Nga këto vota, KQZ njofton se Përparim Rama ka dalë i pari me 51,54 për qind të votave.

Kurse kandidati i Vetëvendosjes, Hajrullah Çeko, ka dalë i dyti me 48,46 për qind.

“Sonte është festa e qytetit tonë, e shpresës e unitetit dhe e demokracisë. Sonte festojmë të gjithë qytetarët e Prishtinës, pa dallim bindjesh sepse ka fituar vullneti për zhvillim, për unitet dhe për qytetari”, tha kryetari aktual i Prishtinës, Përparim Rama para simpatizantëve të partisë.

Ai tha se kjo është fitorja e pjekurisë së Prishtinës “se Prishtina zhvillohet vetëm kur e ndërtojmë bashkë, sepse Prishtina është e të gjithëve”.

“Sot fitoj qytetari që kërkon bashkëpunim e jo bllokim. Fitoj kultura demokratike, mbi kultin e individit, fitoi dinjiteti, uniteti dhe civilizimi politik i këtij qyteti. Kjo është fitorja më e madhe që mund të ketë një kryeqytet”, tha Rama.

Ai e ka përshëndetur edhe kundërshtarin e tij, Hajrulla Çeku, duke i dhënë edhe një mesazh. “E ftoj të reflektoj me frymë qytetarie. Prishtina ka nevojë për bashkëpunim jo për bllokim”, tha ai.

The post LDK fiton Prishtinën: Rama fiton mbi 51%, Çeku merr rreth 48% appeared first on Albeu.com.

Sahatçiu e cila është bashkëpartiake e Musliut, ka thënë se ky shkarkim është një “revansh” i Perparim Ramës dhe sipas saj po ndodh për shkak të qëndrimit të PDK-së për çështjen e diskutuar të shkëmbimit të pronave në Badovc, shkruan Express.

Ilirik Musliu ka qenë motorri i qeverisjes së mirë të PDK në Prishtinë. Me Ilirik Musliun, problemi i mbeturinave as nuk ka fillu e as nuk ka pasë mundësi me u mbyll. Ky është problemi më kompleks i Kryeqytetit, e për këtë kemi shumë për të thënë.

Përparim Rama në dhjetor dha urdhër për fillimin e procedurave të prokurimit për digjitalizim në arsim pa njohurinë time pasi unë, në cilësinë e U.D. Drejtore e Arsimit, nuk pata pranuar të nënshkruaj deklaratë disponueshmërie për një proces të dëmshëm, pa leje nga ASHI, kundër rekomandimeve të auditorit, me specifika e planifikim buxheti skandaloz. Njejtë, Përparim Rama, si Zyrtar Kryesor Administrativ, ka mundur të jep urdhër për çfarëdo procesi që paska mundur të rregullojë menaxhimin e mbeturinave, pa njohurinë dhe përfshirjen e Ilirikut. Pse nuk e ka bërë, e din ai vetë.

Shkarkimi i fshehur i Ilirik Musliut sot përmes rrjeteve sociale, pa e komunikuar tek ai dhe askush tjetër rreth tij, është revansh i pastër. Na duket si revansh politik por nga një jopolitikan si Përparim Rama, revanshet janë personale.

Ky shkarkim, që i madh e i vogël sot në Prishtinë e di se nuk ka fare të bëjë me mbeturina e me Ilirikun, vjen pasi si PDK ritheksuam publikisht qëndrimin tonë politik që nuk do të mbështesim me asnjë kusht propozimin e tij për këmbim pronash me epiqendër zonën e Badovcit dhe çdo propozim tjetër që dëmton interesin publik.

Më 2 shkurt 2022 me Ilirikun i’u bashkuam qeverisjes në Prishtinë. Më 2 shkurt 2024, Përparim Rama filloi revanshin publik.

The post Përplasje mes PDK dhe Perparim Ramës në Prishtinë, Përparim Rama u hakmorr për Badovcin appeared first on Albeu.com.

Pas deklaratave të tij, Berisha buzëqeshi dhe u shpreh se është një nga themeluesit e PD.

