permbytjet ne itali Archives - Albeu.com

Përmbytjet në Rajonin e Toskanës, Kapiteni i Fiorentinës bëhet viral me veprimin e tij

prak tike — Tue, 07 Nov 2023 12:56:53 +0000

Jo vetëm tifozët vjollcë të “Curva Fiesole”, por edhe kapiteni i Fiorentinës, Cristiano Biraghi, ka përveshur mëngët, duke iu shkuar në ndihmë qytetarëve të prekur nga përmbytjet në këtë rajon.

Kapiteni vjollcë është fotografuar në Campi Bisenzio pas disfatës së Fiorestinës ndaj Juventusit, duke ndihmuar në pastrimin e rrugëve të përmbytur në komunën e Toskanës..

Biraghi shihet i veshur me çizme dhe doreza, duke marrë lopatën në duar për të hequr baltën.

Fotoja ka bërë xhiron e rrjetit dhe të gjithë e kanë vlerësuar aktin e tij./albeu.com

The post Përmbytjet në Rajonin e Toskanës, Kapiteni i Fiorentinës bëhet viral me veprimin e tij appeared first on Albeu.com.

Përmbytjet në Itali, qytetari shkon të votojë me kanoe (VIDEO)

E S — Sun, 25 Sep 2022 13:08:49 +0000

Teksa vendi është në zgjedhje parlamentare, disa zona po përballen me reshje shiu dhe përmbytje. Ishulli Ischia mëngjesin e sotëm ajo u zgjua me pjesë të rrugëve të përmbytura për shkak të motit të keq.

Në ditën e zgjedhjeve në Itali ka edhe nga ata që nuk heqin dorë nga vota dhe kalojnë rrugët e Corso di Lacco Ameno, me kanoe.

Për qytetarin italian, Michele Schiano vota është e shenjtë dhe ai vendosi me çdo kusht që të hidhte votën për të preferuarin e tij.

“Do të votoj me kanoe”, shkruhet në postimin e publikuar në Facebook nga banori i ishullit.

The post Përmbytjet në Itali, qytetari shkon të votojë me kanoe (VIDEO) appeared first on Albeu.com.

Rrugët kthehen në “lumenj”, Campanja e Italisë “nën ujë””

admin — Wed, 10 Aug 2022 12:58:55 +0000

Italia është përfshirë së fundmi nga moti i keq dhe me reshje të shumta shiu.

Pas të nxehtit afrikan, disa zona në vendin fqinj janë përfshirë nga stuhitë me erë dhe rrebeshe shiu, të cilat sollën përmbytje të mëdha.

Përmbytje të mëdha kanë ndodhur në rajonin e Campania, ku shumë rrugë u kthyen në “lumenj” duke shkaktuar dëme të mëdha, por fatmirësisht deri tani nuk ka raportime për persona të lënduar.

Meteorologët parashikojnë se kjo situatë do të vijojë edhe më tej, madje të paktën deri në 15 gusht parashikohen fenomene të ngjashme të motit që pritet të shkaktojnë përmbytje dhe dëme të mëdha.

The post Rrugët kthehen në “lumenj”, Campanja e Italisë “nën ujë”” appeared first on Albeu.com.

Catania “lundron” në ujë, raportohet viktima e parë nga qyteti Italian (FOTO LAJM)

admin — Tue, 26 Oct 2021 15:04:06 +0000

Qyteti jugor i Italisë, Catania, është përfshirë nga përmbytje të mëdha ditët e fundit.

Catania u godit fillimisht nga një stuhi, por tani rrugët e qytetit “lundrojnë” nën ujin që vërshon duke marrë para gjithçka gjen.

Si pasojë e kësaj katastrofe natyrore, ka mbetur i pajetë një burrë.

Bëhet fjalë për një 53-vjeçar, i mbytur në Gravina di Catania. Trupi u gjet nga vullnetarët e Mercy nën një makinë. Ndërkaq, ka ndërprerje edhe të energjisë elektrike në pothuajse të gjitha zonat e qytetit dhe ato rurale./albeu.com/

The post Catania “lundron” në ujë, raportohet viktima e parë nga qyteti Italian (FOTO LAJM) appeared first on Albeu.com.