“Një person më përndiqte, sa hapja ashensorin e gjeja aty. Pyeta nëse mund të mbaja ndonjë spray, por më thanë se është e palejueshme. Djali u mor nga policia dhe u dënua një vit, sapo doli filloi përsëri përndjekjen dhe u rikthye sërish në burg se unë bëra kallëzim. Sot sapo ka dalë nga burgu ka përndjekur një juriste. Unë fillova të mos jetoja, shikoja në çdo moment mos e kisha pas. Falë zotit policia mu gjend pranë dhe sot jam pak më e qetë”, tregoi Rozana Radi.

Djali 28-vjeçar nga Tirana, i cili u dënua me burg për përndjekjen e Rozana Radit nuk ka mundur dot të shijojë lirinë. Ai është ‘fiksuar’ me juristen e burgut 313 gjatë qëndrimit në izolim dhe një vit pasi doli nga institucioni i vuajtjes së dënimit, përfundoi sërish aty.

The post Rozana Radi rrëfen tmerrin me personin që e përndiqte: Më dilte kudo appeared first on Albeu.com.

Sipas burimeve nga specialistët për hetimin e krimeve në Komisariatin Nr. 2 në Tiranë, mjeku 42-vjeçar është arrestuar pasi dyshohet se ka përndjekur një 28-vjeçare, duke u shfaqur disa herë pranë banesës së saj.

Tubime solidariteti në mbarë Greqinë, Pano Ruçi: Nuk e di nga se vdiq djali im, jam në grevë urie për çdo fëmijë që humbi jetën në Tempi
Kamberi ndodhet në qelinë e burgut “Mine Peza”, pasi u kap nga efektivët e policisë, ndërsa moderatorja kishte planifikuar skenën, duke e ftuar në një takim në një zonë të Tiranës.

Sapo Kamberi është paraqitur në vendin e takimit, ai është arrestuar nga oficerët e Komisariatit Nr. 2 të Tiranës, ku ndaj tij rëndon akuza për veprën penale të përndjekjes, ndërsa hetimet janë në vijim.

The post “Dashuria platonike” ndaj moderatores, arrestohet mjeku psikiatër pasi përndiqte 28-vjecaren appeared first on Albeu.com.

U bë me dije se 34-vjeçari me inciale K.M., ka përndjekur ish të dashurën në rrjetet sociale dhe ka lënë 2 fishekë arme gjahu, në oborrin e banesës së familjarëve të kësaj shtetaseje, me qëllim kanosjen.

Po ashtu në pranga ra edhe një 28-vjeçar i cili akuzohet se ka përndjekur në rrjete sociale, ish të dashurën e tij.

Njoftimi:

“Si rezultat i kërkimeve të bazuara te informacionet e inteligjencës policore, me qëllim kapjen e shtetasve të shpallur në kërkim, si dhe falë bashkëpunimit ndërmjet shërbimeve të komisariateve të Policisë Nr. 2, Nr. 5 dhe Nr. 6, u lokalizuan dhe vunë në pranga shtetasit:

-K. M., 34-vjeç, i cili ishte në kërkim policor, për veprat penale “Përndjekja” dhe “Falsifikimi kompjuterik”.

Ai dyshohet se ka përndjekur ish të dashurën e tij, në rrjete sociale. Gjithashtu, dyshohet se ky shtetas, ka lënë 2 fishekë arme gjahu, në oborrin e banesës së familjarëve të kësaj shtetaseje, me qëllim kanosjen. Fishekët u sekuestruan me cilësinë e provës materiale;

-E. P., 28-vjeç, pasi Gjykata e Tiranës i ka caktuar masën e sigurisë “Arrest në burg”, për veprën penale “Përndekja”, sepse akuzohet se ka përndjekur në rrjete sociale, ish të dashurën e tij”, thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.

The post Përndoqën dhe kërcënuan ish-të dashurat, arrestohen dy të rinjtë në Tiranë (VIDEO) appeared first on Albeu.com.

