin periodik për të gjithë qytetarët që preken nga këto sëmundje”.

The post Ministrja Koçiu jep lajmin: Mbështetje financiare për kujdestarët që kujdesen për personat me aftësi të kufizuar appeared first on Albeu.com.

Këtë nuk e themi ne, por studimi i publikuar në “Paper Worker” në Institutin Melbourne.

Ky i fundit ka zbuluar se njerëzit e moshës mbi 40 vjeç performojnë më së miri kur punojnë vetëm 3 ditë në javë.

Studiuesit arritën në përfundimin se performanca njohëse e njerëzve të moshës së mesme u përmirësua ndërsa puna u rrit në 25 orë në javë.

Nga ana tjetër, performanca ulej kur puna kalonte mbi 25 orë në javë, për shkak të efekteve të lodhjes dhe stresit.

Ky studim përfshiu 3 000 burra australianë dhe 3 500 gra australiane, zakonet e të cilëve u analizuan.

Studimi testoi aftësinë e pjesëmarrësve për të lexuar fjalë dhe për të recituar lista të numrave.

Të punosh më shumë se 30 orë në javë është e dëmshme për trurin e njerëzve mbi 40 vjeç ndërsa duke punuar më pak orë rrit performancën./albeu.com

The post Personat mbi 40 vjeç duhet të punojmë vetëm 3 ditë në javë, Studimi “nxjerr sekretet” appeared first on Albeu.com.

The post Çfarë kanë të përbashkët personat që janë të lumtur? appeared first on Albeu.com.