Ai vijoi fjalën e tij duke thënë se në protestën e së shtunës mund të shkojnë me këngë e valle dhe të hedhin nga një lopatë dhè për rrëzimin e Edi Ramës.

Përparim Rama: Zoti i madh dëgjoi lutjen time. Nuk kam lënë kishë e xhami pa ndezur qiri për rrëzimin e Edi Ramës. Jam Përparim Rama. Doktori më njeh.

Sali Berisha: Një nga themeluesit.

Përparim Rama: Falenderoj të madhin Zot dhe që atë gropën që kishim hapur neve, ata ranë vetë. Them se kjo do të jetë protesta më e bukur sepse ne do shkojmë vetëm sa për të hedhur nga një lopatë dhè se ai ka rënë në varr. Ai është i vdekur politikisht. Është një kryeministër i mbaruar se po lan të gjithë ato gjynahe që juve i thatë. Them të shkojmë të gëzuar me këngë e valle për të festuar rrëzimin e tij. Ai ka marrë fund. Nuk ka më nevojë që ne të përdorim dhunë, molotov apo çfarë kishim në mend. T’ia hedhim atë lopatën me dhè. Ju Berisha më keni nxjerrë mallin e fillimit të viteve ’90 kur me të njëjtën energji, juve na u rikthyet për të na shpëtuar të gjithë neve. Për të shpëtuar kombin shqiptar. I lutem Zotit që këtë shëndet që keni, ta keni sa më gjatë.

The post Demokrati i flaktë-Berishës: Nuk kam lënë kishë e xhami pa ndezur qiri për rrëzimin e Edi Ramës (VIDEO) appeared first on Albeu.com.

Rama përmes një shkrimi në rrjetin social Facebook tha se sot u nënshkrua marrëveshja me Policinë për vendosjen e sistemit të kamerave.

“Tash e sa kohë jemi në bashkëpunim të ngushtë me Policinë e Kosovës për hartimin e marrëveshjes për vendosjen e sistemit të kamerave dhe mënyrën e mirëmbajtjes së rrjetit të kamerave në hapësirat publike të Kryeqytetit, marrëveshje e cila u nënshkrua sot” – tha Rama.

Ai theksoi se së bashku me organet e rendit do të realizojnë aktivitete të përbashkëta për sigurinë në kryeqytet.

“Bashkë me Policinë e Kosovës u zotuam se do të koordinojmë aktivitete të përbashkëta për përmirësimin e sigurisë në hapësirat publike të Kryeqytetit” – theksoi ai.

The post 5 djem abuzuan me 11-vjeçaren në park, kryetari i Prishtinës: Hapësirat publike tashmë do të vëzhgohen nga kamerat appeared first on Albeu.com.

Megjithatë, jo gjithçka shkoi mirë dhe eksperimenti i Kryetarit të Prishtinës, Përparim Rama, nervozoi dhe irritoi shumë qytetarë, pasi që u shkaktuan kolona të gjata dhe rrëmujë e madhe në trafik në pjesën më të madhe të qytetit.

Eksperimenti që po zbatohet sot, do të vazhdojë edhe nesër. Rrugët që që janë shndërruar në një njëkahëshe janë rruga “Agim Ramadani”, rruga “UÇK”, rruga “Migjeni”, rruga “Luan Haradinaj”, rruga “Garibaldi”, rruga “George Bush” dhe rruga “Eqrem Çabej”.

Me mëngjes, nënkryetari i Prishtinës, Alban Zogaj, shkroi në Facebook duke pyetur miqtë e tij dhe qytetarët për vlerësime lidhur me eksperimentin.

“Kemi nevojë për feedback! Si po ju duket qarkullimi një-kahor? Na dërgoni foto”, shkroi Zogaj.

Ndonëse qëllimi i këtij testi, ishte për ta çliruar kryeqytetin nga ngarkesat në trafik, në ditën e parë të tij, ndodhi e kundërta. Dhe nënkryetari Zogaj si dhe kryetari Rama, morën reagimet, por ato ishin pothuajse të gjitha negative.