Nuk dihet për cilën arsye dhe për çfarë mund të jetë mërzitur me shërbimet e njësisë bashkiake, por ai “guxon” dhe ofendon edhe administratoren, Jonida Doku.

Situata neutralizohet shpejt, me ndërhyrjen e forcave të Policisë. Por, administratorja e shkarkon të gjithë mllefin për situatën e krijuar, tek shoferi i saj, B.R.

Sipas drejtueses, shoferi nuk ka bërë sa duhet për të mbrojtur dinjitetin e saj përballë personit të dehur dhe propozon shkarkimin e tij nga detyra.

Në një institucion tërësisht të centralizuar, vendimi për shkarkimin e shoferit të Njësisë nr.11, një strukturë periferike e Bashkisë së Tiranës, merret nga drejtuesi më i lartë, Erion Veliaj, në 18 janar të vitit 2018. Motivacioni: “Mungesë e lartë profesionalizmi dhe përgjegjshmërie në ushtrimin e funksioneve”.

  Njësia Bashkiake nr.11

Shoferi B.R. e kundërshton shkarkimin e tij nga detyra. Ai deklaroi para strukturave institucionale që nuk është përgjegjësi e tij të ruajë integritetin moral të administratores, pasi nuk ka as formimin e duhur fizik dhe as detyrë funksionale për t’u përballur me njerëz të mllefosur nga shërbimet e munguara të Njësisë Administrative.

Ai i drejtohet gjykatës së Tiranës, ku kërkon që të dëmshpërblehet me 16 paga mujore. Bashkia është tërësisht kundër dhe fillon betejën ligjore.

Një institucion, ku drejtorët kryesorë të saj akuzohen zyrtarisht se i kanë dhënë miliona euro tendera kompanive të krijuara prej tyre, aty ku kryetari i Bashkisë është nën arrest, pasi dyshohet se ka kanalizuar qindra mijëra euro publike në favor të organizatave të bashkëshortes së tij, Ajola Xoxa, Bashkia e Tiranës duket shumë e shqetësuar për pagat, në një vlerë pak a shumë 5 mijë euro, që kërkon shoferi i shkarkuar padrejtësisht nga Veliaj.

           Momenti i arrestimit të kryebashkiakut të Tiranës, Erion Veliaj

“Përndjekja” gjyqësore ndaj shoferit vijon për më shumë se 7 vjet. Vetëm së fundmi, Gjykata e Lartë e ndau përfundimisht çështjen, duke konfirmuar vendimet e gjykatave më të ulta, të cilat i dhanë të drejtën e dëmshpërblimint shoferit.

Ngjarja është e rëndomtë. Por, ajo është shumë më e rëndësishme për fatet e një qytetari, i cili priti 7 vjet për të drejtën e tij, krahasuar me “shqetësimin” e kryeministrit Edi Rama, i cili u deklarua i revoltuar se si gjykata e Tiranës zgjati për shtatë vjet një çështje tërësisht ordinere, ku ai kishte paditur për shpifje ish-kryetarin e Partisë Demokratike, Lulzim Basha.

Ngjarja e rëndomtë

Shtetasi B.R ka qenë në marrëdhënie pune me Bashkinë e Tiranë, duke filluar nga muaji Nëntor i vitit 2015, deri më datë 18.01.2018, pra për më shumë se dy vjet. Në pozicionin e “shoferit”, në Njësinë Administrative nr. 11 të Bashkisë Tiranë.

Në 7 Dhjetor 2017, administratorja e Njësinë Bashkiake nr.11, Jonida Doku, e cila ishte emëruar vetëm një muaj më parë në atë detyrë, mban një proces-verbal kundër B.R, të cilin e kishte gjetur shofer në institucion.

Në përmbajtje të atij akti, theksohet se në orën 15.00 të datës 07.12.2017, në zyrën e Administratorit të kësaj njësie administrative, kishte hyrë një person i dehur, duke përdorur fjalor fyes.

Më tej, në këtë akt parashtrohet se, shoferi B.R, megjithëse ishte i pranishëm në këto momente në ambientet e NjësisëAdministrative nr. 11, nuk ka marrë asnjë masë parandaluese.

