Kujtojmë se një ditë më parë u paraqit në Prokurori ish-kryeministri Sali Berisha dhe deputeti Flamur Noka.

Ata do të pyeten edhe për akuzat se brenda selisë blu ka pasur persona të armatosur dhe me precedent penal. Basha e Bardhi do të pyeten gjithashtu nga prokurorët e rrethit edhe për dhunën me mjete të forta si dhe përdorimit të bombolave anti-zjarr nga personat që ndodheshin brenda gjatë tentativës së protestuesve të Berishës për t’u futur në seli./albeu.com/

The post Pas Berishës, sot paraqiten në prokurori Lulzim Basha dhe Gazment Bardhi appeared first on Albeu.com.

Paloka shkëput një fjali nga fjala e Escobar ku ai shprehet se është për të ardhur keq që dikush përdor dhunën dhe jo kutinë e votimit.

Deputeti demokrat thotë se të njëjtën gjë i kanë kërkuar dhe Lulzim Bashës që prej shtatorit të vitit të kaluar, pra të hyjë në votëbesim.

“Këtë kutinë e votimit po i kërkojmë Bashës që në shtator, po ai bëri çdo gjë, e çoi PD drejt përçarjes e shkatrrimit , vetëm sepse nuk e pranon atë “kutinë e votimit”, shkruan Paloka./albeu.com/

The post Escobar “nxiu” protestën e Sali Berishës, Paloka i përgjigjet “dhëmbë për dhëmbë”: Këtë po i kërkojmë Bashës appeared first on Albeu.com.

Për 23 mbështetësit e Sali Berishës seanca ka përfunduar ndërsa pritet të nisë për 11 të tjerët që ishin brenda selisë së PD-së. Në përkrahje të tyre veç Bardhit kanë mbërritur edhe avokatët mbrojtës.

Prokuroria kërkon për 29 persona masën “Detyrim paraqitje”, ndërsa për pesë prej tyre “Arrest shtëpie”.

Kujtojmë se të shtunën para selisë së PD-së u zhvilluar një protestë e dhunshme nga mbështetës të Sali Berishës që iu përgjigjën thirrjes së tij për largimin e kreut aktual, Lulzim Basha./albeu.com/

The post Gjykohen sot, Gazment Bardhi u vjen “në ndihmë” 11 të arrestuarve brenda selisë së PD appeared first on Albeu.com.

Gazetari Panorama.al, Mariglen Kume ka zbardhur debatin me dyer të mbyllura, ku mësohet se Basha është shprehur se Policia ka gënjyer ndërkombëtarët, ndërkohë që u ka ardhur në ndihmë deputetëve brenda selisë 37 minuta me vonese.

“Ajo që ndodhi më 8 janar me Policinë që u vonua 37 minuta për të ndërhyrë ishte prova më e fortë e bashkëpunimit Rama-Berisha për të marrë godinën me gjakderdhje. Policia është njoftuar edhe nga Garda e Republikës, përfaqësuesit e së cilës ishin në seli dhe nuk erdhi. Gënjeu partnerët tha se nuk ka njoftim nga PD-ja”, mësohet të jetë shprehur Basha.

Ndërkohë që gjatë diskutimit, Nënkryetari i PD-së, Enkelejd Alibeaj ka thënë se Lulzim Basha do mbahet mend gjithmonë si njeriu që hoqi Sali Berishën nga Politika.

DEBATI ME DYERT TË MBYLLURA NË PD:

Agron Gjekmarkaj: Edhe unë kam pasur informacion se do na respektonin në mënyrë të veçantë disave prej deputetëve. Ndërkohë, ne kemi dalë në takime me njerëzit nuk jemi mbyllur, por i pari që e ka këtë detyrim më shumë se kushdo është Lulzim Basha. Ju jeni kryetari i partisë dhe ju u bie detyrimi t’i sqaroni njerëzit i pari, vijmë edhe ne në krahun tuaj. Mbase nuk është e lehtë, do ketë edhe duf, edhe sharje edhe provokime, por duhet t’i përballojmë. Qytetarët duhet t’ju dëgjojnë dhe jam i bindur që komunikimi sjell pozitivitet.