Një prej reagimeve të shumta që doli kundër këtij eksperimenti të Kryetarit Rama, ishte edhe ai i kryetarit të GP të AAK-së, Besnik Tahiri, i cili tha se duhet anuluar menjëherë.

“Organizimi një kahor i rrugëve (unazë të brendshme) në kryeqytet, del të jetë një testim pa rezultat të qartë dhe në fakt me ndikim negativ. Të tilla testime, kur nuk janë të mirëmenduara e planifikuara rrezikojnë legjitimitetin e veprimeve të ardhshme për Mobilitetin Urban. Edhe pse qëllimi i deklaruar, del të jetë ambiental, tollovia e shkaktuar nuk i shërben kësaj. Aq më tepër, kur rritja e qëndrimit në rrugë (kolona) rrit ndjeshëm ndotjen, e dihet se një ditë e zakonshme gjatë vikendit, bllokada dhe frekuenca është ndjeshëm më e ulët. Ky veprim, e të tilla duhet anuluar menjëherë nga Kryetari Rama, në mënyrë që t’u hapet rrugë veprimeve të planifikuara mirë”, ka shkruar Tahiri sot në një postim në Facebook.

Reagime të shumta pati edhe nga qytetarët.

“Është qytet shumë i madh, nuk është zgjidhje për një punë të sillen në gjithë qytetin”, tha qytetarja Fitore Jashari, ndërkaq Gazmend Gashi e sheh si të pamundur zbatimin e këtij plani.

“E tmerrshme, nuk funksionon, është e pamundshme. Shumë vetura, nuk ka shanse të funskionoj… E palogjikshme defenitivisht”, tha Gashir.

Një tjetër qytetar me emrin Zegjir Tora tha se nëse kryeqytetit u bllokua të shtunën, të hënën, kur fillon java dhe dendësia është më e madhe, do të jetë edhe më keq.

“Veç po e bllokon, kurrfarë zgjidhje. Sot e shtunë edhe është blloku, po të hënën (ditë e punës)”, tha ai.

Kryetari Rama ka qenë në vëmendjen e publikut dhe mediave ditëve të fundit edhe për një deklaratë të tij për një qen endacak që kishte sulmuar qytetarët. Ai tha se qeni ishte kapur dhe ishte marrë në mbajtje, një deklaratë që jipte përshtypjen se qeni po trajtohej juridikisht nga organet e drejtësisë si person.

“Ai tani është në mbajtje dhe do të trajtohet në bazë të proceseve ligjore dhe do të trajtohet si i tillë. Jemi duke bërë çdo gjë për ta zgjidhur problemin e qenve endacakë”, kishte thënë Rama në konferencë për shtyp të premten. /GazetaExpress

The post Eksperimenti i kryetarit eksperimental që e bllokoi krejt Prishtinën appeared first on Albeu.com.

Në një postim në Facebook, Rama shkruan se sot ka shkuar në zyrë, pasi ka rezultuar disa herë negativ.

“Mirmëngjesi prej zyrës së Komunës! Mbasi kam rezultuar negativ disa herë, sot, puna po vazhdon prej zyrës. Ju falënderoj për kujdesin që treguat gjatë ditëve të izolimit”, ka shkruar ai.

Kujtojmë se Rama para 7 ditësh kishte njoftuar se është infektuar me COVID-19, për herë të dytë./albeu.com

The post Shërohet nga Covid-19 kryetari i Prishtinës, Përparim Rama appeared first on Albeu.com.

Mbrëmë, Rama në një emision pyeti se “Cili është Isa Mustafa?”, pasi iu përmend ish-kryetari i LDK-së, i cili në replikë tha se kryetari i ri i Prishtinës është ende në muajin e mjaltit.

Rama, më 16 nëntor në një intervistë për “Kallxo” ishte pyetur se pse nuk e ka asnjë fotografi me Mustafën. Ndonëse s’kishte shumë kohë që Mustafa kishte dhënë dorëheqje nga pozita e kryetarit të partisë më të vjetër në vend, ai që garonte nën sloganin e këtij subjekti politik pak muaj më pas, pati thënë se Mustafa nuk ishte më kurrgjë.