Administratorja i drejtohet Drejtorisë së Burimeve Njerëzore në Bashkinë e Tiranës me propozimin për shkarkimin e shoferit.

Pas këtij “propozimi”, nisin mbledhjet, ballafaqimet dhe diskutimet në Bashkinë e Tiranës. Në këto mbledhje, zyrtarët e Bashkisë së Tiranës e akuzojnë shoferin se kishte shkelur parimin e mirëbesimit në marrëdhëniet e punës, duke mos ndërhyrë gjatë incidentit.

Rrethanat e incidentit, referuar vendimit të Gjykatës së Apelit

Shoferi i mohon këto pretendime. Ai thotë se e ka parë personin e deheur në katin e parë të godinës dhe ka tentuar ta nxjerrë përjashtë, deri sa ka ardhur policia dhe nuk ka pasur dijeni se ai individ kishte qenë në zyrën e Administratores.

Megjithatë, kryetari i Bashkisë së Tiranës, Erion Veliaj, firmos shkarkimin e tij nga detyra, në 18 Janar 2018.

Përndjekja gjyqësore

Shoferi B.R. kundërshton vendimin e Veliajt në Gjykatën e Tiranës. Ai pretendon se është shkarkuar padrejtësisht, pasi nuk e ka pasur kompetencë funksionale ruajtjen e dinjitetit të administratores dhe se Bashkia e Tiranës nuk ka respektuar detyrimet e Kodit të Punës.

Gjykata e Tiranës, me vendimin e datës 26 Korrik 2018, ka vendosur të pranojë pjesërish padinë e shoferit, duke detyruar Bashkinë e kryeqytetit që t’i paguajë atij 14 paga mujore, për shkak të ndërprerjes në mënyrë të paligjshme të kontratës së punës.

Bashkia e Veliajt nuk është dakord me këtë vendim dhe ankohet në Gjykatën e Apelit. Kjo e fundit, në 16 Tetor 2024, vendos të lërë në fuqi vendimin e shkallës së parë.

Por, vartësit e Veliajt e kishin vendosur të mos lëshonin pe, duke vijuar “përndjekjen” e tyre gjyqësore ndaj shoferit.

Kur kishin kaluar më shumë se 6 vjet nga shkarkimi i tij i padrejtë, Bashkia nuk pranonte të paguante dëmshpërblimin dhe vijonte rrugën e ankimeve.

Pas vendimit të formës së prerë të Apelit, zyra juridike e Bashkisë së kryeqytetit i drejtohet Gjykatës së Lartë, me kërkesën për pezullimin e zbatimit të vendimit, pra, bllokimin e pagesave ndaj shoferit. Në ndihmë, Bashkia thërret edhe Avokaturën e Shtetit.

                      Gjykata e Lartë refuzoi rekursin e Bashkisë së Tiranës

Gjykata e Lartë, në 18 Qershor 2025, vendos të mos pranojë rekursin e Bashkisë për pezullimin e vendimit.

Në këtë mënyrë, kur kanë kaluar mbi 7 vjet nga largimi i paligjshëm nga puna, shoferi B.R., fitoi të drejtën për të marrë 14 pagesat mujore.

Natyrisht, fitimi i kësaj të drejte nuk do të thotë se Bashkia do të paguajë menjëherë. Shoferi, me shumë mundësi, do t’i duhet të vijojë kalvarin e kërkesave burokratike, për të bindur administratën lokale që t’i japë atë që i takon./ Boldnews.al

The post Shoferi mund Veliajn/ “Shkarkim pa ligj”, fiton dëmshpërblimin, Bashkia e përndoqi 7 vite në gjyqe appeared first on Albeu.com.

Ish-partnerja e shtetasit P.M., ishte me urdhër mbrojtje, por kjo nuk e ka ndaluar 56-vjeçari të shkojë në ambientin ku ajo punon dhe ta shqetësojë.

“Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasit:

-P. M., 56 vjeç, pasi dyshohet se i ka krijuar shqetësim në ambientet e punës, ish-bashkëjetueses së tij, e cila ishte e pajisur me urdhër mbrojtje” – njofton Policia e Tiranës.

