Berisha bëri të ditur se mbrëmjen e kaluar përfundoi ngritja e institucioneve të Partisë Demokratike të Shqipërisë.

Ai shprehu mirënjohjen për ish-bashkëpunëtorët Oerd Bylykbashi, Luçiano Boçi dhe Ivi Kaso, si edhe për sekretarët e PD-së, për kontributin e tyre të çmuar.

Berisha garantoi se është i vendosur të vijojë bashkëpunimin e gjithanshëm me ta. Ai falënderoi gjithashtu Edi Palokën dhe të gjithë ata që dhanë kontributin e tyre gjatë katër viteve të shkuara.

Sipas kreut të PD-së, zgjedhja e drejtuesve të rinj me votën e lirë të Këshillit Kombëtar dëshmon funksionimin demokratik brenda partisë.

Ai theksoi se shqiptarët kanë parë dhe vijojnë të shohin një forcë politike që e ka vendosur votën e lirë në bazën e ndërtimit dhe të funksionimit të saj.

Një urim të veçantë Berisha ua drejtoi Belind Këlliçit, Nikolla Kedhit dhe Erisa Bajazitit, të cilët u zgjodhën për herë të parë nënkryetarë të PD-së. Ai i cilësoi ata si personalitete që përfaqësojnë grupe dhe shtresa të mëdha të shoqërisë shqiptare, të cilat më parë nuk kishin përfaqësim në kryesi.

Berisha përgëzoi edhe sekretarin e përgjithshëm, Flamur Noka, për rizgjedhjen në postin që mban, me votat e Këshillit Kombëtar të PD-së.

Në strukturën e re, Klevis Balliu u zgjodh sekretar organizativ, ndërsa Andi Mustadaj mori detyrën e sekretarit për menaxhimin e burimeve njerëzore. Marash Logu u zgjodh sekretar për çështjet ligjore dhe zgjedhore, Viola Kapedani sekretare për marrëdhëniet me publikun, Eva Metaj sekretare për organizatat partnere dhe shoqërinë civile, ndërsa Fjoralba Dizdari sekretare për integrimin evropian.

Detyra e sekretarit për emigracionin dhe diasporën iu besua Ethem Agës, ndërsa Etjon Kapedani u zgjodh sekretar për dixhitalizimin e PD-së. Gentian Kaprata mori postin e sekretarit për infrastrukturën dhe territorin.

Endira Bushati u zgjodh sekretare për çështjet e pronave dhe luftën kundër korrupsionit, Franc Nuri sekretar për të drejtat e njeriut, Shkëlqim Lepenica sekretar për të përndjekurit politikë dhe Ylli Asllani sekretar për pushtetin lokal. Erges Eskiu u zgjodh sekretar për aksionin qytetar.

Në përbërje të komisionit, ose gjykatës së partisë, u zgjodhën Adriana Kalaja, Besart Logu, Shaqir Manjani, Suina Asllanaj dhe Gentian Koçi.

Kreu demokrat falënderoi në mënyrë të veçantë të gjithë kandidatët që garuan për këto poste të rëndësishme. Pavarësisht rezultatit të votimit, ai i siguroi për konsideratën dhe vlerësimin e tij më të lartë, duke shprehur shpresën se bashkëpunimi me ta do të vazhdojë, si personalitete të shquara të PD-së.

Berisha vlerësoi gjithashtu Gazment Bardhin dhe komisionin e votimit për punën serioze të kryer. Në të njëjtën kohë, ai i kërkoi publikisht ndjesë Lorenc Lukës, i cili kishte dërguar një mesazh për të njoftuar se nuk dëshironte të kandidonte, por mesazhi ishte lexuar me vonesë.

Në përfundim, Berisha deklaroi se drejtimi i Partisë Demokratike ka pësuar një ripërtëritje të madhe, me përfshirjen e personaliteteve që, sipas tij, janë ndër më të spikaturat në fushat përkatëse.

The post Berisha përshëndet drejtuesit e rinj të PD-së: Vota e lirë është baza e funksionimit të partisë appeared first on Albeu.com.

Presidenti Begaj, e ka cilësuar këtë rezolutë si një sinjal të qartë mbështetjeje për rrugën e reformave që Shqipëria ka ndërmarrë drejt anëtarësimit të plotë në Bashkimin Evropian.

“Konfirmimi dhe mbështetja e Parlamentit Evropian i jep Shqipërisë me rezolutën e fundit energji për procesin e reformave drejt anëtarësimit në Bashkimin Evropian”, shkruan Presidenti.

Kreu i shtetit theksoi se kjo mirënjohje duhet të përkthehet në punë konkrete dhe në një frymë bashkëpunimi parlamentar për zbatimin e rekomandimeve të rezolutës:

“Mirënjohja duhet të shprehet me punë dhe bashkëpunim parlamentar në të gjitha drejtimet dhe për çdo aspekt të rezolutës”.

Rezoluta e miratuar nga Parlamenti Evropian, reflekton progresin e bërë nga Shqipëria në disa fusha kyçe, duke shënuar një hap tjetër në procesin e integrimit evropian të vendit.

The latest resolution of the European Parliament on Albania represents strong confirmation and support for my country. It will further boost our reform efforts toward EU membership.

It is time to show our gratitude through concrete actions and parliamentary cooperation on every…

— Bajram Begaj (@BajramBegajAL) July 9, 2025

The post Presidenti Begaj përshëndet miratimin e rezolutës së Parlamentit Evropian për Shqipërinë: Mbështetje për procesin e reformave appeared first on Albeu.com.

The post Xhesika Berberi na përshëndeti nga Super Bowl 2024 dhe po, e kemi zili! appeared first on Albeu.com.