Nuk jam dakord me fortifikime të PD-së, për ta parë atë si kështjellë. PD-ja është një institucion. Atë duhet ta mbrojë ligji pa asnjë kompleks. Nëse duhej demonstruar qëndresë deri tani është demonstruar. Për mua është kriminale të përballen njerëzit tani e tutje. Unë nuk mendoj se jam ndonjë trim i madh, por as për frikacak se njoh veten, por nuk jam stërvitur për karate e boks. Dita e 8 janarit ka qenë tragjike. Në pak minuta, gjithçka mund të eskalonte në ferr.

Ata njerëz që drejtuan turmën kundër nesh nuk na llogaritën në as për deputet, as për koleg, as për miq e as për njerëz. Nuk patën emocione për këtë. Ishin të qartë pa llogaritur që na kanë “shkarkuar” me 11 dhjetor. Na sulmuan me egërsi, me mjete dhune faqe gjithë botës. Ndonjë e dija për mik, dhe unë kurrë nuk do shkoja ta sulmoja dhe t’i vija në rrezik jetën e integritetin personal e publik. Sado i krishterë që ndihem kulturalisht e kam të vështirë bashkëjetoj me persona të tillë. Ndaj mbështes çdo vendim që kjo kryesi merr sonte për të ndëshkuar dhunën e datës 8 dhjetor, duke shpresuar që dikush do distancohet prej saj.

Kryesia e PD11

Ervin Salianji: Dhuna është e papranueshme dhe duhet të distancohet çdo përfaqësues i Partisë Demokratike, kriteri për përjashtim duhet te jete ky kufi, ndarja me dhunën dhe mjete para politike! Ky diferencim duhet te jetë edhe për të mos përjashtuar në bllok. Duhet të japim mundësinë e reflektimit dhe distancimit nga dhuna e pjesëmarrësve që mund të jenë aty dhe jam i bindur që janë aty për shkak të zhgënjimit dhe dëshpërimit të mosfitores në 25 prill! Nxitja për dhunë dhe përkrahja e dhunës duhet të jetë kriteri ndarës për përjashtimin ose bashkëjetesën, nëse ka kolegë që pranojnë rriskimin e jetës dhe eliminimin fizik të drejtuesve të degëve, të Këshillit Kombëtar, deputetëve kjo është vijë ndarëse dhe këtu nuk i kemi përjashtuar ne, por ata!

Dalja në terren dhe kontakti me demokratët duhet të ishte i shpeshtë në këto muaj, madje dhe zëvendësimi i kujtdo që nuk ka më peshë elektorale ose është i papranueshëm për demokratët apo qytetarët në zonat që mbulojnë, ne kemi tentuar të imponojmë politikanë të diskredituar që populli i ka refuzuar me votë disa herë! Merita duhet të kthehet në themel të kësaj force….

Lulzim Basha: Ajo që ndodhi më 8 janar me Policinë që u vonua 37 minuta për të ndërhyrë ishte prova më e fortë e bashkëpunimit Rama-Berisha për të marrë godinën me gjakderdhje. Policia është njoftuar edhe nga Garda e Republikës, përfaqësuesit e së cilës ishin në seli dhe nuk erdhi. Gënjeu partnerët tha se nuk ka njoftim nga PD-ja.

Rolant Bejko: Të gjithë dhunuesit e mijë më dukeshin me fytyrën e Berishës dhe në fakt ajo që mora vesh më vonë ishte se të gjithë ishin kushërinjtë të tij. Ne duhet të shkëputemi një herë e mirë nga këta.

Enkelejd Alibeaj: Mos e marrshim kurrë pushtetin, por një gjë do të mbetet një vlerë: që ti ke përjashtuar Sali Berishën dhe këtë nuk do ta harrojnë njerëzit. Ne sot ke përballë PS-LSI dhe Berishën. Ne do ta kemi të vështirë duhet të përjashtohej e të ikë nga politika.

