Nëpërmjet një postimi në Facebook, Osmani është shprehur se në këto momente të rënda, është me rëndësi që përkrahja të vazhdojë në mënyrë që komuna e Pejës të përballojë dhe të rikuperohet nga kjo situatë e vështirë e tragjike.

Nënë e bir  mbetën të vdekur si pasojë e vërshimeve të ujit. Bëhet fjalë për një fëmijë pesë vjeçar dhe nënën e tij rreth të 30-ave.

Ngjarja e rëndë ka ndodhur në lagjen “Asllan Qeshme”. Vdekja e fëmijës është konstatuar rreth orës 23:00, ndërsa rreth orës 01:20 të së dielës, autoritetet kanë gjetur edhe trupin e së ëmës, pa shenja jete.

“Humbja e dy qytetarëve tanë si pasojë e vërshimeve në Pejë ka tronditur gjithë Kosovën. I shpreh ngushëllimet më të thella familjarëve, miqve, kryetarit të Komunës z. Gazmend Muhaxheri dhe gjithë qytetarëve të komunës së Pejës për këtë humbje të madhe e kaq tragjike.
Forca e Sigurisë së Kosovës dhe gjithë institucionet e tjera që merren me emergjenca të tilla janë në Pejë që nga mbrëmë duke ofruar ndihmën dhe përkrahjen e tyre. Në këto momente të rënda, është me rëndësi që përkrahja të vazhdojë në mënyrë që komuna e Pejës të përballojë dhe të rikuperohet nga kjo situatë e vështirë e tragjike”, shkruan Osmani./albeu.com.

The post Tragjedia me vdekjen e nënë e bir nga përmbytjet në Pejë, Osmani: Është tronditur gjithë Kosova appeared first on Albeu.com.

Uji ka vërshuar me shpejtësi nëpër rrugët e qytetit, duke bllokuar qytetarët në automjete.

Siç duket edhe në videon e publikuar nga mediet vendase, një qytetar është detyruar të dalë nga dritarja e makinës për të shpëtuar, pasi dera e automjetit ishte e pamundur të hapej për shkak të presionit të ujit.

Madje ai me shumë vështirësi arrin të largohet nga makina për të shkuar në një vend të sigurt. Në një video tjetër dy qytetarë kanë hipur mbi makinë pasi e kanë të pamundur të kalojnë për shkak të vërshimit të ujërave.

Nuk dihet ende dëmet e shkaktuara, por nga shumë video në rrjetet sociale duket që uji ka depërtuar edhe nëpër dyqane.

Kujtojmë se nga përmbytjet në Pejë kanë humbur jetën një fëmijë 5-vjeçar dhe nëna e tij, pas ii mori para rrjedha e ujit.

The post VIDEO/ Përmbytjet në Pejë, qytetari detyrohet të dalë nga dritarja e makinës për të shpëtuar appeared first on Albeu.com.