Mazniku theksoi se përfaqësuesit e opozitës nuk po i lënë hapësirë maxhorancës për të folur, ndërkohë që në një moment i tërheq mikrofonin. Më pas Boçi ngrihet dhe largohet nga salla.

Boçi: Mund ta mbyll se nuk është etike. Jo me ma hequr mua mikrofonin.

Mazniku: Kanë folur nga ana e opozitës, nuk ka fol asnjë nga maxhoranca.

Boçi: Urdhër këtu nuk më jep kush. Jemi në pozitë të barabartë. Nuk është etike që ndërhyn në fjalën time. Tani e tepruat. Nuk po bëj pyetje, po bëj parashtrim. Unë e kuptoj se fjala pyetje ju axhiton. Ta përfundoj unë.

Mazniku: Nuk mund të vazhdojë kjo histori…

Boçi: Nuk bëhet kjo sfidë në këtë formë se jemi edhe live. Unë nuk pranoj sfida të tjera, jo një sfidë kaq të vogël. Në komision nuk pranoj sfida të tilla. Parashtrimin tim nuk dua të ma ndërpresë kush. Asnjë deputeti s’mund t’ia ndërpresim edhe ne dhe jo më të ndërhyjmë ne si bashkëdrejtues. Këtu stop orkestra.

Mazniku: Jepni fjalën.

Boçi: Mos bëj si kalama, ta mbaroj. Ça është kjo ndërhyrje.

Mazniku: Keni dy orë që nuk i jepni fjalën një personi të maxhorancës.

Boçi: Ja mbaje mikrofonin e fute në xhep. Kjo tregon autoritetin tënd.

Mazniku: Mos abuzoni me hapësirën që iu është lënë.

Boçi: Mbaje ta gëzosh.

The post Përplasje te Komisioni i Territoriales/ Boçi dhe Mazniku debat për fjalën! Bashkëkryetari demokrat braktis sallën: Mbaje mikrofonin e fute në xhep appeared first on Albeu.com.

Braçe nënvizoi se çmimet u rritën edhe për shkak të krizës, por megjithatë u shpreh kritik lidhur modelin e tregut në vend.

Një diskutim të ashpër e pati edhe me Berishën, pas ndërhyrjeve nga vendi,

“Modeli i tregut mban çmimet e larta dhe për shkak të këtij modeli tregu kemi këtë situata. Çmimi neto pa taksa vazhdon të mbetet më i larti. Askush nuk e merr kurajën të flasë për modelin e tregut, apo për modelin e taksës që ne kemi. Ne kemi akcizë , unë këtu kam qenë, taksën e qarkullimit e keni sjellë ju brenda çmimit të hidrokarbureve… E kishin 7 lekë, është zgjedhja jonë që e kemi bërë 27, më vjen keq që qeveria nuk vjen ta thotë me zë… Ne jemi munduar të bëjmë drejtësi. Se me këto tarifat e ulëta keni favorizuar ata që janë konsumatorë të mëdhenj. Kam votuar kundër unë edhe për punën e jahtit, mos ma përmend 150 herë…Hajde këtu dhe zër me gojë interesat e tregtarëve…”, tha ai.

Kreu i PD-së, Sali Berisha i është kundërpërgjigjur Erion Braçes, ndërsa pohoi se ky i fundit ishte mashtruesi më i madh për fermerët.

Berisha tha se Braçe duhej të ishte futur në grevë për këtë çështje, nëse nuk do të ishte hipokrit, ndërsa shtoi se nga Fieri e hoqi Belinda Balluku.

“Së pari, në këtë parlament kam denoncuar në mënyrën më të përsëritur taksën më të lartë në botë mbi litrin e naftës. Taksën më të lartë në planet mbi litrin e naftës. Bëj një check up, gjej një vend tjetër të ketë taksën e Shqipërisë. 

