Përmbytjet ndodhën në një rajon malor të qarkut Datong në provincën Qinghai, kanë prekur më shumë se 6.200 njerëz nga gjashtë fshatra, raportoi transmetuesi shtetëror CCTV.

“Që nga mesdita e datës 18 gusht, 16 persona janë vrarë dhe 36 janë të zhdukur”, shtoi CCTV.

Puna e shpëtimit është duke vazhduar.

Këto përmbytje vijnë gjatë një vere shumë të nxehtë në Kinë, ku qytete të shumta regjistrojnë temperaturat e tyre më të larta.

Sipas transmetuesit shtetëror, tashmë është ngritur edhe shtabi i emergjencës.

Reshjet e mëdha dhe të papritura të së mërkurës mbrëma kishin shkaktuar përmbytjet, thuhet në raportimin e CCTV.

Përmbytjet e mëdha në Kinën jugore në qershor zhvendosën më shumë se gjysmë milioni njerëz dhe shkaktuan rreth 250 milionë dollarë dëme.

Ndërkohë, miliona njerëz në Kinën jugperëndimore po përballen me ndërprerje të vazhdueshme të rrymës, pasi një valë dërrmuese e të nxehtit çoi në një krizë të furnizimit me energji elektrike që i ka detyruar fabrikat të ndalojnë punën.

Administrata Meteorologjike e Kinës tha se vendi po kalonte periudhën e tij më të gjatë të temperaturave të larta, që nga viti 1961./REL

The post Kinë/ 16 të vdekur dhe 36 të zhdukur nga përmbytjet appeared first on Albeu.com.

Qyteti industrial i Guangdong pezulloi mësimin, punën në zyrë dhe transportin publik mes rritjes së nivelit të ujërave dhe kërcënimit nga rrëshqitjet e dheut.

Në provincën fqinje të Jiangxi, pothuajse 500,000 njerëz janë prekur nga dëmtimet e shtëpive si pasojë e përmbytjeve. Lumenjtë u tejmbushën dhe nivelet e përmbytjeve arritën nivelin më të lartë të 50 viteve në dy provinca të vendit.

Videot në mediat shtetërore tregojnë makina nën ujë në rrugë dhe njerëzit duke u shpëtuar me litarë nëpër lumenj të fryrë. Rajonet lindore të Kinës po përballen me reshjet më të larta që nga viti 1961, thonë zyrtarët e motit.

Banorëve të komuniteteve që jetojnë përgjatë brigjeve të lumenjve dhe në lagjet e ulëta u është kërkuar të lëvizin në toka më të larta.

Qyteti i Shaoguan në provincën Guangdong ka qenë një nga më të prekurit, duke bërë që zyrtarët të ngrenë alarmin për përmbytjet në nivelin më të lartë, pasi qyteti regjistroi reshje rekord që nga fundi i majit. Një alarm i ngjashëm u vendos për qytetin Qingyuan të Guangdong.

Sezoni i shirave të verës rezulton rregullisht me përmbytje në Kinën jugore, por ka shqetësime se ndryshimi i klimës po e përkeqëson situatën. Ndërkohë shumë zona në veri të vendit po përjetojnë temperatura jashtëzakonisht të larta.

Në nivel global, stuhitë tropikale më intensive janë në rritje si rezultat i ndryshimeve klimatike, duke çuar në përmbytje të shtuara që kërcënojnë jetët, të korrat dhe ujërat nëntokësore./REL

The post Qindra mijëra të evakuuar në Kinë për shkak të përmbytjeve appeared first on Albeu.com.