“Nuk është kurrgjë ai, nuk është në struktura, a po? Nuk kam problem me pasë fotografi me askënd, me askënd. Mundet me u fotografu me mua kush të ka qejf”, kishte deklaruar Rama.

Kryetari i sapozgjedhur i kryeqytetit, megjithatë e kishte dhënë një hipotezë, në përgjigjen se pse s’e kishte asnjë fotografi me Mustafën. Edhe kjo, me një dozë talljeje.

“Qe s’më ka ra rasti. S’e ka pasë nderin. Ndoshta që ka dalë fillimisht kundër meje, a di, që ka thënë është dashtë me qenë dikush tjetër, e jo unë. Ndoshta për atë”, kishte thënë Rama.

Mustafa e ka porositur kryetarin e ri të Prishtinës që të fillojë të punojë, pasi ky i fundit nuk mbeti pa u përgjigjur kur iu përmend ish-kryetari sërish të shtunën në emisionin “Oxygen”.

“Cili, cili është? Niva që është njëfarë këngëtari, qashtu e ka emrin”, tha Rama duke qeshur, e shtoi më pas se “shefi jem është qytetari i Prishtinës”./Ekspress/

The post Shakaja e Ramës për Mustafën s’doli nga hiçi, kryetari dhe ish-kryetari s’ia çojnë mirë prej kohësh appeared first on Albeu.com.

Rama në emisionin DPT te Fidani në T7 se ka thënë se ka 7 ditë që ka thirrur Vitinë në takim dhe se oferta e tij është e sinqertë.

Ish-kandidati për kryetar të Prishtinës nga radhët e Lëvizjes Vetëvendosje, Arben Vitia, nuk i është përgjigjur ende ftesës së kryetarit të ri të kryeqytetit Përparim Rama, për të marrë postin e drejtorit të Shëndetësisë.

“100% e sinqertë. E kam thënë edhe gjatë kampanjës. E thashë edhe dje. Ideja është që të krijojmë nj ekip profesioniste me njerëz profesional që mund të dërgojnë çështjet përpara. Kjo është ekip profesionale jo politike. Punët që na presin duhet të jenë të shtyra nga njerëz profesionistë”, ka thënë Rama.

Ndërsa sot Rama ka thënë se ende nuk ka marrë përgjigje nga Vitia për këtë ofertë. “Jo”, është përgjigjur shkurt Rama në Klan Kosova./albeu.com/

The post I propozoi kundërshtarit post, a i është përgjigjur Vitia ofertës së Ramës? appeared first on Albeu.com.

Në mbledhjen inauguruese të Kuvendit të Komunës së Prishtinës, janë betuar anëtarët e rinj të kuvendit dhe kryetari i ri i kryeqytetit, Përparim Rama.

“Nga sot, ne iu përvishemi punëve. Prishtina do të jetë qytet i fëmijëve, të moshuarave, prindërve, sportistëve e artistëve. Vend plot mundësi, qytet i gjelbër. Me trafik të komunikueshëm e i digjitalizuar”, ka deklaruar kryetari Rama.

“Të nderuar asamblistë, si kryetar i Prishtinës, do të bashkëpunoj me secilin prej jush, për të mirën e kryeqytetit, për Prishtinën”, ka thënë Rama.

Përparim Rama nga Lidhja Demokratike e Kosovës doli fitues në raundin e dytë të zgjedhjeve lokale, ku ishte në garë me Arben Vitinë e Lëvizjes Vetëvendosje.

The post Përparim Rama betohet si kryetar i Prishtinës appeared first on Albeu.com.

Mbledhja inauguruese ku pritet të bëhet betimi i anëtarëve të Kuvendit Komunal të Prishtinës dhe betimi i kryetarit Rama do të nisë në ora 10:00.

The post Përparim Rama sot merr detyrën e kryetarit të Prishtinës appeared first on Albeu.com.