Së dyti, pasi të normalizohet taksa, jam 100% dakord të nxirret çdo përgjegjësi e tregtarëve. Por në qoftë se ti vë një taksë ku marzhi i fitimit të atij që tregton naftën është më i ulët sesa i atij në Maqedoni… Jo, jo, s’po bëj, s’po bëj avokatinë. Po bëj të vërtetën unë. Shiko, shiko. Gjatë qeverisë sime ka patur 32 licenca nafte. 32 licenca nafte! Por nuk ka patur 400.000 tonë kontrabandë qeveritare nafte. Gjatë asaj periudhe ka patur 400.000 automjete dhe janë zhdoganuar 650, 720.000 ton naftë. Dhe prodhoheshin në vend 200.000 tonë naftë në Ballsh. Po, po. Kurse sot 400.000 tonë vijnë nga Libia. Po kush i merr ato, mor? Po ku ka privat që mund t’i marrë ato? Ato i marrin vetëm qeveritarët. Ato vijnë me gjemi. Ato shkarkohen për qeveritarët. Pra, kjo është problemi i naftës. Por, nuk ka diskutim se në qoftë se vë taksën më të lartë në botë, je mëkatari më të madh ndaj qytetarëve të tu, ndaj fermerëve të tu. Dhe unë prisja që ti sot, po të mos ishe hipokrit siç je, të filloje grevën e urisë këtu për çmimin e naftës për fermerët. Po të hoqi Lubia nga Fieri, dhe tani nuk pyet më për ta fare. Mirë ta bëri!”, tha ai.

The post Berisha përplaset me Braçen: Të hoqi Balluku nga Fieri, mirë ta bëri appeared first on Albeu.com.

Milo theksoi se që nga viti 2005 e deri më sot, PS ka kaluar në një fazë ku vendimmarrja është përqendruar kryesisht në duart e kryetarit, duke zbehur rolin e strukturave dhe institucioneve të brendshme.

Sipas tij, organizimi aktual i PS-së ka krijuar një model ku institucionet partiake kanë rol periferik dhe shpesh funksionojnë si fasadë, ndërsa ndikimi kryesor mbetet te lideri. Milo e cilësoi këtë si një formë të centralizimit të pushtetit, që ka ndikuar në dobësimin e demokracisë së brendshme.

“Kjo është histori më vete që ka një të kaluar. PS është transformuar gjatë lidershipit të zotit Rama. Që nga 2005 e deri tani, është një epokë e tërë. Lidershipi i PS, ose institucionet e saj janë rrudhur, nuk kanë ndonjë rol qendror në vendimmarrje, është dukshëm e shfaqur, por kanë rol periferik. Kanë rol thjesht fasadë. Pushteti absolut që ka zoti Rama brenda PS ka diktuar një politikë të atillë që këto institucione ku anëtarë të veçantë nuk kanë rol ose e kanë minimal. Kjo është mënyrë e dukshme. PS sot portretizohet si ekip politik administrativ, si një parti-shtet, që i ka të gjitha hallkat në dorën e saj dhe aty vendos kryetari i partisë. Mund të mos jetë përjashtim, kjo varet.

Nuk dua të hy në detaje. Aty është krijuar një mënyrë qeverisjeje dhe administrimi që lë vend për debat, për ankesa sepse ka humbur koncepti bazë i funksionimit të një partie politike që është demokracia e brendshme. Ka shumë që i dëgjoj që përgjegjësinë kryesore ia japin zotit Rama për atë çka po ndodh në PS, por jam pjesërisht dakord me ta”, u shpreh Milo.

Ai shtoi se përgjegjësia për këtë situatë nuk i takon vetëm Ramës, por edhe figurave të tjera brenda partisë, të cilat, sipas tij, nuk kanë treguar kurajo për të shprehur mendimet e tyre ndryshe, duke mbështetur vazhdimisht lidershipin.

“Për mendimin tim sa përgjegjës është zoti Rama për këtë trajektore të PS nga një parti e hapur në një të mbyllur, përgjegjësi kanë dhe ata të tjerët që vinë rrotull tij. Asnjë prej tyre nuk ka pasur as kurajo dhe as mendësi demokratike europiane për të thënë mendimin e tyre. Duke vlerësuar atë çka po ndodh tani në kuptimin e shprehjes së mendimeve dhe vënien e gishtit te plaga e PS, ata i kanë thurur lavde kryetarit të partisë, e kanë mbështetur atë, kanë qenë pjesë e ekipit për të cilat ata ankohen sot.

