Pamjet televizive treguan Jolie duke mbërritur në një aeroport në Karaçi, kryeqyteti i provincës jugore Sindh, ku përmbytjet që nga mesi i qershorit, kanë dëmtuar qindra mijëra shtëpi dhe kanë lënë gjysmë milioni njerëz të pastrehë.

Më vonë, ajo vizitoi disa nga zonat e prekura nga përmbytjet, sipas mediave lokale.

Sipas IRC, një grup i shquar ndërkombëtar i ndihmës, Jolie po viziton Pakistanin për të mbështetur komunitetet e prekura nga përmbytjet shkatërruese.

Nuk pati asnjë koment nga qeveria për vizitën e Jolie në Dadu, një nga lagjet më të goditura ku sëmundjet e shkaktuara nga uji kanë shkaktuar gjithashtu gati 300 vdekje që nga korriku. Aktualisht, mjekët po përpiqen të frenojnë shpërthimin e sëmundjeve të shkaktuara nga uji midis të mbijetuarve nga përmbytjet.

Vizita vjen pasi kryeministri i Pakistanit Shahbaz Sharif ndodhet në Nju Jork për sesionin e 77-të të Asamblesë së Përgjithshme të OKB-së. Në fjalën e tij, Sharif do të nënvizojë dëmet e shkaktuara nga përmbytjet e shkaktuara nga ndryshimet klimatike në vendin e varfër.

Pakistani thotë se përmbytjet kanë shkaktuar 30 miliardë dollarë dëme në ekonominë e vendit.

The post Përmbytjet në Pakistan, Angelina Jolie bën një vizitë të papritur në zonat e prekura appeared first on Albeu.com.

Zyrtarët thanë më 4 shtator se numri i të vdekurve nga përmbytjet ka arritur në 1.300.

Meteprologët parashikojnë më shumë shi në ditët në vijim në zonën e liqenit Manchar dhe u kanë kërkuar banorëve të dy rretheve të provincës Sindh që të evakuohen.

Liqeni Manchar është liqeni më i madh natyror me ujë të ëmbël në Pakistan dhe ndër më të mëdhenjtë në Azi.

Shirat e dendura monsune dhe shkrirja e akullnajave në malet veriore kanë sjellë përmbytje në Pakistan, të cilat kanë prekur 33 milionë njerëz – apo 15 për qind e popullsisë prej 220 milionë banorësh.

“Shkalla e shkatërrimit është masive dhe kërkon një përgjigje të madhe humanitare”, tha ministri i Planifikimit, Ahsan Iqbal më 3 shtator.

Në fillim të këtij muaji, Pakistani dhe Kombet e Bashkuara kanë bërë thirrje për 160 milionë dollarë për të ndihmuar për “këtë fatkeqësi të paprecedent klimatike”. Ndërkaq, OBSH-ja ka thënë se mbi 6.4 milionë persona kanë nevojë për ndihmë urgjente humanitare.

Zyrtarët pakistanezë kanë thënë se do të duhen të paktën 10 miliardë dollarë dhe shumë vite që vendi të rimëkëmbet nga fatkeqësia. /REL

The post Shirat e dendur, Pakistani paralajmëron për më shumë përmbytje appeared first on Albeu.com.

Autoriteti Kombëtar për Menaxhimin e Fatkeqësive tha se 119 persona kanë vdekur në 24 orët e fundit, duke bërë që numri i përgjithshëm i viktimave të arrijë në 1.033.

Zyrtarët në Pakistan kanë thënë se gjatë këtij viti vërshimet kanë prekur mbi 33 milionë banorë – një në shtatë pakistanezë – duke shkatërruar apo dëmtuar rëndë pothuajse 1 milion shtëpi.

Autoriteti Kombëtar për Menaxhimin e Fatkeqësive tha se mbi 2 milionë hektarë të mbjella me produkte bujqësore janë shkatërruar plotësisht, 3.451 kilometra rrugë janë shkatërruar dhe 149 ura janë shembur.

Shirat që bien çdo vit zakonisht janë thelbësore për ujitjen e tokës bujqësore dhe mbushjen e kapaciteteve të liqeneve. Por, ato çdo vit sjellin edhe një valë shkatërrimi.

The post Përmbytjet në Pakistan lënë të vdekur mbi 1 mijë persona appeared first on Albeu.com.