The post Përndiqte ish-bashkëshorten në vendin e punës, e pëson burri në Tiranë appeared first on Albeu.com.

Blutë e Pukës bëjnë me dije se arrestimi i 47-vjeçarit është bërë pas kallëzimit të së miturës 17-vjeçare.

I arrestuari me iniciale Z.P rezulton me precedent për të njëjtin krim.

Njoftimi;

Përndoqi 1 muaj, në rrugë dhe në rrjete sociale, një 17-vjeçare, arrestohet menjëherë pas kallëzimit të së miturës, 47-vjeçari.

I arrestuari, me precedent për të njëjtin krim.

Menjëherë pasi një shtetase 17 vjeçe ka kallëzuar në Prokurorinë e Shkodrës, se përndiqej nga 1 shtetas, prej rreth 1 muaji, në rrugë dhe në rrjete sociale, shërbimet e Komisariatit të Policisë Pukë kanë organizuar punën për lokalizimin dhe arrestimin e autorit.

Si rezultat, për këtë rast u vu në pranga shtetasi Z. P., 47 vjeç, banues në Pukë, për të cilin Gjykata e Shkodrës ka caktuar masën e sigurisë “Arrest në burg”, për veprën penale “Përndjekja”. Nga verifikimet e mëtejshme ka rezultuar se 47-vjeçari ishte shtetas me precedent për të njëjtin krim.

Materialet procedurale i kaluan Prokurorisë, për veprime të mëtejshme.

The post Përndiqte adoleshenten në rrugë dhe në rrjete sociale, arrestohet 47-vjeçari në Pukë appeared first on Albeu.com.

Si çdo çun, prano bë ftesa dhe na u ngjit më objekti me këtë personin. Kishte foto si çdo person tjetër. Duke marrë shkas nga fotot, më pëlqyen. Muhabeti po na shkonte mirë. Djali në atë kohë 25 vjeçar, njëlloj si shumë bashkëmoshatarë të tij, i kalonte orët e natës duke komunikuar në rrjetet sociale me vajza të së njëjtës moshë. Në një nga këto biseda, ai njihet me një vajzë, e cila nga fotot e publikuara, e tërheq menjëherë.

Pavarësisht bisedave që dy të rinjtë bënin çdo natë, vajza nuk pranonte të shfaqej asnjëherë të vetme. Në fakt asgjë për tu çuditur apo për të dyshuar, në një botë ku me mijëra vajza shantazhohen, pikërisht për shkak të pakujdesive të tilla.Duke e mirëkuptuar në hezitimin e saj, Arditi vendos që ta takoje, dhe ajo tregohet menjëherë e gatshme. Pak rëndësi ka fakti nëse ishte më e bukur apo më e shëmtuar se sa ajo që shfaqej në fotot e publikuara. Vajza që takoi nuk ishte ajo që kishte pretenduar.

Pra, e kishte gënjyer që nga dita e parë e njohjes. Kalon një muaj nga ai takim, dhe kur dukej se gjithçka ishte mbyllur aty, dhe jeta për secilin do të vazhdonte normalisht, Arditit i vjen një mesazh në telefon. I riu trembet duke menduar se mund të behej shkak i një tragjedie, prandaj nxiton që ta takojë për ta qetësuar. Dy të rinjtë qëndrojnë për një orë në makinë, mes insistimit të vajzës për tu pranuar me çdo kusht, dhe refuzimit të vazhdueshëm të djalit. Në fakt, ky moment do të ishte edhe pikënisja e një trazimi shpirtëror për Arditin.

Ai do të duhej të përballej me fiksimin e vajzës stolkere e cila nuk ndalej aspak pavarësisht indiferencës së të riut. Këto mesazhe, janë një pjesë fare e vogël e një arsenali sharjesh dhe kërcënimesh që për katër vite me radhë kanë ngarkuar plot celularin e të riut, të cilit fatmirësisht i dinte vetëm emrin dhe asnjë të dhënë tjetër më shumë. Por një ditë, këmbëngulja e saj do të shpërblehej. Dhe këtu do të vinte radha e familjarëve të 25 vjeçarit, të cilët u vunë të gjithë në shënjestrën e Denisës. Një bullizëm pa limite, duke mos kursyer asnjë person, përfshi edhe fëmijët.