Në momentin kur kanë humbur pozicionin në qeveri apo hierarkinë politike të PS, kanë marrë kurajon të vënë gishtin në plagë. Jo se nuk kanë të drejtë, por këto janë probleme të vjetra në PS dhe nuk janë manifestuar tani. Qoftë për zonjën Spiropali apo dhe Braçen apo dhe zëra të tjerë që nuk flasin publikisht. Duhet vepruar me qetësi dhe të kishte më shumë urtësi dhe më shumë kolegjialitet dhe të korrigjohet sa nuk është vonë. Po nisi një lëmsh të shthuret, s`e ndalon dot.

Ajo ç`ka po ndodh, duhet administruar me kujdes. Nuk duhet vlerësuar me zemëratë. Përkundrazi mendoj që do të ishte e udhës të kishte më shumë urtësi dhe më shumë kolegjialitet për të korrigjuar atë cka mund të korrigjohet sa nuk është vonë. Po filloi një lëmsh të shthuret nuk e ndalon dot”, shtoi Milo.

The post Përplasja e Ramës me Spiropalin/ Paskal Milo: PS portretizohet si një parti-shtet në duart e kryetarit, po nisi lëmshi të shthuret, s’e ndal dot appeared first on Albeu.com.

Socialisti Erion Braçe, teksa ishte i ftuar në “Shqipëria Live” ka folur edhe për përplasjet brenda PS-së me Elisa Spiropalin.

Sidorela Gjoni: Dje ka pasur diskutime brenda PS-së. Përplasja në distancë apo edhe ballë për ballë e asaj ajo që ndodh në PS. Keni ju një mendim për zërat e ndryshëm në PS-së, një koment që u diskutua dje ishte ai që mund të ketë bërë Rama drejtuar Elisa Spiropalit: “PS-ja dhe unë jemi investuar tek ti, ti nuk do të flasësh më”.

Sidorela Gjoni: Te Spiropali në këtë rast

Erion Braçe: Unë flas për veten, nuk preferoj të flas për emra. Unë mendova që gjëja nuk po i thuhej vetëm zonjës Spiropali, por edhe mua ose të tjerëve në sallë. Unë vazhdoj të jem deficitar në PS. Në PS ka shumë njerëz që nuk e kanë pasur mundësinë që unë kam pasur. Janë socialistë të thjeshtë, në etapa të ndryshme, por edhe ata kanë pritur nga PS dhe nuk kanë marrë atë që meritonin.

Sidorela Gjoni: Ka të tjerë që kanë marrë më shumë se çfarë kanë merituar?

Erion Braçe: Patjetër që ka plot.

Sidorela Gjoni: A është Spiropali rast i tillë?

Erion Braçe: Nuk jam unë të bëj gjykatësin e kontributeve në PS. Mendoj që është partia që përmes proceseve demokratike t’i japi atë që meritojnë.

Sidorela Gjoni: A ka përplasje brenda PS mes Spiropalit dhe Ramës?

Erion Braçe: Për çfarë? Nuk preferoj të flas për gjërat e shtëpisë. E ka parim timin që gjërat e shtëpisë mbeten në shtëpi, nuk dalin jashtë.  Zonja Spiropali ka ngritur disa shqetësime që edhe qëndrojnë, edhe për mua qëndrojnë edhe për të tjerë aty, edhe për kryeministrin qëndrojnë. Në momentin që themi që duhet të rienergjizojmë PS, që duhet ta hapim PS, duhet ta bëjmë më demokratike, praktikisht kemi pranuar një seri problemesh që duhen kuruar.

The post Erion Braçe: Disa nga ato që thotë Spiropali qëndrojnë, PS ka investuar te ne, jo e kundërta, ka plot që kanë marrë poste që nuk i meritojnë appeared first on Albeu.com.

Mësohet se Rama i ka vënë ultimatum Elisa Spiropalit, duke e paralajmëruar se duhet të zgjedhë ose të jetë me PS-në ose kundër saj.

Burime të Panorama, bënë me dije se Kryeministri i ka kërkuar Spiropalit që të ndalë postimet në rrjetet sociale kundër PS-së, në të kundërt do e gjeje vetën e përjashtuar nga Grupi Parlamentar.