Endri Hasa: Ata erdhën për të na vrarë dhe ne vazhdojmë të diskutojmë për t’u ulur me të njëjtën tryezë dhe për të ndarë vendimmarrje të përbashkëta? Ata nuk mund dhe nuk duhet të jenë këtu. Ata erdhën të organizuar për të dhunuar dhe për të vrarë, në të mendohemi? Nuk behet politikë më dhunën, më 8 janar mjetet politike mbaruan! Në 8 janar ishte vetëm një turmë banditësh që erdhi për të dhunuar. PD-ja është parti perëndimore dhe ne duhet të distancohemi përfundimisht nga të gjithë ata që nuk e përfaqësojnë këtë. E kam thënë që në mbledhjet e shkuara, që gjërat nuk zgjidhen duke i ardhur anash e anash.

Italianet thonë “duhet këputur koka e demit, po nuk ia këputëm kokën demit, do të kemi pasoja të tjera”. Unë s’mund të pajtohem me njerëz që nxitën dhe frymëzuan dhunë në 8 janar! Ata nuk janë kurrsesi demokrat, rruga jonë me ta është ndarë njëherë e përgjithmonë. Nëse kjo është partia e tyre, kjo nuk është partia ime. Kush ka hyrë në oborr në krah të atyre që mbanin hunj dhe leva ka damkën e kriminelit, jo të demokratit. Vendimet sot duhet të jenë shumë të forta. As Edi Rama, s’ka arritur të shkojë deri këtu. Kush erdhi për gjak, nuk mund të ketë vend në këtë parti, sot dhe kurrë./Panorama/

The post “Duhet t’i këpusim kokën demit” zbardhet debati me dyer të mbyllura në PD! Basha akuzon Policinë: Donin gjakderdhje! appeared first on Albeu.com.

Sipas Gjatës, Haxhiu i kishte bërë thirrje kryeministrit të ndërhynte, pasi sipas tij Berisha po arrinte fitoren.

Ndërsa Haxhiu as e ka mohuar dhe as nuk e ka pohuar diçka të tillë duke i thënë që të flisnin pas emisionit.

Komentet u bënë në studion e emisionit Opinion, ku të dy personazhet ishin të ftuar.

Pjesë nga diskutimi në studio:

Gjata: E ke marr 6 herë në telefon Edi Ramën dhe i ke thënë ço policinë se mbaroi Lul Basha, se hyri Sali Berisha, se morën fund të gjithë! 6 herë!

Por Rama kishte bërë skenarin, e la që u hap dera e parë e blinduar dhe pastaj ndërhyri. I kërkoi edhe kërkesën me shkrim për ta mbajt peng Lul Bashën. Pra nënshkruaje me policinë.

Haxhiu: Me hy brenda meje dikush…. e pranoj!

Gjata: E di shumë mirë ti Baton!

Haxhiu: Mirë, e di shumë mirë

Gjata: 6 herë e ke marr Edi Ramën në telefon, fut policinë se mbaroi Lul Basha, hyri Berisha, na mori në qafë të gjithëve.

Haxhiu: Nuk i intereson shikuesit kjo. Mbas emisionit flasim…/albeu.com/

The post Çlirim Gjata “i përvishet” Baton Haxhiut: 6 herë e ke marrë Ramën në telefon, i the fut policinë se mbaroi Basha appeared first on Albeu.com.

Lajmin e ka bërë me dije administratori i përgjithshëm i selisë blu, Albert Avdyli.

Më tej në deklaratë thuhet se çdo tentativë për të sulmuar apo dhunuar PD do të marrë përgjigje ligjore të merituar.

NJOFTIM I ADMINISTRATORIT TË PËRGJITHSHËM TË PARTISË DEMOKRATIKE, ALBERT AVDYLI

8 janari ishte një ditë e keqe për demokratët!

