Përtej propagandës së Erion Veliajt, Tirana çdo ditë dhe më shumë zhytet në një kaos të vërtetë, për shkak të ndërtimeve pa kriter të kullave dhe infrastrukturës të shkatërruar pothuajse në çdo lagje të kryeqytetit.

Të shumta janë rrugët që çahen nga ndërmarrja e ujësjellës-kanalizimi dhe më pas qytetarët dhe banorët kalojnë një ‘kalvar’ vuajtjesh ku cdo ditë duhet të ecin në baltë, ujë dhe rrugë të shkatërruar.

Ditën e sotme, mjaftuan vetëm disa minuta shi për të shkaktuar “kaos” në kryeqytet, ku shumica e rrugëve kryesore janë të përmbytura.

Siç ndodh gjithmonë, edhe këtë herë pusetat e Veliajt janë të bllokuara, ndërsa qytetarët ndihen të braktisur nga kryebashkiaku që vetëm ‘firmos’ për ndërtimin e kullave, me qëllim betonizimin dhe shkatërrimin e Tiranës.

Raportohet për trafik të rënduar në gjithë Tiranën dhe probleme me qarkullimin e mjeteve dhe të njerëzve.

The post Vetëm pak minuta shi përmbyt rrugët e Tiranës (VIDEO) appeared first on Albeu.com.

Vërshimi i ujit ka përmbytur urën e Gjoricës, në afërsi të urës së Çerenecit. Drejtuesit e mjeteve janë përballur në befasi me praninë e ujit, ndërsa shkak dyshohet të jetë mosfunksionimi si duhet i hapsirave të kullimit.

Ndërkohë në by-pasin e Murrizit ka rënie të vazhdueshme të gurëve, por që nuk janë bërë shkak për bllokimin total të qarkullimit të automjeteve.

Nga ana tjetër strukturat e mbrojtjes civile në Qarkun Dibër, ju bëjnë apel banorëve që të njoftojnë për çdo problematikë që mund të shfaqet gjatë orëve në vijim, teksa pritet rritja e intensitetit të reshjeve të shiut.

The post Situata e motit në vend/ Shiu përmbyt Rrugën e Arbrit në Gjoricë të Bulqizës appeared first on Albeu.com.