Të paktën 200 njerëz humbën jetën në Gjermani dhe Belgjikë nga përmbytjet që erdhën shpejt dhe me forcë. Shërbimi i Emergjencave të Kopernikut tha se, ka dërguar më shumë se 25 paralajmërime për rajone të veçanta që kanë lumenj afër, në ditët para përmbytjes, përmes Sistemit Evropian të Ndërgjegjësimit nga Përmbytjet (EFAS).

Por si duket këto paralajmërime kanë shkuar në vesh të shurdhët dhe nuk janë marrë parasysh. Tani po ngrihen pyetje nëse zinxhiri i komunikimit nga niveli i Europës Qendrore në rajone po funksionon, informon albeu.com.

“Kishte qartë një prishje të zinxhirit të komunikimit, e cila në disa raste ka kushtuar jetë njerëzisht”, tha Jeff Da Costa, një studiues për hidrometeorologji në Universitetin e Reading në Mbretërinë e Bashkuar.

Da Costa tha se, përvojat e javës së kaluar tregojnë se shpesh ka një hendek midis çështjeve të paralajmërimeve të motit për shkencëtarët dhe veprimeve të ndërmarra në të vërtetë nga njerëzit e ngarkuar për këtë.

Disa nga paralajmërimet, përfshirë në Luksemburg, ishin lëshuar vetëm pasi përmbytja kishte goditur, tha ai.

Në Gjermani, me afrimin e zgjedhjeve, çështja e përmbytjes është politizuar  dhe zyrtarët po heqin fajin mbi veten sa kanë mundësi.

Leksione nga Holanda

Nëse në Gjermani dhe Belgjikë situata është e rënduar, në Holandë pamja është krejt ndryshe. Holanda po ashtu përjetoi reshje ekstreme shiu, megjithëse jo sa në Gjermani e Belgjikë, dhe nuk shpëtoi pa dëme.  Por qytetet e saj nuk u zhytën plotësisht dhe asnjë person nuk ka vdekur. Zyrtarët ishin të përgatitur dhe ishin në gjendje të komunikonin me njerëzit shpejt, tha profesor Jeroen Aerts, shef i departamentit të rrezikut të ujit dhe klimës në Universitetin Vrije në Amsterdam.

Holanda ka një histori të gjatë të menaxhimit të ujit dhe suksesi i tyre përballë kësaj katastrofe mund t’i ofrojë botës një plan si të trajtojë përmbytjet, veçanërisht pasi ndryshimi i klimës pritet t’i bëjë më të zakonshme ngjarjet ekstreme të motit.

Njerëzit ndërtojnë mbrojtje nga përmbytja duke përdorur thasë me rërë pas shirave të mëdha. Vendi ka luftuar me detin dhe lumenjtë e fryrë për gati një mijëvjeçar. Tri lumenj të mëdhenj evropianë, Rhine, Meuse dhe Scheldt, kanë deltat e tyre në Holandë, dhe pjesa më të madhe të tokës së saj është nën nivelin e detit.

Infrastruktura e saj e administrimit të ujit është ndër më të mirat në botë, që përfshin mure gjigante me krahë të lëvizshëm me madhësinë e dy fushave të futbollit, duna bregdetare që përforcohen me rreth 12 milion metra kub rërë në vit, dhe gjëra të vogla, si pritat, zgjerimi i brigjeve të lumenje ose thellim i shtratit të tyre.

Forca qëndron kryesisht në organizim. Infrastruktura e vendit menaxhohet nga një degë e qeverisë kushtuar vetëm ujit, Drejtoria e Përgjithshme për Punët Publike dhe Menaxhimin e Ujit, e cila kujdeset për rreth 1,500 kilometra mbrojtje të bëra nga njeriu.

Problemet e ujit të vendit menaxhohen nga një rrjet organesh të zgjedhura në vend, funksioni i vetëm i të cilëve është të kujdesen për të gjitha gjërat e ujit, nga përmbytja te uji i ndotur./Përshtati Enkeleda Bodini-albeu.com

*Marrë me shkurtime nga CNN

The post Leksione nga Holanda: Si i parandaloi përmbytjet vdekjeprurëse, ndryshe nga Gjermania e Belgjika appeared first on Albeu.com.

