perrenjas Archives - Albeu.com

Aksident i frikshëm në Prrenjas, gjashtë të plagosur të së njëjtës familje, njëri prej tyre në koma

D Marku — Tue, 09 Apr 2024 14:18:35 +0000

Një aksident i rëndë është shënuar në aksin Prrenjas-Qafë Thanë të hënën e kësaj jave ku 6 persona kanë mbetur të plagosur, një prej të cilëve një vajzë 23 vjeçare në gjendje kome, në rrezik për jetën.

Familja me 6 anëtarë, pasi është kthyer nga Greqia, ka ndaluar në ambientet e një lokali, rreth 30 m larg korsisë së rrugës dhe kanë qenë jashtë mjetit të tyre kur një makinë ka humbur kontrollin dhe ka “fluturuar” mbi kokat e tyre.

Për pasojë 23-vjeçarja që e ka zënë mjeti poshtë është në gjendje kome, vajza tjetër 10 vjeçe ka thyer këmbën e po ashtu fraktura ka pësuar dhe vajza 6 vjeçare, të treja motra.

Babai i tyre është plagosur dhe dëmtime ka marrë edhe gjyshja.

44-vjeçari që shkaktoi aksidentin Jetmir Daci, banues në Peshkopi po ndiqet në gjendje të lirë pas vendimit të prokurorit, thotë policia e Elbasanit ndërsa sipas dëshmitarëve mjeti ka humbur kontrollin pas një parakalimi të gabuar dhe ka fluturuar më pas jashtë rruge.

Drejtuesi që shkaktoi aksidentin e rëndë nga testet e kryera nga policia rezultoi i dehur. Artan Pishkashi emigrant ishte kthyer nga në Shqipëri për një arsye familjare teksa është përballur me këtë aksident të rëndë.

E gjithë familja po merr ndihmën mjekësore në spitalin e Traumës ndërsa gjendja e 23-vjeçares mbetet e rëndë.

The post Aksident i frikshëm në Prrenjas, gjashtë të plagosur të së njëjtës familje, njëri prej tyre në koma appeared first on Albeu.com.

Detaje nga aksidenti në Përrenjas, një nga të plagosurit në gjendje të rëndë

K Agaj — Mon, 11 Dec 2023 09:28:40 +0000

Një aksident i rëndë ndodhi ditën e sotme në aksin rrugor Librazhd-Përrenjas. Si pasojë 6 persona mbetën të plagosur, një prej të cilëve është në gjendje të rëndë.

Njoftimi:

Dy qytetarët me iniciale A.S. dhe GJ.P. janë aksidentuar me njëri-tjetrin mëngjesin e sotshëm në aksin rrugor Librazhd-Përrenjas në vendin e quajtur “Ura e Mërkurit”.

Nga ky aksident janë plagosur 6 persona, 3 pasagjerët e qytetarit A.S. dhe 3 pasagjerët e qytetarit GJ.P.

Njëri prej të plagosurve është transportuar për në repartin e kirurgjisë së Spitalit të Elbasanit për shkak të frakturave të shumta që i janë shkaktuar nga aksidenti, ndërsa të plagosurit e tjerë janë dërguar në Spitalin e Librazhdit.

“Grupi hetimor po punon për përcaktimin e shkaqeve të aksidentit.

The post Detaje nga aksidenti në Përrenjas, një nga të plagosurit në gjendje të rëndë appeared first on Albeu.com.

Aksi Përrenjas-Qafë Thanë mbulohet nga dëbora, vështirësi në qarkullimin e mjeteve

K Agaj — Sat, 25 Nov 2023 15:42:17 +0000

Aksi i rrugës kombëtare Përrenjas-Qafë Thanë është bllokuar prej reshjeve të dëborës që kanë nisur në vend ditën e sotme.

Mësohet se si pasojë e motit të keq është vështirësuar jashtëzakonisht qarkullimi. Në terren janë shërbime të përforcuara të policisë rrugore dhe po punojnë për disiplinimin e qarkullimit të automjeteve.