Fillimisht e motra qëndron në heshtje, duke preferuar të mos e përfshijë vëllain në këtë situatë, me shpresën se gjithçka do të mbyllej aty. Në këtë pikë, e shqetësuar me atë që po ndodhte, ajo vendos më në fund të flasë me vëllain. Dhe ky i fundit e kupton menjëherë se për çfarë bëhej fjalë. Duke parë se situata vetëm përkeqësohej, dhe vajza bullizuese vetëm sa e shtonte dozën e denigrimit, motër e vëlla e denoncojnë në polici.

Duke parë që askush nuk po lëvizte as gishtin për t’i dhënë fund makthit që kishte përfshirë një familje të tërë, për shkak të veprimeve aspak normale të një vajze të re, motra i drejtohet edhe njëherë dyerve të policisë. Në këto kushte, kur një vajzë 26 vjeçare jashtë çdo kontrolli, shantazhon dhe denigron një nënë të re dhe fëmijën e saj vetëm 3 vjeç, duke mos pyetur aspak për denoncimet e vazhdueshme në polici, mendojmë t’i bëjmë vetë një vizitë, për të kuptuar situatën e saj. Për këtë Piranjat bashkë me Arditin udhëtojnë drejt Peshkopisë, qytetit ku jeton Denisa.

Vajza duket tepër e lumtur që po e ritakon fiksimin e saj, dhe duke harruar gjithë çfarë i ka punur në këto vite, nis të bëjë biseda normale të një çifti që mund të kenë patur ndonjë zënkë kalimtare e pa pasoja. Ndërsa i riu përpiqet të diskutojë për fotot denigruese që Denisa ka hedhur në rrjete sociale, kjo e fundit ka të tjera ide në kokë. Duket qartë që gjëja e fundit që e shqetëson këtë vajzë, janë fotot e shpërndara të një nëne të re dhe fëmijës së saj 3 vjeçar.

Ajo i shmang lutjet e djalit me cinizëm dhe pa u trazuar aspak për pasojat që ka shkaktuar. Zoti ndoshta jo, por meqë ne jemi aty pranë, le të provojmë ta bindim të heqë dorë nga kjo marrëzi. Pavarësisht se Arditi ka qenë i qartë që në nisje që nuk ka asnjë interes për ta njohur dhe për të krijuar një raport me vajzën, ajo edhe përpara kameras insiston për tu afruar me të. Pra, i denigron familjen, motren dhe nipin tre vjeçar për ta bindur të lidhet me të.

Një fantazi të tillë se kishim parë as në telenovela. Pas këtyre fjalëve Denisa reflekton dhe më në fund vendos të fshijë fotot me të cilat ka shqetësuar një familje të tërë. Në të vërtetë, Denisa nuk fali jo vetëm Arditin por edhe Piranjat . Disa orë pas kësaj interviste, ajo përshëndeti me një buqetë mesazhesh zanore ofenduese kundrejt gazetarëve./PIRANJAT

The post U takuan vetëm një herë katër vite më parë, vajza e re përndjek dhe denigron fiksimin e saj appeared first on Albeu.com.

“Specialistët për Hetimin e Krimeve në Komisariatin e Policisë Nr. 3:

– ekzekutuan vendimin penal për shtetasin O. H., 18 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 4 katër muaj burgim për veprën penale “Vjedhja”;

– arrestuan një 17-vjeçar, banues në Tiranë, pasi në rrugën “Gjergj Legisi”, pas një konflikti për motive të dobëta, dyshohet se ka goditur me grusht shtetasin L. K.