“O me ne, o përballë nesh, merr frymë thellë dhe kupto atë që ke bërë”, mësohet të jetë shprehur Rama gjatë mbledhjes pa media.Më tej, mësohet se Spiropali ka kërkuar të drejtën e fjalës, por kjo i është mohuar nga Rama.

“Ke postuar 2 herë në rrjete sociale, herën e 3-të do të përjashtohesh”, mësohet të jetë shprehur Rama, i cili më tek ka thënë se: “Unë po bëj replikë për çfarë ke shkruar ti. Je akoma këtu sepse nuk dua që PS të humbasë investimin që ka bërë”.

The post Zbardhet përplasja e fortë mes Ramës dhe Spiropalit/ Kryeministri ultimatum deputetes së PS: O me ne, o përballë nesh, je këtu sepse… appeared first on Albeu.com.

Seanca do të mbahet më 2 Dhjetor në orën 09:00 dhe shkak u bë kërkesa e avokatëve të Veliajt për t’u njohur me aktet.

Avokatët e Erjon Veliajt, i kërkuan kohë gjykatës gjatë seancës paraprake për t’u njohur me aktet.

Ata kërkuan që klienti i tyre, kryebashkiaku i Tiranës, të njihet vetë me aktet dhe ata t’ia çojnë në burg.

Prokurori i SPAK replikoi duke iu drejtuar që “jeni njohur me aktet, kërkoni të gjykoheni dhe nuk vini në gjykim”.

The post Shtyhet seanca ndaj Veliajt, përplasja në GJKKO mes avokatëve dhe prokurorit të SPAK appeared first on Albeu.com.

Berisha tha se; “Ilir Rusmali është shkarkuar nga Sali Berisha për korrupsion”.

SIpas kreut të PD-së, vëllai i Ilir Rusmalit, ka kërkuar të marrë një tender tek Drejtoria e Burgjeve.

“Ilir Rusmali, në vend që të kritikonte vëllain dhe të mbante qëndrim ndaj vëllait, në kundërshtim me Kushtetutën dhe ligjin, shkarkon drejtorin e përgjithshëm të burgjeve, në një kohë kur nuk ishte nomenklaturë e tij, ishte e kryeministrit ose e këshillit të ministrave. Ministria kishte vetëm propozimin”, tha Berisha.

Pjesë nga deklarata:

Ngjarja ka qenë, drejtori i përgjithshëm i burgjeve, Dashamir Maçi, kishte hapur një tender.

I vëllai i ministrit i shkon drejtorit dhe i kërkon tenderin.

Nuk ishin standardet e Edi Ramës, as të Lubisë, ishin standardet e Sali Berishës.

Ai thotë, ik tani dhe mos u duk këtu se nuk ke punë ti, je vëllai i ministrit, nuk mund të vish këtu për tenderin.

I vëllai i ministrit e kërcënon drejtorin e përgjithshëm se do pësosh këtë dhe atë.

Mençurisht ai e regjistron. Mençurisht Dashamir Maçi e regjistroi kërcënimin dhe e solli në zyrë tek unë.

Ilir Rusmali, në vend që të kritikonte vëllain dhe të mbante qëndrim ndaj vëllait, në kundërshtim me Kushtetutën dhe ligjin, shkarkon drejtorin e përgjithshëm të burgjeve, në një kohë kur nuk ishte nomenklaturë e tij, ishte e kryeministrit ose e këshillit të ministrave. Ministria kishte vetëm propozimin.

I them, se më duhej të nisesha jashtë, sapo të kthehem do e trajtoj.

Vij unë këtu, ky kishte bërë shkarkimin.

Në qoftë se ishte për të qëndruar ndaj korrupsionit, ministri duhej të lavdëronte drejtorin për qëndrimin që mbajti ndaj vëllait të tij, që i tha jo nuk ke punë ti këtu me tenderin.

Por ministri mbajti anën e vëllait, çka do të thotë se mund të kishte interesa, dhe shkarkoi drejtorin. Dhe unë shkarkova ministrin.

Absolutisht. I thashë, me këtë që ke bërë, duhet të largohesh.