Për shkak të fluksit të madh të automjeteve Policia Rrugore ka paralajmëruar që të gjithë përdoruesit e rrugë Qafë-Thanë-Pogradec-Korçë të qarkullojnë me automjete me goma dëbore dhe të jenë pajisur me zinxhirë.

Aktualisht rruga është e hapur dhe automjetet e mirëmbajtjes së saj janë në terren duke punuar pa ndërprerje, megjithatë situate mbetet e vështirë dhe qarkullimi i rrezikshëm.

The post Aksi Përrenjas-Qafë Thanë mbulohet nga dëbora, vështirësi në qarkullimin e mjeteve appeared first on Albeu.com.

Lejoi prerjen e lëndëve drusore në mënyrë të paligjshme, arrestohet inspektori i pyjeve në Përrenjas

E B — Fri, 17 Feb 2023 09:46:56 +0000

Policia ka finalizuar një hetim 3-mujor për goditjen e prerjes së paligjshme të pyjeve dhe ka vënë në pranga dy shtetas; I. M., 59 vjeç dhe Gj. M., 45 vjeç, për veprat penale “Prerja e paligjshme e druve dekorativë dhe frutorë” dhe “Fshehja e të ardhurave”.

Gjithashu është arrestuar dhe R. B., 35 vjeç, me detyrë inspektor pyjesh i bashkisë Prrenjas, për veprën penale “Shpërdorimi i detyrës”.

Gjatë operacionit, shërbimet e Policisë kanë kapur në flagrancë, në vendin e quajtur “Bregu i golit”, në fshatin Stranik, Prrenjas, dy shtetasit duke transportuar me një kamion tip “Iveco”, 8m3 lëndë drusore, pa dokumentacionin përkatës.

Nga veprimet hetimore ka rezultuar se inspekori ka shpërdoruar detyrën, duke u dhënë këtyre 2 shtetasve, lëndën drusore që e kishte prerë në mënyrë të paligjshme në zonën që ai ka patur në përgjegjësi.

Njoftimi i policisë:

Finalizohet pas një hetimi 3-mujor të ndjekur me metoda proaktive, operacioni policor i koduar “Cubic”, për goditjen e prerjes së paligjshme të pyjeve.

U kapën në flagrancë duke transportuar me kamion, lëndë drusore të prerë në mënyrë të paligjshme, vihen në pranga 2 shtetas.

Vihet në pranga dhe një inspektor pyjesh i bashkisë Prrenjas, për shpërdorim detyre, pasi e kishte prerë këtë lëndë drusore, në zonën që kishte në përgjegjësi.

Sekuestrohen automjeti dhe lënda drusore.

Specialistët për Hetimin e Krimeve Ekonomike dhe Financiare të DVP Elbasan, në kuadër të një hetimi 3-mujor të ndjekur me metoda proaktive, në bashkëpunim me Prokurorinë pranë Gjykatës së Rrethit Gjyqësor Elbasan, për goditjen e një rasti të prerjes së paligjshme të druve dekorativë dhe frutorë, bazuar dhe në informacionet e siguruara përmes inteligjencës informative, kanë organizuar dhe finalizuar operacionin policor të koduar “Cubic”, për vënien përpara përgjegjësisë ligjore të autorëve të këtij rasti.

Si rezultat i këtij operacioni, u vunë në pranga shtetasit:

I. M., 59 vjeç, banues në Tiranë dhe Gj. M., 45 vjeç, banues në Kamëz, Tiranë, për veprat penale “Prerja e paligjshme e druve dekorativë dhe frutorë” dhe “Fshehja e të ardhurave”;

R. B., 35 vjeç, banues në Prrenjas, me detyrë inspektor pyjesh i bashkisë Prrenjas, për veprën penale “Shpërdorimi i detyrës”.