Specialistët për Hetimin e Krimeve në Komisariatin e Policisë Nr. 4 arrestuan shtetasit:

– A. C., 34 vjeç, banues në Tiranë, pasi në mënyrë të vazhdueshme dyshohet se ka përndjekur ish të dashurën e tij;

– A. Zh., 23 vjeç, banues në Tiranë, për veprën penale “Goditjet për shkak të detyrës”, pasi ditën e djeshme, në ambientet e spitalit “Nënë Tereza”, ka goditur për shkak të detyrës shtetasin A. N., me detyrë infermier pranë këtij spitali.

Specialistët e Komisariatit të Policisë Rrugore Tiranë arrestuan shtetasit:

– G. G., 38 vjeç, banues në Tiranë, pasi duke drejtuar automjetin në gjendje të dehur është përplasur me një automjet tjetër dhe si pasojë ka vetëm dëme materiale;

– E. D., 40 vjeç, banues në Durrës, pasi në Vorë, duke drejtuar në gjendje të dehur automjetin tip “Fiat”, është përplasur me mjetin me drejtues shtetasin D. L., 23 vjeç, banues në Shkup. Si pasojë është dëmtuar shtetasi  D. L., dhe 2 pasagjerët në mjetin e tij, të cilët ndodhen jashtë rrezikut për jetën.

Materialet i kaluan Prokurorisë”, njofton Policia e Tiranës.

The post NAMI NË TIRANË/ Njëri rreh infermierin, tjetri përndjek ish-të dashurën, dy të tjerë tapë në timon, 6 të arrestuar appeared first on Albeu.com.

Kardashian sapo ka paraqitur dokumente ligjore (të cilat janë të siguruara nga TMZ), duke kërkuar nga një gjyqtar të lëshojë një urdhër ndalimi kundër Melvin Jeffery Conley.

Sipas dokumenteve, Kim mori një telefonatë nga Emma, duke e paralajmëruar atë se një burrë që kishte hyrë me forcë në shtëpinë e saj i kishte treguar për dëshirën e tij për të kontaktuar me Kimin dhe fëmijët e saj.

Në maj, Conley dyshohet se hyri në shtëpinë e Emmës dhe përdori telefonin fiks të saj për të thirrur në celularin e saj. Emma humbi thirrjen por pa se dikush po telefononte nga telefoni i saj fiks … ajo mendoi se ishte një anëtar i familjes, kështu që telefonoi përsëri dhe Conley u përgjigj. Ai pretendoi se Emma i kishte dhënë leje për të qëndruar në shtëpinë e saj, por ajo nuk e kishte bërë këtë.
Të nesërmen, Conley u shfaq në shtëpinë e Kris Jenner dhe i tha sigurimit se mendonte se ishte në shtëpinë e Kim dhe se ai ishte “menaxheri i saj prej kohësh” dhe një lojtar me Toronto Raptors. Ai tha se kishte lënë një takim atë ditë.
Muajin e kaluar, Conley u shfaq në shtëpinë e Kim në Malibu, ku u përball me sigurimin përgjatë gardhit. Ai i tha sigurimit se do të hidhej mbi gardh…por përpjekja e tij u pengua.

The post Dikush e përndjek/ Netë jo të qeta për Kim Kardashian, rasti në hetim appeared first on Albeu.com.

Ai kaloi 22 vite pas hekurave pasi kishte vrarë gruan, ndërsa mediat italiane kanë raportuar se ai është vënë sërish në pranga nga karabinierët pasi akuzohet se ka përndjekur në ditën e parë të lirisë një 20-vjeçare, e cila ishte e dashura e një tjetër të burgosuri.

“Ai është tërhequr nga një impuls kriminal i papërmbajtshëm që e riktheu atë në burg vetëm pak orë pasi kishte rifituar lirinë pas 22-vjetësh. Ai u dënua për vrasjen e gruas në vitin 2002”, thuhet në motivacionin e arrestimit.

Sipas mediave italiane, 52-vjeçari e kishte parë 20-vjeçaren për herë të parë rastësisht në burg teksa ajo kishte shkuar për të takuar të dashurin e saj.

The post Kaloi 22 vite në burg pasi vrau gruan, ditën e parë të lirisë vihet sërisht në pranga pasi përndjek një 20-vjeçare appeared first on Albeu.com.