Do bëhej largimi, shkoi në zyrë dhe solli një shkresë dorëheqje dhe kjo është gjithë puna.

Por historia është kjo.

The post U shkarkua për korrupsion/ Berisha tregon përplasjen me Ilir Rusmalin: Vëllai i tij donte tenderin te “Burgjet”, i thashë me këtë që bëre… appeared first on Albeu.com.

Ndërkohë, policia bën me dije se 31-vjeçari ka tentuar arratisjen, pasi blutë i kanë bërë shenjë të ndalojë sepse do t’i nënshtrohej një kontrolli.

“31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital”, njofton policia.

Tiranë/Informacion paraprak:

Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin Imer Krrashi, 31 vjeç, pasi kishin marrë informacion se 31-vjeçari qarkullonte me armë zjarri.

Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.

Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë.

Infomacion më të detajuar do të jepet në përfundim të veprimeve proceduriale.

The post Zbardhet emri i autorit të ngjarjes në Tiranë, efektivi dhe bashkëshortja po udhëtonin me motor kur u përplasën nga 31-vjeçari appeared first on Albeu.com.

“Përshëndetje të gjithëve! Ju falenderoj për interesimin dhe komentet por ju garantoj që nuk ka asnjë debat në lidhje me shkarkimin e administratorëve. Kjo është një nisëm për ripërtëritjen e administratës, për një rritje në cilësinë dhe sasinë e shërbimeve ndaj qytetarëve.

Kush e ndien veten që mund të bëjë më tepër është i ftuar të aplikojë për këto pozicione pranë sekretarisë se bashkisë Konispol. Me këtë administratë kemi bërë plot punë të mira për komunitetin, pastrim teritori, kanale kullues e vaditës, kemi shuar zjarre, kemi bere ndriçim publik ne 100% të teritorit, kemi shtruar rrugë rurale, infrastrukturë bujqësore, kemi bërë projekte, kemi pritur e trajtuar qindra kërkesa/ankesa, kemi asistuar në aplikime të ndryshme e-albania, kemi organizuar aktivitete kulturore, mirmbajtje rrugë rurale, mirmbajtie e investime në shkolla etj etj.

Ka akoma për të bërë? Patjetër që po. A janë të gjithë punonjësit njësoj të përkushtuar? Po ju them unë që jo. Por punonjësit varen dhe angazhohen nga ai që i drejton. Nëse drejtuesi nuk ka pasionin, dëshirën dhe dashurinë për vendin e vet atëherë dhe punonjësi do bëje aq sa për t’u dukur. Në Konispol ju siguroj se gjenden të gjitha këto dhe çdo ditë bëhet punë. A mjaftojnë këto? Sigurisht që jo. Këtu na duhet ndihma juaj dhe opinioni juaj.

Nëse administrata punon mirë dhe është në shërbim të qytetarit ska vend për frikë dhe nuk lëviz asnjë. Opinioni juaj vlen dhe është vlerësimi i performancës për ne. Mos nguroni të shprehni mendimin tuaj per secilin nga punonjësit e bashkisë Konispol, na shkruani për cdo problematikë. Shpresoj që kjo nisëm të vazhdojë në çdo zyrë shteti ku i shërbehet qytetarëve!”.

The post Përplasje me Ramën për shkarkimin e administratës? Reagon kryebashkiaku i Konispolit: S’ka vend për frikë dhe nuk lëviz asnjë appeared first on Albeu.com.

Anëtarët kryesorë të grupit kanë pasur disa kode komunikimi në këtë platformë, duke biseduar jo vetëm për trafikun e drogës heroinë-kokainë, por dhe për atentate të ndryshme me vrasës me pagesë, emërimi në administratën shtetërore dhe Policinë e Shtetit, tenderat publikë si dhe marjen e lejeve të ndërtimit në Durrës dhe jo vetëm.

Klani i “Troplinëve” në Durrës, njihet si një rreth vicioz që kryesisht aktivitetin e ka pasur në trafikun e drogës dhe në tregtinë e ligjshme që zhvillonte në Durrës.

