Sipas policisë, atmosfera ka qënë e mirë në prag dhe gjatë ndeshjes. Por me pas në qendër ka pasur trazira, duke u hedhur tymuese nga tifozët, duke shkatërruar objekte të ndryshme dhe thyerje xhamash. Ndër të tjera, policia përdori ujë për të shpërndarë turmën. Gjithashtu ata shkatërruan një tramvaj dhe një autobus. Biçikletat dhe skuterat gjendeshin nëpër rrugë të shkatërruara. Dy policë holandez u plagosën nga turma me gurë dhe shishë, të cilët më pas morën trajtimin në spital.

“Hapi tjetër është sigurimi i pamjeve filmike të kamerave në mënyrë që të zbulojmë se kush është përgjegjës”, tha zëdhënësi i policisë së Rotterdamit.

Ndërsa në Tiranë, asnjë incident nuk ndodhi pas ndeshjes, ku aty luhej edhe finalja e madhe. Policia e Tiranës me një deklaratë të shkurtër në Facebook bëri me dije se nuk ka patur asnjë incident pas ndeshjes.

Ndërsa një natë para finales, në Tiranë ka pasur trazira ku janë bërë rreth 60 arrestime të tifozëve të cilët u përplasën me policinë shqiptare./ h.ll/albeu.com

The post Në Tiranë mbizotëroi qetësia, në Rotterdam përplasje dhe arrestime pas ndeshjes appeared first on Albeu.com.

Disa nga efektivët e policisë janë plagosur por për fatin e mirë nuk kanë asgjë serioze, ndërkohë që disa tifozë holandezë janë shoqëruar në komisariat. Por mediat italiane nuk i konsiderojnë serioze këto skena në rrugët e Tiranës, pasi rreziku mund të jetë pikërisht sot, më 25 maj.

Pikërisht për të shmangur problemet ditën e sotme qeveria Shqipërisë ka vendosur që 25 maji të jetë festë publike, për të shmangur problemet me trafikun dhe gjithashtu për të mbrojtur ata që kanë një aktivitet tregtar. Sërish për arsye të rendit publik janë rregulluar tre zona të ndryshme tifozësh, me ato të Feyenoord-it dhe Romës të vendosura në dy pika të ndryshme të qytetit. Fanzona e tretë, ajo e dedikuar për shqiptarët, është në zemër të Tiranës, pra sheshi Skënderbej.

Megjithatë, disa përplasje nuk janë parandaluar, asgjë serioze, por testi i vërtetë  është dita e ndeshjes. Janë planifikuar edhe 176 fluturime të tjera, me qytetin që pret mijëra tifozë pa bileta. Një situatë e ardhur nga keqmenaxhimi i biletave nga UEFA dhe një stadium vetëm 22500 vendesh. Agjencitë ligjzbatuese shqiptare, italiane dhe holandeze, këto të fundit për të dhënë dorën edhe duke njohur tifozët, do të vendosen në masë për të shmangur më të keqen. Shqipëria e di shumë mirë që po luan shumë përsa i përket besueshmërisë./ h.ll/albeu.com

The post Mediat italiane për trazirat në Tiranë: Asgjë serioze, testi i vërtetë është 25 maji appeared first on Albeu.com.