Gjatë operacionit, shërbimet e Policisë kanë kapur në flagrancë, në vendin e quajtur “Bregu i golit”, në fshatin Stranik, Prrenjas, shtetasit I. M. dhe Gj. M., duke transportuar me një kamion tip “Iveco”, 8m3 lëndë drusore, pa dokumentacionin përkatës.

Nga veprimet hetimore ka rezultuar se shtetasi R. B., me detyrë inspektor pyjesh i bashkisë Prrenjas, ka shpërdoruar detyrën, duke u dhënë këtyre 2 shtetasve, lëndën drusore që e kishte prerë në mënyrë të paligjshme në zonën që ai ka patur në përgjegjësi.

Në cilesinë e provës materiale u sekuestrua automjeti, së bashku me lëndën drusore.

Materiale procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.

The post Lejoi prerjen e lëndëve drusore në mënyrë të paligjshme, arrestohet inspektori i pyjeve në Përrenjas appeared first on Albeu.com.

Përrenjasi pa drita, probleme me energjinë dhe në Cërrik e Gramsh

E B — Mon, 06 Dec 2021 08:52:52 +0000

Mëngjesin e sotëm ne qarkun Elbasan ka pasur reshje shiu në gjithë qarkun të shoqëruar me inerte ne disa akse rrugore. Ne furnizimin me energji ka pasur probleme me fidrin nr.7 e nr.8 ku si pasoje ka mungesë të furnizimit me energji të bashkisë Përrenjas dhe disa fshatra përreth, si dhe fidri nr.4 ne bashkinë [...]

Po transportonin bagëti pa dokumentacionin përkatës, shoqërohen në polici personat përgjegjës në Librazhd

E B — Sat, 23 Oct 2021 17:33:15 +0000

Gjatë një operacioni nga Drejtoria Rajonale Qarku Elbasan, Autoriteti Kombëtar i Ushqimit dhe sektori Veterinar i Shërbimit Veterinar dhe Mbrojtjes së Bimëve, është ndaluar në aksin Përrenjas-Librazhd një makinë e cila transportonte kafshë (bagëti).

Sipas informacioneve të marra nga Korça, u ngritën postblloqe për ndalimin e tyre. Kamionçinë së bashku me personat përgjegjës janë shoqëruar për në policinë e Librazhdit.

Mësohet se kanë ardhur specialistët e e Krimit Ekonomik Elbasan për të verifikuar situatën dhe dokumentacionin, parapakisht sipas burimeve drejtuesi mjetit nuk ka patur dokumentacion për transport kafshësh.

Specialistët e Policisë dhe autoritetet veterinare po kontrollojnë origjinën e kafshëve dhe më gjerë./albeu.com

The post Po transportonin bagëti pa dokumentacionin përkatës, shoqërohen në polici personat përgjegjës në Librazhd appeared first on Albeu.com.

Digjet gjatë natës makina e oficerit të policisë gjyqësore në postën e Përrenjasit

E B — Tue, 13 Jul 2021 07:32:56 +0000

Gjatë natës është djegur makina e Pëllumb Radiçit, oficer i policisë gjyqësore në postën policore të Përrenjasit.

Ngjarja ka ndodhur gjatë natës në Karkavec, pranë shtëpisë së tij.

Nuk dihen rrethanat e ngjarjes dhe pistat e hetimit, besohet ka lidhje me punën e tij si OPGJ.

Njoftimi i policisë:

Prrenjas/ Informacion paraprak

Më datë 12.07.2021, rreth orës 23:45, mjeti tip “Golf”, në pronësi të shtetasit P.R., i cili ishte i parkuar para banesës ka marrë flakë dhe për pasojë mjeti është djegur pjesërishtë.

Nga hetime paraprake dyshohet se mjeti ka marrë flakë si pasojë e një shkëndije elektrike, vijon puna për zbardhjen dhe dokumentimin e plotë të ngjarjes./albeu.com

The post Digjet gjatë natës makina e oficerit të policisë gjyqësore në postën e Përrenjasit appeared first on Albeu.com.