Më 8 janar një skenar dhune i parapërgatitur u zbatua ndaj Partisë Demokratike, duke rrezikuar jetën e dhjetëra demokratëve brenda dhe jashtë selisë. Jo vetëm që urdhëruesit, organizuesit dhe ekzekutorët nuk u distancuan nga dhuna, por rinisën në mënyrë të papërgjegjshme thirrjet për më shumë dhunë dhe për gjak.

PD nuk mundet kurrë të shndërrohet në arenën e përplasjes mes demokratëve.

PD është distancuar dhe distancohet nga dhuna. Për ne, asgjë nuk vlen më shumë se jeta e qytetarëve, jeta e demokratëve, që më 8 janar u perdorën si mish per top nga njeriu që i kanë shërbyer në 30 vite. Të zëvendësosh 44 mijë “anëtarë” të pretenduar partie, me 44 mijë copa betoni, gurë dhe hekura që hidhen mbi kokat e demokratëve që janë brenda selisë, është tentativë për t’iu imponuar shumicës me dhunë dhe mashtrime.

E dhimbshme ta them, por pas tentativës për të vrarë demokratët, Sali Berisha dhe çdokush tjetër që zbatoi apo frymëzoi dhunën ndaj PD dhe demokratëve, kanë ndërprerë çdo marrëdhënie me partinë dhe institucionin. Çdo tentativë e tyre për të sulmuar apo dhunuar Partinë Demokratike do të marrë përgjigje ligjore.

Tentativat e tyre për dhunë dhe gjak do të dështojnë, sepse, siç u vërtetua më 8 janar, dhuna dhe gjuha e dhunës është e shkuara dhe jo e ardhmja e kësaj partie. PD do të njoftojë zyrtarisht institucionet ligjzbatuese të vendit dhe partnerët nderkombëtarë për listën e plotë të atyre që organizuan, nxitën, përgatitën dhe ekzekutuan dhunën mbi demokratët, të cilët nuk i lidh më asgjë me selinë e PD dhe me demokratët.

Pas dhunes se 8 janarit dhe përpjekjeve të vazhduara për të dhunuar dhe dëmtuar selinë e PD, të cilat kanë edhe kosto financiare, PD do të marrë çdo masë shtesë sigurie të nevojshme.

PD është e hapur vetëm për debate, diskutime dhe mendim ndryshe, jo për akte dhune që tentojnë të zëvendësojnë shumicën legjitime të demokratëve./albeu.com/

The post Gati “lista e zezë” e PD, çfarë po paralajmëron administratori i selisë blu: Do i çojmë te ndërkombëtarët appeared first on Albeu.com.

Gjatë fjalës së tij bie në sy se ai ka theksuar se nuk mund të negociojë kurrë me përkrahësit e Sali Berishës, pasi sipas tij nuk mund të ulesh në të njëjtën tryezë me ata që kishin shkuar në PD për të vrarë deputetët.

Ai gjithashtu ka shtuar se Partia Demokratike është një parti perëndimore dhe duhet të ndahet përfundimisht nga sjellje të tilla.

“S’mund të negocioj uljen në tryezë me ata që erdhën në PD për të na vrarë!