Qindra ende vijojnë të zhdukur, pasi reshjet rekord të reshjeve shkaktuan përmbytje të mëdha në Gjermani dhe Belgjikë.

Reshje të mëdha shiu gjithashtu përfshinë Zvicrën, Luksemburgun dhe Holandën.

Udhëheqësit evropianë kanë fajësuar ndryshimet e klimës për motin ekstreem

Ekspertët thonë se ngrohja globale i bën reshjet më të rrëmbyeshme.

Bota tashmë është ngrohur me rreth 1.2 gradë Celsius, që nga fillimi i epokës industriale./albeu.com

The post 150 të vdekur dhe qindra të zhdukur nga përmbytjet në Europë, ekipet vijojnë kërkimet për të mbijetuar appeared first on Albeu.com.

Reshjet rekord tbënë që lumenjtë të dilnin nga shtrati, duke shkatërruar rajonin.

Në Gjermani, ku numri i të vdekurve tani është mbi 100, dhe Kancelarja Angela Merkel bëri thirrje për një betejë të vendosur kundër ndryshimit të klimës.

Mediat belge po raportojnë se kanë regjistruar 23 vdekje. Nga përmbytjet janë përfshirë dhe disa rajone në Holandë, Luksemburg dhe Zvicër./albeu.com

The post Europa Perëndimore nën ujë: Shkon në 120 numri i të vdekurve appeared first on Albeu.com.

Reshjet rekord të reshjeve në Europën perëndimore bënë që lumenjtë të dilnin nga shtratet e tyre, duke shkatërruar rajonin.

Belgjika gjithashtu ka raportuar të paktën 12 të vdekur pas motit ekstrem, të cilin liderët politikë ia kanë fajësuar ndryshimit të klimës.

Edhe shkencëtarët e klimës janë shprehur se moti ekstrem është si pasojë e ndryshimeve kimatike./albeu.com

The post Katastrofa e përmbytjeve në Gjermani, shkon në 93 numri i viktimave appeared first on Albeu.com.

Gazeta gjermane “Bild” ka treguar historinë e Sheik Hysenit, babait shqiptar nga Kosova që jeton në zonën e përmbytur në Gjermani, i cili me orë të tëra nuk e dinte nëse i kishte humbur vajzat e tij, Lauretën 13 vjeç dhe Altunën 17 vjeç.

“Të mërkurën vajzat e mia më thirrën, më thanë se uji kishte arritur deri në katin e parë, vrapova për të shkuar në shtëpi, por kur mbërrita uji tashmë ishte kudo. Hera e fundit që fola me to ishte ora 21:00, më pas lidhja u shkëput”, ka thënë ai për gazetën gjermane.

Ai ishte shprehur se kishte pritur gjithë natën mbi urë për vajzat e tij, të cilat ishin shpëtuar me helikopter.

“Ne vetëm kemi qarë, kisha frikë për vajzat e mia, jam shumë i lumtur që u shpëtuan. Tani duhet të shohim se çarë ka mbetur nga shtëpia”, ka thënë ai./albeu.com

The post Përmbytjet në Gjermani, shpëtohen dy vajzat shqiptare, babai: Prita gjithë natën duke qarë mbi urë appeared first on Albeu.com.

Përmes një postimi në Twitter, Basha shkruan se zemrat dhe lutjet janë me ta.

“Zemra shkon për viktimat dhe të dashurit e tyre të goditur nga përmbytjet dramatike në Gjermani, Holandë, Belgjikë dhe Luksemburg. Mendimet dhe lutjet tona janë me familjet dhe të gjithë komunitetet e prekura nga kjo katastrofë natyrore.

PD dhe populli shqiptar qëndron në solidaritet të plotë me popullin dhe autoritetet dhe mbështetjen e tyre ndërsa punojnë për të shpëtuar jetët dhe për t’u rikuperuar nga këto ngjarje tragjike./albeu.com

The post Katastrofa në Europën Perëndimore, Basha: Mendimet dhe lutjet tona janë me familjet e viktimave appeared first on Albeu.com.