Xhevdet Troplini (Poja), nipi i tij Elvis Doçi, Fatmir Troplini dhe familjarë e shokë të tjerë të këtyre emrave kanë krijuar një zinxhir biznesesh në Durrës, duke filluar nga supermarketet, bastet sportive, disa kafene, firma ndërtimi e shumë biznese të tjera.

Gazetari i “Ora News”, Elton Qyno, ka mësuar se Elvis Doçi alias “Visi i Pojës” dhe Fatmir Troplini, janë njerëzit që kanë folur sistematikisht në “SKY” dhe kanë mbajtur të fshehur në Durrës, Nuredin Dumanin, bashkëpuntorin e prokurorisë së Posaçme SPAK.

Tashmë Elvis Doçi, është natyralizuar në një biznes të sukseshëm, duke arritur të marë jo vetëm tendera publikë por dhe leje ndërtimi përmes kompanisë “Eldemar Construksion”.

Doçi ka hapur në vitin 2024 kompaninë “ROCK OF KAVAJA” me qëllim:

“…Investime të ndryshme në fushën e hoteleri-turizmit dhe strukturave rezidenciale. Zhvillim, ndërtim, administrim dhe operim i strukturave turistike/hoteliere dhe rezidenciale duke përfshirë këtu hotele, apart-hotele, vila, apartamente banimi,ambiente shërbimi, qendra tregtare, ambiente rekreative dhe argetuese, etj. Shitje dhe dhënie me qira e pasurive të paluajtshme…”.

Në emër të Doçit janë të rregjistruar biznese të tjera si: “Cara Na”, bar kafene “Porside” etj.

Grupi ka mbajtur një profil të ulët mediatik, duke lëvizur më tepër në heshtje, megjithëse për policinë dhe pak gazetarë të Kronikës së Zezë në Shqipëri, letrat ishin hapur prej vitesh.

Për herë të parë Troplinët dolën në titujt mediatikë kur një raport i Ministrisë së Brendshme, informonte Prokurorinë e Krimeve të Rënda, se Emiljano Shullazi dhe grupi i tij kishte ndërmarë veprime për gjobitjen e biznesmenit Xhevdet Troplini.

Këto veprime të Shullazit, nuk u provuan kurrë nga Krimet e Rënda, por ky ishte moment kur klani Troplini tregon fuqinë dhe potencialin e tij për të luftuar dhe qëndruar kundër grupit të Emiljano Shullazit.

Troplinët, futen në luftë frontale me grupin e Emiljano Shullazin që në atë kohë ishte i paprekshëm dhe mbështetej fort dhe nga grupi i Plaurent Dervishaj dhe Lulzim Berishës.

Për shkak të kësaj përplasje në fillim të vitit 2016 në Durrës, pikërisht në lokalin “Porside” rrëmbehet nga një skuadër kriminale me veshje të policisë RENEA, Gazmend Çollaku.

Pas disa ditësh Çollaku u gjend i pajetë, teksa ishte lidhur me tel dhe torturuar në zonën e Fushë-Krujës.

Ngjarja solli ngjarjen, ku për këtë krim u arrestua dhe u dënua me pas me burgim të përjetshëm vetëm Denis Shtraza, një i njohur i Shullazit në Durrës.

Ndërsa u shpall në kërkim Ervin Dalipaj, një ish-punonjës policie në Tiranë. Por një vit më pas nga vrasja e Gazmend Çollakut, vritet në Sukth të Durrësit, Ervin Dalipaj dhe vlonjati Juxhin Dauti.

Sot e kësaj ditë kjo ngjarje ende nuk ka asnjë autor të dyshuar. Për shkak të rivalitetit të madh mes dy grupeve në lojën e kësaj lufte futet dhe Ervis Martinaj, me qëllimin për të dobësuar linjat e forta dhe të sigurta të kokainës që kishin krijuar Troplinët në Durrës dhe vende të ndryshme të Europës.

Mes shumë atentateve, Troplinëve në 22 Maj 2022 ju vra vetëm Arben Mërkuri (Ismaili), i njohur ndryshe me nofkën “Maneci” dhe që ishte skeduar nga policia si vrasës me pagesë.

The post Klani “Troplini” dhe përplasja frontale në Durrës me grupin e Emiljano Shullazit appeared first on Albeu.com.