Shtetet e Bashkuara ndërmorën sulme të reja ajrore ndaj Iranit, të cilat presidenti amerikan Donald Trump i cilësoi si një “kundërpërgjigje” ndaj bombardimeve të një dite më parë mbi anije tregtare, për të cilat Uashingtoni fajëson Teheranin.

Komanda Qendrore e SHBA-së (CENTCOM), njoftoi se kishte goditur rreth 90 objektiva iraniane.

Sipas saj, operacioni kishte për qëllim të dobësonte më tej aftësinë e Iranit për të sulmuar anijet tregtare dhe marinarët civilë në Ngushticën e Hormuzit.

Pak orë pas sulmeve, Trump deklaroi para gazetarëve në bordin e avionit presidencial Air Force One se zyrtarë iranianë, kishin kontaktuar me Uashingtonin dhe se, “duan shumë të arrijnë një marrëveshje”.

Megjithatë, ai shtoi se nuk është i sigurt nëse ata janë “të denjë” për një marrëveshje.

Ndërkohë, tensionet janë përhapur edhe në vendet e Gjirit. Bahrejni raportoi shpërthime në kryeqytetin Manama, Kuvajti njoftoi se kishte interceptuar raketa dhe dronë, ndërsa Katari lëshoi një alarm sigurie për situatën në rajon.

Nga ana tjetër, kryetari i Parlamentit iranian dhe negociatori kryesor i vendit me SHBA-në, Mohammad Bagher Ghalibaf, reagoi përmes rrjetit social X, duke deklaruar se, “Amerika ende nuk e ka kuptuar se bullizmi dhe shkelja e premtimeve nuk janë më pa kosto”.

Sulmet e fundit vijnë pasi SHBA-ja kishte njoftuar se të martën goditi më shumë se 80 objektiva në Iran, në përgjigje të sulmeve ndaj anijeve tregtare në Ngushticën e Hormuzit.

The post Përshkallëzohet konflikti SHBA-Iran/ Sulme të reja gjatë natës dhe tensione në Gjirin Persik appeared first on Albeu.com.

Tenisionet në Lindjen e Mesme janë rikthyer, pasi ushtria amerikane ka kryer sulme të mëtejshme kundër objektivave iraniane me urdhër të presidentit Donald Trump.

Komanda Qendrore e SHBA-së tha se ky sulm ishte një përgjigje të drejtpërdrejtë ndaj agresionit të vazhdueshëm iranian.

“Avionët ushtarakë amerikanë shënjestruan infrastrukturën e mbikëqyrjes ushtarake iraniane, sistemet e komunikimit, vendet e mbrojtjes ajrore, objektet e magazinimit të dronëve dhe kapacitetet e vendosjes së minave”, tha CENTCOM në një deklaratë .

Sulmet shtesë vijnë pas një sulmi iranian të enjten kundër një anijeje tregtare pranë Ngushticës së Hormuzit. SHBA-të më pas nisën sulme kundër Iranit rreth Ngushticës së Hormuzit të premten.

“Pas sulmeve të djeshme të SHBA-së në përgjigje të sulmit iranian ndaj M/V Ever Lovely, Iranit iu dha një shans për të respektuar marrëveshjen e armëpushimit, por zgjodhi të mos e bënte kur forcat e tij nisën një dron sulmues njëkahësh që goditi M/T Kiku këtë mëngjes në orën 4:30 të mëngjesit ET”, thuhet në deklaratën e CENTCOM-it.

CNN, shkruan se vala e sulmeve e vështirëson marrëveshjen fillestare SHBA-Iran të nënshkruar këtë muaj, e cila kishte për qëllim zgjerimin e armëpushimit dhe rivendosjen e trafikut përmes Ngushticës së Hormuzit.

Presidenti i SHBA-së, Donald Trump, kërcënoi me më shumë veprime ushtarake nëse sulmet iraniane vazhdojnë.

Trupa e Gardës Revolucionare Islamike të Iranit kundërshtoi, duke thënë se sulmet amerikane shkelën armëpushimin, gjë e cila do të rezultojnë në ndalimin e plotë të të gjitha proceseve diplomatike.

The post Përshkallëzohet situata në Lindjen e Mesme/ Ushtria amerikane kryen sulme kundër objektivave iraniane appeared first on Albeu.com.

Të paktën 46 persona janë plagosur, ndërsa pesë avionë luftarakë indianë janë rrëzuar.

Tensionet, që mund të çojnë dy vendet drejt një përplasjeje të re ushtarake – e shtata në historinë e tyre – nisën pas nisjes së Operacionit Sindoor nga India, i cili kishte në shënjestër baza të dyshuara të grupeve militante në nëntë pika brenda Pakistanit dhe në zonën e Kashmirit që kontrollohet nga ky i fundit.

Në kundërpërgjigje, Pakistani deklaroi se kishte rrëzuar disa avionë indianë, duke e cilësuar veprimin e Indisë si një provokim serioz që mund të përshkallëzojë situatën.

India pretendon se ky operacion ishte një përgjigje ndaj një sulmi të mëparshëm në prill, ku militantë të dyshuar sulmuan një grup pelegrinësh hindu në Kashmirin e kontrolluar nga India, duke vrarë 26 vetë, përfshirë një shtetas nga Nepali.

Sulmet indiane janë përqendruar në infrastrukturën që pretendohet se lidhet me terrorizmin, si në Pakistan ashtu edhe në pjesën e Kashmirit që ndodhet nën kontrollin pakistanez./Protothema

The post Përshkallëzohet konflikti Indi-Pakistan, 29 civilë të vdekur dhe 46 të plagosur nga sulmet me raketa appeared first on Albeu.com.