Do te ishte e veshtire per mua por edhe per te gjithe koleget te perballeshim me vendime per perjashtimin apo pezullimin e funksionareve apo ish-funksionareve qe kane mbajtur detyra te rendesishme ne kete parti. Por pas 8 Janarit, s’mund te fshihemi pas gishtit. Ne nuk mund te jemi perbashkues me ata qe te fusin shkopinj nen rrota. Ata kane sot per qellim vetem qe te pengojne axhenden tone politike kunder qeverise dhe rikthimin e PD ne pushtet. Pjesa me e madhe e anetareve te kryesise ishin deshmimtare okulare te asaj qe ndodhi ne 8 Janar. Ata erdhen per te na vrare, dhe ne vazhdojme te diskutojme per tu ulur me te njejten tryeze dhe per te ndare vendimarrje te perbashket? Ata nuk mund dhe nuk duhet te jene ketu. Ata erdhen te organizuar per te dhunuar dhe per te vrare, ne te mendohemi? Nuk behet politike me dhunen, me 8 janar mjetet politike mbaruan! Ne 8 janar ishte vetem nje turme banditesh qe erdhi per te dhunuar. PD eshte parti perendimore dhe ne duhet te distancohemi perfundimisht nga te gjithe ata qe nuk e perfaqesojne kete. E kam thene qe ne mbledhjet e shkuara, qe gjerat nuk zgjidhen duke i ardhur gjese anash e anash, kur gjeja duhet zgjidhur ne kohe. Italianet thone “duhet keputur koka e demit, po nuk ia keputem koken demit, do te kemi pasoja te tjera”. Une smund te pajtohem me njerez qe nxiten dhe frymezuan dhune ne 8 janar! Ata nuk jane kurrsesi demokrat, rruga jone me ta eshte ndare njehere e pergjithmone. Nese kjo eshte partia e tyre, kjo nuk eshte partia ime. Kush ka hyre ne oborr ne krah te atyre qe mbanin hunj dhe leva ka damken e kriminelit, jo te demokratit. Vendimet sot duhet te jene shume te forta. As Edi Rama ska arritur te shkoje deri ketu. Kush erdhi per gjak, nuk mund te kete vend ne kete parti, sot dhe kurre.

Pjesë nga fjala ime në mbledhjen e Kryesisë 10 Janar 2022!”, ka shkruar Hasa në Facebook./albeu.com/

The post Endri Hasa e thotë troç: S’mund të negociojë me ata që erdhën për të na vrarë (FOTO LAJM) appeared first on Albeu.com.

Ngjela u shpreh se Basha nxorri jashtë partisë thuajse të gjithë të korruptuarit që pritet që të penalizohen në ditët në vijim.

“Basha dje e bëri të vetën: e nxori jashtë Partisë thuajse të gjithë kurrupsipnin e lartë që pritet të penalizohet. Po Rama?”, shkruan Ngjela në Facebook.

Kujtojmë se Basha se bashku me anëtarët e Kryesisë vendosi sot rreth orës 03:00 të mëngjesit për të përjashtuar nga Partia Demokratike Sali Berishën dhe anëtarët e tjerë të Komisionit të rithemelimit dhe vendosi që të pezullonte të tjerë mbështetës të Berishës./albeu.com/

The post “Godet” Spartak Ngjela: Basha e bëri të vetën, i përjashtoi të korruptuarit nga PD! Po Rama? appeared first on Albeu.com.

Një komentues e ka “ngacmuar” Lalën duke i thënë se i duket se është me Partinë Demokratike. Këtij komenti, Lala ka zgjedhur t’i përgjigjet.

“Unë e Artan Hoxha vetëm me parti nuk jemi dhe as do jemi. Kostumi i politikës është i pistë  vëlla”, i shkruan Lala./albeu.com/

The post Me kë parti janë Artan Hoxha dhe Klodiana Lala? Gazetarja e thotë troç! (FOTO LAJM) appeared first on Albeu.com.

Burime për albeu.com bëjnë me dije se Kryesia ka vendosur përjashtim përgjithmonë të Sali Berishës nga PD.

Gjithashtu Kryesia ka vendosur përjashtim edhe për 8 anëtare të Komisionit të Rithemelimit:

-Bujar Nishani

-Flamur Noka

-Albana Vokshi

-Edmond Spaho

-Arben Ristani

-Klevis Balliu

-Keltis Kruja

Po ashtu, Kryesia ka vendosur edhe shkarkimin e drejtuesve politikë:

-Belind Kelind Kellici-Tirane

-Albana Vokshi-Tirane

-Aldo Bumci-Tirane

-Agron Shehaj-Tirane

-Flamur Noka

-Tritan Shehu-Gjirokaster

-Bujar Leskaj-Vlore

-Edmond Spaho-Korce

-Edi Paloka-Durres/albeu.com/

The post Akuzohet për sulmin mbi selinë blu, Sali Berisha përjashtohet përfundimisht nga PD appeared first on Albeu.com.